Makị 15
15
Isi Nke Mmisẹn
E We Wẹ Jesu Jẹnni Paịleti
(Mat 27.1-2,11-14; Luk 23.1-5; Jọn 18.28-38)
1Hụn eki gihụ fọn, ndị-isi nchụn-ẹjan lẹ ndị-isi lẹ ndị-nkuzi Iwu lẹ ndị ile rị Ndị-isi Nkịkwama nọ zu, tụgbama iroro. Wẹ nọ kẹn Jesu ẹgbụn, duru ẹ pụ, wẹ ẹ ye Paịleti, Gọvanọ rị a kịdọnni ndị Rom. 2Paịleti nọ jụma a, sị, “Ịyụ wụ Eze ndị Ju?” Jesu nọ sị a, “Y'e kuọl'a.”
3Ndị-isi nchụn-ẹjan nọ kinmẹ ihiẹn bu ọda wẹ sị nị ya k'o mẹ. 4Paịleti nọ sị a, “Y'e nwọn ihiẹn y'a shịarị? Lee ihiẹn ile wẹ rị e kin nị ịya k'i mẹ.”
5Kanị Jesu ashịarịkwọnị ihiẹn ọwụlẹ; ọ tụ Paịleti ẹnya.
A Ma Wẹ Jesu Ikpe-ọnwụn
(Mat 27.15-26; Luk 23.13-25; Jọn 18.39—19.16)
6Mmẹmmẹ-nghafe ọwụlẹ, Paịleti e wepụhanị wẹ onyẹ-ngan ohu wẹ rịọ a. 7Mmẹmmẹ-nghafeni, okẹnnyẹ ohu w'a kpọ Barabasị rị imẹ ngan, ịya lẹ ndị gbu ọchụn ogẹn ọgbaghara ndị rị a lụsọn ndị-ọkịkị. 8Ya kẹ igunrun hụ nọ nwan bịa d'a rịọ Paịleti n'o mẹni wẹ k'o dọn e mẹ. 9Paịleti nọ jụ wẹ, “Ụnụ a chọghọ nị m hapụnị ụnụ Eze ndị Ju?” 10(Paịleti jụ wẹ ẹrịra makẹni ọ marịngụọ nị iwe-ẹnya haịn ndị-isi nchụn-ẹjan gi we Jesu ye ẹ.)
11Ndị-isi nchụn-ẹjan nọ sị igunrun hụ gwa a n'o wepụhanị wẹ Barabasị hụn nkẹ o gi wepụha Jizọsị. 12Paịleti nọzị jụ wẹ, “Kị ụnụ chọ nwan nị m gi okẹnnyẹni ụnụ a kpọ ‘Eze ndị Ju’ mẹ?”
13Wẹ nọ yi oro, sị a, “Kpọgbu ẹ!”
14Paịleti nọ jụ wẹ, sị, “Kị haịn? Elee njọ k'o mẹ?”
Kanị, wẹ nọ yikẹnmẹdẹ, “Kpọgbu ẹ!!”
15Makẹni Paịleti chọ n'o mẹ n'ọ sụọ igunrun hụ, ọ nọ hapụnị wẹ Barabasị; ọ fịangụ Jesu mkpịnsịn, ọ nọ w'ẹ ye ndị jẹnkọ d'a kpọgbun'ẹ.
Kẹ Ndị-agha Dọn Gi Jesu Gu Egu
(Mat 27.27-31; Jọn 19.2-3)
16Ya ndị-agha rị okpuru Gọvanọ wụ Paịleti nọ weri Jesu shi ezi-ọgwa Paịleti; wẹ nọ kpọgbama itu-agha wẹ. 17Wẹ nọ yimẹ ẹ ẹwuru okẹn-ịhịan#15.17 E nwun pọpụ-pọpụ.; wẹ nọ gi ogun kpa okpu-eze, bu ẹ che ẹ isi. 18Ya wẹ nọ kelemẹ ẹ, “Eze ndị Ju, isi i chei!” 19A fịan w'a mkpịnsịn isi, jụ a ẹsọn; e gbuni w'ẹ osekpu, e liyen'ẹ ẹka. 20A mụgụ w'a ẹmụ hụ, wẹ nọ yipụ a ẹwuru okẹn-ịhịan hụ, yimẹzi ẹ nke ẹ. Ya wẹ nọ weri ẹ jẹnmẹ ebe wẹ k'a nọ kpọgbu ẹ.
