संत.मत्ती 9
9
लकवा उनी बेमराहा के बेबेस
(संत.मरकुस 2:1–12; संत.लुकास 5:17–26)
1ईसु डोंगा रे दुड़ूः केते समुदर परोम केते, आनेःग सहर हीःग नेनाय। 2हिमीन बेरा थोड़ेक होड़ मियांड लकवा उनी के खटिया रे दोहो केते, ईसु दुबाःड़े आगु लियाकु। हुंकू आला बिसवास के नेल केते ईसु लकवा उनी के बेता लियाय, “ए बाबु डिढ़ेमे, आम आला पाप छमाः ना।”
3आउर “नेलेपे नुई दो परमेसर के निन्दाअ दियाय मेन केते, धरम पुथी सि-सिखावकु अपन मन रे सोंचाव दाकु।”
4हुंकू आला मन रेनअः बात के पाड़ी केते, ईसु बेता लिकुआय, “एता लःअय आपे अपन मन रे गादुस-गादुस सोंचायापे? 5नोःआँ कंहड़ी ढेर सेबाआ एतान? ‘आम आला पाप छमाः ना,’ चाहे नोकान कंहड़ी, ‘बिरिःड मे आउर दंड़ा-बंड़ान मे?’ 6बकिर आपे नोःआँ पड़ीपे, ची मनवा होपोन के धरती रे पाप छमा रअः हक भेटाव ताना।” तब ईसु हुनी लकवा उनी बेमराहा के बेता लियाय, “बिरिःड में, आउर अपन खटिया के आलगाव केते ओड़ाअ सेन में।”
7आउर हुनी बिरिःड केते अपन ओड़ाअ सेनोः नाय। 8होड़कु नोःआँ के नेल केते, बोरोअ नाकु आउर परमेसर आला बड़ाई लअकु, जे होड़कु के नोकान हक एम तदाय।
संत.मत्ती के हहाकाव
(संत.मरकुस 2:13–17; संत.लुकास 5:27–32)
9ईसु होनाःड़े तरअः मड़ांग सेन कोअते, हुनी मालगुजारी ताइसलाव ओड़ाअ रे, दुड़ूः उनी मत्ती नुमू रिनी होड़ के नेल लियाय। आउर हुनी के बेता लियाय, “ईङ के ओतोंगीङ मे।”
आउर हुनी बिरिःड केते हुनी तयोम-तयोम सेन नेनाय।
10 #
सं.लुका 15:1,2 मुसिङ ईसु अपन चेलाकु लोः मत्ती आला ओड़ाअ रे घोटो जोम दुड़ूः नेनाकु, दो होनाःड़े ढेर मालगुजारी ताइसलावकु, आउर पापीकु हीःग केते हुनी लोः घोटो जोम दाकु। 11फरीसीकु नोःआँ के नेल केते, हुनी आलकु चेला ताय के बेता लिकुआकु, “मालगुजारी ताइसलावकु आउर पापीकु लोः आपे आली गुरू एता लःअय साँघे घोटो जोमेआय?”
12ईसु नोःआँ के आयुम केते हुंकू के बेता लिकुआय, “बेस होड़कु के दवहा रअः दरकार कनोआँ बेमराहाकु के दवहा रअः दरकार एदनाअ। 13#सं.मत्ती 12:7; होसे 6:6आपे सेन केते नोःआँ रअः माने सिखाव कोअपे, ची ‘ईङ बलिदान रा-रकाःब काईंग चहाआ बकिर दया चहाईंग।’ एता लःअय ची ईङ धरमीकु के कोवान, पापीकु के रा-राअः हीःग तानिङ।”
उपास रअः सवाल
(संत.मरकुस 2:18–22; संत.लुकास 5:33–39)
14नोःआँ तयोम जोहन आलकु चेलाकु हीःग नेनाकु, आउर नोकान बेता लिकुआकु, “आले आउर फरीसीकु ढेर खेप उपासेआले, आम आलकु चेला एता लःअय नोकान काकुया?”
