SAN JUAN 4
4
Jesús, Jacobpa pujyumpi
1Señortaj yacharqa fariseokunaj uyarisqankuta, nejta: Jesusqa, Juanmanta nisqaqa astawan yachachisqasniyoj, astawantaj bautizan. 2Manapis Jesuschu bautizasharqa, manachayqa yachachisqasnillan. 3Chayta yachaspataj, Judeamanta llojsispa Galileaman ujtawan kutiporqa.
4Chantá Samarianejtapunitaj rinan karqa. 5Chayarqataj Samariapi kaj, Sicar nisqa llajtaman; maypichus Jacobqa churin Joseman chayaqenta qorqa, chay qayllaman. 6Chaypitaj karqa Jacobpa yaku pujyun. Jesustaj purisqampi sayk'uspa, chay pujyu qayllapi tiyarikorqa. Chaupi p'unchay jinaña kasharqa. 7Chayman Samaria llajtayoj warmi jamorqa yakuta wisej. Jesustaj chay warmiman nerqa: Yakuta qoriway ujyanaypaj, nispa. 8Chaykamataj yachachisqasnin llajtaman rerqanku mikhunata rantej.
9Samaritana warmitaj Jesusman nerqa: Imajtintaj judío runa kashaspa, noqa samaritana warmimanta yakuta mañawankiri? nispa. Judiosqa mana allintachu kausanku samaritanoswanqa.
10Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.
11Warmitaj nerqa: Señor, mana imapis yakuta orqhonaykipaj tiyapusunkichu, pujyutaj allin ukhu, maymantataj chay kausay yaku tiyapusunkiri? 12Qanqa Jacob tatanchejmantapis aswan kurajchu kanki? Payqa kay pujyuta saqepuwarqayku, kaymanta pay ujyarqa, wawasnin, uywasnin ima.
13Jesustaj kuticherqa: Pillapis kay yakumanta ujyajqa, ch'akichikonqapuni. 14Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.
15Warmitaj nerqa: Señor, chay yakuta qoway, amaña ch'akichikunaypaj, nitaj kay pujyuman yakuta orqhoj jamunaypaj.
16Jesustaj nerqa: Kunanqa riy qosaykita wajyamuy, kutimuytaj.
17Warmitaj kuticherqa: Mana qosay kanchu, nispa.
18Jesús nillarqataj: Allinta ninki mana qosay kanchu, nispa. Phishqa qosasniyoj karqanki; kunan piwanchus kashanki chayqa, mana qosaykichu; chaytaqa cheqata parlanki.
19Warmitaj kayta uyarispa nerqa: Señor, yuyani profeta kasqaykita. 20Ñaupa tatasniykoqa kay orqopi Diosta yupaycharqanku, qankuna judiosrí ninkichej, Jerusalenllapi yupaychana kasqanta.
21Jesustaj kuticherqa: Warmi, creeway. Horaqa chayamushanña maypachachus mana kay orqopichu, nitaj Jerusalempichu Dios Tatata yupaychankichej. 22Samaritanosqa mana yachasqaykichejta yupaychankichej; noqaykurí yachasqaykuta; imaraykuchus salvacionqa judiosmanta jamun. 23Hora chayamushanña, kunantaj chay horapi kashanchej. Dios Tatata cheqamanta yupaychajkunaqa, espiritupi cheqapitaj yupaychanqanku. Dios Tataqa, ajinata yupaychanankuta munan. 24Diosqa Espiritumin; payta yupaychajkunaqa espiritupi cheqapitaj yupaychananku tiyan.
25Warmitaj nerqa: Yachani Cristo nisqa Mesías chayamunanta; paytaj chayamuspa tukuy imata willawasqayku.
26Jesustaj nerqa: Noqa chay Cristo kani, parlashaykitaj.
27Chayllaman, yachachisqasnin chayamuspa t'ukorqanku, Jesusta uj warmiwan parlashajta taripaspa. Manataj mayqenninkupis nerqachu: Imatataj tapushanki?, chayrí imamantataj chay warmiwan parlasharqanki?, nispa. 28-29Chantá, warmeqa yaku p'uyñunta pachampi saqerparispa, llajtaman rerqa; chaypitaj runasman nerqa: Jamuychej rikunkichej uj runata. Pay tukuy ima ruwasqasniyta sut'inchawan. Manachu pay Cristo kanman?
