NJƆÚ 12
12
Mɛɛloí i sɛ́ndi wulɔí vuni Jísu gɔwɔ́i w̃a
(Máfiyu 26:6-13; Máa 14:3-9)
1Ná í ɣɛ́i loí ngáá foló ngɔ́hitangɔ p̃ɛ́ɛ́ Júsuaitii ti Wúmaawo Kúi ɔ́ɔ́ ɣɛ́a foló ma, Jísu i liiní taí ná h̃u taa naa lolí ngáá Bɛ́tani mbéinda siỹɛndópoi ná taa ɣɛ́ ma Lásɔlɔ Jísu í mbuyoɣéi saí h̃u, i ɣɛi ngáá ngi láá h̃u. 2Tí mɛɛní bátɛni ná Jísu yɛ ngáá tí ngufema hé mbɛ, Mááta vá tɔ í mɛɛní yakɔ́lɛ wɔlɛ́ni, Lásɔlɔni pa tɔ tí maa ỹɛ́ɛ́nii ná ỹɛ́ni. 3Kɛ Mɛɛloí i sáámai kɔpu kɛɣɛ́laa yílaa ngéɣenga sɛ́ndi wulɔ w̃aaku nɛɛ nɛɛ sɔw̃ɔ bangɔ́ i su. Sɛ́ndii sí vá tɔ́ɔ́ kpatɛ́ ngáá ngulúi sí taa tolí ngáá náádii. I puni Jísu gɔwɔ hápalangitii ma, í ti w̃áábale ngáá wundeɣái. Aáva pɛlɛ́i wu laa í héni ngáá sɛ́ndi ná w̃aakungí. 4Kɛ́ Jísu volú w̃ɔ́i ta sí tɔ́ɔ́ ɣɛ ma Júdɔ Ɛsikɛ́liyɔ, lɛ́i í ɣɛ́i áá vá Jísu lokolevéma naa wútuwɔ, faí sí aa ɣɛi laí ndií w̃a. Faale, i ndeí, i ɣɛ ta, 5“Ndeénii le sɛ́ndi wulɔí sí w̃aa ɛ́i belé ɣɛ hiyani kaní kóle hɔ́ndɔ sáángɔ hááw̃a#12:5 kaní kóle Folo yíla ngenge pavai i ɣɛi ngáa kaní kóle ngílaa., maa gápangi va í hé nyaani yélaitii ngeyá?” 6Taá ɣɛi ndo tɔ́ Júdɔ í ɣɛ́i su ngáá nyaani yélaitii ná lɔ í sí leí faaw̃a, kɛ́ laá ɣéle, i ndení sífaa i ɣɛi ngáá ŋuỹá w̃ɔ́ɔ́. Laá lɔ́ í ɣɛi ngáá ti bɔ́ma gápa ngandɔ́ɔ́lɔ mɔ́i, aáva ɔ́ɔ́ ta yeɣé mba í faa ɣɛ́ la bɔwɔ́ haáw̃a.
7Kɛ́ Jísu i ɣɛi ti w̃a, “A bé nyah̃ápoi sí wa! Ngi ndái lɔ pele w̃a ngáá í sɛ́ndi wulɔí sí yandɔ́ɔ́lɔngɔ hááwɔ hólói sí haaw̃a táá vá kɛ́ kíli batɛmá kpɔ́lu fááw̃a. 8Nyaani yélai tiyá lɔɔ ɣɛ́ wú lííwaa hɔ́wɔ fíli, kɛ́ nyá, ngáá ɣɛ́ma wú lííwaa hɔ́wɔ fíli.”
Faa h̃uubatɛngí kɔwɔ́ato Lásɔlɔ vaa fái wa
9Júsuai kpih̃íw̃aa tí mɛniní ngáá Jísu lɔ náá Bɛ́tani taí h̃u. Faalɔ, tí liiní na. Kɛ́ aáva taá liiní nɔɔ́ ngáá Jísu yilaá tɔ fááw̃a, kɛ́ tí liiní ngáá tí Lásɔlɔ ɣele tɔ tɔ lɛí Jísu í ɣɛ́i mbuyoɣéi saí h̃u. 10Náá hááw̃a, Ngala sááɣa gula mbélai ti wútuwɔaitii tí faa h̃uubatɛ́ mbóni ngáá tí Lásɔlɔ vaa laá bɛ́lɛ nɔ, 11sífaa sí í ɣɛ́i ngáa Lásɔlɔ, aa lɔ í kɛ́ni Júsuai kpih̃íw̃aa ti ɣɛ́i taa lí Jísu yelé táá lá la.
