Jɔn Gia yə yi kɔ i Kiŋwakti ki Jɔn kələ mə
Gia yə yi kɔ i Kiŋwakti ki Jɔn kələ mə
Ntum wi ndzɔŋni wələ Jɔn nì nyaka kɔ i chusi a Jisɔs kɔ Ja yi Nyɔ yə yi nì kɔ i kin'yisi wə, yi kaŋa kə kiŋgɔksi, a num yi yə yi nì fiəni chu mi wiwɔm. Kiŋwakti kələ mwi dzakaki a ntum wi ndzɔŋni wələ kɔ num bə nì nyaka ka bəni bə̀ bɔ faki ki bi bûm a Jisɔs kɔ Kimbwili wə Nyɔ nì kaka, a num wi waiŋ Nyɔ, a bɔ ka jîə shɔ́m i wi wə, ma bɔ ni kwati nɔni kə ki bi tsə ka kə (20:31).
Gia yə Jɔn nyaka i kiŋwakti kələ mə fiəni nyaka chukuli kɔ kɔm kinya kə ki kɔ nɔni kə ki bi tsə kaa kə, yi num kɔm Klistus. Kinya kələ kɔ mbum bi Nyɔ biə bi yisi i liə, bi num i bəni bə̀ bɔ kɔ bɔ bum a Jisɔs kɔ dzəh yi Nyɔ, wi num ŋkɔŋ, wi num nɔni. Dzəh yidɔkɔ yə Jɔn nì nyaka kiŋwakti kələ yɛiŋ lansi kɔ chi chi kɔ i chusiki si Jisɔs nì dzɔki gia yə bəni kiəki i nɔni kələ mə i lani si gia yi kiŋ'waka kɔ.
Kifwu ki gia kə ki kɔ i Kiŋwakti kələ mə
1:1-18 Kin'yisi kɔm Ja yə yi nì fiəni chu mi wiwɔm
1:19-51 Kɔm Jɔn Julibɔkɔ bəh bwa bə mbaŋ bə Jisɔs bə ninshiŋ
2:1–12:50 Kɔm si Jisɔs nì nyaniki fəki nɔm wi
13:1–19:42 Kɔm kaŋ yi Jisɔs yi kiŋgɔksi i Jɛlusalɛm bəh i kɔmsiki fɛiŋ
20:1-31 Kɔm si Bah Jisɔs nì dza i kpi mə, chusi gwu i bəni bu
21:1-25 Kiŋgɔksi: Jisɔs chusi gwu i bwa bu bə mbaŋ i Galili
ప్రస్తుతం ఎంపిక చేయబడింది:
Jɔn Gia yə yi kɔ i Kiŋwakti ki Jɔn kələ mə: cug
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2021 (Active), Wycliffe Bible Translators, Inc. All rights reserved.