Popular Bible Verses from تكوين 15

షేర్ చేయి

وَ أَبْرَامْ آمَنْ بِكَلَامْ اللّٰهْ وَ فِي شَانْ إِيمَانَهْ، اللّٰهْ جَعَلَهْ نَادُمْ صَالِحْ.

وَ بَعَدْ دَا، اللّٰهْ حَجَّى لِأَبْرَامْ فِي رُؤْيَةْ وَ قَالْ لَيَّهْ: «أَبْرَامْ! مَا تَخَافْ. أَنَا قَاعِدْ مَعَاكْ. أَنَا دَرَقَتَكْ. وَ نَنْطِيكْ أَجُرْ كَبِيرْ بِلْحَيْن.»

وَ اللّٰهْ مَرَقَهْ بَرَّا مِنْ خَيْمِتَهْ وَ قَالْ لَيَّهْ: «صَنْقِعْ وَ شِيفْ السَّمَاءْ وَ أَحْسِبْ النُّجُومْ كَنْ تَقْدَرْ.» وَ قَالْ لَيَّهْ بَتَّانْ: «ذُرِّيّتَكْ كُلَ تَبْقَى كَتِيرَةْ مِثِلْ النُّجُومْ دَوْل.»

خَلَاصْ، اللّٰهْ قَالْ لَيَّهْ: «لَا! هُو مَا يَوْرِثَكْ. لَاكِنْ الْيَمْرُقْ مِنْ صُلْبَكْ بَسْ يَوْرِثَكْ.»

وَ اللّٰهْ قَالْ لِأَبْرَامْ: «أَعَرِفْ تَمَامْ كَدَرْ بَعَدَيْن ذُرِّيّتَكْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

وَ أَبْرَامْ قَالْ: «يَا اللّٰهْ رَبِّي، تَنْطِينِي شُنُو؟ أَنَا مَا عِنْدِي عِيَالْ وَ النَّادُمْ الْيَوْرِثْنِي هُو أَلِعَازَرْ مِنْ حِلَّةْ دِمَشْق.»

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

وَ ذُرِّيّتَكْ الرَّابْعَةْ يِقَبُّلُوا هِنِي فِي بَلَدْ الْأَمُورِيِّينْ. أَشَانْ ذَنِبْ الْأَمُورِيِّينْ لِسَّاعْ مَا لِحِقْ حَدَّهْ.»