YOHANES 9
9
Yesus Kiperbor Mat Sengoi Buta
1Mase Yesus tengah Kicekcip, Kek Kibakek numom sengoi buta. Sengoi ajeh kibuta sejak kiyos. 2Pengikot-pengikot Yesus naitanya nu Kek, “Guru, bokka de bedosa lei sengoi adeh kiyos buta? Ileika iamek-apak?”
3Yesus Kiberlag, “Sengoi adeh kibuta pek kerana dosa ilei sendiri atao dosa iamek-apak, tapi kek kiyos buta supaye kuasa Jenang biperneng ku kateh isinui. 4Selagi arik lekat yah, hik hod hibeh kerjak de biog ya Ilei de ngengngeng Eng. Kelem kaha-merek. Mase kelem ya merek, pek mong numom pen de buleh kerakjak. 5Selagi Eng mong ku dunia adeh, Engloh cahaya ha dunia adeh.”
6Telas Yesus Kiurok begei ajeh, Kek Kitoh nu tik ru Kilel tik ajeh ru Ilehig. Lalu Kisapu tik ajeh ku mat sengoi buta ajeh. 7Telas ajeh Yesus Kiurok nu kek, “Et suj ku Kulam Siloam” (Siloam imaksod, bingeng). Mai buta ajeh pen kiet kisuj imat ku kulam ajeh. Bile kilos nij, kek ya dapat kinengneng.
8Ijiran ru dikdij mai de naikenal kek naiurok, “Pekka sengoi adeh de selalo kisemanj sedekah?”
9Memerip sengoi naiberlag, “Ajehloh ilei.” Tapi mai kilek naiurok, “Nyiknyuk, irenes taleh sama.”
Sengoi ajeh kiurok, “Engloh ilei de buta de selalo ngsemanj sedekah.”
10Naitanya nu kek, “Begeiharok mat hek kibor?”
11Kek kiberlag, “Sengoi de imuh Yesus Kilel tik lalu Kisapu ku mat eng ru Kior ngsuj mat eng ku Kulam Siloam. Eng pen nget ru ngsuj mat eng lalu dapat ngnengneng.”
12Naitanya, “Ku belok Sengoi ajeh nek?”
Kek kiberlag, “Eng pek ngpanei.”
Mai Farisi Naitanya tentang Perembor Mat Sengoi Buta
13Sengoi de canukjeh buta bien nu mai Farisi 14kerana Yesus Kilel tik ru Kiperbor mat sengoi buta ajeh ku arik Sabat. 15Mai Farisi naitanya nu sengoi ajeh begeiharok dapat kinengneng. Kek kiberlag, “Mong Sengoi de Kisapu tik log ku mat eng. Telas ngsuj mat eng, eng ya dapat ngnengneng.”
16Memerip urag mai Farisi naiurok, “Sengoi ajeh pek Kihol ju Jenang kerana Kikerakjak ru Kilanggar hukom arik Sabat.”
Tapi mai kilek naiurok, “Pek mungken mai bedosa dapat kibeh tanda ajaib begei adeh!” Lalu naiceraklah kerana mong memaseg peniker.
17Jadi, naitanya nij nu sengoi de canukjeh buta, “Kek Kiperbor mat hek. Ma pendapat hek tentang Kek?”
Sengoi ajeh kiberlag, “Kek ajeh numom nabi.”
18Pemimpen-pemimpen mai Yahudi lekat pek naipecaya sengoi ajeh entem buta tapi hunen ya dapat kinengneng. Kerana ajeh, naicereg iamek ru iapak. 19Lalu naitanya nu ubai, “Betolka kek adeh kenon jerkek de kiyos butajeh? Begeiharok dapat kinengneng?”
