Matthew 5
5
Sa Nantuttuduwan Jesus
1Innilan ḵad Jesus da adu we tagu, nanagada'tte beleg.#5:1 Sa piona ugudon atte Greek adipun antaḵnange beleg yaḵon bebbeleg. Adu da beleg si ḵapon ni mipisongan init atte baybay ad Galilee. Tummuḵdu ḵad, ummadani da disipuluna ḵan siya, 2woḵ insaḻadnae nantuttudu ḵan dida.
Da Piane Tagu
(Luk. 6:20-23)
3“Pian da tagu we antaḻgod ḵan Apudyus atta ngaiman
te midogada si ampangatan Apudyus.
4Pian da andadauy
te liwliwaon Apudyus dida.
5Pian da angipakumbaba'tta long-agda
te dida angilaḵsun si lutae inkarin Apudyus.
6Pian da tagu we amaamayondae angwa'tta naun-unan
te badangan Apudyus didae angwa si piniona.
7Pian da tagu we ḵumadagu'tta asintataguda
te ḵadaguwan os Apudyus dida.
8Pian da tagu we ipapatidae ustu sosomḵon aḵ Apudyus
te aaddi ye ilanda'ḵ Apudyus si umali ye aḻgaw.
9Pian da tagu we angwa si maḵalin-awaan
da udume tagu'tta sin-ossaossa
te ibelang Apudyus dida'ḵ abengna.
10Pian da ampaḵaḻam gapu'tte maun-unanda
te midogada'tte ampangatan Apudyus.
11Pian ḵayu nu potogonda diḵayu
ya ampaḵaḻamon diḵayu ḵan an-ugudan diḵayu'ḵ lawweng
gapu'tte pammatiyu ḵan saḵon.
12Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”
Sa Asin Ya Sa Silaw
(Mrk. 9:50; Luk. 14:34-35)
13Pun pinagatupan Jesus we nantuttudu woḵ ḵanana, “Diḵayu isun di asine ḵasapuḻan si bumaḻuwan da losane tagu'd luta. Yaḵon nu ippun ogon tamtam ni asin, ngai inonae mipauli tamtamna ḵasin? Naippun ogon anuna ḵad miballu ya gusgusdan da tagu.
14“Diḵayu bos isun di silawe allangḻang atte somsomoḵ da tagu si lubung. Isuyu ili ye inggaw si tuḵtuḵ ni belege daḵampun aḵ natalingdan. 15Naippun tagu'ḵ tonggana silaw ta laḵḵobana bos atte aḵḵubaw. Ḵasapuḻane iggana si sasap-aḻan ni silaw ta masilawan da inggaw ad daḻom si boḻoy. 16Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”
Sa Ḵapatog Ni Lintog Apudyus
17Pune sadi ḵanan Jesus, “Adiyu sosomḵone ummaliyaḵ ta iyyaḵ waswason da lintog Moses ya da inggilin da profeta yaḵon ummaliyaḵ ta ituttuwaḵ da imbagada.#5:17 Awad da duwae piona ugudon anna'tte Greek: 1) Ummaliyaḵ ta ipaigammuḵ ustu we piona ḵanan. 2) Ummaliyaḵ ta ituttuwaḵ da imbagada. 18Ibagaḵ ḵan diḵayu ḵatuttuwaan, taḵon ay nu mawawan langit ḵan luta, naippun paat mataḻaḵ, taḵon ay simpattoḵe Lintog Apudyus inggana'ḵ mituttuwa da panggob Apudyus. 19Ḵad ngaimane allisalis taḵon ay ḵapeetan atta bilin Apudyus ya tuttuduwana da udum ose ḵoonda ḵaḵna, mibelange ḵababaan si ampangatan Apudyus. Yaḵon sa tagu we tumuttuwa ḵan angituttudu'tta bilinna, mibelange ḵangatuwan atte ampangatan Apudyus. 20Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”
Sa Mipanggob Si Sanga
21Pinagatupan Jesus woḵ ḵanana, “Dingngoḻyu imbilin Apudyus atta danaḵḵoḻ taḵu si awe ye ḵanana, ‘Adim patoyon osae tagu si ḵuwame pinion te ngaimane pumatoy maḵuwis ya maḵoddongan aḵ madusa.’#5:21 Exodus 20:13; Deuteronomy 5:17. 22Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ.#5:22 Sa de Greek, da ḵuḵunsisaḻ ngannonda Sanhedrin. Sana isun ni korti ye andaḵdaḵngan da papangat da papadi, papangat da Judyu ya da mimistulun ni lintog ta dida anḵuwis. Isun os da ḵanandae, ‘Dong-ogḵa,’ inḵa si apuy ad infiernu. 23Pun nu awad ittom aḵ datunnu ḵan Apudyus si altar ya inḵagasmoḵnu we awad isangan ni asintatagum aḵ ḵingwam ḵan siya, 24tenam yan datunnu si sinagung ni altar ta inḵa umuna anḵodaw aḵ pakawan si asintatagum ta awad lin-awa ḵan diḵayu ya asiḵaot anguline angitod si datunnu ḵan Apudyus.
