Matyu 23
23
Yesu Tyai A̱ka̱tuk Nyia̱ Á̱niet tyiet Doka A̱yahudawa
(Ma̱r 12:38-39; Luk 11:43,46; 20:45-46)
1A̱jawa Yesu si̱ nyia̱ ma̱ng susot á̱kpa á̱niet ji mbeang mman ta̱m nggu na, 2“A̱cha̱chet á̱niet tyiet doka A̱yahudawa ma̱ng A̱fa̱risawa ba, bibya á̱ nwuak ba tyok tyiet doka A̱gwaza ji a̱kwonu Musa. 3Mat a̱nia, nyi khwi mba, nyi bu nyia̱ a̱mgba̱m kyang nang ba̱ tyiet nyin a̱ni. A̱wot nyi yok nyia̱ nang ba̱ nyia̱ a̱ni bah. Mat mba ma̱ á̱pyia̱ mba, ba̱ ni̱ nnyia̱ ta̱m ma̱ng tyiet nang ba̱ tyiet a̱ni bah. 4Ba̱ ni̱ nyap á̱kum á̱niet ka ba̱ khwi mba a̱ni, ma̱ng a̱kpi̱di̱dyi̱k doká mba ji, ji̱ swuo chet á̱niet ba, ba̱ nyia̱ ta̱m ma̱ng a̱nji a̱ni. A̱wot mba, ba̱ ni̱ lak neap ga̱swuong jhyung ba̱ mbeang mba di̱ ghyuai nji hu.
5“A̱mgba̱m nta̱m ba̱ nyia̱ a̱ni, ba̱ ni̱ nnyia̱ na da̱nian á̱niet bya ba̱ ka li mbaa. Ba̱ ni̱ twai a̱kpa̱kpai ndaai#23:5 Wa̱i a̱lyiat: Ndaai da̱ a̱lyem A̱helenawa á̱ ngyei, A̱fili̱yakiti̱ri ngyet zwunzwuo A̱lyiat A̱gwaza jhyang nang á̱ ni̱ gut á̱ twai ma̱ng kwa á̱ la̱p da̱ a̱kpeang ma̱ng bwak myian di̱n jen naai A̱gwaza a̱tsotson ma̱ng jenshyung. ma̱ng zwunzwuo A̱lyiat A̱gwaza jhyang, ba̱ la̱p di̱ mbwak ma̱ng pyipyia̱ mba hu. A̱wot ba̱ bu la̱p ywan naai A̱gwaza di̱ a̱yaatoot mba ba, ku lya̱u ma̱ junjung.#23:5 KDok 6:8. 6Ba̱ ni̱ chat ba̱ swan da̱ a̱yaatyii nang á̱ sak a̱cha̱chet á̱niet ndyo a̱ni di̱ tityan song. Ba̱ si̱ bu chat ba̱ swan da̱ a̱cha̱chet nkyang swat ma̱ á̱tutu a̱tung A̱yahudawa ba. 7A̱wot ki̱ ba̱ chong mi̱ tungga, ba̱ ni̱ chat á̱ chyin baa, a̱wot á̱ tang mba a̱didyep, á̱ yei mba ma̱ng a̱gba̱ndang a̱lyoot nyia̱, ‘A̱tyu tyiet#23:7 Lyuut cha̱chaat: Rabi.!’
8“A̱wot nyin, nyi yok shim á̱ chyin nyin nang a̱tsak ‘A̱tyu tyiet’ a̱ni bah. Mat nyi byia̱ a̱tsak a̱tyu tyiet a̱nyiung wa ma̱nyin gu. A̱wot a̱mgba̱m nyin, nyi yet kyang nyiung hwa nang á̱na̱nyiuk á̱ghyang a̱ni. 9Ma a̱nia wa, nyi yok nwuak a̱yin a̱lyoot tyok nyia̱, ‘A̱tyia̱#23:9 Lyuut cha̱chaat: Abba.’ mi̱ swanta hu bah. Mat ma̱ A̱gwaza wa ma̱nyin gu a̱ shya̱ tswazwa ka a̱ni, nggu wa yet A̱tyia̱ nyin wu mami ntswa. 10Nyi bu yok shim a̱yin á̱ chyin nyin nyia̱, ‘A̱tsak a̱tyu tyiet’ bah. Mat nyi byia̱ a̱tsak a̱tyu tyiet a̱nyiung wa. Nggu wa yet Kristi, a̱tyu nang A̱gwaza kup gu tyok a̱ni. 11A̱tyu a̱ swak mi̱ shi ma̱ nyin a̱ni, ku yet ta hwa gu yet a̱khwo nyin.
12A̱wot á̱niet ba̱ byia̱ gba̱p a̱pyia̱ a̱ni,
á̱ na jhyuai mbaa.
