Xa̱bo̱ Róma̱ 14 నుండి ప్రసిద్ధ బైబిల్ శ్లోకాలు

షేర్ చేయి

Numuu rí napholóꞌ o rí nawanlóꞌ mbo̱ꞌ, tsísngájma rúꞌkhue̱n xí Ana̱ꞌlóꞌ ñajuun tsí naꞌthán-ñájwanlóꞌ. Rí phú i̱tha̱án gíꞌdoo numuu ñajuun rí mu̱ꞌne̱lóꞌ rí máján, rí ma̱juwalóꞌ tsímáá jamí gagi ga̱jma̱á majñu̱u̱ Xu̱u̱ꞌ Ana̱ꞌlóꞌ. Tsí xkuaꞌnii nayumbáá inuu Krísto̱, tsúꞌkhue̱n tsí na̱ni̱gu̱u̱ꞌ Ana̱ꞌlóꞌ jaꞌyoo, xúꞌkhue̱n máꞌ nuthan rí máján xa̱bo̱ ga̱jma̱á numuu̱.

Xí nduꞌyalóꞌ, juwalóꞌ ga̱jma̱á numuu Táta̱. Jamí xí nijáñalóꞌ, nijáñalóꞌ ga̱jma̱á numuu máꞌ Táta̱. Ikhaa jngó, xí nduꞌyalóꞌ o nijáñalóꞌ mbo̱ꞌ, xa̱bi̱i máꞌ Táta̱ ñajwanlóꞌ.

Ikhaa jngó, gu̱ꞌxná-mijnálóꞌ tsiakhe̱ rí mu̱ꞌne̱lóꞌ rí nambáyúu rí ma̱juwalóꞌ tsímáá, jamí rí ma̱gajáanꞌlóꞌ mbá xúgiáanꞌlóꞌ.

Ikhaa numuu rúꞌkhue̱n, gu̱ni̱ꞌñáálóꞌ rí nuꞌthán numa-mijnálóꞌ. A̱ꞌkhue̱n gakon, gu̱ꞌgí-mijnálaꞌ rí mu̱xúne̱laꞌ rí ma̱ꞌne wabaa o ma̱ꞌne a̱jma̱ a̱kui̱in nimbáa dxájwalóꞌ.

Numuu rí xkuaꞌnii ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Xáꞌnii iꞌthán Táta̱: Na̱xu̱ꞌdá-mina̱ꞌ ga̱jma̱á numuꞌ máꞌ ikhúúnꞌ, rí jámba̱a̱ xa̱bo̱ masmáti̱go̱o̱ ná inuꞌ, jamí mbá xúgíin xa̱bo̱ tsí júwa̱ꞌ ná numbaa mune̱-mbu̱únꞌ ikhúúnꞌ». Ikhaa jngó, mbámbáa tsí ikháánꞌlóꞌ maꞌthán ná inuu Ana̱ꞌlóꞌ ga̱jma̱á numuu rí neꞌne.

Gu̱drígúunlaꞌ tsí na̱nguá wéje̱-gúkúu a̱kui̱ín ná inuu Ana̱ꞌlóꞌ, i̱ndo̱ó máꞌ numuu rí ra̱ꞌkháa rí ma̱tsa̱ña̱ꞌlaꞌ gajmiálaꞌ ga̱jma̱á numuu rí kriꞌkhu rí na̱ju̱múu̱.

Tsáa ñajwaanꞌ ikháánꞌ kajngó ma̱ra̱tha̱n rí ra̱máján eꞌne yumbée xa̱bo̱ róꞌ. Á máján o ra̱máján iꞌnii̱, xa̱bo̱ tsí gíꞌdaa yumbée jaꞌyoo rí maꞌthán rúꞌkhue̱n. I̱ndo̱ó máꞌ numuu rí ma̱ga̱jnúu̱ mújúu̱n máꞌ, numuu rí Táta̱ tsí naꞌthán-ñájun gíꞌdoo tsiakhe̱ ma̱ꞌne rí ma̱ga̱jnúu̱ mújúu̱n.