Jísu lɛɛ hái Jɛlúsɛl̃ɛ
(Máfiyu 21:1-11; Máa 11:1-11; Lúu 19:28-40)
12Ná í ɣɛ́i ngáá foló vékai w̃a, faŋa walái í ɣɛ́i náá vaaní Jɛlúsɛl̃ɛ taa walái h̃u ngáá ti Júsuai ti guí ná wúya taa tolí ngáá Ngumaawó Kúi, tí mɛniní ngáá Jísu lɔ pele w̃a áá va taí h̃u. 13Kɛ tí tɔkpɔ́ láɣaitii ngeɣénga, tí li kɛinɔɔ́ tí ndaaw̃ɛ́ɛ́, ti ɣɛ́i taá woo lɛ́ táá ɣɛ́ ta, “A mú Ngala ndaaw̃áálɛ! Bɛ́lɛ Ngalángi í hɛ́ɛ́ Ísulɔ yélai ti W̃ása Ngwalaí w̃a lɛ́i í waa vá Ndemɔí Ngalá ndaahéingi h̃u!”
14Jísu i ɣɛi náá soohaalé sólangi w̃ááhɔlɔni, í héi mááh̃u íwaa síya kíya nɔ́ɔ pɔnɛngɔ́ Ngalá Kɔ́lɔi h̃u ngáá sí,
15“A wɔ́lɛ lɛ́ɛ́! Wɛ́i wú Jɛlúsɛl̃ɛ taa h̃u, nduwá fíli álaa vú wú h̃u,
wú w̃ása ngwalaí belé íwaa vá,
aá lɔ́ héi soohaalé sólangi w̃ááh̃u.”
16Jísu volú yélaitii taá ɣɛ́i faítii ngátɔi mba hése. Kɛ́ ná naá Jísu í yooɣéi saí h̃u í lɛí ngi w̃ásandaa w̃aanɛɛnɛɛngí h̃u, tí ngátɔni naá mba ngáá faí sí pɔnɛngɔ́ í ɣɛ́i la kɔwɔ́ato mba aáva ti ɣɛ́i náá kɛ́ni mbɛ.
17Faŋaí sí í ɣɛ́i Jísu volú na h̃u í Lásɔlɔ lolíni ngáá ná í yooɣé sái h̃u i gúla kambái h̃u, tiyá lɔ tí ɣɛ́i taá maa hái w̃aa woo híya faŋaí h̃u Jɛlúsɛl̃ɛ. 18Náá hááw̃a, nungáá bíh̃iw̃aa ti liiní ngáá tí Jísu laaw̃ɛ́ɛ́ sífaa tí ɣɛ́i náá káámaa haí sí w̃aa woo ỹɛ́nini í kɛ́ni. 19Kɛ Júsuai sítii taa ɣɛ́ ti w̃a Falósiai tiyá tɔ́ taá nde ỹɔw̃ɔ́ ỹɔ́w̃ɔ w̃a, táá ɣɛ ta, “A tɔ lɛ́ɛ, mu háá h̃uubatɛngí kɔwɔ́ato siỹɛndópoi sí wa, aa nɛɛ lií ngáá mu ye ỹanda fíli bɔw̃álale nungái kpɛ́lɛɛ tiyá lɔɔ hítɛ náá nɔ́ɔ́ polú.”
Gilísiaitii liilái Jísu yéle
20Híí sítii taa ɣɛ́ ti w̃a Gilísiaitii ti lɛ́ingaa tí ɣɛ́i nungái sítii su ti lííni Jɛlúsɛl̃ɛ Ngumaawó Kuí wúya ma. 21Kɛ tí liingá siỹɛndópo yiláa ngelé taa ɣɛ́ ma Félepi lɛ́i í ɣɛ́i ngáá Bɛsééda laa h̃u w̃ɔ́ɔ́ Galéli lataí h̃u. Ná ti líí ngelé, kɛ tí ndénga ma, ti ɣɛ́ ma, “Kawálai, ni longɔ́ɔ́ lé kái ni Jísu lɔ.”
