Piilimka 13
13
1Abram yaa basi Ejipiti alege cheŋ Negev ale wa powa ale jaabuuri meena ate wa jam ta la. Lɔti mɛ jam va wa kama a cheŋ. 2Abram jam jigsi kama ale duŋsa ale kpana ale ligmɔniŋ.
3Wa jam zaani Negev kama a cheŋ de ale de a yaa ga paari Betel kauk kuui ale bo Betel ale Ai suŋsuŋ la. Dula ale wa jam liŋ ti wa viuku la. 4Dula mɛ ale wa liŋ a sɛ kuŋkuŋku la. Dula jigini Abram yaa wi Naawen yuenni.
5Lɔti ale jam va Abram nyiem a cheŋ la a jam ta piisa ale niiga ale viita kama. 6Alege tɛŋka an jam soa dii ate ba meena a bo du ale chaaba. Ba ŋantaŋa jam zuak ka nna yegayega ate ba an baga a bo ale chaaba. 7Kpaliŋ ale jam bo baai ale a nya Abram duŋsaŋa zuk la ale baai ale a nya Lɔti duŋsaŋa zuk la suŋsuŋ. Keenan demma ale Perizzi demma mɛ jam maa bo ka tɛŋ kala dila po.
8Abram yaa jam weeni Lɔti ayen, <<Kan te ti kpaliŋ a bo mi ale fi suŋsuŋŋa yaase baai ale a nya mi duŋsaŋa zuk la ale fi duŋsaŋa zuk la suŋsuŋŋa, diila ti ka suata. 9Tɛŋka an doa daa mi ale fi meena niŋŋa? Basi ate ti gaari chaab. Fi dan cheŋ gala, mi ale cheŋ juga, fi be dan cheŋ juga, mi ale cheŋ gala.>>
10Lɔti yaa zak zuk nya Jodan ale dua dii jassi ale yɔk a nye ase Naawen tiisa jigi la. Ku jam a nye ase ka Ejipiti tɛŋka la a tuak Zoar. Ku le jam ka dii alege ate Naawen a kaasi Sodom ale Gomora tɛŋsaŋa la. 11Lɔti yaa lueri Jodan meena ale dua jassi la a te wadek a va kori geŋ. Nuruba bayewa yaa jam poori chaab. 12Abram jam bo ka Keenan tɛŋka alege Lɔti jam bo tɛŋ sii ale jam dua nna jassi la a ti wa viitaŋa a moata Sodom. 13Yɔgyɔgla de Sodom nuruma nyeka jam tua kama ale a nye biem nna yegayega a kaasi Naawen.
14Abram ale Lɔti ale poori chaab la ŋaaŋnyiŋ, Naawen yaa weeni wa ayen, <<Kauk kuui ate fi za la zak zuk a nya wiiluk geŋ ale yeseok geŋ ale kori geŋ ale yeniŋ geŋ. 15Tɛŋka meena ate fi a nya la m le pai te fi ale fi ŋaaŋbisaŋa taam wuu. 16M le basi ate fi ŋaaŋbisaŋa a piisi ase tintain busuŋ la, ate waai a dan baga a chiini tintain busuŋku, wa le baga a chiini fi ŋaaŋbisaŋa. 17Cheŋ, cheŋ tɛŋka woglim ale ka labsimu meena, diila m pai a te fu kama.>>
18Dila nyiŋ Abram yaa torisi wa viitaŋa a cheŋ moata Mamre ale bo Yebron la tiib kpieŋsaŋa jigini. Dula jigini, wa yaa sɛ kuŋkuŋ a te Naawen.
ప్రస్తుతం ఎంపిక చేయబడింది:
Piilimka 13: BWU
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2023, Ghana Institute of Linguistics, Literacy and Bible Translation
Piilimka 13
13
1Abram yaa basi Ejipiti alege cheŋ Negev ale wa powa ale jaabuuri meena ate wa jam ta la. Lɔti mɛ jam va wa kama a cheŋ. 2Abram jam jigsi kama ale duŋsa ale kpana ale ligmɔniŋ.
3Wa jam zaani Negev kama a cheŋ de ale de a yaa ga paari Betel kauk kuui ale bo Betel ale Ai suŋsuŋ la. Dula ale wa jam liŋ ti wa viuku la. 4Dula mɛ ale wa liŋ a sɛ kuŋkuŋku la. Dula jigini Abram yaa wi Naawen yuenni.
5Lɔti ale jam va Abram nyiem a cheŋ la a jam ta piisa ale niiga ale viita kama. 6Alege tɛŋka an jam soa dii ate ba meena a bo du ale chaaba. Ba ŋantaŋa jam zuak ka nna yegayega ate ba an baga a bo ale chaaba. 7Kpaliŋ ale jam bo baai ale a nya Abram duŋsaŋa zuk la ale baai ale a nya Lɔti duŋsaŋa zuk la suŋsuŋ. Keenan demma ale Perizzi demma mɛ jam maa bo ka tɛŋ kala dila po.
8Abram yaa jam weeni Lɔti ayen, <<Kan te ti kpaliŋ a bo mi ale fi suŋsuŋŋa yaase baai ale a nya mi duŋsaŋa zuk la ale fi duŋsaŋa zuk la suŋsuŋŋa, diila ti ka suata. 9Tɛŋka an doa daa mi ale fi meena niŋŋa? Basi ate ti gaari chaab. Fi dan cheŋ gala, mi ale cheŋ juga, fi be dan cheŋ juga, mi ale cheŋ gala.>>
10Lɔti yaa zak zuk nya Jodan ale dua dii jassi ale yɔk a nye ase Naawen tiisa jigi la. Ku jam a nye ase ka Ejipiti tɛŋka la a tuak Zoar. Ku le jam ka dii alege ate Naawen a kaasi Sodom ale Gomora tɛŋsaŋa la. 11Lɔti yaa lueri Jodan meena ale dua jassi la a te wadek a va kori geŋ. Nuruba bayewa yaa jam poori chaab. 12Abram jam bo ka Keenan tɛŋka alege Lɔti jam bo tɛŋ sii ale jam dua nna jassi la a ti wa viitaŋa a moata Sodom. 13Yɔgyɔgla de Sodom nuruma nyeka jam tua kama ale a nye biem nna yegayega a kaasi Naawen.
14Abram ale Lɔti ale poori chaab la ŋaaŋnyiŋ, Naawen yaa weeni wa ayen, <<Kauk kuui ate fi za la zak zuk a nya wiiluk geŋ ale yeseok geŋ ale kori geŋ ale yeniŋ geŋ. 15Tɛŋka meena ate fi a nya la m le pai te fi ale fi ŋaaŋbisaŋa taam wuu. 16M le basi ate fi ŋaaŋbisaŋa a piisi ase tintain busuŋ la, ate waai a dan baga a chiini tintain busuŋku, wa le baga a chiini fi ŋaaŋbisaŋa. 17Cheŋ, cheŋ tɛŋka woglim ale ka labsimu meena, diila m pai a te fu kama.>>
18Dila nyiŋ Abram yaa torisi wa viitaŋa a cheŋ moata Mamre ale bo Yebron la tiib kpieŋsaŋa jigini. Dula jigini, wa yaa sɛ kuŋkuŋ a te Naawen.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2023, Ghana Institute of Linguistics, Literacy and Bible Translation