కీర్తనల గ్రంథము 20

సంగీత నాయకునికి: దావీదు కీర్తన.

1నీకు కష్టాలు కలిగినప్పుడు సహాయంకోసం నీవు చేసే ప్రార్థనకు యెహోవా నీకు జవాబు ఇచ్చును గాక.

యాకోబు దేవుడు నీ పేరును ప్రసిద్ధి చేయును గాక.#20:1 యాకోబును … చేయును గాక యాకోబు దేవుని పేరు నిన్ను కాపాడునుగాక అని దీని అర్థం.

2దేవుడు తన పవిత్ర స్థలం నుండి నీకు సహాయం పంపించునుగాక.

సీయోను#20:2 సీయోను యెరూషలేము కట్టబడిన కొండ దక్షిణ ప్రాంతం. కొన్ని సందర్భాలలో అక్కడి దేవుని ప్రజలు అని అర్థం. నుండి ఆయన నిన్ను బలపర్చునుగాక!

3నీవు అర్పించిన కానుకలు అన్నింటినీ దేవుడు జ్ఞాపకం చేసుకొనునుగాక.

నీ బలి అర్పణలు అన్నింటిని ఆయన స్వీకరించును గాక.

4నీకు నిజంగా కావల్సిన వాటిని దేవుడు నీకు అనుగ్రహించును గాక.

నీ పథకాలన్నింటినీ ఆయన నెరవేర్చును గాక.

5దేవుడు నీకు జయము నిచ్చినప్పుడు మనం సంతోషించుదుముగాక.

దేవుని నామమునకు స్తోత్రము కలుగును గాక.

నీవు అడిగినది అంతా యెహోవా నీకు అనుగ్రహించును గాక.

6ఇప్పుడు, యెహోవా ఏర్పాటు చేసుకొన్న రాజుకు ఆయనే సహాయం చేస్తాడని నాకు తెలుసు.

దేవుడు తన పవిత్ర పరలోకంలో నుండి, ఆయన ఏర్పాటు చేసుకొన్న రాజుకు జవాబు ఇచ్చాడు.

ఆ రాజును రక్షించుటకు దేవుడు. తన మహత్తర శక్తిని ప్రయోగించాడు.

7కొందరు మనుష్యులు వారి రథాలను నమ్ముకొంటారు. మరికొందరు వారి గుర్రాలను నమ్ముకొంటారు.

కాని మనం మన దేవుడైన యెహోవాను నమ్ముకొంటాము.

8ఆ మనుష్యులు ఓడించబడ్డారు, వారు యుద్ధంలో మరణించారు.

కాని మనం గెలిచాము! మనం విజయులముగా నిలిచాము!

9దేవుడు రాజును రక్షించును గాక!

మేము సహాయము కొరకు పిలుచునప్పుడు మాకు ఉత్తర మిమ్ము.

ప్రస్తుతం ఎంపిక చేయబడింది:

కీర్తనల గ్రంథము 20: TERV

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

Telugu Holy Bible: Easy-to-Read Version

పవిత్ర బైబిల్ గురించి మరింత తెలుసుకోండి