కీర్తనల గ్రంథము 47

సంగీత నాయకునికి: కోరహు కుమారుల గీతం.

1సర్వజనులారా, చప్పట్లు కొట్టండి.

సంతోషంగా దేవునికి కేకలు వేయండి.

2మహోన్నతుడగు యెహోవా భీకరుడు.

భూలోకమంతటికీ ఆయన రాజు.

3ఆయన ప్రజలను మనకు లోబరిచాడు.

ఆ రాజ్యాలను మన పాదాల క్రింద ఉంచాడు.

4దేవుడు మన కోసం మన దేశాన్ని కోరుకున్నాడు.

యాకోబు కోసం అద్భుత దేశాన్ని ఆయన కోరుకున్నాడు. యాకోబు ఆయన ప్రేమకు పాత్రుడు.

5బూర మ్రోగగానే, యుద్ధనాదం వినబడగానే

యెహోవా దేవుడు లేచాడు.

6దేవునికి స్తుతులు పాడండి. స్తుతులు పాడండి.

మన రాజుకు స్తుతులు పాడండి. స్తుతులు పాడండి.

7దేవుడు సర్వలోకానికి రాజు.

స్తుతిగీతాలు పాడండి.

8దేవుడు తన పరిశుద్ధ సింహాసనం మీద కూర్చున్నాడు.

దేవుడు సకల రాజ్యాలనూ పాలిస్తున్నాడు.

9రాజ్యాల నాయకులు దేవుని ప్రజలతో సమావేశమయ్యారు.

దేవుని ప్రజలు అబ్రాహాము వంశస్థులు. వారి జనాంగమును దేవుడు కాపాడును.

నాయకులందరూ దేవునికి చెందినవారు.

దేవుడు మహోన్నతుడు.

ప్రస్తుతం ఎంపిక చేయబడింది:

కీర్తనల గ్రంథము 47: TERV

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

Telugu Holy Bible: Easy-to-Read Version

పవిత్ర బైబిల్ గురించి మరింత తెలుసుకోండి