30Chaypacha tukuy runas llajtamanta llojsispa rerqanku maypichus Jesús kasharqa chayman. 31Chaykamataj yachachisqas, Jesusman nerqanku: Maestro, imallatapis mikhurikuy ari, nispa.
32Jesustaj paykunaman nerqa: Waj mikhuna tiyapuwan, qankunataj chayta mana rejsinkichejchu.
33Chantá, yachachisqasqa paykunapura ninakorqanku: Pichus mikhunata jaywarqa?, nispa.
34Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay. 35Qankunaqa ninkichej: Tawa killamantaraj cosecha kanqa; noqarí niykichej: Qhawariychej chajrasta, cosechanapaj poqosqaña kashanku. 36Pichus ruthojqa pagonta jap'ikaponqa, poqoytataj wiñay kausaypaj tantanqa. Tarpojtajrí, ruthojwan kusikonqa. 37Kay nisqaqa cheqamanta junt'akun: Uj tarpun, wajtaj poqojta oqharin. 38Noqa kacharqaykichej, mana tarpusqaykichejta ruthojta; wajkuna llank'arqanku, qankunataj chay llank'asqasninkuman yaykorqankichej.
39Samaria llajtayojkunamanta Jesuspi ashkhas creerqanku, chay warmej willasqanta uyarispa; imaraykuchus pay nerqa: Tukuy ruwasqasniyta sut'inchawan, nispa. 40Ajinamanta, samaritanosqa Jesusman qayllaykuspa mañakorqanku paykunawan qhepakunanta. Jesustaj iskay p'unchayta chaypi qhepakorqa. 41Ashkhastaj creerqanku kikin Jesuspa willasqanta uyarispa. 42Warmimantaj nerqanku: Kunanqa creeyku mana qan willawasqaykuraykullachu. Noqayku kikiyku uyariyku yachaykutaj cheqamanta payqa kay mundota Salvaj Cristo kasqanta.
Jesús thañichin kamachejpa churinta
43Jesustaj chaypi iskay p'unchayta kaytawan, Samariamanta llojsispa, Galileaman riporqa. 44Kikin Jesús nerqa profetaqa kikin llajtampi mana allimpaj qhawasqa kasqanta. 45Galileaman Jesús chayajtintaj, walejllata reciberqanku. Paykunapis Jerusalempi qhochukuman rillasqankutaj; chaypi, Jesuspa tukuy imata ruwasqanta rikorqanku.
46Chaymantataj, Jesús kutimullarqataj Galileapi Canaman; maypichus yakuta vinoman tukucherqa chayman. Chaypi karqa uj runa reypa sutimpi kamachej. Paypa wawantaj onqosqa karqa Capernaumpi. 47Chay kamachejtaj Judeamanta Galileaman Jesús jamusqanta yachaspa, payta watukoj jamorqa, mañakorqataj wasinman rispa wawanta thañichimunanta; imaraykuchus wañunayasharqaña. 48Chaypachataj Jesús payman nerqa: Qankunaqa mana creenkichejchu manachus señalesta milagrostapis rikuwajchej chayqa.
49Reypa kamachejnintaj nerqa: Señor, rillay ari, amaraj waway wañupushajtin.
50Jesustaj nerqa: Kutipuy, wawaykeqa kausakushan.
Chay runataj Jesuspa nisqanta creespa, riporqa. 51Wasinman chayashajtintaj, kamachisnin taripaj llojsimuspa nerqanku: Wawaykeqa kausakushan, nispa.
52Paytaj kamachisninta taporqa ima horatachus wawan allinyasqanta; paykunataj nerqanku: Qayna chaupi p'unchaynejta q'oñi onqoy saqeporqa, nispa.
53Wawaj tatantaj yacharqa chay horatapuni Jesús payman nisqanta: Wawaykeqa kausakushan, nispa. Chantá chay runa, wasimpi tukuy tiyakojkunapis, Jesuspi creerqanku.
54Judeamanta Galileaman kutimuspa chay iskay kaj milagrosta Jesús ruwarqa.
ప్రస్తుతం ఎంపిక చేయబడింది:
SAN JUAN 4: QCHSB
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Qheshwa Biblia DC © Sociedades Bíblicas Unidas, 1986.
