پیدایش ۲۰
۲۰
ایبراهیم و ابی‌ملک
۱ پس ایبراهیم جٚه اویه به طرفٚ جنوب، نِگِبٚ زیمینأن کوچ بوکوده، و قادش و شورٚ میأن ساکن بوبوسته. مدتی جِرارٚ دورون زندگی بوکوده ۲ و اویه درباره‌یٚ خو زن سارا بوگفته کی «اون می خأخوره». هَنٚ وسی ابی‌ملک، جِرارٚ پادشاه اوسه کوده کی سارایَ ببرید.
۳ ولی خودا ایتأ شب خوابٚ میأن ابی‌ملکَ ظاهرَ بوسته و اونَ بوگفته: «هسه تو اَ زنأکٚ وسی کی ببردی میری، چونکی اون مرد دأره.»
۴ ابی‌ملک هنوز اونٚ اَمرأ نزدیکی نوکوده‌بو. پس بوگفته: «خودایا، ایتأ قومٚ بی‌گونایَ هلاکَ کونی؟ ۵ مگر ایبراهیم مرَ نوگفته کی: ‹اون می خأخوره›؟ و سارا خودشم نوگفته کی: ‹اون می برأره›؟ من دس و دیلٚ پاکٚ اَمرأ اَ کارَ بوکودم.»
۶ او وخت خودا خوابٚ میأن اونَ بوگفته: «منم دأنم کی دیل پاکٚ اَمرأ اَ کارَ بوکودی و منم تی جُلُویَ بیگیفتم کی می ضد گوناه نوکونی و هَنٚ وسی ونأشتم کی اونٚ دس بزنی. ۷ پس هسه اَ مردأکٚ زنَ وأگردأن چونکی اون نبی‌یه و تِره دوعا کونه و تو زنده مأنی. امّا بدأن اگه اونٚ زنأکَ وأنگردأنی، تو و تومامٚ تی آدمأن حتماً میریدی.»
۸ صبحٚ دم ابی‌ملک ویریشته، تومامٚ خو نوکرأنَ دوخوأده، همه چی‌یَ اوشأنَ بوگفته و اوشأن خیلی بترسه‌ییدی. ۹ بَزین ابی‌ملک ایبراهیمَ دوخوأده اونَ بوگفته: «اَمی اَمرأ چی بوکودی؟ در حق تو چی گوناهی بوکوده‌بوم کی می سر و می مملکتٚ سر بلا بأوردی؟ کاری‌یَ بوکودی کی نوَستی بوکوده‌بی» ۱۰ ابی‌ملک ایبراهیمَ وَورسه: «چی وسی اَ کارَ بوکودی؟»
۱۱ ایبراهیم جواب بدَه: «می اَمرأ بوگفتم: ‹اَیه هیکس خودا جَا نترسه و مرَ می زنٚ وسی کوشیدی.› ۱۲ راس راسی‌یم اون می خأخوره، می پئرٚ دوختره ولی می مارٚ جَا نی‌یه و می زن بوبوسته. ۱۳ وختی کی خودا مرَ می پئرٚ خانه جَا آواره کوده، می زنَ بوگفتم: ‹ایتأ خوبی مرِه وأ بوکونی و اون اَنه کی هر جا بیشیم بیگی کی اَن می برأره.›»
۱۴ پس ابی‌ملک گاب و گوسفند و نوکر و کولفت اوسَده ببخشه ایبراهیمَ و اونٚ زن سارایَ وأگردأنه اونٚ ورجه. ۱۵ و ابی‌ملک بوگفته: «هسه می سرزیمین تی جُلُو نهَه؛ هر جا کی دوس بدأشتی ساکن بوبو.» ۱۶ و سارایَ بوگفته: «تی برأرَ هیزارتأ سکه نقره فدم، اَن تومامٚ اوشأنی ورجه کی تی اَمرأ ایسَه‌ییدی، ایتأ نیشأنه‌یه تی بی‌گوناهی وسی. تو مردومٚ جُلُو جٚه گوناه مبرایی.»
۱۷ او وخت ایبراهیم خودا حضور دوعا بوکوده، و خودا ابی‌ملک و اونٚ زن و کولفتأنَ شفا بدَه تا بتأنید زأی بأورید. ۱۸ چونکی خوداوند ایبراهیمٚ زنٚ سارا وسی، ابی‌ملکٚ خانه زنأکأنٚ رحمَ دَوَسته‌بو.
