Popular Bible Verses from SAN JUAN 10

షేర్ చేయి

Imonda vae ou ko oñomi vaerä, oyuka vaerä jare omokañɨtei vaerä. Ërei che ayu ko amee vaerä tekove, jare oime avei vaerä tekove katu.

Che ko jae vecha reta iyangarekoa ikavi vae. Vecha reta iyangarekoa ikavi vae omano vecha reta oepɨ vaerä.

Chevecha reta oendu cheñee. Aikuaa chevecha reta, jare jae reta yogüɨraja cheraɨkue.

Jare amee chupe reta tekove opambae vae, jare ngaraa etei omano reta. Ngaraa kia ipuere opɨ̈ro chegüi.

Che ko jae öke. Che rupi oike vae oyemboasaukata ko. Oiketa jare oëta jare oväeta mbae jou vaerä.

Che ko jae vecha reta iyangarekoa ikavi vae. Aikuaa chevecha reta jare chevecha reta chekuaa vi.

CheRu omee ma cheve kuae vecha reta vae, imbaepuere tuicha yae opaete vae güi. Jare ngaraa kia ipuere opɨ̈ro cheRu güi. CheRu jare che meteiño ko.

Jökorai CheRu chekuaa jare che aikuaa vi. Jare che amee cherekove vecha reta re.

Mbaetɨ kia ipuere oekɨ chegüi cherekove. Ameeta che aipota ramo. Anoi mbaepuere amee vaerä, jare anoi mbaepuere aikove ye vaerä. Kuae mborookuai cheRu omee cheve.”

Jesús jei chupe reta: “Añetete che jae peve, che ko jae vecharókai jöke rami.

Ërei korepoti re vecha reta re oyangareko vae, oecha yave aguarayaɨmba ou, oeya vecha reta jare otekuarai. Echa vecha reta iyangarekoa ikavimbae ko, jare vecha reta imbaeä vi. Jare aguarayaɨmba ou oipɨɨ amogüe vecha reta, jare ïru vecha reta opa oñemoai.

Jesús jei: “Añetete che jae peve, mbaetɨ oike vecharókai jöke rupi vae, ërei ïkotɨa rupii oike vae, imonda vae ko.