Popular Bible Verses from MATIUS 7

షేర్ చేయి

“Nyat ne, ina le ikem ke alaʹ a. Mita ne, ina le ikem ke un ne. Megoʹ ne pamen, ina le pamen kenai pesik mikem.

Ban ne aheʹ iaʹ ke nyat, ia lete iaʹ ke alaʹ a. Ngan aheʹ iaʹ mita, ia lete iaʹ ke un ne. Ngan aheʹ iaʹ ke megoʹ pamen, me ia lete pamen ke pesik.

“Tuman ina, aheʹ kelunan iaʹ ngeringa dau tiraʹ keʹ ini, mentung nge bayaʹ a, ia pekuaʹ koʹ baʹan ca kelunan iaʹ mencam, iaʹ medeng amin ne neng usun batu.

“Puyan iaʹ ikem ubaʹ dulu ke uyan neng ikem, tekep lete ikem ke uyan puyan ina neng dulu. Ini ne atek sen Katuk Adet Musa, ngan sen katuk diaʹ pegawa cen naʹaʹ.”

Un sepuʹo singen pamen iaʹ tai ngkin kelunan palaʹ udip, ngan mahan masat neng idi. Bang kediʹut le kelunan diaʹ dapit neng janan inaʹ.”

“Tai ne ikem kaʹ dalem cen pamen iaʹ singen, uban nawa pamen ngan bioʹ janan iaʹ tai ngkin kelunan palaʹ ukum luten. Ngan kadoʹ kelunan diaʹ tai bayaʹ janan ina.

Naʹ pe kumpin jaʹat cem, ina hem tisen ke naʹ inu iaʹ tiga me anak kem lete. Nco ne pelaʹa Amai hem iaʹ kaʹ surga ke naʹ inu iaʹ tiga me ikem buk kem nyat neng ia.

“Ayen ncem pebetep dau salaʹ neng dulu, idi Tuhan Allah abeʹ un ke pebetep dau salaʹ neng ikem. Ban ne Allah ke pebetep dau salaʹ kem koʹ baʹan ncem pebetep dau salaʹ dulu diaʹ ca are. Ngan tukaʹ iaʹ ikem ke man pebetep dau salaʹ dulu, man ina lete Allah ke pebetep dau salaʹ kem.

“Ngan aheʹ iaʹ ngeringa dau tiraʹ keʹ ini, ngan abeʹ un bayaʹ dau ue, kelunan ina pekuaʹ koʹ baʹan ca kelunan iaʹ mabi, iaʹ uyan amin ne neng usun ahit.

Moʹ inu hoʹ nugen pelem kaʹ mata cenganak koʹ, un sepuʹo abeʹ koʹ pesingo ca batang kayu iaʹ un neng mata hoʹ tengen? Adeʹ koʹ makang kuma dau neng cenganak koʹ: ‘Talan ne akeʹ sau pelem iaʹ un neng mata hoʹ ina,’ petem me un ca batang kayu neng mata hoʹ tengen?

“Jagaʹ ne ikem neng pegawa palo. Ban ne ida ke nai palaʹ ikem koʹ baʹan diseʹ puyan dumba are tahaʹ awang, un sepuʹo iaʹ tahaʹ dalem, ida ne atek lencau iaʹ minget. Kuʹun ban puyan pemuyan nte, ikem ke tisen ida. Ban ne abeʹ inan suhaʹ ke un buʹan buaʹ anggur, ngan kelukun suhaʹ abeʹ e ke un buʹan buaʹ abung.

Pekina lete inan buaʹ iaʹ tiga ke un buʹan iaʹ tiga, ngan inan buaʹ iaʹ jaʹat ke un buʹan iaʹ jaʹat.

Inan buaʹ iaʹ tiga, abeʹ e senteng ke un buʹan iaʹ jaʹat, ngan pekina pe inan buaʹ iaʹ jaʹat, abeʹ e senteng ke un buʹan iaʹ tiga.

Tuman ina, inan buaʹ iaʹ abeʹ un ke un buʹan iaʹ tiga, dulu ke nepeng ngan nutung nge.