Génesis 31
31
Jacob waketkittsa enentaimsamu
1Iman jasmatai Labánkan uchiri aina chichainak: “Ina aparinun ashi jukin asa, wiakach jasai tusa tuinamun Jacob anturmamkauwaiti”. 2Tura Labánsha yaunchukka shir amaju jakuitak, shir amajeacham Jacob nekaa kajertawapi tu enentaimrauwaiti. 3Tura Jacobon Yuus chicharuk: Wii aminka uyuuntsatjame. Amina apa nugkeen, tura pataim aina matsatmaunam waketkita, tusa tinaiti.
4Tama wina nuwar mai, uchijaimak jui kaunkarti uturtitarma tusa Jacob nina inatairin akupkauwaiti. Turam oveja ainan kuitamuk Jacob pujamunam ejénaiti. 5Tura tarmatai nuwe ainan chicharuk: Atumin apari yaunchuk shir amajtimia nutikratsui. Turasha wina aparu Yuusri tuke uyuuntusuiti. 6Wii atumi aparin pegker takarsaj nuka shir nekarme. 7Turasha wii takákun jumaina nunaka tsanura yapajturayi. Turasha winaka Yuus Labán pegkerchau amajkati tusagka tsagkamrukchayi.
8Antsu Labán wina chichartak: Oveja yantsatin aina, akinuka aminu arti tusa turutmiayi. Nuna turutmatai oveja akinkusha ayatik nuninak akiniarmiayi. Tumainakai atak chichartak, oveja painch aina akinkugka aminu atii turutmiayi. Nuna turutmataisha ayatik nuninak akiniarmiayi. 9Nunaka atumi aparinun Yuus wina surustaj tau asa turamiayi. 10Oveja entsamrunitan jearmatai karanam aishmag yantsatin aina, tura painch aina nuwan entsamruinan wainmajai. 11-12Tura nu karanam nayaimpinmaya shuar wina chichartak: Oveja yantsatin aina, tura painch aina nuwan entsamruina nu shir enentaimtusam iista. Junaka Labán shir akirmatsu nuna nekau asan aitkajai. 13Yaakat Betelnum kanamin karanam wantintukmiajam nuu Yuusaitjai. Nui wantintukam kaya jukim awajsam aceitejai ukatkum ame umiktincha, nuna umiktajai tusam turutmiame. Yamaika ju nugkaka ikuakum ame akinamurminig waketkita turutmayi, tusa tinaiti.
14Takai Raquel Leajai chichainak: Ina aparinu aina nuka ika pegkesha jumaitsuji. 15Antsu inka chikich nugkanmaya numamtin anentramin asa, ina aparigka surutmaksha warí akik surutia numamtuk surutmaku asa, ina juramkimunam nigka akiam nuiyan yusa pujusuiti. 16Ina aparinun Yuus ashi suramsamaj nuka, inu tura ina uchirinu ainawai. Tuma asamtai Yuus turamna nuka imatiksamek umikta, tusar tiaruiti.
Jacob nina apari pujujakmaunam waketkimu
17Tura Jacob nina apari pujujakmaunam Canaánnum weak, nina waríri ainan, tura ni Padán-aramnum pujusa takáku tagku jukimu ainan yaruak jintanam amamtikar, 18nina nuwe ainan, tura uchiri ainancha camello ainanam ekentrauwaiti. 19Labánka ovejan uren tsupirattsa werin ai, Raquel itarak nina apari yuusrimtairin kasarak jukinaiti. 20Jacob ni wetintrin pachiska Labánnaka ujakchauwaiti. 21Tuma weak ninu ainanka ashi juki, entsa Éufrates tutainam katigkar Galaad nugkanmani wuwaiti.
Labán Jacobon patatukmau
22Tura Jacob wemau tres tsawan tsawara ai, Jacobka wemayi tusar Labánkan ujakaruiti. 23Turam nina patai ainajai Jacobon patatuk siete tsawan tsawara ai, Galaad nugkanam matsatun amaigkauwaiti. 24Turasha karanam Labánkan Yuus wantintuk chicharuk: Jacob pegkerchau amajkaipa, tusa tinaiti.