25“Nu awad angidaḻum ḵan siḵa, daguse maḵaaligluḵa ḵan siya si daanyu miduuman si korti. Te nu adim ḵoon, ipuḻangna siḵa'tte ḵuwis ḵad indalisna bos siḵa'tta guwaḻda ya mibaḻudḵa. 26Ibagaḵ ḵan siḵa ḵatuttuwaan, adiḵapun mapuḵayan atte babaḻḻudan inggana'ḵ bayadam losan da ḵasapuḻane mabayadan.”
Sa Mipanggob Atta Maḵadagdagas
27“Dingngoḻyu bos imbagan Apudyus we ḵanana, ‘Adi ḵayu maḵadagdagas.’#5:27 Exodus 20:14; Deuteronomy 5:18. 28Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna. 29Pun nu sa madawinane atam gapun ni maḵabasuḻam, uḵitom ya iballum! Te unnoyna paḵing atam nu sa miballu nabubuḵḵoḻe long-agnu'd infiernu. 30Nu sa dawinane imam gapun ni maḵabasuḻam, puttam ya imballum! Te unnoyna paḵing imam nu sa miballu nabubuḵḵoḻe long-agnu'd infiernu.”
Sa Mipanggob Atta Maḵaidang
(Mat. 19:9; Mrk. 10:11-12; Luk. 16:18)
31Pinagatupan Jesus woḵ ḵanana, “Nigili'tte Ugud Apudyus, ‘Ngaimane laḻaḵi ye idangana asawana, ḵasapuḻane angitod ḵan siya'ḵ ḵasuḻatan aḵ ampipilmaan si an-idanganda.’#5:31 Deuteronomy 24:1. 32Yaḵon sa ibagaḵ ḵan diḵayu we laḻaḵi, adiyu idangan da asawayu, malaksid nu naḵadagdagas bubai. Te nu ḵoonyu ḵaḵna, diḵayu angwa si maḵabasuḻan ni bubai si dagdagas nu ḵasin angasawa. Ḵad ngaimane angasawa si bubai ye inidanganyu, maḵabasuḻ si dagdagas.”
Sa Mipanggob Atta Ansapata
(Jas. 5:12)
33Pinagatupan Jesus woḵ ḵanana, “Dingngoḻyu bose imbilin Apudyus atta danaḵḵoḻ taḵu we ḵanana, ‘Ḵasapuḻane adim idadauli da illusnu insapata yaḵon ḵasapuḻane ituttuwam da insapatam ḵan Apudyus.’#5:33 Leviticus 19:12; Numbers 30:2; Deuteronomy 23:21. 34Yaḵon ibagaḵ ḵan diḵayu, adiyu paat isapata da ngadan da ngaiman. Awatna, adiyu isapata'd langit te siya tronon Apudyus. 35Ḵad adiyu isapata'd luta te siya anggusdayan da suḵina, baḵon nu ad Jerusalem te siya siyudad ni ḵangatuwane Ari. 36Adiyu bos isapata uḻuyu te adipun maḵwa ambalinonyu ossaane buuḵ aḵ itaḵ baḵon nu ngitit. 37Unnoyna ḵananyu we ‘On’ nu tuttuwa ḵan ‘Naid’ nu daḵampun. Da losane ituḻ-ayyu, maḻpu ḵan Satan we ḵaḻawengan.”