15ईसु हुंकू के बेता लिकुआय, “जब तक बार-बाबु हुंकू लोः ताहिनोआय, बरातीकु सोक केआकु एतान? बकिर होना दिन हीःग कोआ ची बार-बाबु के हुंकू तरअः आलगे कियाकु, हुंकू हिमीन बेरा उपास केआकु।
16“जाहें मारी गेन्दरअ रे नावाँ लेधरअ के काकु तुनाया, कोवान दो नावाँ लेधरअ सुकड़ीःग गोअतआय आउर मारी गेन्दरअ के पहिल तरअः जादे ओड़ेःग गुल तआय। 17आउर रोका अंगुर रस के हरता रेनअः मारी थाईलअ रे ओके होः काकु दोहोया, कोवान दो कुप्पा ते भुसाड़ केते अंगुर रस तु जुनोआ, आउर अंगुर रस आउर कुप्पा बनार सिथिया जुनोआ। हिना लःअय रोका अंगुर रस के रोका रअः हरता रेनअः कुप्पा रे दोहोयाकु, नोःआँ लकान बनार गी बंचाव जुनोआ।”
गोएःग उनी कुड़ी आउर बेमरही आउराईत
(संत.मरकुस 5:21–43; संत.लुकास 8:40–56)
18ईसु हुंकू लोः नोःआँ बात के क-कंहड़ी केनाय, ची मियांड सरदार हीःग नाय, हुनी नोकान कंहड़ी यअते हुनी के जोहार लियाय, “ईङ आली माई तिङ नहाअः गी गोएःग तनाय, एला हुनी तेंग रे तीः दोहोय में, आउर हुनी जिवीःड कोआय।”
19ईसु बिरिःड केते अपन चेला लोः, हुनी आला तयोम-तयोम सेनोः नाकु।
20आउर नेलेपे मियांड आउराईत आला जेकर महिना बेमार ताय बारा बरीस तरअः का-अटकाअ केना, हुनी पछली तरअः हीःग केते ईसु आला जिलींग झुला रेनअः झालर तेके छुवाँव लःअय। 21एता लःअय ची हुनी अपन मन-मन रे सोंचाय केनाय, “जदि ईङ हुनी आला झुला ताय भाईर के छुँवायीङ दो छुटाव कुईंग।”
22ईसु पछली लुड़ीःग चुवेर केते नेल लियाय, आउर कंहड़ी लःअय, “माई, डिढ़ेमे, आम आला बिसवास आम के बेस तदमेआय।” आउर हुनी आउराईत हेने घड़ीक छुटाव नाय।
23ईसु सरदार आला ओड़ाअ सोदोर केते बाजा बबजावकु आउर होड़कु के गुगुल ईईयाम नेल केते, 24आउर बेता लिकुआय, “ओचोः गोअ पे कुड़ी काय गोएःग ताना, निन्दोः तनाय!” नोःआँ चलते हुंकू हुनी के लन्दाउई केनाकु। 25बकिर तुन्दरा होड़कु के बाहरी ते उडुंग केते, तब ईसु भीतरी बोलो नेनाय हुनी कुड़ी आला तीः ताय के सःब लःअय, आउर हुनी बिरिःड केते तिंगुः नाय। 26आउर नोःआँ बात रअः खभाईर होना गोटा पहटा रे डंकाअ ना।
बनहोंड़ आन्धरा किन के नेनेल रअः बराकाईत
27ईसु होनाःड़े तरअः मड़ांग सेन नेनाय, आउर बनहोंड़ अंधरा हुनी तयोम रे नोकान कंहड़ी याःते हिजोअ केनाकिन। “ए दाऊद आली होपोन, आलिंग के दया लिङ मे।”
28जब हुनी ओड़ाअ सोदोर नेनाय, दो हुंकिन अंधरा हुनी दुबाःड़े हीःग नेनाकिन, आउर ईसु हुंकिन के कुली लिकिनाय, “एतान आबेन के बिसवास एदनाअ ची ईङ नोकान दाड़ी सकायीङ?”
