Makị 7
7
Isi Nke Ẹsa
Ọdịnalị Ndị-akan
(Mat 15.1-9)
1O nwọn ogẹn ndị Itu-Farisi gi zu d'e kunrun Jesu, wẹ lẹ ụfọdụ ndị-nkuzi Iwu hụn gha Jerusalẹm bịa. 2Wẹ nọ hụn a n'o nwọn ndị nsọnmazụụn a rị e gi ẹka rụnị e ri ihiẹn-oriri, ẹka wẹ kwọlẹni kẹ wẹ dọn a kwọ a.
3(Makẹni ndị Itu-Farisi lẹ ndị Ju ile ara ri ihiẹn-oriri mmanị wẹ kwọ ẹka kẹ w'a kwọ a, makẹni omẹnalị ndị nẹdi wẹ rọ; 4wẹ gha afịa lụa, erikọ wẹ ihiẹn ọwụlẹ mmanị wẹ chanchangụ enwẹn wẹ kẹ w'a chanchan; o nwọnsọnmẹzi ihiẹn bu ọda w'e mẹ wẹ gi e mẹ omẹnalị: kẹ ịchanchan mkpu lẹ ite lẹ arịa igwe-bronzu lẹ ihiẹn wẹ gi a nọdị alị lẹ ihiẹn wẹ gi e dinẹ.)
5Ndị Itu-Farisi lẹ ndị-nkuzi Iwu ahụn bịanị nọ jụ Jesu ajụjụ, sị, “Kị haịn ndị nsọnmazụụn ị gilẹni e mẹ omẹnalị ndị mbụ, wẹ hụ e gi ẹka rụnị e ri ihiẹn-oriri?”
6Ọ nọ sị wẹ, “Ezioku kẹ Azaya ku banyeni ụnụ ndị ihunnaị ebẹhụ Ẹkụkwọ-nsọ nọ sị,
‘Ndịnị rịhụ a gbaye m nke ọnụnụ-ire,
kanị obi wẹ arị ebe m rị kaka;
7ofufe ọlaliwi kẹ wẹ rị e fe m,
omẹnalị ịhịan kẹ w'a kuzi.’
8“Ụnụ e bu Iwu Osolobuẹ e che ụsụọ, kẹni ụnụ kwadọn omẹnalị ịhịan.”
9Ọ nọ sị wẹ, “Ụnụ marịn kẹ ụnụ dọn a latọ Iwu Osolobuẹ, kẹni ụnụ kwadọn omẹnalị ụnụ! 10Mozizi sị, ‘Gbaye nẹdi i lẹ nnẹ i’, sịzị, ‘Onyẹ kpari nẹdi ẹ mọbụ nnẹ ẹ, wẹ k'e gburịrị a.’ 11Kanị ụnụ nwẹn sị nị onyẹ sịhụ nẹdi ẹ mọbụ nnẹ ẹ, ‘E gigụọ m ihiẹn nkẹ m'e ye i ye Osolobuẹ oyiye,’ 12nị ọhụn e higụọ, ụnụ anịkọzị a mẹni nẹdi ẹ mọbụ nnẹ ẹ ihiẹn ọwụlẹ. 13Ẹnịna kẹ ụnụ dọn e nu oku Osolobuẹ e ye ụsụọ kẹni ụnụ kwadọn omẹnalị ụnụ a kuzi. Ụnụ e mẹsọnmẹzi ihiẹn bu ọda nọ ẹnịna.”
Ihiẹn Ndị E Mẹrụ Ịhịan
(Mat 15.10-20)
14Jesu nọ weshi olu elu sị igunrun ahụn ile, “Ụnụ ile, gọnni m ntịn, nị ụnụ ghọta: 15Onwọnni ihiẹn a banye imẹ ịhịan hụn a saẹka e mẹrụ a. Kama, ihiẹn gha imẹ ịhịan pụha wụ ihiẹn e mẹrụn'a.” 16Onyẹ nwọn ntịn, y'a nụ. 17Ogẹn Jesu gi la igunrun hụ tọ banye imẹ ụlọ, ndị nsọnmazụụn a nọ sị a kọwanị wẹ ilu hụ. 18Ọ nọ sị wẹ, “Ya wụ, ụnụ lẹ enwẹn ụnụ aghọtazịkwọnị? Ụnụ aghọtanị nị ihiẹn banye imẹ ịhịan ara saẹka mẹrụ a? 19Makẹni, ẹlẹ imẹ obi ẹ k'ọ banye — ẹfọ a k'ọ banye, ọ gha ebẹhụ nyụnpụ a azụụn ụlọ.” (Jesu gi ihiẹnni ku ni ihiẹn-oriri ile rị ọchan#7.19 Ya wụ nị wẹ jẹnkọ d'a saẹka ri wẹ ile..) 20Ọ nọzị sị, “Ihiẹn gha imẹ ịhịan pụha wụ ihiẹn e mẹrụn'a. 21Makẹni, imẹ ịhịan, imẹ obi ịhịan, kẹ eje-iroro lẹ ughẹrẹ gha a pụha, lẹ Izun-ohin, igbu-ọchụn, 22ịna-nwunyẹ-ịhịan lẹ ịzọ-ụkụ-ye-ọfịa, ẹnya-uku, eje-obibi, ndufie, imẹ ihiẹn gụnnị ị, iwe-ẹnya, ikuja-oku ịhịan, mpache lẹ nzuzu. 23Imẹ ịhịan kẹ eje-ihiẹn ndịnị ile a gha a pụha, e mẹrụ a.”