20Iamek ru iapak baiberlag, “Mimang kek adeh kenon jar ru kek mimang buta sejak kiyos. 21Tapi pek jarpanei begeiharok kek dapat kinengneng hunen ru bok de perbor kek. Kek ya kiraknak. Tanyaloh nu ilei sendiri. Kek dapat kiberlag ya ilei sendiri.” 22Iamek ru iapak baiurok begei ajeh kerana baisengoh ha pemimpen-pemimpen mai Yahudi de ya naibepakat begei adeh: Bok imai de kiaku Yesus ajehloh Peselamat de bijanji ya Jenang, kek doh biperet ju deg sembahyang. 23Ajehloh isebab amek ru apak sengoi ajeh baiurok, “Kek ya kiraknak. Tanyaloh nu ilei sendiri.”
24Nukali nij naicereg sengoi de entemjeh buta ru naiurok nu kek, “Pasalloh ibentol ku ngar Jenang! Jipanei Sengoi de Kiperbor hek ajeh Mai bedosa.”
25Sengoi ajeh kiberlag, “Kek Kibedosaka tok, eng pek ngpanei. Tapi de ngpanei entem ngbuta tapi hunen ya dapat ngnengneng.”
26Lalu naitanya nij, “Ma de Kibeh nu hek? Begeiharok Kiperbor mat hek?”
27Sengoi ajeh kiberlag, “Eng ya ngpasal nu engkek tapi pek engkeha-cerngai. Yama engkeha-cerngai nij? Engkek pen engkeha-jadi Ipengikotka?”
28Enai naicacek ha kek ru naiurok, “Hek ajeh Ipengikot tapi jik adeh pengikot Nabi Musa. 29Jipanei Jenang ya Kibelwal nu Nabi Musa tapi jik pek jipanei ju belok Sengoi ajeh Kihol.”
30Sengoi de ya kibor ajeh kiurok, “Ihad hiran engkek pek engkepanei ju belok Kek Kihol padehal ya Kiperbor mat eng! 31Hipanei Jenang pek Kicerngai semmanj mai bedosa tapi Jenang had Kicerngai semmanj sengoi de naihormat Kek ru naibeh Iheknod. 32Sejak ju imemula dunia, pek pernah hicerngai pen mong mai de kiperbor mat mai de buta sejak kiyos. 33Amen Sengoi ajeh pek Kihol ju Jenang tentu Kek pek dapat Kibeh ma-ma.”
34Lalu naiberlag nu kek, “Hek tebeg ya dosa sejak hayos. Hek pek layak untok haajar jik!” Telas ajeh naiperet sengoi ajeh.
Buta Secare Rohani
35Yesus Kicerngai sengoi ajeh biperet ya mai Farisi. Bile Kibakek sengoi ajeh, Yesus Kitanya, “Hapecayaka nu Kenon Manusia?”
36Sengoi ajeh kiberlag, “Jen, Kek ajeh bok? Pasalloh supaye buleh ngpecaya nu Kek.”
37Yesus Kiurok nu kek, “Hek ya haneng Kek. Kekloh de belwal ru hek hunen.”
38Sengoi ajeh kiberlag, “Hooh Tuhan, ngpecaya.” Lalu kisujod ku ngar Yesus.
39Yesus Kiurok, “Nghol nu dunia adeh Ngha-peadel manusia supaye mai de buta dapat nainengneng, ru mai de naisalah anggap diri liknai ajeh dapat nainengneng naijadi buta. Imaksodjeh, mai de pek naipaham ha neajar de benar tentang Jenang doh naipaham, ru mai de naisalah anggap diri liknai naipaham tentang neajar ajeh doh pek naipaham.”
40Memerip urag mai Farisi ku pajeh naicerngai engrok Yesus lalu naitanya nu Kek, “Jadi, Haurok jik adeh mai buta?”
41Yesus Kiberlag, “Jenang doh pek Kihukom engkek sebegei mai bedosa amen engkeaku begei adeh: ‘Eng adeh mai buta de pek ngpaham ha neajar de benar tentang Jenang.’ Tapi Jenang doh pek Kiampon dosa engkek kerana engkeurok begei adeh: ‘Eng adeh mai de dapat ngnengneng ru ngpaham ha neajar de benar tentang Jenang.’ ”
ప్రస్తుతం ఎంపిక చేయబడింది:
YOHANES 9: AEH
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
YOHANES 9
9
Yesus Kiperbor Mat Sengoi Buta
1Mase Yesus tengah Kicekcip, Kek Kibakek numom sengoi buta. Sengoi ajeh kibuta sejak kiyos. 2Pengikot-pengikot Yesus naitanya nu Kek, “Guru, bokka de bedosa lei sengoi adeh kiyos buta? Ileika iamek-apak?”