Sa Mipanggob Atte Baḻos
(Luk. 6:29-30)
38Pinagatupan Jesus woḵ ḵanana, “Dingngoḻyu we imbilin Apudyus atta danaḵḵoḻ taḵu we ḵanana, ‘Sa amussoḵ si asintataguna, ḵasapuḻan ose bussoḵonda ya sa angengaw si asintataguna, ḵasapuḻan ose gengawanda.’#5:38 Exodus 21:24; Leviticus 24:20; Deuteronomy 19:21. 39Yaḵon sa ibagaḵ ḵan diḵayu, adiḵayu bumaḻos atta angwa'ḵ lawweng ḵan diḵayu. Nu awad ametnag si madawinane apingyu, itayayu bos madawigi. 40Ḵad nu awad angidaḻum ḵan siḵa ta aḻana silupnu, ittom os jaḵetnu. 41Ḵad ngaimane angipatut ampabuḵud si odonna'ḵ sinkilomitro, pamane buḵudom aḵ duwae kilomitro. 42Angitodḵa nu awad anḵodaw ḵan siḵa ya pagawatam da anggawat ḵan siḵa.”
Sa Ayat Atte Ḵabusuḻ
(Luk. 6:27-28, 32-36)
43Pinagatupan Jesus woḵ ḵanana, “Dingngoḻyu bose nibaga, ‘Ḵasapuḻane ayatom da asintatagum#5:43 Leviticus 19:18. ḵad busuḻom da ḵabusuḻnu.’#5:43 Exodus 21:24; Leviticus 24:20; Deuteronomy 19:21. 44Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu iluwaḻuwan da amaḵaḻam ḵan diḵayu, 45ta mipailae diḵayu tuttuwae abeng Amayu'd langit. Te ḵan siya, iyyunudna inite ḵingwana'ḵ lumangḻang atta naun-unane tagu we isuna bos atta tagu we angwa'tta lawweng ya innatodna bos udan ta maudanan lutan da tagu we angwa'tta pinion Apudyus ya da tagu we angwa'ḵ lawweng. 46Te nu abus aḵ ayatonyu da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da andadagup atta bugis ḵoonda bos ḵaḵna. 47Ḵad nu abus ay da ḵailiyanyu'ḵ pionyu ḵaug-uggud, ngai nisabaliyanyu'tta udum? Taḵon ay da Gentil we adipun angigammu ḵan Apudyus ḵoonda bos ḵaḵna. 48Pun ḵasapuḻane ippun angkuranganyu we isun Apudyus we Amayu'd langite ippun angkurangana.”
ప్రస్తుతం ఎంపిక చేయబడింది:
Matthew 5: kml
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2019 Translators Association of the Philippines (TAP), All rights reserved.
Matthew 5
5
Sa Nantuttuduwan Jesus
1Innilan ḵad Jesus da adu we tagu, nanagada'tte beleg.#5:1 Sa piona ugudon atte Greek adipun antaḵnange beleg yaḵon bebbeleg. Adu da beleg si ḵapon ni mipisongan init atte baybay ad Galilee. Tummuḵdu ḵad, ummadani da disipuluna ḵan siya, 2woḵ insaḻadnae nantuttudu ḵan dida.
Da Piane Tagu
(Luk. 6:20-23)
3“Pian da tagu we antaḻgod ḵan Apudyus atta ngaiman
te midogada si ampangatan Apudyus.
4Pian da andadauy
te liwliwaon Apudyus dida.
5Pian da angipakumbaba'tta long-agda
te dida angilaḵsun si lutae inkarin Apudyus.
6Pian da tagu we amaamayondae angwa'tta naun-unan
te badangan Apudyus didae angwa si piniona.
7Pian da tagu we ḵumadagu'tta asintataguda
te ḵadaguwan os Apudyus dida.
8Pian da tagu we ipapatidae ustu sosomḵon aḵ Apudyus
te aaddi ye ilanda'ḵ Apudyus si umali ye aḻgaw.
9Pian da tagu we angwa si maḵalin-awaan
da udume tagu'tta sin-ossaossa
te ibelang Apudyus dida'ḵ abengna.
10Pian da ampaḵaḻam gapu'tte maun-unanda
te midogada'tte ampangatan Apudyus.
11Pian ḵayu nu potogonda diḵayu
ya ampaḵaḻamon diḵayu ḵan an-ugudan diḵayu'ḵ lawweng
gapu'tte pammatiyu ḵan saḵon.
12Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”
Sa Asin Ya Sa Silaw
(Mrk. 9:50; Luk. 14:34-35)
13Pun pinagatupan Jesus we nantuttudu woḵ ḵanana, “Diḵayu isun di asine ḵasapuḻan si bumaḻuwan da losane tagu'd luta. Yaḵon nu ippun ogon tamtam ni asin, ngai inonae mipauli tamtamna ḵasin? Naippun ogon anuna ḵad miballu ya gusgusdan da tagu.
