Popular Bible Verses from SAN JUAN 17

షేర్ చేయి

Eñono tee reta neñee añete vae rupi. Neñee ko jae añete vae.

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Kuae reta reñoä ayerure ndeve, ayerure ko ndeve kuae reta imiari vae rupi güɨroviata cheré vae reta re. Ayerure ndeve opaete jae reta yogüɨreko vaerä metei ramiño. Nde cheRu Tumpa, reiko che ndive meteiño, jare che nde ndive. Jaeramiño vi jae reta toyogüɨreko metei ramiño vi yande ndive, ɨvɨ pegua reta güɨrovia vaerä nde ko chembou vae.

Mbaetɨ ayerure ndeve renoe vaerä kuae ɨvɨ güi. Ayerure ko ndeve reñovatu vaerä ikavimbae güi.

Nde mbaemboete remee cheve vae, amee vi chupe reta, jae reta yogüɨreko vaerä metei ramiño, yande rami. Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.