కీర్తనలు 138

138

కీర్తన 138

దావీదు కీర్తన.

1యెహోవా, నా పూర్ణహృదయంతో మీకు కృతజ్ఞతాస్తుతులు చెల్లిస్తున్నాను;

“దేవుళ్ళ” ఎదుట నేను మీకు స్తుతులు పాడతాను.

2మీ పరిశుద్ధాలయం వైపు నమస్కరిస్తూ,

మీ మారని ప్రేమను బట్టి మీ నమ్మకత్వాన్ని బట్టి,

మీ నామాన్ని స్తుతిస్తాను,

ఎందుకంటే మీ ప్రఖ్యాతి కంటే మీ శాసనాలను

మీరు అధికంగా ఘనపరిచారు.

3నేను మొరపెట్టినప్పుడు మీరు నాకు జవాబిచ్చారు;

మీరు నన్ను ధైర్యపరిచారు.

4యెహోవా, భూరాజులందరూ మీ నోటి నుండి మీ శాసనాలు విన్నప్పుడు

మీకు కృతజ్ఞతాస్తుతులు చెల్లించుదురు గాక.

5యెహోవా మహిమ గొప్పది కాబట్టి,

వారు యెహోవా యొక్క మార్గాల గురించి పాడుదురు గాక.

6యెహోవా మహోన్నతుడైనప్పటికి ఆయన దీనులపై దయ చూపిస్తారు;

ఆయన దూరం నుండే గర్విష్ఠులను పసిగడతారు.

7నేను కష్టంలో చిక్కుకున్నా

మీరు నా జీవితాన్ని కాపాడండి.

నా శత్రువుల కోపం నుండి నన్ను కాపాడడానికి మీ చేతిని చాచారు;

మీ కుడిచేతితో నన్ను రక్షిస్తారు.

8యెహోవా నాకు శిక్ష విముక్తి చేస్తారు;

యెహోవా, మీ మారని ప్రేమ శాశ్వతమైనది,

మీ చేతిపనిని వదిలిపెట్టకండి.

ప్రస్తుతం ఎంపిక చేయబడింది:

కీర్తనలు 138: OTSA

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

Biblica® ఉచిత తెలుగు సమకాలీన అనువాదం™

Biblica® Open Telugu Contemporary Version™

Biblica® ఉచిత తెలుగు సమకాలీన అనువాదం గురించి మరింత తెలుసుకోండి