SAN JUAN 20
20
Jesús kausarimpun
[Mt 28.1-10; Mr 16.1-8; Lc 24.11-1]
1Semanaj ñaupaj p'unchayninta, María Magdalena tutamanta sepulturaman rerqa laqhallaraj kashajtin. Sepulturamanta rumitataj tanqarparisqata rikorqa. 2Chaypacha usqhayta correspa Simón Pedroman jamorqa, Jesuspa munakusqan yachachisqamanwan. Paykunamantaj nerqa: Señorta sepulturamanta apakapusqanku, manataj yachaykuchu maymanchus churasqankuta.
3Pedrotaj chay yachachisqawan llojsispa, sepulturaman rerqanku. 4Iskayninkutaj correrqanku; chay uj yachachisqataj aswan usqhayta correspa Pedrota atiparqa, ñaupajtataj sepulturaman chayarqa. 5K'umuykuspa qhawaykorqa, sabanastataj churasqasta rikorqa, manataj yaykorqachu. 6Qhepanta Simón Pedro chayarqa. Paytaj sepulturaman yaykorqa. Paypis rikullarqataj sabanasta chaypi churasqasta. 7Jesuspa uman qhatasqa karqa chay pañotapis, mana sabanaswan khuskatachu rikorqa, astawanqa wajnejpi lluchhurpayasqata. 8Chantá ñaupajta sepulturaman chayarqa chay yachachisqapis, yaykullarqataj; chay imasta rikuspataj creerqa. 9Manaraj entienderqankuchu Escriturata, Jesús wañusqamanta kausarimunan kasqanta. 10Yachachisqastaj wasisninkuman kutiporqanku.
Jesús rikhurin María Magdalenaman
[Mr 16.9-11]
11Mariataj jawapi, sepultura qayllapi waqasharqa. Waqan waqan k'umuykuspataj sepultura ukhuta qhawaykorqa. 12Rikorqataj yuraj p'achayoj iskay angelesta tiyashajta; maypichus Jesuspa cuerpon churasqa karqa chaypi; ujninta umannejpi, ujnintataj chakinnejpi. 13Angelestaj payman nerqanku: Warmi, imaraykutaj waqashanki?
Mariataj kuticherqa: Señorniyta apakapusqanku, manataj yachanichu maymanchus churasqankuta.
14Chayta niytawan qhepaman kutirispa Jesusta rikorqa, manataj yacharqachu pay Jesús kasqanta. 15Jesustaj payman nerqa: Warmi, imaraykutaj waqashanki? Pitá mask'ashankiri?
Mariataj huertata qhawaj runa kasqanta yuyaspa nerqa: Tatáy, qan aparqanki chayqa, willaway maymanchus churasqaykita, apakapunaypaj.
16Jesús payman nerqa: María!
Paytaj qhepaman kutirikuspa nerqa: Raboni! Chayqa, Maestro niyta munan.
17Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.
18María Magdalenataj rispa, yachachisqasman willarqa Señorta rikusqanta payllataj kay imasta nisqantawan.
Jesús yachachisqasman rikhurin
[Mt 28.16-20; Mr 16.14-18; Lc 24.36-49]
19Chay kikin semanaj ñaupaj kaj p'unchayninta, tutayaytaña, punkus wisq'asqaña kasharqa, maypichus yachachisqas tantakorqanku judiosta manchachikuspa. Chaypacha Jesús paykunaman jamorqa, chaupinkupi sayaykuspataj nerqa: Sonqo tiyakuy qankunawan kachun.
20Chayta niytawan, makisninta, wajtanninta ima rikuchikorqa. Yachachisqastaj kusikorqanku Jesusta rikuspa. 21Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.
22Chayta niytawan phukorqa, nerqataj: Santo Espirituta jap'iychej. 23Pikunaj juchasnintachus perdonankichej chayqa, paykunaj juchasninku perdonasqas kanqanku. Pikunajtatajchus qhepachinkichej chayqa, qhepachisqallataj kanqa.
