Lucas 20
20
Jesusta atiyninmanta tapunku
(Mt 21.23-27; Mc 11.27-33)
1Uj p'unchay Jesús Templopi Diosmanta sumaj willayta runakunaman yachachisharqa. Jinallapi kuraj sacerdotekuna, Diospa kamachisqanmanta yachachejkuna, kurajkunawan ima chayamorqanku. 2Jesustataj nerqanku: Niwayku ari: Ima atiywantaj kaykunata ruwankiri? Chayrí, pitaj atiyta qosorqa kay imakunata ruwanaykipaj? nispa.
3Jesustaj kuticherqa: Noqapis ujta tapurillasqaykichejtaj. Niwaychej ari: 4Pitaj Juanman bautizananpaj atiyta qorqa: Dioschu, chayrí runallachu? nispa.
5Chaypacha paykunapura ninakusharqanku: Dios churarqa, nispa nisun chayqa, pay niwasun: Imaraykutaj chantá paypa nisqanta mana jap'ikorqankichejchuri? nispa. 6Juanta runakuna churanku, nispa nisun chayrí, tukuy llajtantinñataj rumiwan ch'anqaykuwasunman, imaraykuchus paykuna yuyanku Juanqa Diosmanta sut'inchajpuni kasqanta, nispa. 7Chayrayku kuticherqanku: Mana yachaykuchu, nispa. 8Chaymantataj Jesús nerqa: Noqapis manallataj nisqaykichejchu pichus atiyta qowasqanta kay imakunata ruwanaypaj, nispa.
Sajra llank'ajkunamanta rijch'anachina
(Mt 21.33-44; Mc 12.1-11)
9Chantá Jesús runakunaman parlaspa, kay rijch'anachinata willarqa: Uj kuti, uj runa jallp'anpi uvata mallkisqa. Chantá llank'ajkunaman partidopi qospa, unaypaj karuman ripusqa. 10Uva pallana p'unchay chayamojtintaj, huertayojqa ujnin kamachinta kachasqa, llank'ajkunamanta paypata kajta jap'inanpaj. Llank'ajkunatajrí chay kachata maqaykuytawan, ch'usaj makillata kachapusqanku. 11Chaymanta huertayoj runaqa waj kamachintañataj kachasqa. Llank'ajkunataj paymanta alqochakuytawan, paytapis maqaykuspa, ch'usaj makillata kachapullasqankutaj. 12Huertayojtaj waj kamachintañataj kachallasqataj. Llank'ajkunarí chay kamachitapis maqaykuspa, yawar pukallata wijch'usqanku.
13Chantá uva huertayoj nisqa: Kunanrí imanasajtaj? Ah, yachaniña imatachus ruwanayta. Munasqa churiytañataj kachasaj. Paytaqa respetanqankupuni, nispa.
14Chaywanpis llank'ajkunaqa ninakusqanku: Kay runaqa huertata chayaqeta jina jap'enqa. Chayrayku payta wañurparichinachej, uva huertataj noqanchejpaj kanqa, nispa. 15Ajinaqa, paykuna huertayojpa churinta huertamanta jawaman orqhoytawan, wañurparichisqanku, nispa.
Chaymanta Jesús uyarejkunata taporqa: Uva huertayojqa imananqataj chay llank'ajkunatari? 16Pay jamuspa, chay llank'ajkunata wañurachenqa, huertantataj waj llank'ajkunaman qonqa, icharí? nispa.
Chayta uyarispa, runakunaqa nerqanku: Ama chaytaqa Dios munallachunpischu, nispa. 17Jesustajrí paykunata qhawarispa, nerqa: Chantá Diospa kay qhelqachisqan ima niytataj munan:
Wasi ruwajkunaj qhesachasqanku rumeqa
cimiento esquinapaj sumaj rumiman tukupun,#Sal 118. nispa?
18Pillapis chay rumi pataman urmaykojqa t'unasqa kanqa. Chantá pejpa patanmanchá chay rumi urmaykonqa, chayqa phirisqa kanqa, nispa.