25Labán Jacobon amaigkinaiti, tuma nina patai ainajai Galaad nugkanam aakmarar matsamsaruiti. 26Tura Jacobon chicharuk: ¿Urukamtai wina ujattsuk weakmesha, nawantur ainasha shuar aina maaninak nuwan achir yarumna numamtuksha amajturainame? 27¿Urukamtai weajai turuttsuksha uumrutkamsha weame? Ame wetajai tusam ujatkakminka, jiistamruan akupmain amajkaujme. 28Nawantri ainan, tura tiragke ainan kugkuasti tusamkesha turuttsuk, shuar waurin urukmainaita numamtuk jakume. 29Atum ainatirmin pegkerchau amajmain amajkaujrume. Turasha amina apa Yuusri karanam chichartak: Jacob pegkerchau amajkaipa, tusa turutmayi.
30Amina apa jeen waketkittsam wakerayatmesha ¿urukamtai wina yuusrusha kasartukmame? 31Tama Jacob Labánkan ayak: Wika ujamain ayatan nawantrin emetawai tau asan ujatsuk ikukmajme. 32Ame yuusrimtaisha yainig egketu wainkatam, ¡nuka mantamnati! Jui ina patai ainasha antuinai tajame. Aminu wini au wainkamka jukita, tusa tinaiti.
Turasha Jacobka Raquel nina apari yuusrin kasamkamunka nekachu asa tinaiti. 33Tama Labán Jacobon aakrin wayaawaiti, tura Jacobo nuwe inatairi aina matsatmaunmasha wayaawaiti. Turasha wainkachuiti. Tuma Raquela aakrin wayaattsa wuwaiti. 34Tumakai Raquel apari yuusrimtairin jukimun camello tuntupeen ekeemtai amaunam uuk ekeemsauwaiti. Tura asamtai Raquelan aakrin utua eaksha wainkachuiti. 35Tumamtai Raquel aparin chicharuk: Apaachia kajertukaipa nantu wainu asan, ame waitminkika wajamaitsujai, tusa tinaiti.
Raquel tura asamtai, Labán nina yuusrimtairin eaksha wainkachuiti. 36Tumamtai Jacob kajek Labánkan chicharuk: ¿Wari pegkerchauna takasu asamtaiya imanikmesha winasha pataturkaumea? 37Wina warír ainaka ashi iisume. ¿Turamsha aminun wii juki weamusha tuwa waitrukume? Nu yaruakam amina pataim aina, tura wina pataar aina irunaina jui ikaankata, turam ju jurutkinme tusam turutta. 38Wii veinte uwí amina takarsajam nuigka oveja aina, tura chikichik cabraksha pegke ashimkicharuiti. Tura oveja uchirinkisha pegke yuachuitjai. 39Uun yawa aina maamunkesha jukinka itarchauwaitjame. Tagku megkaaturkaigka akirkattame tusam turutin asaakmin, tsawai tura káshisha kasamkarmataigka akimiajme. 40Tsawaika seemakun waitmiajai. Tura káshika tsetsemakun, tura karaisha waitmiajai. 41Nuni takakun amina jeemin veinte uwí pujusuitjai.
Antsu amina nawantrum ainan nuatkattsanka catorce uwí takarsauwaitjame, tura amina tagkuram ainan kuitamkun jukittsan seis uwí takarsauwaitjame. Tura tu akiktajme tusam turutmesha tuke tsanurmiame. 42Wina apachur Abraham, tura wina apar Isaac ajakua nuna Yuusriya nu wijai pujachkaigka ishichkisha surutsuk akuptumain amajtukume. Turasha wii takakun waittsamun Yuus nekau asa, karanam chichartamkayi, tusa tinaiti.
Jacob Labánjai chichasmau
43Tama Labán Jacobon ayak: Nuwa aina juka wina nawantur ainawai. Uchi aina juka wina tiragkur ainawai, oveja aina jusha winauk ainawai, tura aminu aina nuka ashi winauk ainawai. Tumau asamtai yamaika jutikashtatjarme. 44Tuma asamtai ijai pegker pujusmi tusar chicham umikmi jui taata, tusa tinaiti.