Tomás mana creenchu
24Tomasqa, chunka iskayniyoj yachachisqasninmanta ujnin karqa, mellizo nisqa. Paytaj mana paykunawanchu kasharqa, maypachachus Jesús jamorqa chaypacha. 25Yachachisqastaj payman nerqanku: Señorta rikuyku.
Tomastaj paykunaman nerqa: Sichus makisnimpi clavospa jusk'usqanta mana rikusaj chayqa, mana creesajchu. Chantá manatajchus dedoyta clavospa jusk'usqanman sat'iykusaj, nillataj wajtannimpi lanzawan t'ojsisqaman makiyta churaykusaj chaypis, manapuni creesajchu.
26Pusaj p'unchayninman, yachachisqas ujtawan wasipi tantakorqanku, Tomaspis paykunawan kasharqa. Punkus wisq'asqa kashajtin, Jesús jamuspa chaupinkupi rikhurerqa, nerqataj: Sonqo tiyakuy qankunawan kachun, nispa.
27Kikimpacha Tomasman nerqa: Dedoykita kayman churay, makisniytataj qhawariy, makiykita apamuy, churaykuytaj ukhuyman; amataj iskayrayaychu, astawanqa creey.
28Tomastaj kutichispa nerqa: Señorníy, Diosníy!
29Jesús payman nerqa: Tomás, rikuwasqaykirayku creenki; kusikuyniyoj kanku mana rikuwaspa creejkunaqa.
Imapajchus kay libro escribisqa
30Jesusqa waj ashkha milagrosta ruwarqa, yachachisqasnimpa ñaupaqempi, kay libropitaj kunanqa mana escribisqaschu kashanku. 31Kay imastaj escribisqas karqanku creenaykichejpaj Jesusqa Cristo Diospa Churin kasqanta; paypitaj creespa kausayniyoj kanaykichejpaj.
ప్రస్తుతం ఎంపిక చేయబడింది:
SAN JUAN 20: QCHSB
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Qheshwa Biblia DC © Sociedades Bíblicas Unidas, 1986.
SAN JUAN 20
20
Jesús kausarimpun
[Mt 28.1-10; Mr 16.1-8; Lc 24.11-1]
1Semanaj ñaupaj p'unchayninta, María Magdalena tutamanta sepulturaman rerqa laqhallaraj kashajtin. Sepulturamanta rumitataj tanqarparisqata rikorqa. 2Chaypacha usqhayta correspa Simón Pedroman jamorqa, Jesuspa munakusqan yachachisqamanwan. Paykunamantaj nerqa: Señorta sepulturamanta apakapusqanku, manataj yachaykuchu maymanchus churasqankuta.
3Pedrotaj chay yachachisqawan llojsispa, sepulturaman rerqanku. 4Iskayninkutaj correrqanku; chay uj yachachisqataj aswan usqhayta correspa Pedrota atiparqa, ñaupajtataj sepulturaman chayarqa. 5K'umuykuspa qhawaykorqa, sabanastataj churasqasta rikorqa, manataj yaykorqachu. 6Qhepanta Simón Pedro chayarqa. Paytaj sepulturaman yaykorqa. Paypis rikullarqataj sabanasta chaypi churasqasta. 7Jesuspa uman qhatasqa karqa chay pañotapis, mana sabanaswan khuskatachu rikorqa, astawanqa wajnejpi lluchhurpayasqata. 8Chantá ñaupajta sepulturaman chayarqa chay yachachisqapis, yaykullarqataj; chay imasta rikuspataj creerqa. 9Manaraj entienderqankuchu Escriturata, Jesús wañusqamanta kausarimunan kasqanta. 10Yachachisqastaj wasisninkuman kutiporqanku.
Jesús rikhurin María Magdalenaman
[Mr 16.9-11]
11Mariataj jawapi, sepultura qayllapi waqasharqa. Waqan waqan k'umuykuspataj sepultura ukhuta qhawaykorqa. 12Rikorqataj yuraj p'achayoj iskay angelesta tiyashajta; maypichus Jesuspa cuerpon churasqa karqa chaypi; ujninta umannejpi, ujnintataj chakinnejpi. 13Angelestaj payman nerqanku: Warmi, imaraykutaj waqashanki?