A Kpọma Wẹ Jesu Elu Obe
(Mat 27.32-44; Luk 23.26-43; Jọn 19.17-27)
21E ru wẹ ụzọ, ndị-agha hụ nọ wa obe ahụn wẹ jẹnkọ d'e gi kpọgbu Jesu ye okẹnnyẹ ohu w'a kpọ Saịmọnụ olu buru. Saịmọnụ gha alị ọfịa lala imẹ obodo. (Saịmọnụ wụ nẹdi Alẹzanda lẹ Rufọsụ; onyẹ alị Saịrini k'ọ wụ). 22Wẹ nọ we Jesu shi ebe w'a kpọ Gọgọta, hụn wụ “Ebe Okpokomisi.” 23Wẹ nọ ye ẹ manya wẹ buche Maa e lu ilu n'ọ ra, kanị Jizọsị aran'a. 24Ya wẹ nọ kpọma a elu obe. Wẹ nọ kebe ẹkwa a, gi ịtụ-nkpọ hanrịn a.
25Ọkụrọkụ itenẹi ụtụntụn kẹ wẹ gi kpọma a elu-obe. 26Ihiẹn wẹ deye obe hụ nị ịya kẹ wẹ gi ma a ikpe wụ “Eze ndị Ju.” 27O nwọn ndị ohin ẹbụọ wẹ kpọma elu obe cheni Jizọsị; onyẹ ohu rị elu obe rị Jizọsị ẹka-ihiẹn, hụn-ẹbọ rị elu-obe rị Jizọsị ẹka-ekpẹn, 28Ya kẹ ihiẹn Ẹkụkwọ-nsọ ku gi mẹzu, makẹni Ẹkụkwọ-nsọ sị, “Wẹ gụn a yeni ndị a dan iwu.” 29Ndị ghafekọnị hụ e finfin isi, a kpari ẹ, a sị, “Ẹhẹn! Ẹlẹ ị sị n'i jẹnkọ d'e tikpọ Ụlọ-nsọ, gi akpọhịn ẹtọ tụndọnzi ẹ?! 30Zụọpụha nwan enwẹn i! Gha nwan elu obe hụ hidan.”
31Ndị-isi nchụn-ẹjan lẹ ndị-nkuzi Iwu hụzị a mụ a ẹmụ, a sị ibe wẹ, “Ọ zụọpụha ndị ọzọ, kanị ọ sanị ẹka zụọpụha enwẹn ẹ! 32Onyẹ nwẹn sị n'ọ wụ Kraịstị, Eze ndị Izrẹlụ, ya gha nwan elu obe hidan, kẹni ẹnyi hụn a, kweri!”
Ndị wẹ kpọma wẹ lẹ ịya elu obe hụzịkwọ a kpari ẹ.
Kẹ Jizọsị Dọn Nwụn
(Mat 27.45-56; Luk 23.44-49; Jọn 19.28-30)
33O ru ogẹn ẹnyanwụn gi a rị isi, alị hụ ile nọ gba ishi mgbahunmẹ ọkụrọkụ ẹtọ#15.33 D'e ru ọkụrọkụ ẹtọ efinnaị.. 34Ihiẹn nọkẹ ọkụrọkụ ẹtọ, Jesu nọ weshi olu elu, yi, “Ẹlọị! Ẹlọị!! Lama Sabakitani?!” hụn wụ “Chuku m! Chuku m!! Kị haịn i gi gbakitọ m azụụn?!”
35Ụfọdụ ndị wuzo ebẹhụ a nụ ihiẹn o ku, wẹ nọ sị, “Gọn ni ntịn, ọ rị a hị Ẹlaịja!” 36Onyẹ ohu imẹ wẹ nọ gbajẹn d'e gi ẹru suru manya rụ-ụka, fa a ye ọnụnụ mkpịnsịn, ye ẹ ra, sị, “Cheri ni, nị ẹnyi lele kẹ Ẹlaịja k'a bịa d'e wetu ẹ elu obe!”
37Jesu e yigụzị okẹn oro, ọ nọ kwọnbepụ.
38Ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ gha elu d'e ru alị. 39Ọkị-agha hụn wuzo ihun ẹ ebẹhụ a hụn kẹ Jesu dọn nwụnhụn, ọ nọ sị, “Ezioku-ezioku, onyẹni wụ Nwa Osolobuẹ.”