A̱wot á̱niet ba̱ ghyuai á̱pyia̱ mba a̱ni,
á̱ na nwuak ba shi.
13“Ku swan nyin, á̱niet tyiet doka ma̱ng A̱fa̱risawa. Nyin á̱bubuk á̱niet! Mat nyi ni̱ nyim nyinyiit nwuo Tyok Ma A̱gwaza tswazwa hu. Nyi tyia̱ á̱niet ba̱ na nwuo a̱ni nta. Nyin ma̱ á̱pyia̱ nyin, nyi ni̱ nwuo bah. A̱wot nyin meang, nyi ni̱ vwuong á̱ghyang á̱niet ba̱ nwuo mami.
14“[[Ku swan nyin á̱niet tyiet doka ma̱ng A̱fa̱risawa. Nyin a̱yaabang a̱byin! Nyi ni̱ shyuo á̱nyiuk nang á̱tyok mba ba ka̱n kwi a̱ni. Mat nyi laai mbaa, nyi kwok nkyang mba na di̱ mi̱n sum. Nyi ni̱ nyia̱ a̱jojoot naai A̱gwaza, da̱nian á̱niet ba̱ ka li nyin. Mat a̱nia, á̱ na tyia̱ nyin swuo a̱bung ba̱t.]]#23:14 Lyuut ghyang mbyia̱ a̱da̱dei zwunzwuo huni (14) bah.
15“Ku swan nyin á̱niet tyiet doka ma̱ng A̱fa̱risawa. Nyin á̱bubuk á̱niet! Nyi ni̱ byia̱k kyai a̱sa̱khwot, a̱wot nyi nat a̱gbang a̱byin, da̱nian nyi ka tyia̱ a̱tyo nyiung a̱ bwuak a̱ tyia̱ a̱tyu khwi A̱gwaza. A̱wot ka̱ a̱ bwuak a̱ si̱ tyia̱ a̱tyu khwi wu, nyi ni̱ tyia̱ gu a̱ yet a̱tyu a̱ maai á̱ tyia̱ nggu mi̱ a̱nga̱ngak ndong sang sangba̱p, a̱ swak nyin a̱ka̱feang a̱ni!
16“Ku swan nyin, a̱yaakwak a̱son, nyi yet á̱niet a̱fi̱fan a̱ni! Nyi ni̱ nyia̱, ‘Ka̱ a̱yin nyia̱, “N shyi da̱ a̱lyoot A̱li Nwuat Za̱nang A̱gwaza ka,” shyishyi ji na ta̱bat gu bah. A̱wot ka̱ a̱ nyia̱, “N shyi da̱ a̱lyoot zi̱nariya A̱li Nwuat Za̱nang A̱gwaza wuwa,” ku yet ta hwa shyishyi ji, na ta̱bat guu.’#23:16 Wa̱i a̱lyiat: Shimba, a̱yaakwak a̱son A̱yahudawa ba ku tyiet á̱niet ba ba̱ shyi da̱ a̱bachyuang nkyang, da̱nian ba̱ ka nwai khwi a̱li̱ka̱uli nang ba̱ nyia̱ a̱ni, a̱wot kalak ba̱ byian a̱lyoot A̱gwaza ka di̱n jen nang ba̱ nwai khwi shyishyi ji a̱ni. Yesu ku nyia̱ a̱mgba̱m a̱li̱ka̱uli nang á̱ na nyia̱ a̱ni, á̱ nyia̱ nggu a̱zaghyi A̱gwaza kya, a̱wot á̱niet khwi ba̱ yok shyi shyishyi bah, si̱ ba̱ yong da̱ a̱lyiat nang ba̱ hyia̱ a̱ni. Mat 5:33-37. 17Nyin á̱bwuon á̱niet a̱fi̱fan! Zang hu hwa yet a̱ swak, zi̱nariya wu wa kee A̱li Nwuat Za̱nang A̱gwaza kikya, ka̱ tyei zi̱nariya wu yet a̱za̱za̱rak wu a̱ni?
18“Ma a̱nia wa, nyi bu ni̱ nyia̱, ‘Ka̱ a̱yin nyia̱, “N shyi da̱ a̱lyoot a̱tyii A̱gwaza wu,” shyishyi ji na ta̱bat gu bah. A̱wot ka̱ a̱yin nyia̱, “N shyi da̱ a̱lyoot za̱nang a̱tyii A̱gwaza ji,” ku yet ta hwa shyishyi ji na ta̱bat guu.’ 19Nyin á̱niet a̱fi̱fan! Zang hu hwa swak ma̱ng shi hu, za̱nang ji ja kee a̱tyii A̱gwaza wu nang á̱ ntyia̱ za̱nang ji ji̱ yet a̱za̱za̱rak a̱ni?