19Chayta uyarispa, kuraj sacerdotekuna, Diospa kamachisqanmanta yachachejkuna ima Jesusta chay kikinpi jap'iykuyta munarqanku, imaraykuchus reparakorqanku contrankuta chay rijch'anachinata nisqanta. Chaywanpis, mana payta jap'erqankuchu runakunata manchachikusqankurayku.
Impuestota paganamanta
(Mt 21.45-46; 22.15-22; Mc 12.13-17)
20Chantá judiokunaj kurajninkukunaqa allinman tukoj puraj uya runakunata kacharqanku, Jesusta wateqanankupaj. Jinamanta Jesusta ima parlasqallanpipis jap'iyta munarqanku, Romaj churasqan kamachejpa makinman jaywaykunankupaj.
21Jinapitaj paykuna taporqanku: Yachachej wiraqochi, allinta nisqaykita yachayku, cheqanta yachachisqaykita ima. Qanqa mana runaj uyanta qhawarispallachu imatapis ruwanki, manachayqa Diospa munayninta kasunamanta cheqanta yachachinki. 22Ima ninkitaj qan: Allinchu kanman Romapi kuraj kamachej Cesarman impuestota pagana, chayrí manachu? nispa.
23Jesustajrí mana allin yuyaywan chayta tapusqankuta yachaspa, nerqa: 24Rikuchiwaychej denario phisuta. Pejpa uyantaj, chantá pejpa sutintaj kay phisupi churasqa? nispa. Paykunataj kuticherqanku: Cesarpata ari, nispa.
25Chantá Jesús paykunaman nerqa: Jina kajtenqa, Cesarpata kajtaqa Cesarman qopuychej, Diospata kajtatajrí Diosman qopuychej, nispa.
26Kurajkuna mana imaynamantapis parlasqanpi Jesusta pantachiyta aterqankuchu runakunaj ñawpaqenpi, aswanpis kutichisqanmanta t'ukuspa, ch'inyarqanku.
Wañusqakuna kawsarimunankumanta tapukunku
(Mt 22.23-33; Mc 12.18-27)
27Chaymantaqa wakin saduceokunañataj Jesuswan parlaj rerqanku. Paykunaqa wañuymanta mana kawsarimuy kasqanta ninku. Chantá Jesusta taporqanku: 28Yachachej Wiraqochi, noqanchejpajqa Moisés kay qhelqasqata saqerqa: Casarasqa qharichus warminwan manaraj wawayoj kashaspa wañun chayqa, wawqen casarakuchun chay warmisapawan, ajinamanta wañoj wawqenpa miraynin ama chinkananpaj,#Dt 25.2. nispa.
29Uj kuti qanchis wawqekuna karqanku. Kuraj kaj casarakorqa chaymantataj wañuporqa, warminpi mana wawayoj. 30Chantá iskay kaj wawqeñataj chay warmisapawan casarakorqa. Paypis kikillantataj mana wawayoj wañuporqa. 31Ajinallatataj kinsa kaj wawqepis chay warmisapawan casarakullarqataj. Ajinamanta qanchisnintin chay warmiwan casarakorqanku, tukuyninkutaj chay warmipi wawata mana rejsispa wañuporqanku. 32Tukuyninkoj qhepantataj chay warmipis wañupullarqataj. 33Kunan niwayku: Qanchisnintin paywan casarakojtinku, wañuymanta kawsarimuy p'unchaypi, chay warmi mayqenpa warmintaj kanqari? nispa.
34Chantá Jesús paykunaman kuticherqa: Kay pachapi runakuna casarakunku, casarachinkutaj. 35Jamoj kawsaypirí, pikunatachus Dios nin wañusqamanta kawsarimpunapaj jina kasqankuta, chay runakuna manaña casarakonqankuchu, nitaj casarachenqankuchu. 36Paykuna manaña wañonqankuchu, manachayqa angelkuna jinallaña Diospa wawankuna kanqanku, wañusqamanta kawsarimpusqankurayku.
37Mana chayllachu. Moisespis wañusqakuna kawsarimunankumanta parlallarqataj, maypachachus lawrashaj t'ankar sach'amanta willarqa, chaypacha. Tukuyta Kamachej Diosmanta parlaspa, Moisés nerqa: Diosqa Abrahampata, Isaacpata, Jacobpata ima Diosnin kasqanta, nispa.#Ex 3.6. 38Diosqa mana wañusqakunaj Diosninchu, manachayqa kawsajkunajta. Paypajtaj tukuy kawsashanku, nispa.