40O nwọnzighọ ikpoho gha ebe teni e lecheni ihiẹn rị e mẹni; ndị hụ imẹ wẹ wụ Meri onyẹ Magidala lẹ Salomi lẹ Meri nnẹ Jemisi hụn-nta lẹ Josisi#15.40 Josẹfụ.. 41Ikpoho ndịnị e sọn Jesu kẹ ọ rị Galili, e yen'ẹ ẹka, e jẹnn'ẹ ozi. Ikpoho ndị ọzọ bu ọda sọn ẹ bịa Jerusalẹm rịzịkwọ ebahụn.
Kẹ Wẹ Dọn Li Jesu
(Mat 27.57-61; Luk 23.50-56; Jọn 19.38-42)
42Ẹnyasị hụ, ebe o mẹni Ụhụọhịn ikwademẹ Ezumikẹn rọ, ya wụ nị ọhị gbahụ Ezumikẹn e bidọn, 43Josẹfụ onyẹ obodo Arịmatịa nọ jẹn d'e kunrun Paịleti. Josẹfụ wụ onyẹ wẹ marịn amarịn imẹ Ndị-isi Nkịkwama. Ọ rịzịkwọ ndị rị e che ọbịbịa Alị-eze Osolobuẹ. Ọ nọ rikin obi d'e kunrun Paịleti, sị a ye ẹ ẹhụ Jesu. 44Ọ tụ Paịleti ẹnya, ọ nọ sị kẹ Jesu a nwụnhụngụọlẹ. Ọ nọ kpọ ọkị-agha hụ, jụ a kẹ Jesu a nwụnọlẹ. 45Ogẹn o gi nụgụ ọnụ ọkị-agha hụ, ọ nọ sị Josẹfụ jẹn d'e buru ẹhụ hụ. 46Josẹfụ nọ ṅọnrin ẹkwa linẹ, butu ẹhụ Jesu elu obe, gi ẹkwa hụ fụma a, bu ẹ che ili wẹ gu rịkẹ mmughẹ ye imẹ ọmụma kẹ wẹ dọn e mẹ. Ya ọ nọ gi ọmụma hi ogbe nukin ọnụ ili hụ.
47Meri onyẹ Magidala lẹ Meri nnẹ Josisi rị ebahụn e lee ile, wẹ nọ marịn ebe wẹ buche ẹhụ Jesu.
ప్రస్తుతం ఎంపిక చేయబడింది:
Makị 15: ikkBI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Makị 15
15
Isi Nke Mmisẹn
E We Wẹ Jesu Jẹnni Paịleti
(Mat 27.1-2,11-14; Luk 23.1-5; Jọn 18.28-38)
1Hụn eki gihụ fọn, ndị-isi nchụn-ẹjan lẹ ndị-isi lẹ ndị-nkuzi Iwu lẹ ndị ile rị Ndị-isi Nkịkwama nọ zu, tụgbama iroro. Wẹ nọ kẹn Jesu ẹgbụn, duru ẹ pụ, wẹ ẹ ye Paịleti, Gọvanọ rị a kịdọnni ndị Rom. 2Paịleti nọ jụma a, sị, “Ịyụ wụ Eze ndị Ju?” Jesu nọ sị a, “Y'e kuọl'a.”
3Ndị-isi nchụn-ẹjan nọ kinmẹ ihiẹn bu ọda wẹ sị nị ya k'o mẹ. 4Paịleti nọ sị a, “Y'e nwọn ihiẹn y'a shịarị? Lee ihiẹn ile wẹ rị e kin nị ịya k'i mẹ.”
5Kanị Jesu ashịarịkwọnị ihiẹn ọwụlẹ; ọ tụ Paịleti ẹnya.
A Ma Wẹ Jesu Ikpe-ọnwụn
(Mat 27.15-26; Luk 23.13-25; Jọn 18.39—19.16)
6Mmẹmmẹ-nghafe ọwụlẹ, Paịleti e wepụhanị wẹ onyẹ-ngan ohu wẹ rịọ a. 7Mmẹmmẹ-nghafeni, okẹnnyẹ ohu w'a kpọ Barabasị rị imẹ ngan, ịya lẹ ndị gbu ọchụn ogẹn ọgbaghara ndị rị a lụsọn ndị-ọkịkị. 8Ya kẹ igunrun hụ nọ nwan bịa d'a rịọ Paịleti n'o mẹni wẹ k'o dọn e mẹ. 9Paịleti nọ jụ wẹ, “Ụnụ a chọghọ nị m hapụnị ụnụ Eze ndị Ju?” 10(Paịleti jụ wẹ ẹrịra makẹni ọ marịngụọ nị iwe-ẹnya haịn ndị-isi nchụn-ẹjan gi we Jesu ye ẹ.)
