Sélimɛ Sɛbɛ wi tìɛdiʔɛ gè
Sɛbɛ wi tìɛdiʔɛ gè
Duniya Sélimɛ Sɛbɛ wè, pe wi ye tuɔbuuro nī dè Zenɛzi. Sɛbɛ ŋáà wiī nɛ ki nyu kɛnmɛ bíì nɛ̄ Kulocɛliɛ 'duniya nɛ́ wi yɛrɛ ti mìɛni faan dè, nɛ míɛni kɛnmɛ bíì nɛ̄ kapiile ni 'jíin nɛ̀ síɛ duniya nī wè nɛ̀ wi cúʔɔ wè. A Kulocɛliɛ wi 'baakpuɔrɔ kúɔ nɛ́ siɛnnɛ ní bèle, kire ga buu siɛnnɛ pe ní gbɛ̀ Kulocɛliɛ cɛ́n wè, bé wi koligo líɛ gè.
Kulocɛliɛ wi 'duniya yige wè cɛnyɛ kɔlini sunʔɔmɔ nī bè, a wi 'ŋɔ́ nɛ̀ taa cɛnyɛ kɔlisiinwuʔu nɛ̄ gè. Wi 'siɛnnɛ siin faan, Adama nɛ́ Awa wè, nɛ̀ pe tɛ́ngɛ kákpuɔ tiɛcɛ̀ngɛ nī gè (wéli baa nyùyɔ 1–2). A pe 'cíi wi nyasiɛnrɛ nɛ̄ dè á kapiile ni 'jíin duniya nī wè, nɛ́ kùu ní wè (wéli baa nyùgo 3). A pe jaapeliwe Kayɛn wè, wi 'wi cɔni Abɛli kpúu wè (wéli baa nyùgo 4). Bà lɛ̀lɛ láà kɛ́nì kúɔ lè, a Kulocɛliɛ 'ki nyaa siɛnnɛ kakpiʔiligele kiyē nɛ piʔi nɛ waa, a wi 'ki kɔ̀rirɔ bè duniya cúʔɔ wè. Nɛ̀ ki yaʔa wi 'Nɔwe nɛ́ wi narigɛ suɔ gè kàsakpiile mɛ́ lè náà ni 'tuu nɛ̀ dàala tɔ́n lè (wéli baa nyùyɔ 6–9). Kire kàduʔumɛ a wi 'siɛnnɛ cɛrigɛ bèle dàala nɛ̄ lè (wéli baa nyùgo 11).
Bà lɛ̀lɛ láà pɛ́nì kúɔ wè, a Kulocɛliɛ wi 'Birayima nyíɛnɛ wè nɛ̀ kɔ̀n nɛ́ nyakungɛngɛ kpíʔile gè nɛ́ wi ní, nɛ́ jo wire bé kùlo láà kɛn wi mɛ́ bé wi siimɛ kpíʔile bè kùkpuɔlɔ (wéli baa nyùyɔ 12–17). Wire nɛ́ wi cuɔ Sarayi ní wè, pe liɛguɔrɔ laara dè, a Kulocɛliɛ wi 'kakpuʔɔ kpíʔile nɛ̀ pùɔ kɛn pe mɛ́, Siaga wè (wéli baa nyùgo 21). Siaga nɛ́ wi cuɔ Erebɛka, a pe 'pìŋɔrɔ sii, Ezawu nɛ́ Yakuba. Yakuba wè, wire míʔɛ ki yé kɛ́nì yiʔɛ nɛ̀ kò «Isirayɛli» (wéli baa 32.29).
Jaafɔlilɔ kiɛ nɛ́ siin 'puu Yakuba mɛ́ wè. Yusufu wire wi yé wi tuu dɛ́ni wè nɛ̀ tóri wi jaafɔsɛnminɛ nɛ̄ bèle. A Yusufu wi lɔbilɔ pe 'wi pári wè, a wi 'kò sùkulowo Ezipiti kùlo nī lè (wéli baa nyùgo 39). Nɛ̀ ki yaʔa Kulocɛliɛ 'ki kpíʔile a wi 'kò Ezipiti kùlo ni nyùgo nɛ̄ (wéli baa nyùgo 41), a kire 'ki kɛn a Yusufu wi 'Yakuba nɛ́ wi narigɛ ki mìɛni suɔ fungo mɛ́ gè, baa Ezipiti kùlo mɛ́ lè (wéli baa nyùyɔ 42–46).
Sɛbɛ wi nyùgboliyo yè
Duniya wi sélimɛ siɛnrɛ dī (1.1–11.26)
Birayima siɛnrɛ dī (11.27–25.18)
Yakuba siɛnrɛ dī (25.19–36.43)
Yusufu nɛ́ wi lɔbilɔ siɛnrɛ dī (37.1–50.26)
ప్రస్తుతం ఎంపిక చేయబడింది:
Sélimɛ Sɛbɛ wi tìɛdiʔɛ gè: sev
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© (Active), Wycliffe Bible Translators, Inc. All rights reserved.
