ప్రకటన 18
18
కూలిపోయిన బబులోను గురించి విలాపం
1తరువాత మరొక దేవదూత పరలోకం నుండి క్రింది దిగి రావడం నేను చూసాను; అతనికి గొప్ప అధికారం ఉంది, అతని వెలుగుతో భూమి ప్రకాశించింది. 2అతడు గొప్ప స్వరంతో ఇలా అన్నాడు,
“బబులోను మహా పట్టణం కూలిపోయింది! కూలిపోయింది!#18:2 యెషయా 21:9
ఆమె దయ్యాలకు నిలయంగా,
ప్రతి దుష్ట ఆత్మ తిరిగే చోటుగా,
ప్రతి అపవిత్ర పక్షి సంచరించే స్థలంగా,
ప్రతి మలినమైన అసహ్యమైన క్రూరమృగాలకు నివాస స్థలంగా మారింది.
3ఎందుకంటే ఆమె వ్యభిచార మద్యాన్ని త్రాగి
దేశాలన్ని మత్తులయ్యాయి.
భూలోక రాజులు ఆమెతో వ్యభిచరించారు.
భూలోక వర్తకులు ఆమె ఇచ్చే అధిక విలాసాలతో ధనికులయ్యారు.”
బబులోను తీర్పును తప్పించుకోవడానికి హెచ్చరిక
4అప్పుడు పరలోకంలో నుండి మరొక స్వరం వినిపించింది:
“ ‘నా ప్రజలారా! ఆమెలో నుండి బయటకు రండి,’#18:4 యిర్మీయా 51:45
అప్పుడు మీరు ఆమె పాపాలలో భాగం పంచుకోరు,
ఆమెకు సంభవించే ఏ కీడు మీ మీదికి రాదు;
5ఆమె చేసిన పాపాలు ఆకాశమంత ఎత్తు కుప్పగా ఉన్నాయి కనుక,
దేవుడు ఆమె అతిక్రమాలను జ్ఞాపకం చేసుకొన్నాడు.
6ఆమె ఎలా ఇచ్చిందో ఆమెకు అలాగే ఇవ్వండి;
ఆమె చేసిన దానికి రెండింతలు ఆమెకు తిరిగి చెల్లించండి.
ఆమె పాత్ర నుండే ఆమెకు రెండింతలు పోసి ఇవ్వండి!
7ఆమె తనకు తాను ఎంతగా హెచ్చించుకొంటూ ఎన్ని సుఖభోగాలు అనుభవించిందో,
అంత వేదన దుఃఖాన్ని ఆమెకు కలుగజేయండి.
ఎందుకంటే, ఆమె తన హృదయంలో ఇలా అనుకొంది,
‘నేను రాణిగా నా సింహాసనం మీద కూర్చున్నాను.
నేను విధవరాలిని కాను,#18:7 యెషయా 47:7,8
ఇక ఎన్నడు సంతాపం అనుభవించనని.’
8కనుక ఒక్క రోజులోనే ఆమె తెగుళ్ళన్ని ఆమెను పట్టుకొంటాయి,
ఆమె మీదికి మరణం, దుఃఖం, కరువు వస్తాయి.
ఆమెకు తీర్పుతీర్చే ప్రభువైన దేవుడు శక్తిగలవాడు,
కనుక ఆమె అగ్నితో కాల్చివేయబడుతుంది.”
బబులోను మహాపట్టణం పతనానికి మూడు రెట్ల విపత్తు
9ఆమెతో వ్యభిచరించి ఆమె సుఖభోగాలను అనుభవించిన భూ రాజులు ఆమె కాలుతున్నప్పుడు వచ్చే పొగను చూసి ఆమె కొరకు కన్నీరు కారుస్తూ దుఃఖిస్తారు. 10ఆమె పడే వేదన చూసి భయపడి, వారు దూరంగా నిలబడి రోదిస్తూ,
“మహా పట్టణమా! నీకు విపత్తు! విపత్తు!