SAN JUAN 4
4
Jesús, Jacobpa pujyumpi
1Señortaj yacharqa fariseokunaj uyarisqankuta, nejta: Jesusqa, Juanmanta nisqaqa astawan yachachisqasniyoj, astawantaj bautizan. 2Manapis Jesuschu bautizasharqa, manachayqa yachachisqasnillan. 3Chayta yachaspataj, Judeamanta llojsispa Galileaman ujtawan kutiporqa.
4Chantá Samarianejtapunitaj rinan karqa. 5Chayarqataj Samariapi kaj, Sicar nisqa llajtaman; maypichus Jacobqa churin Joseman chayaqenta qorqa, chay qayllaman. 6Chaypitaj karqa Jacobpa yaku pujyun. Jesustaj purisqampi sayk'uspa, chay pujyu qayllapi tiyarikorqa. Chaupi p'unchay jinaña kasharqa. 7Chayman Samaria llajtayoj warmi jamorqa yakuta wisej. Jesustaj chay warmiman nerqa: Yakuta qoriway ujyanaypaj, nispa. 8Chaykamataj yachachisqasnin llajtaman rerqanku mikhunata rantej.
9Samaritana warmitaj Jesusman nerqa: Imajtintaj judío runa kashaspa, noqa samaritana warmimanta yakuta mañawankiri? nispa. Judiosqa mana allintachu kausanku samaritanoswanqa.
10Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.
11Warmitaj nerqa: Señor, mana imapis yakuta orqhonaykipaj tiyapusunkichu, pujyutaj allin ukhu, maymantataj chay kausay yaku tiyapusunkiri? 12Qanqa Jacob tatanchejmantapis aswan kurajchu kanki? Payqa kay pujyuta saqepuwarqayku, kaymanta pay ujyarqa, wawasnin, uywasnin ima.
13Jesustaj kuticherqa: Pillapis kay yakumanta ujyajqa, ch'akichikonqapuni. 14Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.
15Warmitaj nerqa: Señor, chay yakuta qoway, amaña ch'akichikunaypaj, nitaj kay pujyuman yakuta orqhoj jamunaypaj.
16Jesustaj nerqa: Kunanqa riy qosaykita wajyamuy, kutimuytaj.
17Warmitaj kuticherqa: Mana qosay kanchu, nispa.
18Jesús nillarqataj: Allinta ninki mana qosay kanchu, nispa. Phishqa qosasniyoj karqanki; kunan piwanchus kashanki chayqa, mana qosaykichu; chaytaqa cheqata parlanki.
19Warmitaj kayta uyarispa nerqa: Señor, yuyani profeta kasqaykita. 20Ñaupa tatasniykoqa kay orqopi Diosta yupaycharqanku, qankuna judiosrí ninkichej, Jerusalenllapi yupaychana kasqanta.
21Jesustaj kuticherqa: Warmi, creeway. Horaqa chayamushanña maypachachus mana kay orqopichu, nitaj Jerusalempichu Dios Tatata yupaychankichej. 22Samaritanosqa mana yachasqaykichejta yupaychankichej; noqaykurí yachasqaykuta; imaraykuchus salvacionqa judiosmanta jamun. 23Hora chayamushanña, kunantaj chay horapi kashanchej. Dios Tatata cheqamanta yupaychajkunaqa, espiritupi cheqapitaj yupaychanqanku. Dios Tataqa, ajinata yupaychanankuta munan. 24Diosqa Espiritumin; payta yupaychajkunaqa espiritupi cheqapitaj yupaychananku tiyan.
25Warmitaj nerqa: Yachani Cristo nisqa Mesías chayamunanta; paytaj chayamuspa tukuy imata willawasqayku.
26Jesustaj nerqa: Noqa chay Cristo kani, parlashaykitaj.
27Chayllaman, yachachisqasnin chayamuspa t'ukorqanku, Jesusta uj warmiwan parlashajta taripaspa. Manataj mayqenninkupis nerqachu: Imatataj tapushanki?, chayrí imamantataj chay warmiwan parlasharqanki?, nispa. 28-29Chantá, warmeqa yaku p'uyñunta pachampi saqerparispa, llajtaman rerqa; chaypitaj runasman nerqa: Jamuychej rikunkichej uj runata. Pay tukuy ima ruwasqasniyta sut'inchawan. Manachu pay Cristo kanman?