Sélimɛ Sɛbɛ wi tìɛdiʔɛ gè
Sɛbɛ wi tìɛdiʔɛ gè
Duniya Sélimɛ Sɛbɛ wè, pe wi ye tuɔbuuro nī dè Zenɛzi. Sɛbɛ ŋáà wiī nɛ ki nyu kɛnmɛ bíì nɛ̄ Kulocɛliɛ 'duniya nɛ́ wi yɛrɛ ti mìɛni faan dè, nɛ míɛni kɛnmɛ bíì nɛ̄ kapiile ni 'jíin nɛ̀ síɛ duniya nī wè nɛ̀ wi cúʔɔ wè. A Kulocɛliɛ wi 'baakpuɔrɔ kúɔ nɛ́ siɛnnɛ ní bèle, kire ga buu siɛnnɛ pe ní gbɛ̀ Kulocɛliɛ cɛ́n wè, bé wi koligo líɛ gè.
Kulocɛliɛ wi 'duniya yige wè cɛnyɛ kɔlini sunʔɔmɔ nī bè, a wi 'ŋɔ́ nɛ̀ taa cɛnyɛ kɔlisiinwuʔu nɛ̄ gè. Wi 'siɛnnɛ siin faan, Adama nɛ́ Awa wè, nɛ̀ pe tɛ́ngɛ kákpuɔ tiɛcɛ̀ngɛ nī gè (wéli baa nyùyɔ 1–2). A pe 'cíi wi nyasiɛnrɛ nɛ̄ dè á kapiile ni 'jíin duniya nī wè, nɛ́ kùu ní wè (wéli baa nyùgo 3). A pe jaapeliwe Kayɛn wè, wi 'wi cɔni Abɛli kpúu wè (wéli baa nyùgo 4). Bà lɛ̀lɛ láà kɛ́nì kúɔ lè, a Kulocɛliɛ 'ki nyaa siɛnnɛ kakpiʔiligele kiyē nɛ piʔi nɛ waa, a wi 'ki kɔ̀rirɔ bè duniya cúʔɔ wè. Nɛ̀ ki yaʔa wi 'Nɔwe nɛ́ wi narigɛ suɔ gè kàsakpiile mɛ́ lè náà ni 'tuu nɛ̀ dàala tɔ́n lè (wéli baa nyùyɔ 6–9). Kire kàduʔumɛ a wi 'siɛnnɛ cɛrigɛ bèle dàala nɛ̄ lè (wéli baa nyùgo 11).
Bà lɛ̀lɛ láà pɛ́nì kúɔ wè, a Kulocɛliɛ wi 'Birayima nyíɛnɛ wè nɛ̀ kɔ̀n nɛ́ nyakungɛngɛ kpíʔile gè nɛ́ wi ní, nɛ́ jo wire bé kùlo láà kɛn wi mɛ́ bé wi siimɛ kpíʔile bè kùkpuɔlɔ (wéli baa nyùyɔ 12–17). Wire nɛ́ wi cuɔ Sarayi ní wè, pe liɛguɔrɔ laara dè, a Kulocɛliɛ wi 'kakpuʔɔ kpíʔile nɛ̀ pùɔ kɛn pe mɛ́, Siaga wè (wéli baa nyùgo 21). Siaga nɛ́ wi cuɔ Erebɛka, a pe 'pìŋɔrɔ sii, Ezawu nɛ́ Yakuba. Yakuba wè, wire míʔɛ ki yé kɛ́nì yiʔɛ nɛ̀ kò «Isirayɛli» (wéli baa 32.29).
Jaafɔlilɔ kiɛ nɛ́ siin 'puu Yakuba mɛ́ wè. Yusufu wire wi yé wi tuu dɛ́ni wè nɛ̀ tóri wi jaafɔsɛnminɛ nɛ̄ bèle. A Yusufu wi lɔbilɔ pe 'wi pári wè, a wi 'kò sùkulowo Ezipiti kùlo nī lè (wéli baa nyùgo 39). Nɛ̀ ki yaʔa Kulocɛliɛ 'ki kpíʔile a wi 'kò Ezipiti kùlo ni nyùgo nɛ̄ (wéli baa nyùgo 41), a kire 'ki kɛn a Yusufu wi 'Yakuba nɛ́ wi narigɛ ki mìɛni suɔ fungo mɛ́ gè, baa Ezipiti kùlo mɛ́ lè (wéli baa nyùyɔ 42–46).
Sɛbɛ wi nyùgboliyo yè
Duniya wi sélimɛ siɛnrɛ dī (1.1–11.26)
Birayima siɛnrɛ dī (11.27–25.18)
Yakuba siɛnrɛ dī (25.19–36.43)
Yusufu nɛ́ wi lɔbilɔ siɛnrɛ dī (37.1–50.26)
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© (Active), Wycliffe Bible Translators, Inc. All rights reserved.