हुंकिन हुनी के कंहड़ीओ लियाकिन “हाँ, परभु।”
29तब हुनी हुंकिन आला मेःड तकिन के छुवाँव लःअय आउर बेता लिकिनाय, “आबेन आला बिसवास लकान गी, आबेन लःअय हुयाव कोआ।” 30हुंकिन आला मेःड तकिन बेस ना। आउर ईसु नोकान कंहड़ी याःते चेतावन एमा लिकिनाय, “कनचित ताहिन बेन, नोःआँ बात के ओके होः आलकु पाड़ी के।”
31बकिर हुंकिन ओड़ाअ तरअः उडुंग केते, होना पहटा रे ईसु आला नुमू के डंका लआकिन।
कोन्दा मुवाँ आतमा
32हुंकू बाहरी उड़ूंगोः केनाकु गी, ची थोड़ेक होड़कु मियांड कोन्दा रे मुवाँ आतमा ताहिनाय, हिना लःअय हुनी के ईसु दुबाःड़े आगु लियाकु। 33ईसु मुवाँ आतमा के उडुंग लियाय, आउर हुनी कोन्दा कंहड़ीः दाय, होड़कु छकित केते कंहड़ीः दाकु। “इसराइल रे नोःआँ लकान छकरितोः खाता काम ओका हिला होः काबु नेल थिलाअ।”
34 #
सं.मत्ती 10:25; 12:24; सं.मर 3:22; सं.लुका 11:15 बकिर फरीसीकु कंहड़ी केनाकु, “नुई दो मुवाँ आतमाकु आली सरदार आला मदाईत रे मुवाँ आतमाकु के उडुंग कुआय।”
बनहींयार कटिः केनाकु
35 #
सं.मत्ती 4:23; सं.मर 1:39; सं.लुका 4:44 ईसु बिनती ओड़ाअ रे उपदेस एमाकु केनाय। राईज रे बेस खभाईर रअः परचार याःते, जामा लकान बेमार आउर नरजोर के बेस याःते, जामा सहर आउर डिही रे दंड़ान केनाय। 36#गन 27:17; 1 राजा 22:17; 2 इति 18:16; जहेज 34:5; सं.मर 6:34ईसु तुन्दरा होड़कु के नेल केते, हुंकू तेंग रे सोगाव नेनाय, एता लःअय ची हुंकू बेगर चरवाहा भेंड़ाकु लकान सताव लिनकु आउर बेचाराः केन ताहिनाकु। 37#सं.लुका 10:2हुनी अपन चेलाकु के बेता लिकुआय, “तेयार उना खिती दो ढेर एदनाअ, बकिर बनहींयार थोड़ेः केनाकु। 38हिना लःअय ओत गोमके तरअः गोहरअ पे ची, हुनी अपन खिती के इईर लःअय बनहींयारकु के कुलगोःड कुआय।”
ప్రస్తుతం ఎంపిక చేయబడింది:
संत.मत्ती 9: ASR
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2023 NLCI CC BY-NC-ND 4.0
संत.मत्ती 9
9
लकवा उनी बेमराहा के बेबेस
(संत.मरकुस 2:1–12; संत.लुकास 5:17–26)
1ईसु डोंगा रे दुड़ूः केते समुदर परोम केते, आनेःग सहर हीःग नेनाय। 2हिमीन बेरा थोड़ेक होड़ मियांड लकवा उनी के खटिया रे दोहो केते, ईसु दुबाःड़े आगु लियाकु। हुंकू आला बिसवास के नेल केते ईसु लकवा उनी के बेता लियाय, “ए बाबु डिढ़ेमे, आम आला पाप छमाः ना।”
3आउर “नेलेपे नुई दो परमेसर के निन्दाअ दियाय मेन केते, धरम पुथी सि-सिखावकु अपन मन रे सोंचाव दाकु।”
4हुंकू आला मन रेनअः बात के पाड़ी केते, ईसु बेता लिकुआय, “एता लःअय आपे अपन मन रे गादुस-गादुस सोंचायापे? 5नोःआँ कंहड़ी ढेर सेबाआ एतान? ‘आम आला पाप छमाः ना,’ चाहे नोकान कंहड़ी, ‘बिरिःड मे आउर दंड़ा-बंड़ान मे?’ 6बकिर आपे नोःआँ पड़ीपे, ची मनवा होपोन के धरती रे पाप छमा रअः हक भेटाव ताना।” तब ईसु हुनी लकवा उनी बेमराहा के बेता लियाय, “बिरिःड में, आउर अपन खटिया के आलगाव केते ओड़ाअ सेन में।”
7आउर हुनी बिरिःड केते अपन ओड़ाअ सेनोः नाय। 8होड़कु नोःआँ के नेल केते, बोरोअ नाकु आउर परमेसर आला बड़ाई लअकु, जे होड़कु के नोकान हक एम तदाय।
संत.मत्ती के हहाकाव
(संत.मरकुस 2:13–17; संत.लुकास 5:27–32)
9ईसु होनाःड़े तरअः मड़ांग सेन कोअते, हुनी मालगुजारी ताइसलाव ओड़ाअ रे, दुड़ूः उनी मत्ती नुमू रिनी होड़ के नेल लियाय। आउर हुनी के बेता लियाय, “ईङ के ओतोंगीङ मे।”
आउर हुनी बिरिःड केते हुनी तयोम-तयोम सेन नेनाय।
10 #
सं.लुका 15:1,2 मुसिङ ईसु अपन चेलाकु लोः मत्ती आला ओड़ाअ रे घोटो जोम दुड़ूः नेनाकु, दो होनाःड़े ढेर मालगुजारी ताइसलावकु, आउर पापीकु हीःग केते हुनी लोः घोटो जोम दाकु। 11फरीसीकु नोःआँ के नेल केते, हुनी आलकु चेला ताय के बेता लिकुआकु, “मालगुजारी ताइसलावकु आउर पापीकु लोः आपे आली गुरू एता लःअय साँघे घोटो जोमेआय?”