3Yesus Kiberlag, “Sengoi adeh kibuta pek kerana dosa ilei sendiri atao dosa iamek-apak, tapi kek kiyos buta supaye kuasa Jenang biperneng ku kateh isinui. 4Selagi arik lekat yah, hik hod hibeh kerjak de biog ya Ilei de ngengngeng Eng. Kelem kaha-merek. Mase kelem ya merek, pek mong numom pen de buleh kerakjak. 5Selagi Eng mong ku dunia adeh, Engloh cahaya ha dunia adeh.”
6Telas Yesus Kiurok begei ajeh, Kek Kitoh nu tik ru Kilel tik ajeh ru Ilehig. Lalu Kisapu tik ajeh ku mat sengoi buta ajeh. 7Telas ajeh Yesus Kiurok nu kek, “Et suj ku Kulam Siloam” (Siloam imaksod, bingeng). Mai buta ajeh pen kiet kisuj imat ku kulam ajeh. Bile kilos nij, kek ya dapat kinengneng.
8Ijiran ru dikdij mai de naikenal kek naiurok, “Pekka sengoi adeh de selalo kisemanj sedekah?”
9Memerip sengoi naiberlag, “Ajehloh ilei.” Tapi mai kilek naiurok, “Nyiknyuk, irenes taleh sama.”
Sengoi ajeh kiurok, “Engloh ilei de buta de selalo ngsemanj sedekah.”
10Naitanya nu kek, “Begeiharok mat hek kibor?”
11Kek kiberlag, “Sengoi de imuh Yesus Kilel tik lalu Kisapu ku mat eng ru Kior ngsuj mat eng ku Kulam Siloam. Eng pen nget ru ngsuj mat eng lalu dapat ngnengneng.”
12Naitanya, “Ku belok Sengoi ajeh nek?”
Kek kiberlag, “Eng pek ngpanei.”
Mai Farisi Naitanya tentang Perembor Mat Sengoi Buta
13Sengoi de canukjeh buta bien nu mai Farisi 14kerana Yesus Kilel tik ru Kiperbor mat sengoi buta ajeh ku arik Sabat. 15Mai Farisi naitanya nu sengoi ajeh begeiharok dapat kinengneng. Kek kiberlag, “Mong Sengoi de Kisapu tik log ku mat eng. Telas ngsuj mat eng, eng ya dapat ngnengneng.”
16Memerip urag mai Farisi naiurok, “Sengoi ajeh pek Kihol ju Jenang kerana Kikerakjak ru Kilanggar hukom arik Sabat.”
Tapi mai kilek naiurok, “Pek mungken mai bedosa dapat kibeh tanda ajaib begei adeh!” Lalu naiceraklah kerana mong memaseg peniker.
17Jadi, naitanya nij nu sengoi de canukjeh buta, “Kek Kiperbor mat hek. Ma pendapat hek tentang Kek?”
Sengoi ajeh kiberlag, “Kek ajeh numom nabi.”
18Pemimpen-pemimpen mai Yahudi lekat pek naipecaya sengoi ajeh entem buta tapi hunen ya dapat kinengneng. Kerana ajeh, naicereg iamek ru iapak. 19Lalu naitanya nu ubai, “Betolka kek adeh kenon jerkek de kiyos butajeh? Begeiharok dapat kinengneng?”