14“Diḵayu bos isun di silawe allangḻang atte somsomoḵ da tagu si lubung. Isuyu ili ye inggaw si tuḵtuḵ ni belege daḵampun aḵ natalingdan. 15Naippun tagu'ḵ tonggana silaw ta laḵḵobana bos atte aḵḵubaw. Ḵasapuḻane iggana si sasap-aḻan ni silaw ta masilawan da inggaw ad daḻom si boḻoy. 16Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”
Sa Ḵapatog Ni Lintog Apudyus
17Pune sadi ḵanan Jesus, “Adiyu sosomḵone ummaliyaḵ ta iyyaḵ waswason da lintog Moses ya da inggilin da profeta yaḵon ummaliyaḵ ta ituttuwaḵ da imbagada.#5:17 Awad da duwae piona ugudon anna'tte Greek: 1) Ummaliyaḵ ta ipaigammuḵ ustu we piona ḵanan. 2) Ummaliyaḵ ta ituttuwaḵ da imbagada. 18Ibagaḵ ḵan diḵayu ḵatuttuwaan, taḵon ay nu mawawan langit ḵan luta, naippun paat mataḻaḵ, taḵon ay simpattoḵe Lintog Apudyus inggana'ḵ mituttuwa da panggob Apudyus. 19Ḵad ngaimane allisalis taḵon ay ḵapeetan atta bilin Apudyus ya tuttuduwana da udum ose ḵoonda ḵaḵna, mibelange ḵababaan si ampangatan Apudyus. Yaḵon sa tagu we tumuttuwa ḵan angituttudu'tta bilinna, mibelange ḵangatuwan atte ampangatan Apudyus. 20Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”
Sa Mipanggob Si Sanga
21Pinagatupan Jesus woḵ ḵanana, “Dingngoḻyu imbilin Apudyus atta danaḵḵoḻ taḵu si awe ye ḵanana, ‘Adim patoyon osae tagu si ḵuwame pinion te ngaimane pumatoy maḵuwis ya maḵoddongan aḵ madusa.’#5:21 Exodus 20:13; Deuteronomy 5:17. 22Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ.#5:22 Sa de Greek, da ḵuḵunsisaḻ ngannonda Sanhedrin. Sana isun ni korti ye andaḵdaḵngan da papangat da papadi, papangat da Judyu ya da mimistulun ni lintog ta dida anḵuwis. Isun os da ḵanandae, ‘Dong-ogḵa,’ inḵa si apuy ad infiernu. 23Pun nu awad ittom aḵ datunnu ḵan Apudyus si altar ya inḵagasmoḵnu we awad isangan ni asintatagum aḵ ḵingwam ḵan siya, 24tenam yan datunnu si sinagung ni altar ta inḵa umuna anḵodaw aḵ pakawan si asintatagum ta awad lin-awa ḵan diḵayu ya asiḵaot anguline angitod si datunnu ḵan Apudyus.
25“Nu awad angidaḻum ḵan siḵa, daguse maḵaaligluḵa ḵan siya si daanyu miduuman si korti. Te nu adim ḵoon, ipuḻangna siḵa'tte ḵuwis ḵad indalisna bos siḵa'tta guwaḻda ya mibaḻudḵa. 26Ibagaḵ ḵan siḵa ḵatuttuwaan, adiḵapun mapuḵayan atte babaḻḻudan inggana'ḵ bayadam losan da ḵasapuḻane mabayadan.”
Sa Mipanggob Atta Maḵadagdagas
27“Dingngoḻyu bos imbagan Apudyus we ḵanana, ‘Adi ḵayu maḵadagdagas.’#5:27 Exodus 20:14; Deuteronomy 5:18. 28Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna. 29Pun nu sa madawinane atam gapun ni maḵabasuḻam, uḵitom ya iballum! Te unnoyna paḵing atam nu sa miballu nabubuḵḵoḻe long-agnu'd infiernu. 30Nu sa dawinane imam gapun ni maḵabasuḻam, puttam ya imballum! Te unnoyna paḵing imam nu sa miballu nabubuḵḵoḻe long-agnu'd infiernu.”