22Félepi i lií, í nde Ándulu w̃a. Kɛ ti félengɔ tí líínga tí nde Jísu w̃a. 23Kɛ Jísu i ti woo yápotenga, i ɣɛ ti w̃a, “Taíngi i folónga náá ma ngáá kíya nuí sí w̃ɔ́i taa ɣɛ́ ma Nuu Búsa Goo H̃u Lói áá ɣɛ ngi w̃ásandaa w̃aanɛɛnɛɛngí h̃u. 24Ngí tɔɔỹái le wú w̃a, kɛ hakpá súwu gáálɛ yiláángi í h̃úndɛ ndɔwɔ́lɔi wa, í ɣɛ́ ngáa kíya nɔ́ɔ áá ɣɛ́ haangá, kɛ́ ná láá lé, aa lo nɔ́ɔ́ ngáá ngiláá. Kɛ́ ná áá h̃úndɛ ndɔwɔlɔ́i wa, i ɣɛ́ ngáá kíya nɔ́ɔ áá ɣɛ́ haangá, aa batɛ́ ngi húwui í ɣɛ́ bih̃í ká ká. 25Aáva nuí fíli áá ló ngáá bɔwɔ́ lɛɛh̃úi, aa walá ma. Kɛ́ nuí fíli áá gísiɣe bɔ́wɔ lɛɛh̃úi volú ngeleí sí wu, maa w̃ɔ́i aa ngandɔ́ɔ́lɔ kúnafɔ lɛ́ɛ́h̃ui hááw̃a. 26Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”
Jísu i yɛ́pɛi kɔwɔ́ato haalái wa
27Jísu i mɔ́ɔ́ ɣɛ ta, “Ná naá ndíí sí kpɛ́lɛɛ nyááningɔ kóó ya, ndeé lɔ́ náá ngáá ndé? Baa ngí ɣɛ́ ta, ‘Kɛɛɣɛ́ Ngála, yálaa kɛ kái maanɔw̃ɔ́i sí ɔ́ɔ́ foló ma, ná náa maa táingi sí í fólonga?’ Kɛ́ aáva ngáá ɣelé ná lé sífaa, sí ngí váángɔ ma aá wáá ngáá ngí maanɔw̃ɔ́i sí laá ngeɣé naa táingi sí w̃a í fólonga ma.” 28Kɛ i mɔɔ ɣɛa ta, “Kɛɛɣɛ́ Ngala, ngakɛ́ kái ngáá nungáitii kíya í gáámaangɔ.”
Kɛ Ngalá ngi yɛpɛngá áá gula ngáá ngelegóóh̃u véle aáva sí í ndení aá lɔ́ ngáá sí í ɣɛ́i ta, “Ngí ngakɛ́nga ngáá nungáitii kíya káámaangɔ. Nyá vá nyá lɔ́ɔ mɔ́ɔ́ ngakɛ́ ngáá ti ye.”
29Nuu h̃áŋai ná í ɣɛ́i maa ỹándai kɛ ti lɛ́ingaa tí ndengá, ti ɣɛ́ ta, “Ngele bandɛ́i lɔ í bɔ́ɔ́lɔngɔ.”
Ti lɛ́ingaa vá ti ɣɛ́ ta, “Malékai ta lɔ í yɛ́pɛngɔ ngelé.”
30Kɛ Jísu i mɔɔ ti woo yápotenga, i ɣɛ ta, “Ngoí nátii ti léngɔ ngáá tí ɣɛ́ ngáá wú gúlasuunuma, kɛ́ aa ngáá nyá fááw̃a.” 31Kɛ i mɔɔ ndengá, i ɣɛ ta, “Ngeléi sí wúu gɔsɔ́ndai lɔ náá í fóloa ma. Ngeleí sí wúu w̃ása ngwalaí va, Ngalá tɔ́ɔ vá kpɛ́ma ngeleí sí wu. 32Ná náa tɛ́ngɔ áá ɣɛ́ la ngeleya kulɔ́sii w̃a, ngáá kɛ ngáá háwu nungáitii kpɛ́lɛɛ tí va ngéle.” 33Jísu i faí sí léni ngáá í ngákɛ kíya i ɣɛ́i aá vá hááma.
34Kɛ faŋaí i Jísu woo yápotenga, ti ɣɛ́ ma, “Aá lɔ mu Yála Kɔlɔ vɔnɛngɔ́i h̃u ngáá Ngalángi Lókolo Mbá W̃ɔ́i aa ló ndɛɛh̃ú h̃u kúnafɔ. Ná ná áá ɣɛ́, yáá ɣelé ndé náá ngáá nuí síí w̃ɔ́i taa ɣɛ́ ma Nuu Búsa Goo H̃ú Loí tiyá lɔɔ vá tɛma ngeleya kulɔ́sii w̃a? Kɛ Núú Búsa Goo H̃u Loí bɛɛ ɣéle lɔ ngáá sí?”
35Kɛ Jísu i ti woo yápotenga, i ɣɛ ti w̃a, “Naa lɔ ɣɛ́ nɛ́nɛ kpɛ́ɛ́ ngelewongí í wú lóów̃a. A ndi ngu ma ngáá wú híyangi ná nɛ́nɛ ngelewongí í wú lóów̃a, kpindí ɔ́ɔ́ va vɛ́lɛ wú wá, bɔw̃álale nuí fíli áá híya kpindí h̃u ɛi ɣɛ áá ỹandái lɔ́ ááyaa híya na. 36A lá hɔ́ɔ́ ngáá nuí síí w̃ɔ́i í ngáá ngelewongí í wú lóów̃a kɛinɔɔ́ wɔ́ɔ́ ɣɛ́ ngáá kpindi h̃uu yélaa.” Ná Jísu í sí lení, kɛ i liingá ỹandá ta mbéi í ɣɛ́i na taa ɣɛ́i taá tɔ.
