Jẹnẹsis 7
7
Oghwe rode na
1Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana. 2Gba reyọ oka rẹ eranvwe ighwrẹ ivivẹ ri tete oma, ọ rẹ ọshare vẹ ọ rẹ aye kugbe eranvwe ivivẹ ri gbe oma, ọ rẹ ọshare vẹ aye rọye; 3kugbe oka rẹ ephra ri obenu na ighwrẹ ivivẹ rhe, ọshare vẹ aye, rere ayen vwo jẹ ghwọrọ kakare nẹ enu rẹ akpọ na. 4Kidie ẹdẹ ighwrẹ chekọ, re Me cha vwọ vwẹ osio rhe akpọ na uvo ujuvẹ kugbe ason ujuvẹ, emu kemu ro vwo ẹnwẹn re Me mare na ejobi ki mi phoro kakare nẹ enu rẹ otọ na. 5Noa de ru emu ejobi rẹ Ọrovwohwo dje kẹ na.
6Noa da dia ikpe uri erha ọghwo te vwẹ ọke rẹ oghwe na vwo ku akpọ na. 7Te Noa vẹ emọ rọye vẹ aye rọye te eya rẹ emọ rọye vẹ ọye da ro evun rẹ okọ na, rẹ ayen vwo nẹ ughwu rẹ ame na. 8Eranvwe ri tete oma, kugbe iri gbe oma, te ephra, te obo ri kpono vwẹ otọ na, 9ivivẹ ọshare kugbe aye, vẹ Noa da ro evun rẹ okọ na, kirobo rẹ Ọghẹnẹ dje kẹ Noa. 10Ẹdẹ ighwrẹ vwọ wan nu oghwe na de rhi ku akpọ na.
11Vwẹ ikpe uri erha rẹ akpọ ri Noa, vwẹ emeranvwe rivẹ, vwẹ ẹdẹ ihwe gbẹ ighwrẹ rẹ emeranvwe na, vwẹ ẹdẹ vuọvo yena, ogbugbu kugbe ikokodo rẹ akpọ na da va phia, evakpo rẹ obo odjuvwu na de rhie phihọ. 12Osio da rhọ phihọ akpọ uvo ujuvẹ kugbe ason ujuvẹ. 13Vwẹ ẹdẹ ọvuọvo na Noa vẹ emọ rọye, Shẹm vi Ham kugbe Jafẹt, aye ri Noa vẹ eya erha rẹ emọ rọye ejobi da ro evun rẹ okọ, 14te ayen kugbe eranvwe keranvwe, deranvwe doka, te uchuru duchuru doka rọye, dọphra doka rọye. 15Ayen vi Noa da yan usu ro evun rẹ okọ na, ivivẹ rẹ ayen obo ri vwo ẹnwẹn rẹ arhọ ejobi. 16Ayen da ruọ, ọshare vẹ aye rẹ emama na ejobi, kirobo rẹ Ọghẹnẹ dje kẹ, Ọrovwohwo de huho gbe.
17Oghwe na de ku ẹdẹ ujuvẹ vwẹ enu rẹ akpọ na, ame na de bu phihọ, o de mu okọ na kpenu, ọ da kpare kpenu phenephene. 18Ame na de reghe akpọ na ejobi yọn je vwọnvwọn cha; okọ na de phorhi vwẹ enu rẹ ame na. 19Ame na de rhi bu gangan o de rhi reghe igbenu ride ejobi ri otọ rẹ akpọ na, 20ame na vwo reghe igbenu na nu, ọ ke rha je kpare kubit ihwiori. 21Kemu kemu ro vwo ẹnwẹn rọ yan vwẹ akpọ na ejobi de ghwure, ephra, uchuru, eranvwe rẹ aghwa, erọnvwọ ri biẹyi re rhẹrhẹ vwẹ ame na, kugbe kohwo kohwo, 22kemu kemu rọ otọ ọyaya na rọ vwẹ unwe nwẹn ejobi de ghwure. 23O de phoro kemu kemu ejobi ro vwo arhọ re yan vwẹ enu rẹ otọ na no, ohwo, eranvwe, obo ri kpono, ephra rẹ enu; e de phoro ayen nẹ akpọ na, Noa ọvo kọye ri chekọ, kugbe ihwo re vẹ ọye gba herọ vwẹ evun rẹ oko na. 24Ame na de reghe akpọ na ẹdẹ ujuvẹ gbẹ ihwe.
ప్రస్తుతం ఎంపిక చేయబడింది:
Jẹnẹsis 7: UBV77
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Urhobo © United Bible Societies, 1977.