20“Mat a̱nia, ka̱ nyi shyi shyishyi nyia̱, ‘N shyi da̱ a̱lyoot a̱tyii A̱gwaza wu!’ Ku tak nang nyi nshyi a̱tyii wu ma̱ng a̱mgba̱m za̱nang ji̱ shya̱ tazwa a̱tyii ka a̱ni. 21Ma a̱nia wa, ka̱ nyi shyi shyishyi nyia̱, ‘N shyi da̱ a̱lyoot A̱li Nwuat Za̱nang A̱gwaza ka!’ Ku tak nang nyi nshyi nka ma̱ng A̱gwaza wu a̱ shya̱ mami ka a̱ni! 22A̱wot ma a̱nia wa, ka̱ nyi shyi shyishyi nyia̱, ‘N shyi da̱ a̱lyoot Ma A̱gwaza tswazwa ka!’ Ku tak nang nyi nshyi da̱ a̱lyoot a̱gba̱ndang chuk Tyok A̱gwaza ji, ma̱ng A̱gwaza a̱ swan da̱ a̱nji a̱ni.
23“Ku swan nyin á̱niet tyiet doka ma̱ng A̱fa̱risawa! Nyin á̱bubuk á̱niet! Mat nyi ni̱ ta̱bam nyi nwuat A̱gwaza a̱nyiung mami swak mi̱ kurum lyiai nkyang na̱ byia̱ lyen a̱ni. Ni̱nia yet, sunswam, shita, ma̱ng kuut. A̱wot nyi ni̱ ghwon nkyang na̱ swak mi̱ yet a̱tsatsak mi̱ doka A̱gwaza ji a̱ni. Ni̱nia yet, nyia̱ tsotswat, fwuong kunak, ma̱ng nwuak a̱chuchuk. A̱tsak a̱lyiat, ku myim nyi nwuak a̱nyiung mami swak mi̱ kurum nkyang huni. A̱wot nyi yok ghwon nyia̱ á̱kum a̱tsatsak nkyang nani bah.
24“Nyin a̱yaakwak a̱son nyi byia̱ a̱fi̱fan a̱ni, nyi ni̱ wai a̱sa̱khwot, kalak nyi nwuan a̱bachunchung di̱ mi̱ lyen. Ma̱ng a̱nia, nyi ni̱ nwuan a̱lakumi a̱ka̱mbyi̱ri̱ng ma̱ng nguut!
25“Ku swan nyin á̱niet tyiet doka A̱gwaza ma̱ng A̱fa̱risawa! Nyin á̱bubuk á̱niet! Nyi ni̱ ta̱bam, nyi kwi nta a̱kashyi ji ma̱ng a̱ka̱gba wu. A̱wot nyi ghwon mami ka ma̱ng a̱na̱ndyung. Ma a̱nia wa, nyi ngyet a̱sham ka nta. A̱wot a̱mami nfwuo nyin na, na̱ nhyat tyentyang ma̱ng wuwok ma̱ng chat a̱pyia̱! 26Nwan a̱tyo A̱fa̱risawa a yet a̱tyu a̱fi̱fan a̱ni! Ya ntsa kwi mami a̱kashyi ji ma̱ng a̱ka̱gba wu. A̱wot nta ji na mun a̱ tyia̱ za̱za̱rak.
27“Ku swan nyin á̱niet tyiet doka ma̱ng A̱fa̱risawa! Nyin á̱bubuk á̱niet! Mat nyi li nang a̱ka̱bi nang á̱ swup nta ji ma̱ng a̱sai a̱bwuan a̱ni. Nta ji yet a̱sham. A̱wot a̱mami ka nhyat ma̱ng a̱bwui nkunkup á̱niet ba̱ ka̱n kwi a̱ni, na̱ tak nang nfwuo nyin na nhyat ma̱ng kuzang tangka̱i a̱na̱ndyung a̱ni. 28Ma a̱nia wa, nyi li nang á̱tsotswat á̱niet bya a̱ni nta. A̱wot nfwuo nyin na nhyat tyentyang ma̱ng á̱bubuk nyia̱ ma̱ng a̱ka̱kpa̱t.