బబులోను మహా పట్టణమా,
ఒక్క గంటలోనే నీ మీదికి శిక్ష వచ్చింది”
అని అంటారు.
11భూలోక వ్యాపారులు ఇకపై తమ సరకులు కొనేవారు ఎవరు లేరు అని ఆమె కొరకు కన్నీరు కారుస్తూ దుఃఖిస్తారు. 12వారి సరకులు ఏవంటే బంగారం, వెండి, విలువైన రాళ్ళు, ముత్యాలు; సున్నితమైన నారబట్టలు, ఊదారంగు బట్టలు, పట్టు బట్టలు, ఎర్రని బట్టలు; సువాసన ఇచ్చే అన్ని రకాల చెక్కలు, దంతాలతో చాలా విలువైన చెక్కతో, కంచు, ఇనుము, నునుపురాళ్ళతో తయారు చేసిన అన్ని రకాల వస్తువులు; 13దాల్చిన చెక్క సుగంధద్రవ్యాలు, ధూపద్రవ్యాలు, బోళం సాంబ్రాణి, ద్రాక్షరసం ఒలీవ నూనె, శ్రేష్ఠమైన పిండి గోధుమలు; పశువులు గొర్రెలు, గుర్రాలు రథాలు; దాసులుగా అమ్మివేయబడిన మనుష్యులు.
14అప్పుడు వర్తకులు ఆ పట్టణంతో, “నీవు ఆశించిన ఫలం నిన్ను విడిచిపోయింది, నీకున్న సుఖవిలాసం, వైభవాలు ఇంకెన్నడు నీకు కనిపించకుండా మాయమైపోయాయి” అని అన్నారు. 15ఈ సరుకులను అమ్ముతూ ఆమె ద్వారా ధనవంతులైన వ్యాపారులు ఆమె అనుభవించే వేదన చూసి భయంతో దూరంగా నిలబడ్డారు. వారు ఏడుస్తూ రోదిస్తూ, 16బిగ్గరగా ఇలా రోదించారు,
“ ‘ఓ మహా పట్టణమా, నీకు విపత్తు, విపత్తు.
సున్నితమైన నారబట్టలు, ఊదారంగు బట్టలు, ఎరుపు రంగు బట్టలు ధరించుకొని,
బంగారంతో, విలువైన రాళ్ళతో, ముత్యాలతో అలంకరించుకొని మెరుస్తున్నదానా,
17ఒక్క గంటలోనే ఈ నీ గొప్ప ధనసంపద అంతా వ్యర్థమైపోయిందా?’
“ప్రతి ఓడ అధిపతి, ఓడ ప్రయాణికులందరు, నావికులు, సముద్ర వ్యాపారం చేసే ప్రతి ఒక్కరు దూరంగా నిలబడ్డారు. 18కాలిపోతున్న ఆమె నుండి వస్తున్న పొగను చూసి, ఈ మహా పట్టణం వంటి గొప్ప పట్టణం ఎప్పుడైనా ఉన్నదా? అని బిగ్గరగా కేకలు వేస్తారు. 19వారు తమ తలలపై దుమ్మును పోసుకుంటూ కన్నీరు కార్చుతూ దుఃఖిస్తూ బిగ్గరగా రోదిస్తూ,
“ ‘మహా పట్టణమా, నీకు విపత్తు, విపత్తు!
సముద్రంలో ఓడలున్న వారందరు
ఆమె ధన సమృద్ధితో ధనికులయ్యారు.
గాని ఒక్క గంటలోనే ఆమె నశించిపోయిందే అని చెప్పుకుంటారు.’
20“పరలోకమా ఆమెను బట్టి ఆనందించండి.
దేవుని ప్రజలారా, ఆనందించండి.
అపొస్తలులారా, ప్రవక్తలారా ఆనందించండి.
ఎందుకంటే, ఆమె మీకు విధించిన తీర్పును బట్టి
దేవుడు ఆమెకు తీర్పు తీర్చాడు.”