12ईसु नोःआँ के आयुम केते हुंकू के बेता लिकुआय, “बेस होड़कु के दवहा रअः दरकार कनोआँ बेमराहाकु के दवहा रअः दरकार एदनाअ। 13#सं.मत्ती 12:7; होसे 6:6आपे सेन केते नोःआँ रअः माने सिखाव कोअपे, ची ‘ईङ बलिदान रा-रकाःब काईंग चहाआ बकिर दया चहाईंग।’ एता लःअय ची ईङ धरमीकु के कोवान, पापीकु के रा-राअः हीःग तानिङ।”
उपास रअः सवाल
(संत.मरकुस 2:18–22; संत.लुकास 5:33–39)
14नोःआँ तयोम जोहन आलकु चेलाकु हीःग नेनाकु, आउर नोकान बेता लिकुआकु, “आले आउर फरीसीकु ढेर खेप उपासेआले, आम आलकु चेला एता लःअय नोकान काकुया?”
15ईसु हुंकू के बेता लिकुआय, “जब तक बार-बाबु हुंकू लोः ताहिनोआय, बरातीकु सोक केआकु एतान? बकिर होना दिन हीःग कोआ ची बार-बाबु के हुंकू तरअः आलगे कियाकु, हुंकू हिमीन बेरा उपास केआकु।
16“जाहें मारी गेन्दरअ रे नावाँ लेधरअ के काकु तुनाया, कोवान दो नावाँ लेधरअ सुकड़ीःग गोअतआय आउर मारी गेन्दरअ के पहिल तरअः जादे ओड़ेःग गुल तआय। 17आउर रोका अंगुर रस के हरता रेनअः मारी थाईलअ रे ओके होः काकु दोहोया, कोवान दो कुप्पा ते भुसाड़ केते अंगुर रस तु जुनोआ, आउर अंगुर रस आउर कुप्पा बनार सिथिया जुनोआ। हिना लःअय रोका अंगुर रस के रोका रअः हरता रेनअः कुप्पा रे दोहोयाकु, नोःआँ लकान बनार गी बंचाव जुनोआ।”
गोएःग उनी कुड़ी आउर बेमरही आउराईत
(संत.मरकुस 5:21–43; संत.लुकास 8:40–56)
18ईसु हुंकू लोः नोःआँ बात के क-कंहड़ी केनाय, ची मियांड सरदार हीःग नाय, हुनी नोकान कंहड़ी यअते हुनी के जोहार लियाय, “ईङ आली माई तिङ नहाअः गी गोएःग तनाय, एला हुनी तेंग रे तीः दोहोय में, आउर हुनी जिवीःड कोआय।”
19ईसु बिरिःड केते अपन चेला लोः, हुनी आला तयोम-तयोम सेनोः नाकु।
20आउर नेलेपे मियांड आउराईत आला जेकर महिना बेमार ताय बारा बरीस तरअः का-अटकाअ केना, हुनी पछली तरअः हीःग केते ईसु आला जिलींग झुला रेनअः झालर तेके छुवाँव लःअय। 21एता लःअय ची हुनी अपन मन-मन रे सोंचाय केनाय, “जदि ईङ हुनी आला झुला ताय भाईर के छुँवायीङ दो छुटाव कुईंग।”
22ईसु पछली लुड़ीःग चुवेर केते नेल लियाय, आउर कंहड़ी लःअय, “माई, डिढ़ेमे, आम आला बिसवास आम के बेस तदमेआय।” आउर हुनी आउराईत हेने घड़ीक छुटाव नाय।
23ईसु सरदार आला ओड़ाअ सोदोर केते बाजा बबजावकु आउर होड़कु के गुगुल ईईयाम नेल केते, 24आउर बेता लिकुआय, “ओचोः गोअ पे कुड़ी काय गोएःग ताना, निन्दोः तनाय!” नोःआँ चलते हुंकू हुनी के लन्दाउई केनाकु। 25बकिर तुन्दरा होड़कु के बाहरी ते उडुंग केते, तब ईसु भीतरी बोलो नेनाय हुनी कुड़ी आला तीः ताय के सःब लःअय, आउर हुनी बिरिःड केते तिंगुः नाय। 26आउर नोःआँ बात रअः खभाईर होना गोटा पहटा रे डंकाअ ना।