29“Ku swan nyin á̱niet tyiet doka A̱gwaza ma̱ng A̱fa̱risawa, a̱yaabang a̱byin! Mat nyi ni̱ nok bibi a̱yaata̱m a̱kwonu A̱gwaza nang a̱yaatyia̱ khwop nyin ba ku hyaai a̱ni. A̱wot nyi si̱ nyebeet nkyang a̱gwai ma̱ bibi á̱tsotswat á̱niet hu, nang a̱yaatyia̱ a̱khwop nyin ba ku hyaai a̱ni.#23:29 Lyuut cha̱chaat: “Nyi ni̱ nok bibi a̱yaata̱m a̱kwonu A̱gwaza nyi nyebeet nkyang a̱gwai mi̱ bibi á̱tsotswat á̱niet hu nang a̱yaatyia̱ a̱khwop nyin ba ku hyaai a̱ni.” 30A̱wot nyi ni̱ fwuo nyia̱, ‘A̱tsak a̱lyiat, ka̱ zi̱ wa ku nshya̱ mi̱ jen a̱yaatyia̱ a̱khwop nzi̱t ji, si̱ zi̱ ku beang ba hyaai a̱yaata̱m a̱kwonu A̱gwaza ba bah!’ 31Di̱ nvak huni hwa meang, nyi ntak ma̱ á̱pyia̱ nyin za̱m nang nyi ngyet á̱ka̱mbwon á̱niet ba̱ ku hyaai a̱yaata̱m a̱kwonu A̱gwaza ba gbangbang a̱ni. 32Si̱ nyi ya a̱son nyi ngaan a̱ka̱kpa̱t nang a̱yaatyia̱ a̱khwop nyin ba ku tsa nyia̱ hu a̱ni la! 33Nyin zwák! Mman tsuup a̱byin! Nyi na nyia̱ ni wa nyi nshot shi̱ri̱ya nwuo a̱nga̱ngak ndong sang sangba̱p ji?
34“Mat a̱nia, fa̱k la! Nung meang, n na nta̱m ma̱ng a̱nyin a̱yaata̱m a̱kwonu A̱gwaza, á̱niet mumwang, ma̱ng á̱niet tyiet doka A̱gwaza. A̱wot nyi na hyaai á̱ghyang mba. Nyi bu kpang mba da̱ a̱team a̱khwu. Nyi bu tsot á̱ghyang ma̱ng a̱ya̱u a̱ byia̱ pyipyia̱ ntswam a̱ni ma̱ á̱tutu a̱tung nyin ba. A̱wot nyi bu fi̱n ba á̱ ghwut ndyo neet ma̱ a̱keang kani si̱ nat a̱keang a̱ghyang. 35Mat a̱nia, á̱ na ba̱ng nyin mat hyaai a̱mgba̱m á̱tsotswat á̱niet mi̱ kuzang che mi̱ swanta! Neet di̱ hyat Habila a̱ ku yet a̱tsotswat a̱ni, ba̱ng si̱ nat Za̱ka̱riya a̱fai Ba̱rikiya, a̱tyu nyi ku hyat A̱mali Nwuat Za̱nang A̱gwaza ka a̱ni, ma̱ka̱wa̱tyia̱ A̱swang ka̱ yet A̱za̱za̱rak A̱ Swak ma̱ng a̱tyii za̱nang wu a̱ni.#23:35 Wa̱i a̱lyiat: Si̱ huni fa, a̱mgba̱m á̱niet hyaai á̱tsotswat á̱niet ba, kyiak neet da̱ a̱tyu ntsa wu si̱ nat a̱tyu ngaan wu, neet di̱ Habila si̱ nat di̱ Za̱ka̱riya A̱ts 4:8; 2TNA 24:20-22. 36N tak nyin a̱tsak a̱lyiat, shi̱ri̱ya A̱gwaza na chyok tazwa che huni hwa!
Yesu Fa̱k Byian Fwuo tazwa Urusha̱lima
(Luk 13:34-35)
37“Urusha̱lima, ka̱a̱t nyin á̱niet Urusha̱lima! A̱keang ka̱ hyaai a̱yaata̱m a̱kwonu A̱gwaza ba. A̱wot ka̱ si̱ mang a̱yaata̱m A̱gwaza ba ma̱ng nfang a̱ni! A̱ka̱mang kya n ka̱n chat tung mman ang na dundung, ma̱nang a̱yang nywan ni̱ nkup mman nggu na tafa nfeap gu a̱ni. A̱wot nyi si̱ lak nung dyo. 38Di la! A̱wot ma̱ninika, á̱ kai a̱li#23:38 Wa̱i a̱lyiat: Shimba, A̱li a̱ji fa A̱li Nwuat Za̱nang mi̱ Urusha̱lima. ang ka á̱ ghwon, a̱yin nshya̱ bah. 39Mat a̱nia, n tak ang, nyi bu si̱ mi̱n di nung bah, si̱ nang nyi nyia̱, ‘A̱li̱ba̱rka yet a̱si̱ a̱tyu a̱ chobai mami a̱lyoot tyok A̱tyoli ka a̱ni!’#23:39 Za̱b 118:26; Mat 21:9. ”
ప్రస్తుతం ఎంపిక చేయబడింది:
Matyu 23: TyapNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2015, The Nigeria Bible Translation Trust and Wycliffe Bible Translators, Inc. All rights reserved.