Jẹnẹsis 7
7
Oghwe rode na
1Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana. 2Gba reyọ oka rẹ eranvwe ighwrẹ ivivẹ ri tete oma, ọ rẹ ọshare vẹ ọ rẹ aye kugbe eranvwe ivivẹ ri gbe oma, ọ rẹ ọshare vẹ aye rọye; 3kugbe oka rẹ ephra ri obenu na ighwrẹ ivivẹ rhe, ọshare vẹ aye, rere ayen vwo jẹ ghwọrọ kakare nẹ enu rẹ akpọ na. 4Kidie ẹdẹ ighwrẹ chekọ, re Me cha vwọ vwẹ osio rhe akpọ na uvo ujuvẹ kugbe ason ujuvẹ, emu kemu ro vwo ẹnwẹn re Me mare na ejobi ki mi phoro kakare nẹ enu rẹ otọ na. 5Noa de ru emu ejobi rẹ Ọrovwohwo dje kẹ na.
6Noa da dia ikpe uri erha ọghwo te vwẹ ọke rẹ oghwe na vwo ku akpọ na. 7Te Noa vẹ emọ rọye vẹ aye rọye te eya rẹ emọ rọye vẹ ọye da ro evun rẹ okọ na, rẹ ayen vwo nẹ ughwu rẹ ame na. 8Eranvwe ri tete oma, kugbe iri gbe oma, te ephra, te obo ri kpono vwẹ otọ na, 9ivivẹ ọshare kugbe aye, vẹ Noa da ro evun rẹ okọ na, kirobo rẹ Ọghẹnẹ dje kẹ Noa. 10Ẹdẹ ighwrẹ vwọ wan nu oghwe na de rhi ku akpọ na.
11Vwẹ ikpe uri erha rẹ akpọ ri Noa, vwẹ emeranvwe rivẹ, vwẹ ẹdẹ ihwe gbẹ ighwrẹ rẹ emeranvwe na, vwẹ ẹdẹ vuọvo yena, ogbugbu kugbe ikokodo rẹ akpọ na da va phia, evakpo rẹ obo odjuvwu na de rhie phihọ. 12Osio da rhọ phihọ akpọ uvo ujuvẹ kugbe ason ujuvẹ. 13Vwẹ ẹdẹ ọvuọvo na Noa vẹ emọ rọye, Shẹm vi Ham kugbe Jafẹt, aye ri Noa vẹ eya erha rẹ emọ rọye ejobi da ro evun rẹ okọ, 14te ayen kugbe eranvwe keranvwe, deranvwe doka, te uchuru duchuru doka rọye, dọphra doka rọye. 15Ayen vi Noa da yan usu ro evun rẹ okọ na, ivivẹ rẹ ayen obo ri vwo ẹnwẹn rẹ arhọ ejobi. 16Ayen da ruọ, ọshare vẹ aye rẹ emama na ejobi, kirobo rẹ Ọghẹnẹ dje kẹ, Ọrovwohwo de huho gbe.
17Oghwe na de ku ẹdẹ ujuvẹ vwẹ enu rẹ akpọ na, ame na de bu phihọ, o de mu okọ na kpenu, ọ da kpare kpenu phenephene. 18Ame na de reghe akpọ na ejobi yọn je vwọnvwọn cha; okọ na de phorhi vwẹ enu rẹ ame na. 19Ame na de rhi bu gangan o de rhi reghe igbenu ride ejobi ri otọ rẹ akpọ na, 20ame na vwo reghe igbenu na nu, ọ ke rha je kpare kubit ihwiori. 21Kemu kemu ro vwo ẹnwẹn rọ yan vwẹ akpọ na ejobi de ghwure, ephra, uchuru, eranvwe rẹ aghwa, erọnvwọ ri biẹyi re rhẹrhẹ vwẹ ame na, kugbe kohwo kohwo, 22kemu kemu rọ otọ ọyaya na rọ vwẹ unwe nwẹn ejobi de ghwure. 23O de phoro kemu kemu ejobi ro vwo arhọ re yan vwẹ enu rẹ otọ na no, ohwo, eranvwe, obo ri kpono, ephra rẹ enu; e de phoro ayen nẹ akpọ na, Noa ọvo kọye ri chekọ, kugbe ihwo re vẹ ọye gba herọ vwẹ evun rẹ oko na. 24Ame na de reghe akpọ na ẹdẹ ujuvẹ gbẹ ihwe.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Urhobo © United Bible Societies, 1977.