11Ndị-isi nchụn-ẹjan nọ sị igunrun hụ gwa a n'o wepụhanị wẹ Barabasị hụn nkẹ o gi wepụha Jizọsị. 12Paịleti nọzị jụ wẹ, “Kị ụnụ chọ nwan nị m gi okẹnnyẹni ụnụ a kpọ ‘Eze ndị Ju’ mẹ?”
13Wẹ nọ yi oro, sị a, “Kpọgbu ẹ!”
14Paịleti nọ jụ wẹ, sị, “Kị haịn? Elee njọ k'o mẹ?”
Kanị, wẹ nọ yikẹnmẹdẹ, “Kpọgbu ẹ!!”
15Makẹni Paịleti chọ n'o mẹ n'ọ sụọ igunrun hụ, ọ nọ hapụnị wẹ Barabasị; ọ fịangụ Jesu mkpịnsịn, ọ nọ w'ẹ ye ndị jẹnkọ d'a kpọgbun'ẹ.
Kẹ Ndị-agha Dọn Gi Jesu Gu Egu
(Mat 27.27-31; Jọn 19.2-3)
16Ya ndị-agha rị okpuru Gọvanọ wụ Paịleti nọ weri Jesu shi ezi-ọgwa Paịleti; wẹ nọ kpọgbama itu-agha wẹ. 17Wẹ nọ yimẹ ẹ ẹwuru okẹn-ịhịan#15.17 E nwun pọpụ-pọpụ.; wẹ nọ gi ogun kpa okpu-eze, bu ẹ che ẹ isi. 18Ya wẹ nọ kelemẹ ẹ, “Eze ndị Ju, isi i chei!” 19A fịan w'a mkpịnsịn isi, jụ a ẹsọn; e gbuni w'ẹ osekpu, e liyen'ẹ ẹka. 20A mụgụ w'a ẹmụ hụ, wẹ nọ yipụ a ẹwuru okẹn-ịhịan hụ, yimẹzi ẹ nke ẹ. Ya wẹ nọ weri ẹ jẹnmẹ ebe wẹ k'a nọ kpọgbu ẹ.
A Kpọma Wẹ Jesu Elu Obe
(Mat 27.32-44; Luk 23.26-43; Jọn 19.17-27)
21E ru wẹ ụzọ, ndị-agha hụ nọ wa obe ahụn wẹ jẹnkọ d'e gi kpọgbu Jesu ye okẹnnyẹ ohu w'a kpọ Saịmọnụ olu buru. Saịmọnụ gha alị ọfịa lala imẹ obodo. (Saịmọnụ wụ nẹdi Alẹzanda lẹ Rufọsụ; onyẹ alị Saịrini k'ọ wụ). 22Wẹ nọ we Jesu shi ebe w'a kpọ Gọgọta, hụn wụ “Ebe Okpokomisi.” 23Wẹ nọ ye ẹ manya wẹ buche Maa e lu ilu n'ọ ra, kanị Jizọsị aran'a. 24Ya wẹ nọ kpọma a elu obe. Wẹ nọ kebe ẹkwa a, gi ịtụ-nkpọ hanrịn a.
25Ọkụrọkụ itenẹi ụtụntụn kẹ wẹ gi kpọma a elu-obe. 26Ihiẹn wẹ deye obe hụ nị ịya kẹ wẹ gi ma a ikpe wụ “Eze ndị Ju.” 27O nwọn ndị ohin ẹbụọ wẹ kpọma elu obe cheni Jizọsị; onyẹ ohu rị elu obe rị Jizọsị ẹka-ihiẹn, hụn-ẹbọ rị elu-obe rị Jizọsị ẹka-ekpẹn, 28Ya kẹ ihiẹn Ẹkụkwọ-nsọ ku gi mẹzu, makẹni Ẹkụkwọ-nsọ sị, “Wẹ gụn a yeni ndị a dan iwu.” 29Ndị ghafekọnị hụ e finfin isi, a kpari ẹ, a sị, “Ẹhẹn! Ẹlẹ ị sị n'i jẹnkọ d'e tikpọ Ụlọ-nsọ, gi akpọhịn ẹtọ tụndọnzi ẹ?! 30Zụọpụha nwan enwẹn i! Gha nwan elu obe hụ hidan.”