Matyu 23
23
Yesu Tyai A̱ka̱tuk Nyia̱ Á̱niet tyiet Doka A̱yahudawa
(Ma̱r 12:38-39; Luk 11:43,46; 20:45-46)
1A̱jawa Yesu si̱ nyia̱ ma̱ng susot á̱kpa á̱niet ji mbeang mman ta̱m nggu na, 2“A̱cha̱chet á̱niet tyiet doka A̱yahudawa ma̱ng A̱fa̱risawa ba, bibya á̱ nwuak ba tyok tyiet doka A̱gwaza ji a̱kwonu Musa. 3Mat a̱nia, nyi khwi mba, nyi bu nyia̱ a̱mgba̱m kyang nang ba̱ tyiet nyin a̱ni. A̱wot nyi yok nyia̱ nang ba̱ nyia̱ a̱ni bah. Mat mba ma̱ á̱pyia̱ mba, ba̱ ni̱ nnyia̱ ta̱m ma̱ng tyiet nang ba̱ tyiet a̱ni bah. 4Ba̱ ni̱ nyap á̱kum á̱niet ka ba̱ khwi mba a̱ni, ma̱ng a̱kpi̱di̱dyi̱k doká mba ji, ji̱ swuo chet á̱niet ba, ba̱ nyia̱ ta̱m ma̱ng a̱nji a̱ni. A̱wot mba, ba̱ ni̱ lak neap ga̱swuong jhyung ba̱ mbeang mba di̱ ghyuai nji hu.
5“A̱mgba̱m nta̱m ba̱ nyia̱ a̱ni, ba̱ ni̱ nnyia̱ na da̱nian á̱niet bya ba̱ ka li mbaa. Ba̱ ni̱ twai a̱kpa̱kpai ndaai#23:5 Wa̱i a̱lyiat: Ndaai da̱ a̱lyem A̱helenawa á̱ ngyei, A̱fili̱yakiti̱ri ngyet zwunzwuo A̱lyiat A̱gwaza jhyang nang á̱ ni̱ gut á̱ twai ma̱ng kwa á̱ la̱p da̱ a̱kpeang ma̱ng bwak myian di̱n jen naai A̱gwaza a̱tsotson ma̱ng jenshyung. ma̱ng zwunzwuo A̱lyiat A̱gwaza jhyang, ba̱ la̱p di̱ mbwak ma̱ng pyipyia̱ mba hu. A̱wot ba̱ bu la̱p ywan naai A̱gwaza di̱ a̱yaatoot mba ba, ku lya̱u ma̱ junjung.#23:5 KDok 6:8. 6Ba̱ ni̱ chat ba̱ swan da̱ a̱yaatyii nang á̱ sak a̱cha̱chet á̱niet ndyo a̱ni di̱ tityan song. Ba̱ si̱ bu chat ba̱ swan da̱ a̱cha̱chet nkyang swat ma̱ á̱tutu a̱tung A̱yahudawa ba. 7A̱wot ki̱ ba̱ chong mi̱ tungga, ba̱ ni̱ chat á̱ chyin baa, a̱wot á̱ tang mba a̱didyep, á̱ yei mba ma̱ng a̱gba̱ndang a̱lyoot nyia̱, ‘A̱tyu tyiet#23:7 Lyuut cha̱chaat: Rabi.!’
8“A̱wot nyin, nyi yok shim á̱ chyin nyin nang a̱tsak ‘A̱tyu tyiet’ a̱ni bah. Mat nyi byia̱ a̱tsak a̱tyu tyiet a̱nyiung wa ma̱nyin gu. A̱wot a̱mgba̱m nyin, nyi yet kyang nyiung hwa nang á̱na̱nyiuk á̱ghyang a̱ni. 9Ma a̱nia wa, nyi yok nwuak a̱yin a̱lyoot tyok nyia̱, ‘A̱tyia̱#23:9 Lyuut cha̱chaat: Abba.’ mi̱ swanta hu bah. Mat ma̱ A̱gwaza wa ma̱nyin gu a̱ shya̱ tswazwa ka a̱ni, nggu wa yet A̱tyia̱ nyin wu mami ntswa. 10Nyi bu yok shim a̱yin á̱ chyin nyin nyia̱, ‘A̱tsak a̱tyu tyiet’ bah. Mat nyi byia̱ a̱tsak a̱tyu tyiet a̱nyiung wa. Nggu wa yet Kristi, a̱tyu nang A̱gwaza kup gu tyok a̱ni. 11A̱tyu a̱ swak mi̱ shi ma̱ nyin a̱ni, ku yet ta hwa gu yet a̱khwo nyin.
12A̱wot á̱niet ba̱ byia̱ gba̱p a̱pyia̱ a̱ni,
á̱ na jhyuai mbaa.