39Chantá Diospa kamachisqanmanta yachachejkunamanta wakinkuna nerqanku: Yachachej Wiraqochi, may sumajtapuni kutichinki, nispa. 40Chaymantataj Jesusta manaña imamantapis taporqankuchu.
Pejpa churintaj Cristori?
(Mt 22.41-46; Mc 12.35-37)
41Chaypacha Jesús paykunata taporqa: Imaraykutaj ninku Diospa kachamusqan Cristo Davidpa Churin kasqantari? 42Davidpis Salmos qhelqapi nin:
Diosqa Tukuyta Kamachejniyta nerqa:
Kay pañaynejpi tiyarikuy
43awqaykikunata chakiyki uraman churanaykama,#Sal 110.1. nispa.
44Chantá, imaynatataj Cristoqa Davidpa Churin kanman, Davidllataj payta Tukuyta Kamachej nishajtinri? nispa.
Jesusqa Diospa kamachisqanmanta yachachejkunata ch'ataykun
(Mt 23.1-36; Mc 12.38-40; Lc 11.37-54)
45Tukuy runakuna uyarishajtinku, Jesús yachachisqankunata nerqa: 46Diospa kamachisqanta yachachejkunamanta qhawakuychej. Paykuna qhoysu p'achayoj purispa, plazakunapi napaykuchikuyta munanku. Tantakuna wasikunapipis ñawpajpipuni tiyakuyta munanku. Chantá jatun mikhuykunapipis aswan allin kaj tiyanapipuni tiyayta munanku. 47Chaywanpis warmisapaj kapuyninkuta oqokapunku, mana jina kasqankuta reparachikunankupajtaj unay unayta Dioswan parlarikoj tukunku. Chayrayku paykuna aswan sinch'i ñak'ariywan jasut'isqa kanqanku, nispa.
ప్రస్తుతం ఎంపిక చేయబడింది:
Lucas 20: DQPC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.
Lucas 20
20
Jesusta atiyninmanta tapunku
(Mt 21.23-27; Mc 11.27-33)
1Uj p'unchay Jesús Templopi Diosmanta sumaj willayta runakunaman yachachisharqa. Jinallapi kuraj sacerdotekuna, Diospa kamachisqanmanta yachachejkuna, kurajkunawan ima chayamorqanku. 2Jesustataj nerqanku: Niwayku ari: Ima atiywantaj kaykunata ruwankiri? Chayrí, pitaj atiyta qosorqa kay imakunata ruwanaykipaj? nispa.
3Jesustaj kuticherqa: Noqapis ujta tapurillasqaykichejtaj. Niwaychej ari: 4Pitaj Juanman bautizananpaj atiyta qorqa: Dioschu, chayrí runallachu? nispa.
5Chaypacha paykunapura ninakusharqanku: Dios churarqa, nispa nisun chayqa, pay niwasun: Imaraykutaj chantá paypa nisqanta mana jap'ikorqankichejchuri? nispa. 6Juanta runakuna churanku, nispa nisun chayrí, tukuy llajtantinñataj rumiwan ch'anqaykuwasunman, imaraykuchus paykuna yuyanku Juanqa Diosmanta sut'inchajpuni kasqanta, nispa. 7Chayrayku kuticherqanku: Mana yachaykuchu, nispa. 8Chaymantataj Jesús nerqa: Noqapis manallataj nisqaykichejchu pichus atiyta qowasqanta kay imakunata ruwanaypaj, nispa.
