Popular Bible Verses from SAN LUCAS 6

షేర్ చేయి

Pemee mbae ïru vae reta pe, jare ïru vae reta omeeta vi mbae peve. Jae reta omeeta peve jeta yae. Echa ïru vae pe peyapo rami, oyeapota vi peve.”

Kuimbae ipɨa ikavi vae, jei mbae ikavigüe vae. Jare kuimbae ipɨa ikavimbae, jei vi mbae ikavimbae. Echa ipɨa pe yemongeta güɨnoi vae ko omoë iyuru rupi.

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

Peporoparareko, peRu Tumpa iporoparareko rami.

Agüɨye pemboeko voi ïru vae, agüɨye vaerä peyemboekouka. Agüɨye peiporarauka voi ïru vae pe mbae re, agüɨye vaerä vi peiporara. Peɨ̈ro ïru vae pe, iñɨ̈ro vaerä vi peve vae.

Ërei pe reta peyeapɨsaka cheré vae pe jae kuae: Peaɨu perovaicho reta, jare peyapo ikavi vae pemotareɨ vae reta pe. Peñee kavi oyepopeyu peré vae reta kotɨ; peyerure Tumpa pe indaye pekotɨ vae reta re.

Peipota yave ïru vae reta oyapo peve ikavi vae, peyapo ïru vae reta pe ikavi vae.

Okua nderovaɨke re vae pe, erova vi jovaicho chupe. Jare nderemimonde iarambogua opɨ̈ro ndegüi vae, emaeño vi togüɨraja nderemimonde. Kia oyerure ndeve mbae re vae pe, emee. Jare kia ndembaembae güɨraja ndegüi vae yave, agüɨye eeka ye chupe.

Temitɨ ikavimbae ko ia ikavimbae vae, ani temitɨ ikavimbae vaeä ko ia ikavi vae.

Echa opaete ɨvɨra ia re ko yaikuaa. ¿Yaipoota pa ɨva guayapa güi, ani uva oipotagüe yai güi?