A̱wot á̱niet ba̱ ghyuai á̱pyia̱ mba a̱ni,
á̱ na nwuak ba shi.
13“Ku swan nyin, á̱niet tyiet doka ma̱ng A̱fa̱risawa. Nyin á̱bubuk á̱niet! Mat nyi ni̱ nyim nyinyiit nwuo Tyok Ma A̱gwaza tswazwa hu. Nyi tyia̱ á̱niet ba̱ na nwuo a̱ni nta. Nyin ma̱ á̱pyia̱ nyin, nyi ni̱ nwuo bah. A̱wot nyin meang, nyi ni̱ vwuong á̱ghyang á̱niet ba̱ nwuo mami.
14“[[Ku swan nyin á̱niet tyiet doka ma̱ng A̱fa̱risawa. Nyin a̱yaabang a̱byin! Nyi ni̱ shyuo á̱nyiuk nang á̱tyok mba ba ka̱n kwi a̱ni. Mat nyi laai mbaa, nyi kwok nkyang mba na di̱ mi̱n sum. Nyi ni̱ nyia̱ a̱jojoot naai A̱gwaza, da̱nian á̱niet ba̱ ka li nyin. Mat a̱nia, á̱ na tyia̱ nyin swuo a̱bung ba̱t.]]#23:14 Lyuut ghyang mbyia̱ a̱da̱dei zwunzwuo huni (14) bah.
15“Ku swan nyin á̱niet tyiet doka ma̱ng A̱fa̱risawa. Nyin á̱bubuk á̱niet! Nyi ni̱ byia̱k kyai a̱sa̱khwot, a̱wot nyi nat a̱gbang a̱byin, da̱nian nyi ka tyia̱ a̱tyo nyiung a̱ bwuak a̱ tyia̱ a̱tyu khwi A̱gwaza. A̱wot ka̱ a̱ bwuak a̱ si̱ tyia̱ a̱tyu khwi wu, nyi ni̱ tyia̱ gu a̱ yet a̱tyu a̱ maai á̱ tyia̱ nggu mi̱ a̱nga̱ngak ndong sang sangba̱p, a̱ swak nyin a̱ka̱feang a̱ni!
16“Ku swan nyin, a̱yaakwak a̱son, nyi yet á̱niet a̱fi̱fan a̱ni! Nyi ni̱ nyia̱, ‘Ka̱ a̱yin nyia̱, “N shyi da̱ a̱lyoot A̱li Nwuat Za̱nang A̱gwaza ka,” shyishyi ji na ta̱bat gu bah. A̱wot ka̱ a̱ nyia̱, “N shyi da̱ a̱lyoot zi̱nariya A̱li Nwuat Za̱nang A̱gwaza wuwa,” ku yet ta hwa shyishyi ji, na ta̱bat guu.’#23:16 Wa̱i a̱lyiat: Shimba, a̱yaakwak a̱son A̱yahudawa ba ku tyiet á̱niet ba ba̱ shyi da̱ a̱bachyuang nkyang, da̱nian ba̱ ka nwai khwi a̱li̱ka̱uli nang ba̱ nyia̱ a̱ni, a̱wot kalak ba̱ byian a̱lyoot A̱gwaza ka di̱n jen nang ba̱ nwai khwi shyishyi ji a̱ni. Yesu ku nyia̱ a̱mgba̱m a̱li̱ka̱uli nang á̱ na nyia̱ a̱ni, á̱ nyia̱ nggu a̱zaghyi A̱gwaza kya, a̱wot á̱niet khwi ba̱ yok shyi shyishyi bah, si̱ ba̱ yong da̱ a̱lyiat nang ba̱ hyia̱ a̱ni. Mat 5:33-37. 17Nyin á̱bwuon á̱niet a̱fi̱fan! Zang hu hwa yet a̱ swak, zi̱nariya wu wa kee A̱li Nwuat Za̱nang A̱gwaza kikya, ka̱ tyei zi̱nariya wu yet a̱za̱za̱rak wu a̱ni?
18“Ma a̱nia wa, nyi bu ni̱ nyia̱, ‘Ka̱ a̱yin nyia̱, “N shyi da̱ a̱lyoot a̱tyii A̱gwaza wu,” shyishyi ji na ta̱bat gu bah. A̱wot ka̱ a̱yin nyia̱, “N shyi da̱ a̱lyoot za̱nang a̱tyii A̱gwaza ji,” ku yet ta hwa shyishyi ji na ta̱bat guu.’ 19Nyin á̱niet a̱fi̱fan! Zang hu hwa swak ma̱ng shi hu, za̱nang ji ja kee a̱tyii A̱gwaza wu nang á̱ ntyia̱ za̱nang ji ji̱ yet a̱za̱za̱rak a̱ni?