Júsuaitii ti lá tálai
37Kíya bɛ́lɛ í ɣɛ́i naa káámaa haí sítii kpɛ́lɛɛ kɛ́ni ti yaah̃ú w̃a, ná fíli su taá laní ngáá laá Jísu gítei. 38Sí vá i ɣɛí kɛinɔɔ́ faí sí Ngalá ndaa háá lé mɔ́i Aisáya í ndení í hítɛnga ngáá sí í ndení, i ɣɛ ta,
“Ndemɔí Ngalá, ele lɔ í lánga ngáá ni gééla woí ní ndengɔ́?
Ele vá tɔ Ndemɔí Ngalángi í ngi yákpangi yakɛ́nga la?”
39Aáva háwui sí múl̃ɔ í kɛ́ni tɛ́i belé hombó tɔɔ́ lá ngáá Jísu, i ɣɛi ngáá sífaa sí Aisáya i mɔɔ ndení, i ɣɛ́i ta,
40“Ngalá ngi nungáitii kɛngá ngáá mbole yeláá
í ti gi máitii ndaa vɛ́lɛ,
kɛinɔɔ́ tɔɔ́ mɔɔ ỹandá lɔ́,
kɛlaa tɔɔ́ faa yátɔ mbá ngáá gi mái.
Ngalá ngí ndengɔ, i ɣɛ ta, ‘Ngí sí ɣɛ́ngɔ kɛinɔɔ́ tɔ́ɔ́ vá vóte mbá ngɔ́ɔ́ ti waló.’ ”
41Ngalá ndaa háá lé mɔ́i Aisáya i faí sí léni bɔw̃álale i Jísu yakpa ngwalaí lɔni ɛ́ɣɛ ngi haa w̃aanɛɛnɛɛ ngwalaí aáva i yɛpɛí kɔwɔ́ato Jísu wa.
42Nungáá bih̃íw̃aa ti ɣɛ́i náá lai ngáá Jísu í báha náa Júsuai ti wútuwɔaitii kpih̃íw̃aa géle tɔ mba. Kɛ́ Júsuai sítii taa ɣɛ́ ti w̃a Falósiai tí lúwa mbaí h̃u, tɛ́i belé nde bɔw̃álale Falósiai tɔ́ɔ ti betéve Ngala fɛ́li máákpɔ wotaí wu wa. 43Nungái nátii ti ɣɛ́i loí ngáá tɛngí nuu búsai ɔ́ɔ́ mbo ngáá ti ye í lɔ́ve sí wa Ngalá kíte ɔ́ɔ́ ti lɛ.
Jísu i vaangɔ ngáá í ngeleí sí wuu yélai ngumáá wó
44Kɛ Jísu i mɔɔ ndengá woo wála h̃u gbél̃eiŋ, i ɣɛ ta, “Nuí fíli áá lá ngáá nge, kɛ maa w̃ɔ́i langɔ́ laa le nɔ́ɔ́ ngáá nyá ngílaa kpé kɛ́ ndangɔ́ lé bɛ́lɛ múl̃ɔ ngáá nuí sí ɣéle tɔ í tɔ́vengɔ. 45Nuí fíli pá áá tɔ́, aa nuí sí lɔ í tɔ́vengɔ. 46Ngí vaangá ngeleí sí wu ngáá ngí ɣɛ́ ngáá ngelewo kɛ́ kíli, kɛinɔɔ́ nuí fíli áá lá ngáá ngé, maa w̃ɔ́i álaa ló kpindí gítei h̃u. 47Ná nuu fíli pá áá ndáá wói sítii mɛni kɛ́ maa w̃ɔ́i ɛ́i kɛ ɔ́ɔ́ híya ngáá ti ye, ngɛ́i maa w̃ɔ́i gɔsɔ́ ngɔ́ɔ́ faa ba nda ma bɔw̃álale ngáá vaangɔ́ ngelewu gɔsɔ́ fááw̃a ngáá ngi faa bá ndá ma, kɛ́ ngí vaangɔ́ ngáá ngí ngumaawó. 48Nuí fíli ɛi ɣɛ lokohéini mbú aáva ɛ́i ɣɛ lokohéini ndáá wóitii mbu, ndáá wói sítii tɔ táá maa w̃ɔi vele lala kɔsɔ́ su ngakɛɛlɛ́ fóloi w̃a. 49Tɔɔỹaá va tɔ ngáá sí bɔw̃álale ngúmaawoo laa sí ngɔ́ɔ́ ɣɛ́ ngáá nde bɔwɔ́ yákpa su. Kɛ́ Kɛɛɣɛí Ngalá lɛí í tɔ́vengɔ, laá lɔ́ í ndengá má ngáá ngí sítii nde. 50Aáva faí sítii Kɛɛɣɛí Ngalá ngi ti lengá, tiyá lɔ́ taá kúnafɔ lɛ́ɛ́h̃ui he nuu yɛ́. Faalɔ, sí fíli ngáá nde, laá lɔ nɔ́ɔ jɔ Kɛɛɣɛí Ngalá ngi ndengá má ngáá ngí nde.”
