Matius Uram 22:19-21

Ura, Kaisar biti pajak dengnaming keil uang ton boyandoka Nisi amubdendarur,” ebmou. Ebmou uca, sunci keil uang si dinar Ersi boyanmai. Ura, Erci sunsi ato eboka asibdenmou, “A keil uang deici ara ninyi urasin kikniboka kerek sekyi ara unanyi bisi kikniboka kerek sekyi do? Ba, a keil uang deici aryi si kerek sekyi ara unanyi si eboka kerek sekyi do?” eboka asibdenmou. Uca, sunci Ersi ato ebmai, “A keil uang deici kerek sekamnyi ninyi urasin ab ninyi si ab ara Roma atei weik sienyi Kaisar kikniboka kerek sekeiamnyi,” ebmai. Ura, Er Yesus biryi sunsi ato ebmou, “Ato kubmar ati, sunci Kaisar biti karebman dinyi ara Kaisar biti karebdarur. Ba, Er Imtamnyi biti karebman dinyi ara Er Imtamnyi bisi karebdarur,” ebmou.