Sa Mipanggob Atta Maḵaidang
(Mat. 19:9; Mrk. 10:11-12; Luk. 16:18)
31Pinagatupan Jesus woḵ ḵanana, “Nigili'tte Ugud Apudyus, ‘Ngaimane laḻaḵi ye idangana asawana, ḵasapuḻane angitod ḵan siya'ḵ ḵasuḻatan aḵ ampipilmaan si an-idanganda.’#5:31 Deuteronomy 24:1. 32Yaḵon sa ibagaḵ ḵan diḵayu we laḻaḵi, adiyu idangan da asawayu, malaksid nu naḵadagdagas bubai. Te nu ḵoonyu ḵaḵna, diḵayu angwa si maḵabasuḻan ni bubai si dagdagas nu ḵasin angasawa. Ḵad ngaimane angasawa si bubai ye inidanganyu, maḵabasuḻ si dagdagas.”
Sa Mipanggob Atta Ansapata
(Jas. 5:12)
33Pinagatupan Jesus woḵ ḵanana, “Dingngoḻyu bose imbilin Apudyus atta danaḵḵoḻ taḵu we ḵanana, ‘Ḵasapuḻane adim idadauli da illusnu insapata yaḵon ḵasapuḻane ituttuwam da insapatam ḵan Apudyus.’#5:33 Leviticus 19:12; Numbers 30:2; Deuteronomy 23:21. 34Yaḵon ibagaḵ ḵan diḵayu, adiyu paat isapata da ngadan da ngaiman. Awatna, adiyu isapata'd langit te siya tronon Apudyus. 35Ḵad adiyu isapata'd luta te siya anggusdayan da suḵina, baḵon nu ad Jerusalem te siya siyudad ni ḵangatuwane Ari. 36Adiyu bos isapata uḻuyu te adipun maḵwa ambalinonyu ossaane buuḵ aḵ itaḵ baḵon nu ngitit. 37Unnoyna ḵananyu we ‘On’ nu tuttuwa ḵan ‘Naid’ nu daḵampun. Da losane ituḻ-ayyu, maḻpu ḵan Satan we ḵaḻawengan.”
Sa Mipanggob Atte Baḻos
(Luk. 6:29-30)
38Pinagatupan Jesus woḵ ḵanana, “Dingngoḻyu we imbilin Apudyus atta danaḵḵoḻ taḵu we ḵanana, ‘Sa amussoḵ si asintataguna, ḵasapuḻan ose bussoḵonda ya sa angengaw si asintataguna, ḵasapuḻan ose gengawanda.’#5:38 Exodus 21:24; Leviticus 24:20; Deuteronomy 19:21. 39Yaḵon sa ibagaḵ ḵan diḵayu, adiḵayu bumaḻos atta angwa'ḵ lawweng ḵan diḵayu. Nu awad ametnag si madawinane apingyu, itayayu bos madawigi. 40Ḵad nu awad angidaḻum ḵan siḵa ta aḻana silupnu, ittom os jaḵetnu. 41Ḵad ngaimane angipatut ampabuḵud si odonna'ḵ sinkilomitro, pamane buḵudom aḵ duwae kilomitro. 42Angitodḵa nu awad anḵodaw ḵan siḵa ya pagawatam da anggawat ḵan siḵa.”
Sa Ayat Atte Ḵabusuḻ
(Luk. 6:27-28, 32-36)
43Pinagatupan Jesus woḵ ḵanana, “Dingngoḻyu bose nibaga, ‘Ḵasapuḻane ayatom da asintatagum#5:43 Leviticus 19:18. ḵad busuḻom da ḵabusuḻnu.’#5:43 Exodus 21:24; Leviticus 24:20; Deuteronomy 19:21. 44Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu iluwaḻuwan da amaḵaḻam ḵan diḵayu, 45ta mipailae diḵayu tuttuwae abeng Amayu'd langit. Te ḵan siya, iyyunudna inite ḵingwana'ḵ lumangḻang atta naun-unane tagu we isuna bos atta tagu we angwa'tta lawweng ya innatodna bos udan ta maudanan lutan da tagu we angwa'tta pinion Apudyus ya da tagu we angwa'ḵ lawweng. 46Te nu abus aḵ ayatonyu da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da andadagup atta bugis ḵoonda bos ḵaḵna. 47Ḵad nu abus ay da ḵailiyanyu'ḵ pionyu ḵaug-uggud, ngai nisabaliyanyu'tta udum? Taḵon ay da Gentil we adipun angigammu ḵan Apudyus ḵoonda bos ḵaḵna. 48Pun ḵasapuḻane ippun angkuranganyu we isun Apudyus we Amayu'd langite ippun angkurangana.”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2019 Translators Association of the Philippines (TAP), All rights reserved.