Okukwe
(Mat 15.21-28)
24Jizọsị nọ gha ebẹhụ buli, shi ẹgbẹrẹ Taya [lẹ Sidọnụ]. Ọ nọ banye imẹ ụlọ ohu. O te chọnị nị wẹ marịn n'ọ rị ebahụn, kanị ọ sanị ẹka zueri:
25Okpoho ohu eje-mmọn rị imẹ nwa a okpoho nọ nụ n'ọ bịa abịa, ya okpoho hụ nọ bịa d'e gbun'ẹ osekpu. 26Okpoho ahụn ẹlẹ onyẹ Ju, onyẹ Finishịa ebahụn Jesu bịa rọ, alị wẹ kẹti-kẹti wụ Siria. Ọ nọ rịọ Jesu n'ọ chụpụ eje-mmọn hụ rị imẹ nwa a. 27Jesu nọ sị a, “Nị ụmụẹka rigụdẹ, makẹni ọ rịnị mma nị ịhịan narịn ụmụẹka ihiẹn-oriri wẹ tụ a yeni nkitẹ.”
28Okpoho hụ nọ sị a, “Ezioku rọ Di-nwọnni-ẹnyi; nkitẹ rị okpuru teburu e rikwọ ifunfun ihiẹn-oriri dannahịn ụmụẹka.” 29Ya kẹ Jesu nọ sị a, “Makẹ ihiẹnni i ku, lama nwan, eje-mmọn hụ a ghaọlẹ imẹ nwa ị pụ.” 30Ogẹn okpoho ahụn gi ru ụlọ, ọ nọ hụn nwata hụ k'o dinẹ elu ukpo, eje-mmọn hụ a pụgụọ.
Jesu A Zụọ Onyẹ Odin Ghalẹni E ku Oku Ọhụnma
31Jesu nọ gha ẹgbẹrẹ alị Taya pụ, ghashi alị Sidọnụ pụha ẹgbẹrẹ Dikapolisi, Obodo iri hụ nọgbamanị, mkpẹnrẹn Iyi Galili. 32Wẹ nọ wẹhẹn'ẹ okẹnnyẹ ohu, onyẹ ntịn-okin ghalẹni e ku oku ọhụnma, wẹ nọ rịọ Jesu n'o bu ẹka kwasị a. 33Ya kẹ Jesu nọ gha ebahụn igunrun hụ rị we ẹ shi ụsụọ, rụ mkpịnsịn ẹka ye ẹ ntịn, jụụ ẹsọn ye mkpịnsịn-ẹka, gi ẹ de ẹ ire. 34Ya ọ nọ lee ẹnya elu-igwee, kwọnlụa, sị, “Ẹfata!” (Ẹfata wụ “Shịapụ”.)
35Ntịn okẹnnyẹ hụ nọ shịapụ ozigbo, ire ẹ a tọpụ, ọ nọ kumẹ oku ọhụnma. 36Jizọsị nọ sị wẹ agwalẹ onyẹ ọwụlẹ. (Kanị Jesu gha a gwa wẹ ekulẹ ọrụn atụmẹnya ọ rị a rụn, wẹ hụ e ku ẹ, e kukẹnmẹ.) 37Ọ tụ wẹ ile ẹnya ọda-ọda, wẹ nọ sị, “O mẹ ihiẹn ile ọhụnma! O mẹdẹ ntịn-okin nụma ihiẹn, mẹ odin kumẹ oku!”