బబులోను పతనం యొక్క అంతిమఘట్టం
21ఆ తరువాత ఒక బలమైన దేవదూత ఒక పెద్ద తిరుగలి రాయంత బండరాయిని తీసుకొని సముద్రంలో పడవేసి,
“ఇలాంటి హింసలతో
బబులోను మహా పట్టణం క్రిందికి త్రోయబడుతుంది
మరి ఎన్నడు అది కనబడదు.
22తంతి వాయిద్యాలు వాయించేవారి, పిల్లన గ్రోవులు బూరలు ఊదేవారి సంగీతం
మరి ఎన్నడు నీలో వినబడదు.
వ్యాపారం చేసే ఏ పనివాడైనను
నీలో ఎన్నడు కనిపించడు.
తిరుగలి రాయి తిప్పే శబ్దం
మరెన్నడు నీలో వినబడదు.
23ఇక ఒక దీపపు వెలుగైన
నీలో ఎన్నడూ ప్రకాశించదు.
ఇక వధువు స్వరం వరుని స్వరం
నీలో ఎన్నడూ వినిపించదు.
నీ వర్తకులు ప్రపంచంలో ప్రఖ్యాతి పొందినవారిగా ఉన్నారు.
నీ మాయ మంత్రాలతో దేశాలన్ని మోసపోయాయి.
24ప్రవక్తల రక్తం మరియు దేవుని పరిశుద్ధ ప్రజల రక్తం,
భూమి మీద వధించబడిన వారందరి రక్తం ఆమెలో కనిపిస్తుంది.”
ప్రస్తుతం ఎంపిక చేయబడింది:
ప్రకటన 18: TCV
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
తెలుగు సమకాలీన అనువాదము™, క్రొత్త నిబంధన
ప్రచురణ హక్కులు © 1976, 1990, 2022 Biblica, Inc.
అనుమతితో ఉపయోగించబడినది. ప్రపంచవ్యాప్తంగా అన్ని హక్కులు ప్రత్యేకించబడ్డాయి.
Telugu Contemporary Version™, New Testament
Copyright © 1976,1990, 2022 by Biblica, Inc.
Used with permission. All rights reserved worldwide.
ప్రకటన 18
18
కూలిపోయిన బబులోను గురించి విలాపం
1తరువాత మరొక దేవదూత పరలోకం నుండి క్రింది దిగి రావడం నేను చూసాను; అతనికి గొప్ప అధికారం ఉంది, అతని వెలుగుతో భూమి ప్రకాశించింది. 2అతడు గొప్ప స్వరంతో ఇలా అన్నాడు,
“బబులోను మహా పట్టణం కూలిపోయింది! కూలిపోయింది!#18:2 యెషయా 21:9
ఆమె దయ్యాలకు నిలయంగా,
ప్రతి దుష్ట ఆత్మ తిరిగే చోటుగా,
ప్రతి అపవిత్ర పక్షి సంచరించే స్థలంగా,
ప్రతి మలినమైన అసహ్యమైన క్రూరమృగాలకు నివాస స్థలంగా మారింది.
3ఎందుకంటే ఆమె వ్యభిచార మద్యాన్ని త్రాగి
దేశాలన్ని మత్తులయ్యాయి.
భూలోక రాజులు ఆమెతో వ్యభిచరించారు.
భూలోక వర్తకులు ఆమె ఇచ్చే అధిక విలాసాలతో ధనికులయ్యారు.”
బబులోను తీర్పును తప్పించుకోవడానికి హెచ్చరిక
4అప్పుడు పరలోకంలో నుండి మరొక స్వరం వినిపించింది:
“ ‘నా ప్రజలారా! ఆమెలో నుండి బయటకు రండి,’#18:4 యిర్మీయా 51:45
అప్పుడు మీరు ఆమె పాపాలలో భాగం పంచుకోరు,
ఆమెకు సంభవించే ఏ కీడు మీ మీదికి రాదు;
5ఆమె చేసిన పాపాలు ఆకాశమంత ఎత్తు కుప్పగా ఉన్నాయి కనుక,
దేవుడు ఆమె అతిక్రమాలను జ్ఞాపకం చేసుకొన్నాడు.
