Juan 16
16
1Chantá Jesús yachachisqankunata nillarqapuni: Noqa kay tukuyta niykichej ama noqapi atinikusqaykichejpi sayk'upunaykichejpaj. 2Qankunataqa judío masiykichejkuna tantakunanku wasimanta wijch'usonqachej. Chaypachataj pillapis qankunata wañuchispaqa, yuyanqa Diospaj allinta ruwashasqanta. 3Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu. 4Kaykunata niykichej, imachus kanan kashan chay pasajtin, kay nisqaymanta yuyarikunaykichejpaj.
Santo Espíritoj ruwanan
Qallariypi kayta mana nerqaykichejchu, imaraykuchus qankunawanraj kasharqani. 5Kunanrí Kachamuwaj Dioswan kanaypaj kutipushani, manataj mayqenniykichejpis tapuwankichejchu: Maymantaj rishankiri? nispa. 6Astawanqa kayta nisqayrayku sonqoykichejpi may jinata llakikushankichej. 7Noqarí sut'ita niykichej: Noqa ripunayqa qankunapaj aswan allin kanqa, imaraykuchus mana ripuymanchu chayqa, Sonqochaj Santo Espíritu mana qankunaman jamunmanchu. Ripusajchus chayrí, payta kachamusqaykichej.
8Pay jamuspaqa, runakunata reparachenqa kay jinata nispa pantasqankuta: Noqaykoqa imachus jucha kasqanta yachayku, yachallaykutaj Diospa ñawpaqenpi imachus cheqan kasqanta. Chantá Dios runata imamantachus juchachananta yachallaykutaj, nispa. 9Santo Espiriturí juchallisqankumanta reparachenqa, imaraykuchus paykuna juchayoj kanku noqapi mana atinikuyta munasqankurayku. 10Reparachillanqataj noqaqa mana juchayoj cheqan kasqayta, imaraykuchus Tatayman kutipushani, qankunataj manaña kay pachapi rikuwankichejchu. 11Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.#16.11 Pichus kay pachapi kamachej: Chayqa Supaymin. Jn 12.31; Col 2.15.
12Qankunaman parlanayqa ashkharaj kashan. Chaywanpis kunan chay tukuyta ninayqa qankunapaj anchaña kanman. 13Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej. 14Pay noqata jatunchawanqa, imaraykuchus noqaj nisqayta jap'ispa, chaytapuni yachachisonqachej. 15Tukuy ima Tataypata kajqa noqajllatataj. Chayrayku nerqani Santo Espíritu noqamanta tukuy imata qankunaman yachachisunaykichejta.
16Tumpamantawan manaña rikuwankichejchu, chaymanta uj chhikamantawanrí watej rikullawankichejtaj, nispa. Ajinata Jesús nerqa.
Llakikuyninku kusiyman tukonqa
17Chaypacha Jesuspa wakin yachachisqankuna tapunakorqanku: Imatataj Jesús niyta munawanchej: Tumpamantawan mana rikuwankichejchu, chaymanta uj chhikamantawanrí watej rikullawankichejtaj, imaraykuchus Tataypaman kutipushani, nispari? 18Ima niytataj munan: Tumpamantawan, nispari? Ajinata nispa, imatachus pay niyta munasqanta mana yachanchejchu, nispa.
19Chaymanta tapukuyta munasqankuta reparaspa, Jesús paykunata nerqa: Tumpamantawan manaña rikuwankichejchu, chaymanta uj chhikamantawanrí watej rikullawankichejtaj, nispa nisqayraykuchu tapunakushankichej? 20Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.
21Kayta nisunman: Onqoj warmeqa onqokushaspa ñak'arin. Jinapis wawata paqarichikuytawanñaqa nanayninmanta qonqapun, wawan paqarisqanmanta kusikusqanrayku. 22Ajinallatataj qankunapis kunan llakikushankichej. Chaywanpis uj kutitawan rikusqaykichej, sonqoykichejtaj kusikonqa, manataj pipis chay kusikuyta qankunamanta qhechuyta atenqachu.
