Luk Ekugɛlɛkugɛlɛ
Ekugɛlɛkugɛlɛ
Luk nwu odulɔ kɔchɛŋɛ ra ɔtɔra Jisɔs asaŋɛsaŋɛ nwu olini Pɔl, bɛ wa chɛrɛ nwɛd nwu.
Luk mɨnɛ ɔchɛrɛ nwɛd Ritumɔ. Ɔchɛrɛ nwɛd mba afaa ɔnyɛ ɔkɨm nwu wa yinɔ Tiofilɔs, oni nwu rɛkɨm rɛdɛn rɛ gɔŋama-gɔŋama, ɔyaya otumɛ oni rɛtua Rom. Ɛramɔm Tiofilɔs ɔrɨŋɛtɨma odim ɔkpɛna ɔdɔm kɛlam ka Jisɔs Kɨraist. Luk odugɔ mɔ ɔgbɛra na birɛ mbi obodim abaŋa Jisɔs wɛra raikpɛ. Rɛfɔ adi Luk ɔchɛrɛ birɛ fɛb mbi ɔgbɛra ɔbaŋa ɛmalɛmalɛ a Jisɔs, rokpin rɔdɛn, rotumɔ rɔdɛn, robɔ rɔdɛn, arigɛ efilefilɛ ɛyɛn ra robɔ, kɛmanchi birɛ mbi fɛb wɛ jagɔ. Otimɔ kɛgbɔ ɔchɛrɛ birɛ mbi, osia ɛtala ra kɛkpɛna ranchɨnɛ, ɔkana kɛmanchi birɛ fɛb wɛ jagɔ.
Kum Luk abɔ oni a Ju kikɛ, mɨnɛ ɔchɛrɛ ɔnyɛ oni nwu abɔ Ju ɔda, otimɔ kɛgbɔ osi ɛtalɛ kɛma rokpin ra ɛsiɛlɛ ra Jus.
Birɛ mbi Luk ɔchɛrɛ ɔbaŋa
Luk ɔchɛrɛ nwɛd ɔwɛn ɔkɔgɛlɛ na Jisɔs mɔ ɔra Ɔnananana ani fɛb ra kekul ndɨm. Bɨrika Kɔkani abaŋa Jisɔs Kɨraist kɔlɔmɛ kɔnyɛ ani nkɨmkɨm ra kekul ndɨm.
Luk mɨnɛ ɔchɛrɛ ɔbaŋa:
Nsɨm a Jisɔs, afɛ ɛjagɔ na amɔ ɔra ƆKƆKƆ, mɨnɛ ɔra Kɨraist, Ɔnananana nwu Ɛbɨrɔkpabi etila na ayɛ kɨn etigɛ
Ɔwanɛwanɛ Roifɛ
Nyɔm
Kɛrɔ rikpag etimɔ arigɛ ɛbɛlɛbɛlɛ ani mba wa faŋɔfaŋ.
Kɛmanchi Ɛbɨrɔkpabi eduga ɛtɨmɔnɛ ɛnye wul, mɨnɛ ɛlɔmɛnyɛ na rɛ tɨmɔnɛ rɛnyɛ ani adudu
Kɛmanchi awani wa tɔrɛ Jisɔs, mɨnɛ wa nyaŋa mɔ.
Ratu ra ɔlam rachɛrɛ ra Luk
Luk 1:1-80 Ɔyilarotumɔ Ɛbɨrɔkpabi mɔ ɔyaŋi ɛmalɛmalɛ a Jɔn ɔwaani mani akɨla Jisɔs
Luk 2:1-52 Ɛmalɛmalɛ a Jisɔs ra rokpin roigbɔn rɔdɛn
Luk 3:1-4:13 Kɛmanchi Ɛbɨrɔkpabi ɛmɔlɛ ɛtɨma rotumɔ ra Jisɔs
3:1-12 Jɔn ɔwaani mani, ɔwaa Jisɔs mɨnɛ
3:23-37 Rɔdɔŋ kɛtɨb ka Jisɔs
4:1-13 Kɛmanchi Sɔtan olumɛ Jisɔs ra rɔchɛ ra ifɨrifɨr
Luk 4:14-9:50 Jisɔs ɔkani Ɔdɔm Kɛlam mɨnɛ osi birɛ robin ra Galili
Luk 9:51-19:28 Jisɔs ɔgbɛ Galili odulɔ Jɛrusɛlɛm. Ndi ɔya, ɔkani Ɔdɔm Kɛlam mɨnɛ osi birɛ ribin ra nkum esii
Luk 19:29-23 Birɛ mbi wɛ jagɔ ra Jɛrusɛlɛm: wa lumɛ Jisɔs mɨnɛ wa mɨrɔ mɔ
Luk 24:1-53 Jisɔs ofilɛ ra rɔbɔ mɨnɛ odulɔ ra kayu.
ప్రస్తుతం ఎంపిక చేయబడింది:
Luk Ekugɛlɛkugɛlɛ: Olulumo-Ikom
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©️2024 Luke Initiative for Scripture Translation