30Chaypacha tukuy runas llajtamanta llojsispa rerqanku maypichus Jesús kasharqa chayman. 31Chaykamataj yachachisqas, Jesusman nerqanku: Maestro, imallatapis mikhurikuy ari, nispa.
32Jesustaj paykunaman nerqa: Waj mikhuna tiyapuwan, qankunataj chayta mana rejsinkichejchu.
33Chantá, yachachisqasqa paykunapura ninakorqanku: Pichus mikhunata jaywarqa?, nispa.
34Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay. 35Qankunaqa ninkichej: Tawa killamantaraj cosecha kanqa; noqarí niykichej: Qhawariychej chajrasta, cosechanapaj poqosqaña kashanku. 36Pichus ruthojqa pagonta jap'ikaponqa, poqoytataj wiñay kausaypaj tantanqa. Tarpojtajrí, ruthojwan kusikonqa. 37Kay nisqaqa cheqamanta junt'akun: Uj tarpun, wajtaj poqojta oqharin. 38Noqa kacharqaykichej, mana tarpusqaykichejta ruthojta; wajkuna llank'arqanku, qankunataj chay llank'asqasninkuman yaykorqankichej.
39Samaria llajtayojkunamanta Jesuspi ashkhas creerqanku, chay warmej willasqanta uyarispa; imaraykuchus pay nerqa: Tukuy ruwasqasniyta sut'inchawan, nispa. 40Ajinamanta, samaritanosqa Jesusman qayllaykuspa mañakorqanku paykunawan qhepakunanta. Jesustaj iskay p'unchayta chaypi qhepakorqa. 41Ashkhastaj creerqanku kikin Jesuspa willasqanta uyarispa. 42Warmimantaj nerqanku: Kunanqa creeyku mana qan willawasqaykuraykullachu. Noqayku kikiyku uyariyku yachaykutaj cheqamanta payqa kay mundota Salvaj Cristo kasqanta.
Jesús thañichin kamachejpa churinta
43Jesustaj chaypi iskay p'unchayta kaytawan, Samariamanta llojsispa, Galileaman riporqa. 44Kikin Jesús nerqa profetaqa kikin llajtampi mana allimpaj qhawasqa kasqanta. 45Galileaman Jesús chayajtintaj, walejllata reciberqanku. Paykunapis Jerusalempi qhochukuman rillasqankutaj; chaypi, Jesuspa tukuy imata ruwasqanta rikorqanku.
46Chaymantataj, Jesús kutimullarqataj Galileapi Canaman; maypichus yakuta vinoman tukucherqa chayman. Chaypi karqa uj runa reypa sutimpi kamachej. Paypa wawantaj onqosqa karqa Capernaumpi. 47Chay kamachejtaj Judeamanta Galileaman Jesús jamusqanta yachaspa, payta watukoj jamorqa, mañakorqataj wasinman rispa wawanta thañichimunanta; imaraykuchus wañunayasharqaña. 48Chaypachataj Jesús payman nerqa: Qankunaqa mana creenkichejchu manachus señalesta milagrostapis rikuwajchej chayqa.
49Reypa kamachejnintaj nerqa: Señor, rillay ari, amaraj waway wañupushajtin.
50Jesustaj nerqa: Kutipuy, wawaykeqa kausakushan.
Chay runataj Jesuspa nisqanta creespa, riporqa. 51Wasinman chayashajtintaj, kamachisnin taripaj llojsimuspa nerqanku: Wawaykeqa kausakushan, nispa.
52Paytaj kamachisninta taporqa ima horatachus wawan allinyasqanta; paykunataj nerqanku: Qayna chaupi p'unchaynejta q'oñi onqoy saqeporqa, nispa.
53Wawaj tatantaj yacharqa chay horatapuni Jesús payman nisqanta: Wawaykeqa kausakushan, nispa. Chantá chay runa, wasimpi tukuy tiyakojkunapis, Jesuspi creerqanku.
54Judeamanta Galileaman kutimuspa chay iskay kaj milagrosta Jesús ruwarqa.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Qheshwa Biblia DC © Sociedades Bíblicas Unidas, 1986.