ప్రస్తుతం ఎంపిక చేయబడింది:
NJƆÚ 12: KNNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bandi New Testament © Bible Society in Liberia, 2000
NJƆÚ 12
12
Mɛɛloí i sɛ́ndi wulɔí vuni Jísu gɔwɔ́i w̃a
(Máfiyu 26:6-13; Máa 14:3-9)
1Ná í ɣɛ́i loí ngáá foló ngɔ́hitangɔ p̃ɛ́ɛ́ Júsuaitii ti Wúmaawo Kúi ɔ́ɔ́ ɣɛ́a foló ma, Jísu i liiní taí ná h̃u taa naa lolí ngáá Bɛ́tani mbéinda siỹɛndópoi ná taa ɣɛ́ ma Lásɔlɔ Jísu í mbuyoɣéi saí h̃u, i ɣɛi ngáá ngi láá h̃u. 2Tí mɛɛní bátɛni ná Jísu yɛ ngáá tí ngufema hé mbɛ, Mááta vá tɔ í mɛɛní yakɔ́lɛ wɔlɛ́ni, Lásɔlɔni pa tɔ tí maa ỹɛ́ɛ́nii ná ỹɛ́ni. 3Kɛ Mɛɛloí i sáámai kɔpu kɛɣɛ́laa yílaa ngéɣenga sɛ́ndi wulɔ w̃aaku nɛɛ nɛɛ sɔw̃ɔ bangɔ́ i su. Sɛ́ndii sí vá tɔ́ɔ́ kpatɛ́ ngáá ngulúi sí taa tolí ngáá náádii. I puni Jísu gɔwɔ hápalangitii ma, í ti w̃áábale ngáá wundeɣái. Aáva pɛlɛ́i wu laa í héni ngáá sɛ́ndi ná w̃aakungí. 4Kɛ́ Jísu volú w̃ɔ́i ta sí tɔ́ɔ́ ɣɛ ma Júdɔ Ɛsikɛ́liyɔ, lɛ́i í ɣɛ́i áá vá Jísu lokolevéma naa wútuwɔ, faí sí aa ɣɛi laí ndií w̃a. Faale, i ndeí, i ɣɛ ta, 5“Ndeénii le sɛ́ndi wulɔí sí w̃aa ɛ́i belé ɣɛ hiyani kaní kóle hɔ́ndɔ sáángɔ hááw̃a#12:5 kaní kóle Folo yíla ngenge pavai i ɣɛi ngáa kaní kóle ngílaa., maa gápangi va í hé nyaani yélaitii ngeyá?” 6Taá ɣɛi ndo tɔ́ Júdɔ í ɣɛ́i su ngáá nyaani yélaitii ná lɔ í sí leí faaw̃a, kɛ́ laá ɣéle, i ndení sífaa i ɣɛi ngáá ŋuỹá w̃ɔ́ɔ́. Laá lɔ́ í ɣɛi ngáá ti bɔ́ma gápa ngandɔ́ɔ́lɔ mɔ́i, aáva ɔ́ɔ́ ta yeɣé mba í faa ɣɛ́ la bɔwɔ́ haáw̃a.
7Kɛ́ Jísu i ɣɛi ti w̃a, “A bé nyah̃ápoi sí wa! Ngi ndái lɔ pele w̃a ngáá í sɛ́ndi wulɔí sí yandɔ́ɔ́lɔngɔ hááwɔ hólói sí haaw̃a táá vá kɛ́ kíli batɛmá kpɔ́lu fááw̃a. 8Nyaani yélai tiyá lɔɔ ɣɛ́ wú lííwaa hɔ́wɔ fíli, kɛ́ nyá, ngáá ɣɛ́ma wú lííwaa hɔ́wɔ fíli.”
Faa h̃uubatɛngí kɔwɔ́ato Lásɔlɔ vaa fái wa
9Júsuai kpih̃íw̃aa tí mɛniní ngáá Jísu lɔ náá Bɛ́tani taí h̃u. Faalɔ, tí liiní na. Kɛ́ aáva taá liiní nɔɔ́ ngáá Jísu yilaá tɔ fááw̃a, kɛ́ tí liiní ngáá tí Lásɔlɔ ɣele tɔ tɔ lɛí Jísu í ɣɛ́i mbuyoɣéi saí h̃u. 10Náá hááw̃a, Ngala sááɣa gula mbélai ti wútuwɔaitii tí faa h̃uubatɛ́ mbóni ngáá tí Lásɔlɔ vaa laá bɛ́lɛ nɔ, 11sífaa sí í ɣɛ́i ngáa Lásɔlɔ, aa lɔ í kɛ́ni Júsuai kpih̃íw̃aa ti ɣɛ́i taa lí Jísu yelé táá lá la.