Sajra llank'ajkunamanta rijch'anachina
(Mt 21.33-44; Mc 12.1-11)
9Chantá Jesús runakunaman parlaspa, kay rijch'anachinata willarqa: Uj kuti, uj runa jallp'anpi uvata mallkisqa. Chantá llank'ajkunaman partidopi qospa, unaypaj karuman ripusqa. 10Uva pallana p'unchay chayamojtintaj, huertayojqa ujnin kamachinta kachasqa, llank'ajkunamanta paypata kajta jap'inanpaj. Llank'ajkunatajrí chay kachata maqaykuytawan, ch'usaj makillata kachapusqanku. 11Chaymanta huertayoj runaqa waj kamachintañataj kachasqa. Llank'ajkunataj paymanta alqochakuytawan, paytapis maqaykuspa, ch'usaj makillata kachapullasqankutaj. 12Huertayojtaj waj kamachintañataj kachallasqataj. Llank'ajkunarí chay kamachitapis maqaykuspa, yawar pukallata wijch'usqanku.
13Chantá uva huertayoj nisqa: Kunanrí imanasajtaj? Ah, yachaniña imatachus ruwanayta. Munasqa churiytañataj kachasaj. Paytaqa respetanqankupuni, nispa.
14Chaywanpis llank'ajkunaqa ninakusqanku: Kay runaqa huertata chayaqeta jina jap'enqa. Chayrayku payta wañurparichinachej, uva huertataj noqanchejpaj kanqa, nispa. 15Ajinaqa, paykuna huertayojpa churinta huertamanta jawaman orqhoytawan, wañurparichisqanku, nispa.
Chaymanta Jesús uyarejkunata taporqa: Uva huertayojqa imananqataj chay llank'ajkunatari? 16Pay jamuspa, chay llank'ajkunata wañurachenqa, huertantataj waj llank'ajkunaman qonqa, icharí? nispa.
Chayta uyarispa, runakunaqa nerqanku: Ama chaytaqa Dios munallachunpischu, nispa. 17Jesustajrí paykunata qhawarispa, nerqa: Chantá Diospa kay qhelqachisqan ima niytataj munan:
Wasi ruwajkunaj qhesachasqanku rumeqa
cimiento esquinapaj sumaj rumiman tukupun,#Sal 118. nispa?
18Pillapis chay rumi pataman urmaykojqa t'unasqa kanqa. Chantá pejpa patanmanchá chay rumi urmaykonqa, chayqa phirisqa kanqa, nispa.
19Chayta uyarispa, kuraj sacerdotekuna, Diospa kamachisqanmanta yachachejkuna ima Jesusta chay kikinpi jap'iykuyta munarqanku, imaraykuchus reparakorqanku contrankuta chay rijch'anachinata nisqanta. Chaywanpis, mana payta jap'erqankuchu runakunata manchachikusqankurayku.
Impuestota paganamanta
(Mt 21.45-46; 22.15-22; Mc 12.13-17)
20Chantá judiokunaj kurajninkukunaqa allinman tukoj puraj uya runakunata kacharqanku, Jesusta wateqanankupaj. Jinamanta Jesusta ima parlasqallanpipis jap'iyta munarqanku, Romaj churasqan kamachejpa makinman jaywaykunankupaj.
21Jinapitaj paykuna taporqanku: Yachachej wiraqochi, allinta nisqaykita yachayku, cheqanta yachachisqaykita ima. Qanqa mana runaj uyanta qhawarispallachu imatapis ruwanki, manachayqa Diospa munayninta kasunamanta cheqanta yachachinki. 22Ima ninkitaj qan: Allinchu kanman Romapi kuraj kamachej Cesarman impuestota pagana, chayrí manachu? nispa.
23Jesustajrí mana allin yuyaywan chayta tapusqankuta yachaspa, nerqa: 24Rikuchiwaychej denario phisuta. Pejpa uyantaj, chantá pejpa sutintaj kay phisupi churasqa? nispa. Paykunataj kuticherqanku: Cesarpata ari, nispa.
25Chantá Jesús paykunaman nerqa: Jina kajtenqa, Cesarpata kajtaqa Cesarman qopuychej, Diospata kajtatajrí Diosman qopuychej, nispa.
26Kurajkuna mana imaynamantapis parlasqanpi Jesusta pantachiyta aterqankuchu runakunaj ñawpaqenpi, aswanpis kutichisqanmanta t'ukuspa, ch'inyarqanku.