ప్రస్తుతం ఎంపిక చేయబడింది:
Makị 7: ikkBI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Makị 7
7
Isi Nke Ẹsa
Ọdịnalị Ndị-akan
(Mat 15.1-9)
1O nwọn ogẹn ndị Itu-Farisi gi zu d'e kunrun Jesu, wẹ lẹ ụfọdụ ndị-nkuzi Iwu hụn gha Jerusalẹm bịa. 2Wẹ nọ hụn a n'o nwọn ndị nsọnmazụụn a rị e gi ẹka rụnị e ri ihiẹn-oriri, ẹka wẹ kwọlẹni kẹ wẹ dọn a kwọ a.
3(Makẹni ndị Itu-Farisi lẹ ndị Ju ile ara ri ihiẹn-oriri mmanị wẹ kwọ ẹka kẹ w'a kwọ a, makẹni omẹnalị ndị nẹdi wẹ rọ; 4wẹ gha afịa lụa, erikọ wẹ ihiẹn ọwụlẹ mmanị wẹ chanchangụ enwẹn wẹ kẹ w'a chanchan; o nwọnsọnmẹzi ihiẹn bu ọda w'e mẹ wẹ gi e mẹ omẹnalị: kẹ ịchanchan mkpu lẹ ite lẹ arịa igwe-bronzu lẹ ihiẹn wẹ gi a nọdị alị lẹ ihiẹn wẹ gi e dinẹ.)
5Ndị Itu-Farisi lẹ ndị-nkuzi Iwu ahụn bịanị nọ jụ Jesu ajụjụ, sị, “Kị haịn ndị nsọnmazụụn ị gilẹni e mẹ omẹnalị ndị mbụ, wẹ hụ e gi ẹka rụnị e ri ihiẹn-oriri?”
6Ọ nọ sị wẹ, “Ezioku kẹ Azaya ku banyeni ụnụ ndị ihunnaị ebẹhụ Ẹkụkwọ-nsọ nọ sị,
‘Ndịnị rịhụ a gbaye m nke ọnụnụ-ire,
kanị obi wẹ arị ebe m rị kaka;
7ofufe ọlaliwi kẹ wẹ rị e fe m,
omẹnalị ịhịan kẹ w'a kuzi.’
8“Ụnụ e bu Iwu Osolobuẹ e che ụsụọ, kẹni ụnụ kwadọn omẹnalị ịhịan.”
9Ọ nọ sị wẹ, “Ụnụ marịn kẹ ụnụ dọn a latọ Iwu Osolobuẹ, kẹni ụnụ kwadọn omẹnalị ụnụ! 10Mozizi sị, ‘Gbaye nẹdi i lẹ nnẹ i’, sịzị, ‘Onyẹ kpari nẹdi ẹ mọbụ nnẹ ẹ, wẹ k'e gburịrị a.’ 11Kanị ụnụ nwẹn sị nị onyẹ sịhụ nẹdi ẹ mọbụ nnẹ ẹ, ‘E gigụọ m ihiẹn nkẹ m'e ye i ye Osolobuẹ oyiye,’ 12nị ọhụn e higụọ, ụnụ anịkọzị a mẹni nẹdi ẹ mọbụ nnẹ ẹ ihiẹn ọwụlẹ. 13Ẹnịna kẹ ụnụ dọn e nu oku Osolobuẹ e ye ụsụọ kẹni ụnụ kwadọn omẹnalị ụnụ a kuzi. Ụnụ e mẹsọnmẹzi ihiẹn bu ọda nọ ẹnịna.”