20“Mat a̱nia, ka̱ nyi shyi shyishyi nyia̱, ‘N shyi da̱ a̱lyoot a̱tyii A̱gwaza wu!’ Ku tak nang nyi nshyi a̱tyii wu ma̱ng a̱mgba̱m za̱nang ji̱ shya̱ tazwa a̱tyii ka a̱ni. 21Ma a̱nia wa, ka̱ nyi shyi shyishyi nyia̱, ‘N shyi da̱ a̱lyoot A̱li Nwuat Za̱nang A̱gwaza ka!’ Ku tak nang nyi nshyi nka ma̱ng A̱gwaza wu a̱ shya̱ mami ka a̱ni! 22A̱wot ma a̱nia wa, ka̱ nyi shyi shyishyi nyia̱, ‘N shyi da̱ a̱lyoot Ma A̱gwaza tswazwa ka!’ Ku tak nang nyi nshyi da̱ a̱lyoot a̱gba̱ndang chuk Tyok A̱gwaza ji, ma̱ng A̱gwaza a̱ swan da̱ a̱nji a̱ni.
23“Ku swan nyin á̱niet tyiet doka ma̱ng A̱fa̱risawa! Nyin á̱bubuk á̱niet! Mat nyi ni̱ ta̱bam nyi nwuat A̱gwaza a̱nyiung mami swak mi̱ kurum lyiai nkyang na̱ byia̱ lyen a̱ni. Ni̱nia yet, sunswam, shita, ma̱ng kuut. A̱wot nyi ni̱ ghwon nkyang na̱ swak mi̱ yet a̱tsatsak mi̱ doka A̱gwaza ji a̱ni. Ni̱nia yet, nyia̱ tsotswat, fwuong kunak, ma̱ng nwuak a̱chuchuk. A̱tsak a̱lyiat, ku myim nyi nwuak a̱nyiung mami swak mi̱ kurum nkyang huni. A̱wot nyi yok ghwon nyia̱ á̱kum a̱tsatsak nkyang nani bah.
24“Nyin a̱yaakwak a̱son nyi byia̱ a̱fi̱fan a̱ni, nyi ni̱ wai a̱sa̱khwot, kalak nyi nwuan a̱bachunchung di̱ mi̱ lyen. Ma̱ng a̱nia, nyi ni̱ nwuan a̱lakumi a̱ka̱mbyi̱ri̱ng ma̱ng nguut!
25“Ku swan nyin á̱niet tyiet doka A̱gwaza ma̱ng A̱fa̱risawa! Nyin á̱bubuk á̱niet! Nyi ni̱ ta̱bam, nyi kwi nta a̱kashyi ji ma̱ng a̱ka̱gba wu. A̱wot nyi ghwon mami ka ma̱ng a̱na̱ndyung. Ma a̱nia wa, nyi ngyet a̱sham ka nta. A̱wot a̱mami nfwuo nyin na, na̱ nhyat tyentyang ma̱ng wuwok ma̱ng chat a̱pyia̱! 26Nwan a̱tyo A̱fa̱risawa a yet a̱tyu a̱fi̱fan a̱ni! Ya ntsa kwi mami a̱kashyi ji ma̱ng a̱ka̱gba wu. A̱wot nta ji na mun a̱ tyia̱ za̱za̱rak.
27“Ku swan nyin á̱niet tyiet doka ma̱ng A̱fa̱risawa! Nyin á̱bubuk á̱niet! Mat nyi li nang a̱ka̱bi nang á̱ swup nta ji ma̱ng a̱sai a̱bwuan a̱ni. Nta ji yet a̱sham. A̱wot a̱mami ka nhyat ma̱ng a̱bwui nkunkup á̱niet ba̱ ka̱n kwi a̱ni, na̱ tak nang nfwuo nyin na nhyat ma̱ng kuzang tangka̱i a̱na̱ndyung a̱ni. 28Ma a̱nia wa, nyi li nang á̱tsotswat á̱niet bya a̱ni nta. A̱wot nfwuo nyin na nhyat tyentyang ma̱ng á̱bubuk nyia̱ ma̱ng a̱ka̱kpa̱t.
