Mateu 3
3
Juão Batista umbue
1Asui Juão Batista uwata umbue kampu rupi Judeya upe.
2Umbeu ainta supe:
—Petrukari pemanduariwaa pemanduari sasiyara pepekadu nyãse kuayentuana perunde pesikari arama peruixawa arama kua iwaka ruixawa.
3Aete kua umbeuwaa sese kua utitikawaa Izaia umbeu ainta supe, yepe umbeu kuri kirimbawa kampu rupi, umbeu kuri pemukaturu peruixawa rapee pemusatambika puranga peruixawa rapee.
4Asui kua Juão kamelu rawa suiwara irupa, asui isinturão suu pirera suiwara, umbau tukura ira yuiri.
5Asui aintauri ipiri kuaita Jeruzalẽwaraita, panye Judeyawaraita yuiri, panye kuaita uikuwaita Jurdão ruakintuwaita.
6Asui Juão ubatizari ainta Jurdão upe aintaumbeu irumu aintapekadu.
7Umaa rame aintauri kuaita farizewita sadusewita yuiri siyawaita ubatizari arama ainta, umbeu ainta supe:
—Penye buya rairaita, awataa umundu peyawawaa pepekadu sui tiarama pepurara pepekadu resewara?
8Kuiri pemunya puranga yakuawa arama sasiyara pemanduari pepekadu yakuawa arama yuiri petrukariana pemanduariwaa pepekadu sui.
9Tepembeu purangawaa penye pepia irumu pepaya resewara kua Abraão, maa hambeu penye Deus uputari rame maa upuderi maa umunya Abraão supe arama imiraita aintairumu kua itaita.
10Kuiri pruntuana imaxadu uyutika arama mirá rapu rese, umunuka aintauwari panye kuaita tiwaita uriku iya umburi arama ainta tata kiti.
Juão umbeu Kristu resewara
11Ixe habatizari penye irumu petrukari resewara pemanduariwaa pepekadu sui, maa kirimbawa piri sesui kua uriwaa kuri serakakuera, timaa purangawaa ixe harasu arama isapatu, aete kuri ubatizari penye Espiritu Santu irumu tata irumu yuiri.
12Ipu upe kua utiari aramawaa utiari arama panye awati sui sawa, umuatiri arama awati suka upe, maa usapi kua sawaita kuera tata kiti tiwa uwewaa.
Juão ubatizari Jesus
13Asui Jesus uri Galileya sui Juão ipiri Jurdão kiti uxari arama ubatizari ae.
14Maa timaa Juão uputari ubatizari ae, umbeu ixupe:
—Harikute hapurandu inde rebatizari ixe, marantaa reyuiri repurandu ixe habatizari arama inde?
15Asui Jesus umbeu ixupe:
—Kuiri remunya kuaye hambeuwaa yawe inde arama, nyãse yarikute yamunya panye purangawaa. Asui Juão ubatizari ae.
16Asui ubatizari rire Jesus usemu parana sui, asui iwaka uyupirari, umaa Deus iEspiritu uwiye sese kuaye pumba yawe.
17Asui usendu yepe inyenga iwaka sui, yawe umbeu:
—Aete seraira haputariwaa suuri hamaa ixupe.
ప్రస్తుతం ఎంపిక చేయబడింది:
Mateu 3: BBp
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO