Wani 21 నుండి ప్రసిద్ధ బైబిల్ శ్లోకాలు

షేర్ చేయి

Merikɨtsɨ mete'ukwaku Ketsutsi mɨpaɨ Tsimuni Pekuru katiniutahɨawe: —Tsimuni 'aku, Wani nu'aya, ¿waɨkawa penetinaki'erie, mɨkɨ 'etsiwa xeikɨa menetsinaki'eriekaku? Pekuru mɨpaɨ katinita'eiya: —Huu, Ti'aitame. 'Ekɨ pepɨtimate nemɨmatsinaki'erie. Hikɨ Ketsutsi mɨpaɨ katinitahɨawe: —Merikɨte, nemuxatsima tɨɨrixi ketiniwarumikwa. Hikɨ hutarieka mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Mɨkɨ mɨpaɨ katinita'eiya: —Huu, Ti'aitame. 'Ekɨ pepɨtimate nepɨmatsinaki'erie. Ketsutsi mɨpaɨ katinitahɨawe: —Nemuxatsima keniwa'ɨwiyani. Hairiekari Ketsutsi mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Pekuru kaniyuhiweriekaitɨni hairieka «¿Penetinaki'erie?» mɨtitahɨawixɨkɨ. 'Ayumieme mɨpaɨ katinitahɨawe: —Ti'aitame, 'ekɨ naime pekatinimaika, pepɨtimate nemɨmatsinaki'eriekɨ. Ketsutsi mɨpaɨ katinitahɨawe: —Nemuxatsima ketiniwarumikwa.

Yurikɨ mɨpaɨ nekanaineni, kepauka pemɨtemaikɨtɨkaitsie 'akɨmana pekane'ahɨayakaitɨni petikuyeikakaita hakewa pemeuyeimɨkɨkai. Kepauka 'ukiratsi pemayanitsie, xewitɨ kamenanahɨamɨkɨ meranuhanata hakewa pemɨkaheuyeimɨkɨtsie, 'amamá pekanitatseraxɨamɨkɨ.

Hikɨ mɨpaɨ katiniwarutahɨawe: ―Wipi kanuwa tserieta xekeneukawiwi, mana xekaniwakaxeiyakuni. Hikɨ mana mekaneikawiwieni, mepɨyutatexi me'ihanatɨ memɨyuwaɨkawakaikɨ tsapari.

Tsimuni Pekuru mɨpaɨ katiniwarutahɨawe: —Ne nepɨketsɨweiyamie. Hipatɨta mɨpaɨ mekatenitahɨawe: —Tameta 'ahamatɨa tepuhu teyunaitɨ. Mana mekanekɨne, kanuwatsie mekanikayaxe, mɨkɨ tɨkaritsie tixaɨtɨ mepɨkate'u'axixɨ.