6ఆమె ఎలా ఇచ్చిందో ఆమెకు అలాగే ఇవ్వండి;
ఆమె చేసిన దానికి రెండింతలు ఆమెకు తిరిగి చెల్లించండి.
ఆమె పాత్ర నుండే ఆమెకు రెండింతలు పోసి ఇవ్వండి!
7ఆమె తనకు తాను ఎంతగా హెచ్చించుకొంటూ ఎన్ని సుఖభోగాలు అనుభవించిందో,
అంత వేదన దుఃఖాన్ని ఆమెకు కలుగజేయండి.
ఎందుకంటే, ఆమె తన హృదయంలో ఇలా అనుకొంది,
‘నేను రాణిగా నా సింహాసనం మీద కూర్చున్నాను.
నేను విధవరాలిని కాను,#18:7 యెషయా 47:7,8
ఇక ఎన్నడు సంతాపం అనుభవించనని.’
8కనుక ఒక్క రోజులోనే ఆమె తెగుళ్ళన్ని ఆమెను పట్టుకొంటాయి,
ఆమె మీదికి మరణం, దుఃఖం, కరువు వస్తాయి.
ఆమెకు తీర్పుతీర్చే ప్రభువైన దేవుడు శక్తిగలవాడు,
కనుక ఆమె అగ్నితో కాల్చివేయబడుతుంది.”
బబులోను మహాపట్టణం పతనానికి మూడు రెట్ల విపత్తు
9ఆమెతో వ్యభిచరించి ఆమె సుఖభోగాలను అనుభవించిన భూ రాజులు ఆమె కాలుతున్నప్పుడు వచ్చే పొగను చూసి ఆమె కొరకు కన్నీరు కారుస్తూ దుఃఖిస్తారు. 10ఆమె పడే వేదన చూసి భయపడి, వారు దూరంగా నిలబడి రోదిస్తూ,
“మహా పట్టణమా! నీకు విపత్తు! విపత్తు!
బబులోను మహా పట్టణమా,
ఒక్క గంటలోనే నీ మీదికి శిక్ష వచ్చింది”
అని అంటారు.
11భూలోక వ్యాపారులు ఇకపై తమ సరకులు కొనేవారు ఎవరు లేరు అని ఆమె కొరకు కన్నీరు కారుస్తూ దుఃఖిస్తారు. 12వారి సరకులు ఏవంటే బంగారం, వెండి, విలువైన రాళ్ళు, ముత్యాలు; సున్నితమైన నారబట్టలు, ఊదారంగు బట్టలు, పట్టు బట్టలు, ఎర్రని బట్టలు; సువాసన ఇచ్చే అన్ని రకాల చెక్కలు, దంతాలతో చాలా విలువైన చెక్కతో, కంచు, ఇనుము, నునుపురాళ్ళతో తయారు చేసిన అన్ని రకాల వస్తువులు; 13దాల్చిన చెక్క సుగంధద్రవ్యాలు, ధూపద్రవ్యాలు, బోళం సాంబ్రాణి, ద్రాక్షరసం ఒలీవ నూనె, శ్రేష్ఠమైన పిండి గోధుమలు; పశువులు గొర్రెలు, గుర్రాలు రథాలు; దాసులుగా అమ్మివేయబడిన మనుష్యులు.
14అప్పుడు వర్తకులు ఆ పట్టణంతో, “నీవు ఆశించిన ఫలం నిన్ను విడిచిపోయింది, నీకున్న సుఖవిలాసం, వైభవాలు ఇంకెన్నడు నీకు కనిపించకుండా మాయమైపోయాయి” అని అన్నారు. 15ఈ సరుకులను అమ్ముతూ ఆమె ద్వారా ధనవంతులైన వ్యాపారులు ఆమె అనుభవించే వేదన చూసి భయంతో దూరంగా నిలబడ్డారు. వారు ఏడుస్తూ రోదిస్తూ, 16బిగ్గరగా ఇలా రోదించారు,
“ ‘ఓ మహా పట్టణమా, నీకు విపత్తు, విపత్తు.