Jísu lɛɛ hái Jɛlúsɛl̃ɛ
(Máfiyu 21:1-11; Máa 11:1-11; Lúu 19:28-40)
12Ná í ɣɛ́i ngáá foló vékai w̃a, faŋa walái í ɣɛ́i náá vaaní Jɛlúsɛl̃ɛ taa walái h̃u ngáá ti Júsuai ti guí ná wúya taa tolí ngáá Ngumaawó Kúi, tí mɛniní ngáá Jísu lɔ pele w̃a áá va taí h̃u. 13Kɛ tí tɔkpɔ́ láɣaitii ngeɣénga, tí li kɛinɔɔ́ tí ndaaw̃ɛ́ɛ́, ti ɣɛ́i taá woo lɛ́ táá ɣɛ́ ta, “A mú Ngala ndaaw̃áálɛ! Bɛ́lɛ Ngalángi í hɛ́ɛ́ Ísulɔ yélai ti W̃ása Ngwalaí w̃a lɛ́i í waa vá Ndemɔí Ngalá ndaahéingi h̃u!”
14Jísu i ɣɛi náá soohaalé sólangi w̃ááhɔlɔni, í héi mááh̃u íwaa síya kíya nɔ́ɔ pɔnɛngɔ́ Ngalá Kɔ́lɔi h̃u ngáá sí,
15“A wɔ́lɛ lɛ́ɛ́! Wɛ́i wú Jɛlúsɛl̃ɛ taa h̃u, nduwá fíli álaa vú wú h̃u,
wú w̃ása ngwalaí belé íwaa vá,
aá lɔ́ héi soohaalé sólangi w̃ááh̃u.”
16Jísu volú yélaitii taá ɣɛ́i faítii ngátɔi mba hése. Kɛ́ ná naá Jísu í yooɣéi saí h̃u í lɛí ngi w̃ásandaa w̃aanɛɛnɛɛngí h̃u, tí ngátɔni naá mba ngáá faí sí pɔnɛngɔ́ í ɣɛ́i la kɔwɔ́ato mba aáva ti ɣɛ́i náá kɛ́ni mbɛ.
17Faŋaí sí í ɣɛ́i Jísu volú na h̃u í Lásɔlɔ lolíni ngáá ná í yooɣé sái h̃u i gúla kambái h̃u, tiyá lɔ tí ɣɛ́i taá maa hái w̃aa woo híya faŋaí h̃u Jɛlúsɛl̃ɛ. 18Náá hááw̃a, nungáá bíh̃iw̃aa ti liiní ngáá tí Jísu laaw̃ɛ́ɛ́ sífaa tí ɣɛ́i náá káámaa haí sí w̃aa woo ỹɛ́nini í kɛ́ni. 19Kɛ Júsuai sítii taa ɣɛ́ ti w̃a Falósiai tiyá tɔ́ taá nde ỹɔw̃ɔ́ ỹɔ́w̃ɔ w̃a, táá ɣɛ ta, “A tɔ lɛ́ɛ, mu háá h̃uubatɛngí kɔwɔ́ato siỹɛndópoi sí wa, aa nɛɛ lií ngáá mu ye ỹanda fíli bɔw̃álale nungái kpɛ́lɛɛ tiyá lɔɔ hítɛ náá nɔ́ɔ́ polú.”
Gilísiaitii liilái Jísu yéle
20Híí sítii taa ɣɛ́ ti w̃a Gilísiaitii ti lɛ́ingaa tí ɣɛ́i nungái sítii su ti lííni Jɛlúsɛl̃ɛ Ngumaawó Kuí wúya ma. 21Kɛ tí liingá siỹɛndópo yiláa ngelé taa ɣɛ́ ma Félepi lɛ́i í ɣɛ́i ngáá Bɛsééda laa h̃u w̃ɔ́ɔ́ Galéli lataí h̃u. Ná ti líí ngelé, kɛ tí ndénga ma, ti ɣɛ́ ma, “Kawálai, ni longɔ́ɔ́ lé kái ni Jísu lɔ.”
