Matie 1
1
-Zezuu dʋkpasɩ
(Lk 3.23-28)
1-Zezu Klisɩɩ dʋkpasɩɩ ŋnɩ nɩ: ɔɔ -Zezu *Klisɩ mɩa, ɔ dʋkpasa -wa *-Davidɩ, 'ɩn *Ablaamʋ mɩa -Davidɩɩ dʋkpasa nya.
2Ablaamʋ gwalɩa Izakɩ.
Izakɩ gwalɩa Zakɔbʋ.
Zakɔbʋ gwalɩa Zuda -yɔ ɔ bhelia.
3Zuda gwalɩa Pelɛsɩ -yɔ Zela, nɩɩ, wa 'nyaa -wa Tamaa.
Pelɛsɩ gwalɩa Eslɔmʋ.
Eslɔmʋ gwalɩa Alamʋ.
4Alamʋ gwalɩa Aminadabʋ.
Aminadabʋ gwalɩa Naasɔn.
Naasɔn gwalɩa Salma.
5Salma gwalɩa -Boazɩ, nɩɩ, ɔ 'nyaa -wa *Wlaabʋ.
-Boazɩ gwalɩa Obɛdɩ, nɩɩ, ɔ 'nyaa -wa Wlutɩ.
Obɛdɩ gwalɩa -Zesee.
6-Zesee gwalɩa nyɩmaa 'wlulapɩlɩnyɔ -Davidɩ.
-Davidɩ gwalɩa *Salomɔɔ, Ulii 'ŋwnɔ nya.
7Salomɔɔ gwalɩa Wloboamʋ.
Wloboamʋ gwalɩa Abia.
Abia gwalɩa Aza.
8Aza gwalɩa Zozafatɩ.
Zozafatɩ gwalɩa Zolamʋ.
Zolamʋ gwalɩa Oziasɩ.
9Oziasɩ gwalɩa Yotamʋ.
Yotamʋ gwalɩa Akazɩ.
Akazɩ gwalɩa Ezekiasɩ.
10Ezekiasɩ gwalɩa Manasee.
Manasee gwalɩa Amɔn.
Amɔn gwalɩa -Zoziasɩ.
11-Zoziasɩ gwalɩa Yekonia -yɔ ɔ bhelia.
We bhla wa kpaa *Izlaɛlɩnyɩma, 'ɩn wa yia wa Babilɔnʋ kwa.
12-Mʋʋ 'bɩgʋ, Yekonia gwalɩa Salatiɛlɩ.
Salatiɛlɩ gwalɩa Zolobabɛlɩ.
13Zolobabɛlɩ gwalɩa Abiudʋ.
Abiudʋ gwalɩa Ɛliakimʋ.
Ɛliakimʋ gwalɩa Azɔɔ.
14Azɔɔ gwalɩa Sadɔkʋ.
Sadɔkʋ gwalɩa Akimʋ.
Akimʋ gwalɩa Eliudʋ.
15Eliudʋ gwalɩa Eleazaa.
Eleazaa gwalɩa Matan.
Matan gwalɩa Zakɔbʋ.
16Zakɔbʋ gwalɩa Maliii 'lowli *-Zɛzɛfʋ. Nɩɩ, Malii gwalɩa -Zezu wa laa Klisɩ, -mʋʋ ji -wa -Lagɔɔ -Bhasanyɔ.
17Nɩɩ, we 'ka Ablaamʋ -gʋ 'bhʋ, we 'ka -Davidɩ ylɩ, dʋkpasɩ -zakpa kugbua lɛ -mnʋa -wa. We 'ka -Davidɩ -gʋ 'bhʋ, we 'ka wa kpakpɩe ylɩ, 'ɩn wa 'ka wa Babilɔnʋ kwa, we nyni dʋkpasɩ -zakpa kugbua lɛ -mnʋa. -Mʋʋ 'bɩgʋ, we 'ka wa Babilɔnʋ -kwakwɩe -gʋ 'bhʋ, we 'ka -Zezu Klisɩɩ gwalɩ bhla nyni, we nyni dʋkpasɩ -zakpa kugbua lɛ -mnʋa.
Malii gwalɩa -Zezu
(Lk 2.1-21; -Gal 4.4)
18Nɩɩ, sanɛɛ wa gwalɩa -Zezu Klisɩ. Nɩɩ, ɔ 'nyaa -wa Malii, mɔ -yɔ -Zɛzɛfʋ 'kaa kʋkwalɩ, wa 'nɩ -slɔ ladɩ dabhlo, 'ɩn ɔ yia nʋkpla pla -Lagɔɔ Zuzu 'Pʋpaa 'tɩtɛ nya. 19Nɩɩ, -Zɛzɛfʋ mɩa, nyɩmɛ tɩklɩɩ -wa. Ɔ 'nɩ 'yɩbha ɔ 'ka Malii gbʋ dɩlɩ -zejila 'wʋ. We 'dɛɛ 'gbʋ, bhoyi ɔ -yɔ ɔ yi yaa -dɩa zizewiemɩ. 20Da ɔ dlɩ mɩa we -gʋ, 'ɩn Jejitapɛɛ 'anzɩ yabhlo yia ɔ -gbɛ yi 'ylaa 'wʋ, 'ɩn we nɛɛ:
«-Zɛzɛfʋ, -Davidɩɩ 'yuoyu, -ɩn 'na lʋlʋ dlɩ -nɩ, -ɩn 'ka Malii kwa, nɩɩ, 'yu ɔ yia gwalɩa, -Lagɔɔ Zuzu 'Pʋpaa 'tɩtɛ nya ɔ plaa nʋkpla. 21Nɩɩ, nʋkpasuyu ɔ yia gwalɩa, 'ɩn -ɩn 'ka ɔ 'ŋnɩ zʋ -Zezu, 'ɩn ɔ 'ka ɔ nyɩma gbʋnyuu 'wʋsa.»#1.21 -Zezuu ji -wa nɩɩ, -Lagɔ saa nyɩma gbʋ 'wʋ.
22-We Jejitapɛ gbaa ɔ gbʋʋ -falɩpanyɔɔ ŋwɛ nya, we 'ka lɛnʋʋ 'gbʋ, we yi 'saa 'plɩ:
23«Nɩɩ, 'yieslɔŋwnɔyu -ɔ 'nɩa nʋkpasu -yi,
mɔ yia nʋkpasuyu gwalɩa,
'ɩn wa 'ka ɔ 'ŋnɩ zʋ Emanuɛlɩ.»
-Mʋʋ ji -wa nɩɩ, -Lagɔ -yɔ -a 'sɔ mɩ.
24Ɔ ganɔa, sa Jejitapɛɛ 'anzɩ gbaa, 'mʋ ɔ nʋa lɛ, 'ɩn ɔ yia Malii ɔ 'dɛɛ -gbɛ bɛlɩ. 25Ɔ -yɔ ɔ 'nɩ -budu 'wʋdɩ, 'ɩn ɔɔ Malii yia ɔ nʋkpasuyu gwalɩ, 'ɩn -Zɛzɛfʋ yia -mɔɔ 'ŋnɩ zʋ -Zezu.
ప్రస్తుతం ఎంపిక చేయబడింది:
Matie 1: kyf
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2002, Wycliffe Bible Translators, Inc. All rights reserved.