बनहोंड़ आन्धरा किन के नेनेल रअः बराकाईत
27ईसु होनाःड़े तरअः मड़ांग सेन नेनाय, आउर बनहोंड़ अंधरा हुनी तयोम रे नोकान कंहड़ी याःते हिजोअ केनाकिन। “ए दाऊद आली होपोन, आलिंग के दया लिङ मे।”
28जब हुनी ओड़ाअ सोदोर नेनाय, दो हुंकिन अंधरा हुनी दुबाःड़े हीःग नेनाकिन, आउर ईसु हुंकिन के कुली लिकिनाय, “एतान आबेन के बिसवास एदनाअ ची ईङ नोकान दाड़ी सकायीङ?”
हुंकिन हुनी के कंहड़ीओ लियाकिन “हाँ, परभु।”
29तब हुनी हुंकिन आला मेःड तकिन के छुवाँव लःअय आउर बेता लिकिनाय, “आबेन आला बिसवास लकान गी, आबेन लःअय हुयाव कोआ।” 30हुंकिन आला मेःड तकिन बेस ना। आउर ईसु नोकान कंहड़ी याःते चेतावन एमा लिकिनाय, “कनचित ताहिन बेन, नोःआँ बात के ओके होः आलकु पाड़ी के।”
31बकिर हुंकिन ओड़ाअ तरअः उडुंग केते, होना पहटा रे ईसु आला नुमू के डंका लआकिन।
कोन्दा मुवाँ आतमा
32हुंकू बाहरी उड़ूंगोः केनाकु गी, ची थोड़ेक होड़कु मियांड कोन्दा रे मुवाँ आतमा ताहिनाय, हिना लःअय हुनी के ईसु दुबाःड़े आगु लियाकु। 33ईसु मुवाँ आतमा के उडुंग लियाय, आउर हुनी कोन्दा कंहड़ीः दाय, होड़कु छकित केते कंहड़ीः दाकु। “इसराइल रे नोःआँ लकान छकरितोः खाता काम ओका हिला होः काबु नेल थिलाअ।”
34 #
सं.मत्ती 10:25; 12:24; सं.मर 3:22; सं.लुका 11:15 बकिर फरीसीकु कंहड़ी केनाकु, “नुई दो मुवाँ आतमाकु आली सरदार आला मदाईत रे मुवाँ आतमाकु के उडुंग कुआय।”
बनहींयार कटिः केनाकु
35 #
सं.मत्ती 4:23; सं.मर 1:39; सं.लुका 4:44 ईसु बिनती ओड़ाअ रे उपदेस एमाकु केनाय। राईज रे बेस खभाईर रअः परचार याःते, जामा लकान बेमार आउर नरजोर के बेस याःते, जामा सहर आउर डिही रे दंड़ान केनाय। 36#गन 27:17; 1 राजा 22:17; 2 इति 18:16; जहेज 34:5; सं.मर 6:34ईसु तुन्दरा होड़कु के नेल केते, हुंकू तेंग रे सोगाव नेनाय, एता लःअय ची हुंकू बेगर चरवाहा भेंड़ाकु लकान सताव लिनकु आउर बेचाराः केन ताहिनाकु। 37#सं.लुका 10:2हुनी अपन चेलाकु के बेता लिकुआय, “तेयार उना खिती दो ढेर एदनाअ, बकिर बनहींयार थोड़ेः केनाकु। 38हिना लःअय ओत गोमके तरअः गोहरअ पे ची, हुनी अपन खिती के इईर लःअय बनहींयारकु के कुलगोःड कुआय।”
ప్రస్తుతం ఎంపిక చేయబడింది:
:
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2023 NLCI CC BY-NC-ND 4.0