22Félepi i lií, í nde Ándulu w̃a. Kɛ ti félengɔ tí líínga tí nde Jísu w̃a. 23Kɛ Jísu i ti woo yápotenga, i ɣɛ ti w̃a, “Taíngi i folónga náá ma ngáá kíya nuí sí w̃ɔ́i taa ɣɛ́ ma Nuu Búsa Goo H̃u Lói áá ɣɛ ngi w̃ásandaa w̃aanɛɛnɛɛngí h̃u. 24Ngí tɔɔỹái le wú w̃a, kɛ hakpá súwu gáálɛ yiláángi í h̃úndɛ ndɔwɔ́lɔi wa, í ɣɛ́ ngáa kíya nɔ́ɔ áá ɣɛ́ haangá, kɛ́ ná láá lé, aa lo nɔ́ɔ́ ngáá ngiláá. Kɛ́ ná áá h̃úndɛ ndɔwɔlɔ́i wa, i ɣɛ́ ngáá kíya nɔ́ɔ áá ɣɛ́ haangá, aa batɛ́ ngi húwui í ɣɛ́ bih̃í ká ká. 25Aáva nuí fíli áá ló ngáá bɔwɔ́ lɛɛh̃úi, aa walá ma. Kɛ́ nuí fíli áá gísiɣe bɔ́wɔ lɛɛh̃úi volú ngeleí sí wu, maa w̃ɔ́i aa ngandɔ́ɔ́lɔ kúnafɔ lɛ́ɛ́h̃ui hááw̃a. 26Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”
Jísu i yɛ́pɛi kɔwɔ́ato haalái wa
27Jísu i mɔ́ɔ́ ɣɛ ta, “Ná naá ndíí sí kpɛ́lɛɛ nyááningɔ kóó ya, ndeé lɔ́ náá ngáá ndé? Baa ngí ɣɛ́ ta, ‘Kɛɛɣɛ́ Ngála, yálaa kɛ kái maanɔw̃ɔ́i sí ɔ́ɔ́ foló ma, ná náa maa táingi sí í fólonga?’ Kɛ́ aáva ngáá ɣelé ná lé sífaa, sí ngí váángɔ ma aá wáá ngáá ngí maanɔw̃ɔ́i sí laá ngeɣé naa táingi sí w̃a í fólonga ma.” 28Kɛ i mɔɔ ɣɛa ta, “Kɛɛɣɛ́ Ngala, ngakɛ́ kái ngáá nungáitii kíya í gáámaangɔ.”
Kɛ Ngalá ngi yɛpɛngá áá gula ngáá ngelegóóh̃u véle aáva sí í ndení aá lɔ́ ngáá sí í ɣɛ́i ta, “Ngí ngakɛ́nga ngáá nungáitii kíya káámaangɔ. Nyá vá nyá lɔ́ɔ mɔ́ɔ́ ngakɛ́ ngáá ti ye.”
29Nuu h̃áŋai ná í ɣɛ́i maa ỹándai kɛ ti lɛ́ingaa tí ndengá, ti ɣɛ́ ta, “Ngele bandɛ́i lɔ í bɔ́ɔ́lɔngɔ.”
Ti lɛ́ingaa vá ti ɣɛ́ ta, “Malékai ta lɔ í yɛ́pɛngɔ ngelé.”
30Kɛ Jísu i mɔɔ ti woo yápotenga, i ɣɛ ta, “Ngoí nátii ti léngɔ ngáá tí ɣɛ́ ngáá wú gúlasuunuma, kɛ́ aa ngáá nyá fááw̃a.” 31Kɛ i mɔɔ ndengá, i ɣɛ ta, “Ngeléi sí wúu gɔsɔ́ndai lɔ náá í fóloa ma. Ngeleí sí wúu w̃ása ngwalaí va, Ngalá tɔ́ɔ vá kpɛ́ma ngeleí sí wu. 32Ná náa tɛ́ngɔ áá ɣɛ́ la ngeleya kulɔ́sii w̃a, ngáá kɛ ngáá háwu nungáitii kpɛ́lɛɛ tí va ngéle.” 33Jísu i faí sí léni ngáá í ngákɛ kíya i ɣɛ́i aá vá hááma.
34Kɛ faŋaí i Jísu woo yápotenga, ti ɣɛ́ ma, “Aá lɔ mu Yála Kɔlɔ vɔnɛngɔ́i h̃u ngáá Ngalángi Lókolo Mbá W̃ɔ́i aa ló ndɛɛh̃ú h̃u kúnafɔ. Ná ná áá ɣɛ́, yáá ɣelé ndé náá ngáá nuí síí w̃ɔ́i taa ɣɛ́ ma Nuu Búsa Goo H̃ú Loí tiyá lɔɔ vá tɛma ngeleya kulɔ́sii w̃a? Kɛ Núú Búsa Goo H̃u Loí bɛɛ ɣéle lɔ ngáá sí?”
35Kɛ Jísu i ti woo yápotenga, i ɣɛ ti w̃a, “Naa lɔ ɣɛ́ nɛ́nɛ kpɛ́ɛ́ ngelewongí í wú lóów̃a. A ndi ngu ma ngáá wú híyangi ná nɛ́nɛ ngelewongí í wú lóów̃a, kpindí ɔ́ɔ́ va vɛ́lɛ wú wá, bɔw̃álale nuí fíli áá híya kpindí h̃u ɛi ɣɛ áá ỹandái lɔ́ ááyaa híya na. 36A lá hɔ́ɔ́ ngáá nuí síí w̃ɔ́i í ngáá ngelewongí í wú lóów̃a kɛinɔɔ́ wɔ́ɔ́ ɣɛ́ ngáá kpindi h̃uu yélaa.” Ná Jísu í sí lení, kɛ i liingá ỹandá ta mbéi í ɣɛ́i na taa ɣɛ́i taá tɔ.