23Chaypacha manaña imatapis tapuwankichejchu. Kayta sut'ita niykichej: Imatachus sutiypi mañakojtiykichejqa, Tatay qosonqachej. 24Kunankama mana imatapis sutiypi mañakunkichejrajchu. Mañakuychej ari, jap'inkichejtaj, sonqoykichej kusikuywan junt'asqa kananpaj.
Jesusqa Diospa contranpi yuyaykunata atipan
25Kay tukuyta rijch'anachinawan parlarqaykichej. Chaywanpis kaymanta mana unaymanchu manaña rijch'anachinawanchu parlasqaykichej, aswanpis Tata Diosmanta sut'ita parlasqaykichej. 26Chaypachaqa qankunarayku Tataymanta mañapusunay manaña necesariochu kanqa, imajtinchus qankuna kikiykichej Tata Diosmanta mañakunkichej noqata qhatiwajkuna kasqaykichejrayku. 27Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej. 28Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.
29Chantá Jesuspa yachachisqankuna nerqanku: Kunanqa sut'ita parlashanki, manataj rijch'anachinawanchu. 30Kunan yachayku tukuy imata yachasqaykita, manataj pipis imata tapusunan kanchu. Chayrayku Tata Dios kachamususqanta tukuy sonqo creeyku, nispa.
31Jesustajrí paykunaman kuticherqa: Kunanqa noqapi atinikunkichejchu? 32Chay p'unchay chayamushanña, chayamunñapis, chaypachataj qankuna ch'eqerasqa kankichej. Sapa ujpis munasqaykichejman jina ripunkichej, noqatataj sapayta saqerpariwankichej. Chaywanpis mana sapaychu kasaj, imaraykuchus Tatayqa noqawan kashan. 33Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.
ప్రస్తుతం ఎంపిక చేయబడింది:
Juan 16: DQPC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.
Juan 16
16
1Chantá Jesús yachachisqankunata nillarqapuni: Noqa kay tukuyta niykichej ama noqapi atinikusqaykichejpi sayk'upunaykichejpaj. 2Qankunataqa judío masiykichejkuna tantakunanku wasimanta wijch'usonqachej. Chaypachataj pillapis qankunata wañuchispaqa, yuyanqa Diospaj allinta ruwashasqanta. 3Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu. 4Kaykunata niykichej, imachus kanan kashan chay pasajtin, kay nisqaymanta yuyarikunaykichejpaj.
Santo Espíritoj ruwanan
Qallariypi kayta mana nerqaykichejchu, imaraykuchus qankunawanraj kasharqani. 5Kunanrí Kachamuwaj Dioswan kanaypaj kutipushani, manataj mayqenniykichejpis tapuwankichejchu: Maymantaj rishankiri? nispa. 6Astawanqa kayta nisqayrayku sonqoykichejpi may jinata llakikushankichej. 7Noqarí sut'ita niykichej: Noqa ripunayqa qankunapaj aswan allin kanqa, imaraykuchus mana ripuymanchu chayqa, Sonqochaj Santo Espíritu mana qankunaman jamunmanchu. Ripusajchus chayrí, payta kachamusqaykichej.
8Pay jamuspaqa, runakunata reparachenqa kay jinata nispa pantasqankuta: Noqaykoqa imachus jucha kasqanta yachayku, yachallaykutaj Diospa ñawpaqenpi imachus cheqan kasqanta. Chantá Dios runata imamantachus juchachananta yachallaykutaj, nispa. 9Santo Espiriturí juchallisqankumanta reparachenqa, imaraykuchus paykuna juchayoj kanku noqapi mana atinikuyta munasqankurayku. 10Reparachillanqataj noqaqa mana juchayoj cheqan kasqayta, imaraykuchus Tatayman kutipushani, qankunataj manaña kay pachapi rikuwankichejchu. 11Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.#16.11 Pichus kay pachapi kamachej: Chayqa Supaymin. Jn 12.31; Col 2.15.