Mariataj kuticherqa: Señorniyta apakapusqanku, manataj yachanichu maymanchus churasqankuta.
14Chayta niytawan qhepaman kutirispa Jesusta rikorqa, manataj yacharqachu pay Jesús kasqanta. 15Jesustaj payman nerqa: Warmi, imaraykutaj waqashanki? Pitá mask'ashankiri?
Mariataj huertata qhawaj runa kasqanta yuyaspa nerqa: Tatáy, qan aparqanki chayqa, willaway maymanchus churasqaykita, apakapunaypaj.
16Jesús payman nerqa: María!
Paytaj qhepaman kutirikuspa nerqa: Raboni! Chayqa, Maestro niyta munan.
17Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.
18María Magdalenataj rispa, yachachisqasman willarqa Señorta rikusqanta payllataj kay imasta nisqantawan.
Jesús yachachisqasman rikhurin
[Mt 28.16-20; Mr 16.14-18; Lc 24.36-49]
19Chay kikin semanaj ñaupaj kaj p'unchayninta, tutayaytaña, punkus wisq'asqaña kasharqa, maypichus yachachisqas tantakorqanku judiosta manchachikuspa. Chaypacha Jesús paykunaman jamorqa, chaupinkupi sayaykuspataj nerqa: Sonqo tiyakuy qankunawan kachun.
20Chayta niytawan, makisninta, wajtanninta ima rikuchikorqa. Yachachisqastaj kusikorqanku Jesusta rikuspa. 21Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.
22Chayta niytawan phukorqa, nerqataj: Santo Espirituta jap'iychej. 23Pikunaj juchasnintachus perdonankichej chayqa, paykunaj juchasninku perdonasqas kanqanku. Pikunajtatajchus qhepachinkichej chayqa, qhepachisqallataj kanqa.
Tomás mana creenchu
24Tomasqa, chunka iskayniyoj yachachisqasninmanta ujnin karqa, mellizo nisqa. Paytaj mana paykunawanchu kasharqa, maypachachus Jesús jamorqa chaypacha. 25Yachachisqastaj payman nerqanku: Señorta rikuyku.
Tomastaj paykunaman nerqa: Sichus makisnimpi clavospa jusk'usqanta mana rikusaj chayqa, mana creesajchu. Chantá manatajchus dedoyta clavospa jusk'usqanman sat'iykusaj, nillataj wajtannimpi lanzawan t'ojsisqaman makiyta churaykusaj chaypis, manapuni creesajchu.
26Pusaj p'unchayninman, yachachisqas ujtawan wasipi tantakorqanku, Tomaspis paykunawan kasharqa. Punkus wisq'asqa kashajtin, Jesús jamuspa chaupinkupi rikhurerqa, nerqataj: Sonqo tiyakuy qankunawan kachun, nispa.
27Kikimpacha Tomasman nerqa: Dedoykita kayman churay, makisniytataj qhawariy, makiykita apamuy, churaykuytaj ukhuyman; amataj iskayrayaychu, astawanqa creey.
28Tomastaj kutichispa nerqa: Señorníy, Diosníy!
29Jesús payman nerqa: Tomás, rikuwasqaykirayku creenki; kusikuyniyoj kanku mana rikuwaspa creejkunaqa.
Imapajchus kay libro escribisqa
30Jesusqa waj ashkha milagrosta ruwarqa, yachachisqasnimpa ñaupaqempi, kay libropitaj kunanqa mana escribisqaschu kashanku. 31Kay imastaj escribisqas karqanku creenaykichejpaj Jesusqa Cristo Diospa Churin kasqanta; paypitaj creespa kausayniyoj kanaykichejpaj.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Qheshwa Biblia DC © Sociedades Bíblicas Unidas, 1986.