31Ndị-isi nchụn-ẹjan lẹ ndị-nkuzi Iwu hụzị a mụ a ẹmụ, a sị ibe wẹ, “Ọ zụọpụha ndị ọzọ, kanị ọ sanị ẹka zụọpụha enwẹn ẹ! 32Onyẹ nwẹn sị n'ọ wụ Kraịstị, Eze ndị Izrẹlụ, ya gha nwan elu obe hidan, kẹni ẹnyi hụn a, kweri!”
Ndị wẹ kpọma wẹ lẹ ịya elu obe hụzịkwọ a kpari ẹ.
Kẹ Jizọsị Dọn Nwụn
(Mat 27.45-56; Luk 23.44-49; Jọn 19.28-30)
33O ru ogẹn ẹnyanwụn gi a rị isi, alị hụ ile nọ gba ishi mgbahunmẹ ọkụrọkụ ẹtọ#15.33 D'e ru ọkụrọkụ ẹtọ efinnaị.. 34Ihiẹn nọkẹ ọkụrọkụ ẹtọ, Jesu nọ weshi olu elu, yi, “Ẹlọị! Ẹlọị!! Lama Sabakitani?!” hụn wụ “Chuku m! Chuku m!! Kị haịn i gi gbakitọ m azụụn?!”
35Ụfọdụ ndị wuzo ebẹhụ a nụ ihiẹn o ku, wẹ nọ sị, “Gọn ni ntịn, ọ rị a hị Ẹlaịja!” 36Onyẹ ohu imẹ wẹ nọ gbajẹn d'e gi ẹru suru manya rụ-ụka, fa a ye ọnụnụ mkpịnsịn, ye ẹ ra, sị, “Cheri ni, nị ẹnyi lele kẹ Ẹlaịja k'a bịa d'e wetu ẹ elu obe!”
37Jesu e yigụzị okẹn oro, ọ nọ kwọnbepụ.
38Ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ gha elu d'e ru alị. 39Ọkị-agha hụn wuzo ihun ẹ ebẹhụ a hụn kẹ Jesu dọn nwụnhụn, ọ nọ sị, “Ezioku-ezioku, onyẹni wụ Nwa Osolobuẹ.”
40O nwọnzighọ ikpoho gha ebe teni e lecheni ihiẹn rị e mẹni; ndị hụ imẹ wẹ wụ Meri onyẹ Magidala lẹ Salomi lẹ Meri nnẹ Jemisi hụn-nta lẹ Josisi#15.40 Josẹfụ.. 41Ikpoho ndịnị e sọn Jesu kẹ ọ rị Galili, e yen'ẹ ẹka, e jẹnn'ẹ ozi. Ikpoho ndị ọzọ bu ọda sọn ẹ bịa Jerusalẹm rịzịkwọ ebahụn.
Kẹ Wẹ Dọn Li Jesu
(Mat 27.57-61; Luk 23.50-56; Jọn 19.38-42)
42Ẹnyasị hụ, ebe o mẹni Ụhụọhịn ikwademẹ Ezumikẹn rọ, ya wụ nị ọhị gbahụ Ezumikẹn e bidọn, 43Josẹfụ onyẹ obodo Arịmatịa nọ jẹn d'e kunrun Paịleti. Josẹfụ wụ onyẹ wẹ marịn amarịn imẹ Ndị-isi Nkịkwama. Ọ rịzịkwọ ndị rị e che ọbịbịa Alị-eze Osolobuẹ. Ọ nọ rikin obi d'e kunrun Paịleti, sị a ye ẹ ẹhụ Jesu. 44Ọ tụ Paịleti ẹnya, ọ nọ sị kẹ Jesu a nwụnhụngụọlẹ. Ọ nọ kpọ ọkị-agha hụ, jụ a kẹ Jesu a nwụnọlẹ. 45Ogẹn o gi nụgụ ọnụ ọkị-agha hụ, ọ nọ sị Josẹfụ jẹn d'e buru ẹhụ hụ. 46Josẹfụ nọ ṅọnrin ẹkwa linẹ, butu ẹhụ Jesu elu obe, gi ẹkwa hụ fụma a, bu ẹ che ili wẹ gu rịkẹ mmughẹ ye imẹ ọmụma kẹ wẹ dọn e mẹ. Ya ọ nọ gi ọmụma hi ogbe nukin ọnụ ili hụ.
47Meri onyẹ Magidala lẹ Meri nnẹ Josisi rị ebahụn e lee ile, wẹ nọ marịn ebe wẹ buche ẹhụ Jesu.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.