Wañusqakuna kawsarimunankumanta tapukunku
(Mt 22.23-33; Mc 12.18-27)
27Chaymantaqa wakin saduceokunañataj Jesuswan parlaj rerqanku. Paykunaqa wañuymanta mana kawsarimuy kasqanta ninku. Chantá Jesusta taporqanku: 28Yachachej Wiraqochi, noqanchejpajqa Moisés kay qhelqasqata saqerqa: Casarasqa qharichus warminwan manaraj wawayoj kashaspa wañun chayqa, wawqen casarakuchun chay warmisapawan, ajinamanta wañoj wawqenpa miraynin ama chinkananpaj,#Dt 25.2. nispa.
29Uj kuti qanchis wawqekuna karqanku. Kuraj kaj casarakorqa chaymantataj wañuporqa, warminpi mana wawayoj. 30Chantá iskay kaj wawqeñataj chay warmisapawan casarakorqa. Paypis kikillantataj mana wawayoj wañuporqa. 31Ajinallatataj kinsa kaj wawqepis chay warmisapawan casarakullarqataj. Ajinamanta qanchisnintin chay warmiwan casarakorqanku, tukuyninkutaj chay warmipi wawata mana rejsispa wañuporqanku. 32Tukuyninkoj qhepantataj chay warmipis wañupullarqataj. 33Kunan niwayku: Qanchisnintin paywan casarakojtinku, wañuymanta kawsarimuy p'unchaypi, chay warmi mayqenpa warmintaj kanqari? nispa.
34Chantá Jesús paykunaman kuticherqa: Kay pachapi runakuna casarakunku, casarachinkutaj. 35Jamoj kawsaypirí, pikunatachus Dios nin wañusqamanta kawsarimpunapaj jina kasqankuta, chay runakuna manaña casarakonqankuchu, nitaj casarachenqankuchu. 36Paykuna manaña wañonqankuchu, manachayqa angelkuna jinallaña Diospa wawankuna kanqanku, wañusqamanta kawsarimpusqankurayku.
37Mana chayllachu. Moisespis wañusqakuna kawsarimunankumanta parlallarqataj, maypachachus lawrashaj t'ankar sach'amanta willarqa, chaypacha. Tukuyta Kamachej Diosmanta parlaspa, Moisés nerqa: Diosqa Abrahampata, Isaacpata, Jacobpata ima Diosnin kasqanta, nispa.#Ex 3.6. 38Diosqa mana wañusqakunaj Diosninchu, manachayqa kawsajkunajta. Paypajtaj tukuy kawsashanku, nispa.
39Chantá Diospa kamachisqanmanta yachachejkunamanta wakinkuna nerqanku: Yachachej Wiraqochi, may sumajtapuni kutichinki, nispa. 40Chaymantataj Jesusta manaña imamantapis taporqankuchu.
Pejpa churintaj Cristori?
(Mt 22.41-46; Mc 12.35-37)
41Chaypacha Jesús paykunata taporqa: Imaraykutaj ninku Diospa kachamusqan Cristo Davidpa Churin kasqantari? 42Davidpis Salmos qhelqapi nin:
Diosqa Tukuyta Kamachejniyta nerqa:
Kay pañaynejpi tiyarikuy
43awqaykikunata chakiyki uraman churanaykama,#Sal 110.1. nispa.
44Chantá, imaynatataj Cristoqa Davidpa Churin kanman, Davidllataj payta Tukuyta Kamachej nishajtinri? nispa.
Jesusqa Diospa kamachisqanmanta yachachejkunata ch'ataykun
(Mt 23.1-36; Mc 12.38-40; Lc 11.37-54)
45Tukuy runakuna uyarishajtinku, Jesús yachachisqankunata nerqa: 46Diospa kamachisqanta yachachejkunamanta qhawakuychej. Paykuna qhoysu p'achayoj purispa, plazakunapi napaykuchikuyta munanku. Tantakuna wasikunapipis ñawpajpipuni tiyakuyta munanku. Chantá jatun mikhuykunapipis aswan allin kaj tiyanapipuni tiyayta munanku. 47Chaywanpis warmisapaj kapuyninkuta oqokapunku, mana jina kasqankuta reparachikunankupajtaj unay unayta Dioswan parlarikoj tukunku. Chayrayku paykuna aswan sinch'i ñak'ariywan jasut'isqa kanqanku, nispa.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.