Ihiẹn Ndị E Mẹrụ Ịhịan
(Mat 15.10-20)
14Jesu nọ weshi olu elu sị igunrun ahụn ile, “Ụnụ ile, gọnni m ntịn, nị ụnụ ghọta: 15Onwọnni ihiẹn a banye imẹ ịhịan hụn a saẹka e mẹrụ a. Kama, ihiẹn gha imẹ ịhịan pụha wụ ihiẹn e mẹrụn'a.” 16Onyẹ nwọn ntịn, y'a nụ. 17Ogẹn Jesu gi la igunrun hụ tọ banye imẹ ụlọ, ndị nsọnmazụụn a nọ sị a kọwanị wẹ ilu hụ. 18Ọ nọ sị wẹ, “Ya wụ, ụnụ lẹ enwẹn ụnụ aghọtazịkwọnị? Ụnụ aghọtanị nị ihiẹn banye imẹ ịhịan ara saẹka mẹrụ a? 19Makẹni, ẹlẹ imẹ obi ẹ k'ọ banye — ẹfọ a k'ọ banye, ọ gha ebẹhụ nyụnpụ a azụụn ụlọ.” (Jesu gi ihiẹnni ku ni ihiẹn-oriri ile rị ọchan#7.19 Ya wụ nị wẹ jẹnkọ d'a saẹka ri wẹ ile..) 20Ọ nọzị sị, “Ihiẹn gha imẹ ịhịan pụha wụ ihiẹn e mẹrụn'a. 21Makẹni, imẹ ịhịan, imẹ obi ịhịan, kẹ eje-iroro lẹ ughẹrẹ gha a pụha, lẹ Izun-ohin, igbu-ọchụn, 22ịna-nwunyẹ-ịhịan lẹ ịzọ-ụkụ-ye-ọfịa, ẹnya-uku, eje-obibi, ndufie, imẹ ihiẹn gụnnị ị, iwe-ẹnya, ikuja-oku ịhịan, mpache lẹ nzuzu. 23Imẹ ịhịan kẹ eje-ihiẹn ndịnị ile a gha a pụha, e mẹrụ a.”
Okukwe
(Mat 15.21-28)
24Jizọsị nọ gha ebẹhụ buli, shi ẹgbẹrẹ Taya [lẹ Sidọnụ]. Ọ nọ banye imẹ ụlọ ohu. O te chọnị nị wẹ marịn n'ọ rị ebahụn, kanị ọ sanị ẹka zueri:
25Okpoho ohu eje-mmọn rị imẹ nwa a okpoho nọ nụ n'ọ bịa abịa, ya okpoho hụ nọ bịa d'e gbun'ẹ osekpu. 26Okpoho ahụn ẹlẹ onyẹ Ju, onyẹ Finishịa ebahụn Jesu bịa rọ, alị wẹ kẹti-kẹti wụ Siria. Ọ nọ rịọ Jesu n'ọ chụpụ eje-mmọn hụ rị imẹ nwa a. 27Jesu nọ sị a, “Nị ụmụẹka rigụdẹ, makẹni ọ rịnị mma nị ịhịan narịn ụmụẹka ihiẹn-oriri wẹ tụ a yeni nkitẹ.”
28Okpoho hụ nọ sị a, “Ezioku rọ Di-nwọnni-ẹnyi; nkitẹ rị okpuru teburu e rikwọ ifunfun ihiẹn-oriri dannahịn ụmụẹka.” 29Ya kẹ Jesu nọ sị a, “Makẹ ihiẹnni i ku, lama nwan, eje-mmọn hụ a ghaọlẹ imẹ nwa ị pụ.” 30Ogẹn okpoho ahụn gi ru ụlọ, ọ nọ hụn nwata hụ k'o dinẹ elu ukpo, eje-mmọn hụ a pụgụọ.
Jesu A Zụọ Onyẹ Odin Ghalẹni E ku Oku Ọhụnma
31Jesu nọ gha ẹgbẹrẹ alị Taya pụ, ghashi alị Sidọnụ pụha ẹgbẹrẹ Dikapolisi, Obodo iri hụ nọgbamanị, mkpẹnrẹn Iyi Galili. 32Wẹ nọ wẹhẹn'ẹ okẹnnyẹ ohu, onyẹ ntịn-okin ghalẹni e ku oku ọhụnma, wẹ nọ rịọ Jesu n'o bu ẹka kwasị a. 33Ya kẹ Jesu nọ gha ebahụn igunrun hụ rị we ẹ shi ụsụọ, rụ mkpịnsịn ẹka ye ẹ ntịn, jụụ ẹsọn ye mkpịnsịn-ẹka, gi ẹ de ẹ ire. 34Ya ọ nọ lee ẹnya elu-igwee, kwọnlụa, sị, “Ẹfata!” (Ẹfata wụ “Shịapụ”.)
35Ntịn okẹnnyẹ hụ nọ shịapụ ozigbo, ire ẹ a tọpụ, ọ nọ kumẹ oku ọhụnma. 36Jizọsị nọ sị wẹ agwalẹ onyẹ ọwụlẹ. (Kanị Jesu gha a gwa wẹ ekulẹ ọrụn atụmẹnya ọ rị a rụn, wẹ hụ e ku ẹ, e kukẹnmẹ.) 37Ọ tụ wẹ ile ẹnya ọda-ọda, wẹ nọ sị, “O mẹ ihiẹn ile ọhụnma! O mẹdẹ ntịn-okin nụma ihiẹn, mẹ odin kumẹ oku!”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.