12Qankunaman parlanayqa ashkharaj kashan. Chaywanpis kunan chay tukuyta ninayqa qankunapaj anchaña kanman. 13Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej. 14Pay noqata jatunchawanqa, imaraykuchus noqaj nisqayta jap'ispa, chaytapuni yachachisonqachej. 15Tukuy ima Tataypata kajqa noqajllatataj. Chayrayku nerqani Santo Espíritu noqamanta tukuy imata qankunaman yachachisunaykichejta.
16Tumpamantawan manaña rikuwankichejchu, chaymanta uj chhikamantawanrí watej rikullawankichejtaj, nispa. Ajinata Jesús nerqa.
Llakikuyninku kusiyman tukonqa
17Chaypacha Jesuspa wakin yachachisqankuna tapunakorqanku: Imatataj Jesús niyta munawanchej: Tumpamantawan mana rikuwankichejchu, chaymanta uj chhikamantawanrí watej rikullawankichejtaj, imaraykuchus Tataypaman kutipushani, nispari? 18Ima niytataj munan: Tumpamantawan, nispari? Ajinata nispa, imatachus pay niyta munasqanta mana yachanchejchu, nispa.
19Chaymanta tapukuyta munasqankuta reparaspa, Jesús paykunata nerqa: Tumpamantawan manaña rikuwankichejchu, chaymanta uj chhikamantawanrí watej rikullawankichejtaj, nispa nisqayraykuchu tapunakushankichej? 20Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.
21Kayta nisunman: Onqoj warmeqa onqokushaspa ñak'arin. Jinapis wawata paqarichikuytawanñaqa nanayninmanta qonqapun, wawan paqarisqanmanta kusikusqanrayku. 22Ajinallatataj qankunapis kunan llakikushankichej. Chaywanpis uj kutitawan rikusqaykichej, sonqoykichejtaj kusikonqa, manataj pipis chay kusikuyta qankunamanta qhechuyta atenqachu.
23Chaypacha manaña imatapis tapuwankichejchu. Kayta sut'ita niykichej: Imatachus sutiypi mañakojtiykichejqa, Tatay qosonqachej. 24Kunankama mana imatapis sutiypi mañakunkichejrajchu. Mañakuychej ari, jap'inkichejtaj, sonqoykichej kusikuywan junt'asqa kananpaj.
Jesusqa Diospa contranpi yuyaykunata atipan
25Kay tukuyta rijch'anachinawan parlarqaykichej. Chaywanpis kaymanta mana unaymanchu manaña rijch'anachinawanchu parlasqaykichej, aswanpis Tata Diosmanta sut'ita parlasqaykichej. 26Chaypachaqa qankunarayku Tataymanta mañapusunay manaña necesariochu kanqa, imajtinchus qankuna kikiykichej Tata Diosmanta mañakunkichej noqata qhatiwajkuna kasqaykichejrayku. 27Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej. 28Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.
29Chantá Jesuspa yachachisqankuna nerqanku: Kunanqa sut'ita parlashanki, manataj rijch'anachinawanchu. 30Kunan yachayku tukuy imata yachasqaykita, manataj pipis imata tapusunan kanchu. Chayrayku Tata Dios kachamususqanta tukuy sonqo creeyku, nispa.
31Jesustajrí paykunaman kuticherqa: Kunanqa noqapi atinikunkichejchu? 32Chay p'unchay chayamushanña, chayamunñapis, chaypachataj qankuna ch'eqerasqa kankichej. Sapa ujpis munasqaykichejman jina ripunkichej, noqatataj sapayta saqerpariwankichej. Chaywanpis mana sapaychu kasaj, imaraykuchus Tatayqa noqawan kashan. 33Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.