Júsuaitii ti lá tálai
37Kíya bɛ́lɛ í ɣɛ́i naa káámaa haí sítii kpɛ́lɛɛ kɛ́ni ti yaah̃ú w̃a, ná fíli su taá laní ngáá laá Jísu gítei. 38Sí vá i ɣɛí kɛinɔɔ́ faí sí Ngalá ndaa háá lé mɔ́i Aisáya í ndení í hítɛnga ngáá sí í ndení, i ɣɛ ta,
“Ndemɔí Ngalá, ele lɔ í lánga ngáá ni gééla woí ní ndengɔ́?
Ele vá tɔ Ndemɔí Ngalángi í ngi yákpangi yakɛ́nga la?”
39Aáva háwui sí múl̃ɔ í kɛ́ni tɛ́i belé hombó tɔɔ́ lá ngáá Jísu, i ɣɛi ngáá sífaa sí Aisáya i mɔɔ ndení, i ɣɛ́i ta,
40“Ngalá ngi nungáitii kɛngá ngáá mbole yeláá
í ti gi máitii ndaa vɛ́lɛ,
kɛinɔɔ́ tɔɔ́ mɔɔ ỹandá lɔ́,
kɛlaa tɔɔ́ faa yátɔ mbá ngáá gi mái.
Ngalá ngí ndengɔ, i ɣɛ ta, ‘Ngí sí ɣɛ́ngɔ kɛinɔɔ́ tɔ́ɔ́ vá vóte mbá ngɔ́ɔ́ ti waló.’ ”
41Ngalá ndaa háá lé mɔ́i Aisáya i faí sí léni bɔw̃álale i Jísu yakpa ngwalaí lɔni ɛ́ɣɛ ngi haa w̃aanɛɛnɛɛ ngwalaí aáva i yɛpɛí kɔwɔ́ato Jísu wa.
42Nungáá bih̃íw̃aa ti ɣɛ́i náá lai ngáá Jísu í báha náa Júsuai ti wútuwɔaitii kpih̃íw̃aa géle tɔ mba. Kɛ́ Júsuai sítii taa ɣɛ́ ti w̃a Falósiai tí lúwa mbaí h̃u, tɛ́i belé nde bɔw̃álale Falósiai tɔ́ɔ ti betéve Ngala fɛ́li máákpɔ wotaí wu wa. 43Nungái nátii ti ɣɛ́i loí ngáá tɛngí nuu búsai ɔ́ɔ́ mbo ngáá ti ye í lɔ́ve sí wa Ngalá kíte ɔ́ɔ́ ti lɛ.
Jísu i vaangɔ ngáá í ngeleí sí wuu yélai ngumáá wó
44Kɛ Jísu i mɔɔ ndengá woo wála h̃u gbél̃eiŋ, i ɣɛ ta, “Nuí fíli áá lá ngáá nge, kɛ maa w̃ɔ́i langɔ́ laa le nɔ́ɔ́ ngáá nyá ngílaa kpé kɛ́ ndangɔ́ lé bɛ́lɛ múl̃ɔ ngáá nuí sí ɣéle tɔ í tɔ́vengɔ. 45Nuí fíli pá áá tɔ́, aa nuí sí lɔ í tɔ́vengɔ. 46Ngí vaangá ngeleí sí wu ngáá ngí ɣɛ́ ngáá ngelewo kɛ́ kíli, kɛinɔɔ́ nuí fíli áá lá ngáá ngé, maa w̃ɔ́i álaa ló kpindí gítei h̃u. 47Ná nuu fíli pá áá ndáá wói sítii mɛni kɛ́ maa w̃ɔ́i ɛ́i kɛ ɔ́ɔ́ híya ngáá ti ye, ngɛ́i maa w̃ɔ́i gɔsɔ́ ngɔ́ɔ́ faa ba nda ma bɔw̃álale ngáá vaangɔ́ ngelewu gɔsɔ́ fááw̃a ngáá ngi faa bá ndá ma, kɛ́ ngí vaangɔ́ ngáá ngí ngumaawó. 48Nuí fíli ɛi ɣɛ lokohéini mbú aáva ɛ́i ɣɛ lokohéini ndáá wóitii mbu, ndáá wói sítii tɔ táá maa w̃ɔi vele lala kɔsɔ́ su ngakɛɛlɛ́ fóloi w̃a. 49Tɔɔỹaá va tɔ ngáá sí bɔw̃álale ngúmaawoo laa sí ngɔ́ɔ́ ɣɛ́ ngáá nde bɔwɔ́ yákpa su. Kɛ́ Kɛɛɣɛí Ngalá lɛí í tɔ́vengɔ, laá lɔ́ í ndengá má ngáá ngí sítii nde. 50Aáva faí sítii Kɛɛɣɛí Ngalá ngi ti lengá, tiyá lɔ́ taá kúnafɔ lɛ́ɛ́h̃ui he nuu yɛ́. Faalɔ, sí fíli ngáá nde, laá lɔ nɔ́ɔ jɔ Kɛɛɣɛí Ngalá ngi ndengá má ngáá ngí nde.”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bandi New Testament © Bible Society in Liberia, 2000