సున్నితమైన నారబట్టలు, ఊదారంగు బట్టలు, ఎరుపు రంగు బట్టలు ధరించుకొని,
బంగారంతో, విలువైన రాళ్ళతో, ముత్యాలతో అలంకరించుకొని మెరుస్తున్నదానా,
17ఒక్క గంటలోనే ఈ నీ గొప్ప ధనసంపద అంతా వ్యర్థమైపోయిందా?’
“ప్రతి ఓడ అధిపతి, ఓడ ప్రయాణికులందరు, నావికులు, సముద్ర వ్యాపారం చేసే ప్రతి ఒక్కరు దూరంగా నిలబడ్డారు. 18కాలిపోతున్న ఆమె నుండి వస్తున్న పొగను చూసి, ఈ మహా పట్టణం వంటి గొప్ప పట్టణం ఎప్పుడైనా ఉన్నదా? అని బిగ్గరగా కేకలు వేస్తారు. 19వారు తమ తలలపై దుమ్మును పోసుకుంటూ కన్నీరు కార్చుతూ దుఃఖిస్తూ బిగ్గరగా రోదిస్తూ,
“ ‘మహా పట్టణమా, నీకు విపత్తు, విపత్తు!
సముద్రంలో ఓడలున్న వారందరు
ఆమె ధన సమృద్ధితో ధనికులయ్యారు.
గాని ఒక్క గంటలోనే ఆమె నశించిపోయిందే అని చెప్పుకుంటారు.’
20“పరలోకమా ఆమెను బట్టి ఆనందించండి.
దేవుని ప్రజలారా, ఆనందించండి.
అపొస్తలులారా, ప్రవక్తలారా ఆనందించండి.
ఎందుకంటే, ఆమె మీకు విధించిన తీర్పును బట్టి
దేవుడు ఆమెకు తీర్పు తీర్చాడు.”
బబులోను పతనం యొక్క అంతిమఘట్టం
21ఆ తరువాత ఒక బలమైన దేవదూత ఒక పెద్ద తిరుగలి రాయంత బండరాయిని తీసుకొని సముద్రంలో పడవేసి,
“ఇలాంటి హింసలతో
బబులోను మహా పట్టణం క్రిందికి త్రోయబడుతుంది
మరి ఎన్నడు అది కనబడదు.
22తంతి వాయిద్యాలు వాయించేవారి, పిల్లన గ్రోవులు బూరలు ఊదేవారి సంగీతం
మరి ఎన్నడు నీలో వినబడదు.
వ్యాపారం చేసే ఏ పనివాడైనను
నీలో ఎన్నడు కనిపించడు.
తిరుగలి రాయి తిప్పే శబ్దం
మరెన్నడు నీలో వినబడదు.
23ఇక ఒక దీపపు వెలుగైన
నీలో ఎన్నడూ ప్రకాశించదు.
ఇక వధువు స్వరం వరుని స్వరం
నీలో ఎన్నడూ వినిపించదు.
నీ వర్తకులు ప్రపంచంలో ప్రఖ్యాతి పొందినవారిగా ఉన్నారు.
నీ మాయ మంత్రాలతో దేశాలన్ని మోసపోయాయి.
24ప్రవక్తల రక్తం మరియు దేవుని పరిశుద్ధ ప్రజల రక్తం,
భూమి మీద వధించబడిన వారందరి రక్తం ఆమెలో కనిపిస్తుంది.”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
తెలుగు సమకాలీన అనువాదము™, క్రొత్త నిబంధన
ప్రచురణ హక్కులు © 1976, 1990, 2022 Biblica, Inc.
అనుమతితో ఉపయోగించబడినది. ప్రపంచవ్యాప్తంగా అన్ని హక్కులు ప్రత్యేకించబడ్డాయి.
Telugu Contemporary Version™, New Testament
Copyright © 1976,1990, 2022 by Biblica, Inc.
Used with permission. All rights reserved worldwide.