Ruk. 14 నుండి ప్రసిద్ధ బైబిల్ శ్లోకాలు

షేర్ చేయి

“Shuar ni aparí̱ncha, ni nukurí̱ncha, nua̱ri̱ncha uchirí̱ncha, yachi̱ncha, umai̱ncha Wiji̱a̱i̱ naṉkaamas enentáimtakka tura shiir pujustinian wakerak Winí̱ winitniun nakitiakka winia unuiniamur ajaschamniaiti.

Ni wakeramuri̱n ajakeak ni krusri̱ yanakí̱ nemartatsna nu winia unuiniamur ajaschamniaiti.

Iimiata, ‘peṉkerintjiai’ tu enentáimtuma nuka péejchach awajnástatui. Tura ímianchach enentáimtumana nuka waantu ajastiniaiti” tímiayi.

Wats, ‘Kristu unuiniamuri̱ ajastinji̱a̱i̱ wi takakjana ju̱na warí winia itiurtawa’ tu enentáimsatniuitrume. Túrachkurmeka winia unuiniamur ajastin tujintiarme.

Je̱a̱ yakí̱ je̱a̱mtaj tusam wakerakmeka kuítian urutmak ajapawaintiaj tusam tura urutmaja̱i̱ṉᵏⁱ amukáintiaj tusam emka enentáimsashtatmek. Túrutsuk aya ukura iniaisam amuktin tujintkiakmiṉkia nuna wainiainia nu wishikramainiak ju̱na tiártatui ‘Iiskua. Nu shuar je̱a̱mtinian naṉkamamai. Túrasha amuktinian tujintkiamai.’

Antsu yurumáití tusam untsuktajtsam wakerakmeka kuítrincha tura wekaicha, shutuapsha nuyá̱ kusurúsha ipiaawarta. Nisha akirmáktinian tujintiainiawai. Péṉker shuar nantakiartatna nui̱ akinkiáttame. Nu tuma asamtai warastatme” tímiayi.

Weeka jeaku péṉkeraiti. Tura míchuitkiuṉka ¿itiurak ataksha jeá jeat ati? Wee míchuitkiuṉka araatniunmasha yaya̱a̱tsui. Tura tsuatnum ikiusmasha ántraiti. Aya ajapatniukete. Kuishim ákuiṉkia antuktarum” tímiayi.