ప్రస్తుతం ఎంపిక చేయబడింది:
پیدایش ۲۰: گیلکی (رشتی)
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2010-2019 Gilak Media
پیدایش ۲۰
۲۰
ایبراهیم و ابی‌ملک
۱ پس ایبراهیم جٚه اویه به طرفٚ جنوب، نِگِبٚ زیمینأن کوچ بوکوده، و قادش و شورٚ میأن ساکن بوبوسته. مدتی جِرارٚ دورون زندگی بوکوده ۲ و اویه درباره‌یٚ خو زن سارا بوگفته کی «اون می خأخوره». هَنٚ وسی ابی‌ملک، جِرارٚ پادشاه اوسه کوده کی سارایَ ببرید.
۳ ولی خودا ایتأ شب خوابٚ میأن ابی‌ملکَ ظاهرَ بوسته و اونَ بوگفته: «هسه تو اَ زنأکٚ وسی کی ببردی میری، چونکی اون مرد دأره.»
۴ ابی‌ملک هنوز اونٚ اَمرأ نزدیکی نوکوده‌بو. پس بوگفته: «خودایا، ایتأ قومٚ بی‌گونایَ هلاکَ کونی؟ ۵ مگر ایبراهیم مرَ نوگفته کی: ‹اون می خأخوره›؟ و سارا خودشم نوگفته کی: ‹اون می برأره›؟ من دس و دیلٚ پاکٚ اَمرأ اَ کارَ بوکودم.»
۶ او وخت خودا خوابٚ میأن اونَ بوگفته: «منم دأنم کی دیل پاکٚ اَمرأ اَ کارَ بوکودی و منم تی جُلُویَ بیگیفتم کی می ضد گوناه نوکونی و هَنٚ وسی ونأشتم کی اونٚ دس بزنی. ۷ پس هسه اَ مردأکٚ زنَ وأگردأن چونکی اون نبی‌یه و تِره دوعا کونه و تو زنده مأنی. امّا بدأن اگه اونٚ زنأکَ وأنگردأنی، تو و تومامٚ تی آدمأن حتماً میریدی.»
۸ صبحٚ دم ابی‌ملک ویریشته، تومامٚ خو نوکرأنَ دوخوأده، همه چی‌یَ اوشأنَ بوگفته و اوشأن خیلی بترسه‌ییدی. ۹ بَزین ابی‌ملک ایبراهیمَ دوخوأده اونَ بوگفته: «اَمی اَمرأ چی بوکودی؟ در حق تو چی گوناهی بوکوده‌بوم کی می سر و می مملکتٚ سر بلا بأوردی؟ کاری‌یَ بوکودی کی نوَستی بوکوده‌بی» ۱۰ ابی‌ملک ایبراهیمَ وَورسه: «چی وسی اَ کارَ بوکودی؟»
۱۱ ایبراهیم جواب بدَه: «می اَمرأ بوگفتم: ‹اَیه هیکس خودا جَا نترسه و مرَ می زنٚ وسی کوشیدی.› ۱۲ راس راسی‌یم اون می خأخوره، می پئرٚ دوختره ولی می مارٚ جَا نی‌یه و می زن بوبوسته. ۱۳ وختی کی خودا مرَ می پئرٚ خانه جَا آواره کوده، می زنَ بوگفتم: ‹ایتأ خوبی مرِه وأ بوکونی و اون اَنه کی هر جا بیشیم بیگی کی اَن می برأره.›»
۱۴ پس ابی‌ملک گاب و گوسفند و نوکر و کولفت اوسَده ببخشه ایبراهیمَ و اونٚ زن سارایَ وأگردأنه اونٚ ورجه. ۱۵ و ابی‌ملک بوگفته: «هسه می سرزیمین تی جُلُو نهَه؛ هر جا کی دوس بدأشتی ساکن بوبو.» ۱۶ و سارایَ بوگفته: «تی برأرَ هیزارتأ سکه نقره فدم، اَن تومامٚ اوشأنی ورجه کی تی اَمرأ ایسَه‌ییدی، ایتأ نیشأنه‌یه تی بی‌گوناهی وسی. تو مردومٚ جُلُو جٚه گوناه مبرایی.»
۱۷ او وخت ایبراهیم خودا حضور دوعا بوکوده، و خودا ابی‌ملک و اونٚ زن و کولفتأنَ شفا بدَه تا بتأنید زأی بأورید. ۱۸ چونکی خوداوند ایبراهیمٚ زنٚ سارا وسی، ابی‌ملکٚ خانه زنأکأنٚ رحمَ دَوَسته‌بو.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2010-2019 Gilak Media