29“Ku swan nyin á̱niet tyiet doka A̱gwaza ma̱ng A̱fa̱risawa, a̱yaabang a̱byin! Mat nyi ni̱ nok bibi a̱yaata̱m a̱kwonu A̱gwaza nang a̱yaatyia̱ khwop nyin ba ku hyaai a̱ni. A̱wot nyi si̱ nyebeet nkyang a̱gwai ma̱ bibi á̱tsotswat á̱niet hu, nang a̱yaatyia̱ a̱khwop nyin ba ku hyaai a̱ni.#23:29 Lyuut cha̱chaat: “Nyi ni̱ nok bibi a̱yaata̱m a̱kwonu A̱gwaza nyi nyebeet nkyang a̱gwai mi̱ bibi á̱tsotswat á̱niet hu nang a̱yaatyia̱ a̱khwop nyin ba ku hyaai a̱ni.” 30A̱wot nyi ni̱ fwuo nyia̱, ‘A̱tsak a̱lyiat, ka̱ zi̱ wa ku nshya̱ mi̱ jen a̱yaatyia̱ a̱khwop nzi̱t ji, si̱ zi̱ ku beang ba hyaai a̱yaata̱m a̱kwonu A̱gwaza ba bah!’ 31Di̱ nvak huni hwa meang, nyi ntak ma̱ á̱pyia̱ nyin za̱m nang nyi ngyet á̱ka̱mbwon á̱niet ba̱ ku hyaai a̱yaata̱m a̱kwonu A̱gwaza ba gbangbang a̱ni. 32Si̱ nyi ya a̱son nyi ngaan a̱ka̱kpa̱t nang a̱yaatyia̱ a̱khwop nyin ba ku tsa nyia̱ hu a̱ni la! 33Nyin zwák! Mman tsuup a̱byin! Nyi na nyia̱ ni wa nyi nshot shi̱ri̱ya nwuo a̱nga̱ngak ndong sang sangba̱p ji?
34“Mat a̱nia, fa̱k la! Nung meang, n na nta̱m ma̱ng a̱nyin a̱yaata̱m a̱kwonu A̱gwaza, á̱niet mumwang, ma̱ng á̱niet tyiet doka A̱gwaza. A̱wot nyi na hyaai á̱ghyang mba. Nyi bu kpang mba da̱ a̱team a̱khwu. Nyi bu tsot á̱ghyang ma̱ng a̱ya̱u a̱ byia̱ pyipyia̱ ntswam a̱ni ma̱ á̱tutu a̱tung nyin ba. A̱wot nyi bu fi̱n ba á̱ ghwut ndyo neet ma̱ a̱keang kani si̱ nat a̱keang a̱ghyang. 35Mat a̱nia, á̱ na ba̱ng nyin mat hyaai a̱mgba̱m á̱tsotswat á̱niet mi̱ kuzang che mi̱ swanta! Neet di̱ hyat Habila a̱ ku yet a̱tsotswat a̱ni, ba̱ng si̱ nat Za̱ka̱riya a̱fai Ba̱rikiya, a̱tyu nyi ku hyat A̱mali Nwuat Za̱nang A̱gwaza ka a̱ni, ma̱ka̱wa̱tyia̱ A̱swang ka̱ yet A̱za̱za̱rak A̱ Swak ma̱ng a̱tyii za̱nang wu a̱ni.#23:35 Wa̱i a̱lyiat: Si̱ huni fa, a̱mgba̱m á̱niet hyaai á̱tsotswat á̱niet ba, kyiak neet da̱ a̱tyu ntsa wu si̱ nat a̱tyu ngaan wu, neet di̱ Habila si̱ nat di̱ Za̱ka̱riya A̱ts 4:8; 2TNA 24:20-22. 36N tak nyin a̱tsak a̱lyiat, shi̱ri̱ya A̱gwaza na chyok tazwa che huni hwa!
Yesu Fa̱k Byian Fwuo tazwa Urusha̱lima
(Luk 13:34-35)
37“Urusha̱lima, ka̱a̱t nyin á̱niet Urusha̱lima! A̱keang ka̱ hyaai a̱yaata̱m a̱kwonu A̱gwaza ba. A̱wot ka̱ si̱ mang a̱yaata̱m A̱gwaza ba ma̱ng nfang a̱ni! A̱ka̱mang kya n ka̱n chat tung mman ang na dundung, ma̱nang a̱yang nywan ni̱ nkup mman nggu na tafa nfeap gu a̱ni. A̱wot nyi si̱ lak nung dyo. 38Di la! A̱wot ma̱ninika, á̱ kai a̱li#23:38 Wa̱i a̱lyiat: Shimba, A̱li a̱ji fa A̱li Nwuat Za̱nang mi̱ Urusha̱lima. ang ka á̱ ghwon, a̱yin nshya̱ bah. 39Mat a̱nia, n tak ang, nyi bu si̱ mi̱n di nung bah, si̱ nang nyi nyia̱, ‘A̱li̱ba̱rka yet a̱si̱ a̱tyu a̱ chobai mami a̱lyoot tyok A̱tyoli ka a̱ni!’#23:39 Za̱b 118:26; Mat 21:9. ”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2015, The Nigeria Bible Translation Trust and Wycliffe Bible Translators, Inc. All rights reserved.