20Iamek ru iapak baiberlag, “Mimang kek adeh kenon jar ru kek mimang buta sejak kiyos. 21Tapi pek jarpanei begeiharok kek dapat kinengneng hunen ru bok de perbor kek. Kek ya kiraknak. Tanyaloh nu ilei sendiri. Kek dapat kiberlag ya ilei sendiri.” 22Iamek ru iapak baiurok begei ajeh kerana baisengoh ha pemimpen-pemimpen mai Yahudi de ya naibepakat begei adeh: Bok imai de kiaku Yesus ajehloh Peselamat de bijanji ya Jenang, kek doh biperet ju deg sembahyang. 23Ajehloh isebab amek ru apak sengoi ajeh baiurok, “Kek ya kiraknak. Tanyaloh nu ilei sendiri.”
24Nukali nij naicereg sengoi de entemjeh buta ru naiurok nu kek, “Pasalloh ibentol ku ngar Jenang! Jipanei Sengoi de Kiperbor hek ajeh Mai bedosa.”
25Sengoi ajeh kiberlag, “Kek Kibedosaka tok, eng pek ngpanei. Tapi de ngpanei entem ngbuta tapi hunen ya dapat ngnengneng.”
26Lalu naitanya nij, “Ma de Kibeh nu hek? Begeiharok Kiperbor mat hek?”
27Sengoi ajeh kiberlag, “Eng ya ngpasal nu engkek tapi pek engkeha-cerngai. Yama engkeha-cerngai nij? Engkek pen engkeha-jadi Ipengikotka?”
28Enai naicacek ha kek ru naiurok, “Hek ajeh Ipengikot tapi jik adeh pengikot Nabi Musa. 29Jipanei Jenang ya Kibelwal nu Nabi Musa tapi jik pek jipanei ju belok Sengoi ajeh Kihol.”
30Sengoi de ya kibor ajeh kiurok, “Ihad hiran engkek pek engkepanei ju belok Kek Kihol padehal ya Kiperbor mat eng! 31Hipanei Jenang pek Kicerngai semmanj mai bedosa tapi Jenang had Kicerngai semmanj sengoi de naihormat Kek ru naibeh Iheknod. 32Sejak ju imemula dunia, pek pernah hicerngai pen mong mai de kiperbor mat mai de buta sejak kiyos. 33Amen Sengoi ajeh pek Kihol ju Jenang tentu Kek pek dapat Kibeh ma-ma.”
34Lalu naiberlag nu kek, “Hek tebeg ya dosa sejak hayos. Hek pek layak untok haajar jik!” Telas ajeh naiperet sengoi ajeh.
Buta Secare Rohani
35Yesus Kicerngai sengoi ajeh biperet ya mai Farisi. Bile Kibakek sengoi ajeh, Yesus Kitanya, “Hapecayaka nu Kenon Manusia?”
36Sengoi ajeh kiberlag, “Jen, Kek ajeh bok? Pasalloh supaye buleh ngpecaya nu Kek.”
37Yesus Kiurok nu kek, “Hek ya haneng Kek. Kekloh de belwal ru hek hunen.”
38Sengoi ajeh kiberlag, “Hooh Tuhan, ngpecaya.” Lalu kisujod ku ngar Yesus.
39Yesus Kiurok, “Nghol nu dunia adeh Ngha-peadel manusia supaye mai de buta dapat nainengneng, ru mai de naisalah anggap diri liknai ajeh dapat nainengneng naijadi buta. Imaksodjeh, mai de pek naipaham ha neajar de benar tentang Jenang doh naipaham, ru mai de naisalah anggap diri liknai naipaham tentang neajar ajeh doh pek naipaham.”
40Memerip urag mai Farisi ku pajeh naicerngai engrok Yesus lalu naitanya nu Kek, “Jadi, Haurok jik adeh mai buta?”
41Yesus Kiberlag, “Jenang doh pek Kihukom engkek sebegei mai bedosa amen engkeaku begei adeh: ‘Eng adeh mai buta de pek ngpaham ha neajar de benar tentang Jenang.’ Tapi Jenang doh pek Kiampon dosa engkek kerana engkeurok begei adeh: ‘Eng adeh mai de dapat ngnengneng ru ngpaham ha neajar de benar tentang Jenang.’ ”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.