45Jacobsha kayan juki awajas, 46nina patai ainan chicharuk: ¡Kaya irumratarma! Tama kayan irumraru ainawai. Tura kaya irumramunam pujusar yuawaru ainawai. 47Tura kaya irumramun Labán nina chichamejai Jegar Sahaduta anaikauwaiti. Jacobsha nina chichamejai Galaad anaikauwaiti. 48Tura nuiyasha Labán chichaak: Kaya irumramua juka ii pegker pujusmi tusar chicham umikaj nuna iwainturmaji, tusa Galaad anaikauwaiti. 49Tura nuiya Labán chichaak: Wii amijai kanakmataisha Yuusa nuke inka iirmaku atii, tusa Mizpá anaikauwaiti. 50Wina nawantur aina pegkerchau amajeakmincha, tura chikich nuwa aina nuatkumnasha wika amijai irutkau pujachu asan wainchattajai. Turasha Yuuska nekarmattawai, tusa tinaiti.
51Nuiyasha Labán Jacobon chicharuk: “Kaya irumramua juka, tura kaya awajsaj jusha, 52amijai pegkerchau amajnaikattsarka nagkatunaikchattaji. 53Ame apachrum Abraham tura wina apachur Nacor nu ajakarua nuna Yuusri wakeramu atii, tusa tinaiti. Takai Jacobsha chichaak: Wina apar Isaac umiru jakmauwa nu, ii chicham metek umiaj nunaka nekawai”, tusa tinaiti. 54Tura Jacob tagku ainan maa epeawaiti. Tura patai ainan untsuk ashi ayurkauwaiti. Turawar nuig kajigkaru ainawai.
55Tuma tsawaar káshikmas Labán nantaki tiragke ainan, tura nawantri ainancha kugkuas pegkernum chicharak ikuak nugkeen waketkinaiti.
ప్రస్తుతం ఎంపిక చేయబడింది:
Génesis 31: hubDBL
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2010, Wycliffe Bible Translators, Inc. All rights reserved.
Génesis 31
31
Jacob waketkittsa enentaimsamu
1Iman jasmatai Labánkan uchiri aina chichainak: “Ina aparinun ashi jukin asa, wiakach jasai tusa tuinamun Jacob anturmamkauwaiti”. 2Tura Labánsha yaunchukka shir amaju jakuitak, shir amajeacham Jacob nekaa kajertawapi tu enentaimrauwaiti. 3Tura Jacobon Yuus chicharuk: Wii aminka uyuuntsatjame. Amina apa nugkeen, tura pataim aina matsatmaunam waketkita, tusa tinaiti.
4Tama wina nuwar mai, uchijaimak jui kaunkarti uturtitarma tusa Jacob nina inatairin akupkauwaiti. Turam oveja ainan kuitamuk Jacob pujamunam ejénaiti. 5Tura tarmatai nuwe ainan chicharuk: Atumin apari yaunchuk shir amajtimia nutikratsui. Turasha wina aparu Yuusri tuke uyuuntusuiti. 6Wii atumi aparin pegker takarsaj nuka shir nekarme. 7Turasha wii takákun jumaina nunaka tsanura yapajturayi. Turasha winaka Yuus Labán pegkerchau amajkati tusagka tsagkamrukchayi.
8Antsu Labán wina chichartak: Oveja yantsatin aina, akinuka aminu arti tusa turutmiayi. Nuna turutmatai oveja akinkusha ayatik nuninak akiniarmiayi. Tumainakai atak chichartak, oveja painch aina akinkugka aminu atii turutmiayi. Nuna turutmataisha ayatik nuninak akiniarmiayi. 9Nunaka atumi aparinun Yuus wina surustaj tau asa turamiayi. 10Oveja entsamrunitan jearmatai karanam aishmag yantsatin aina, tura painch aina nuwan entsamruinan wainmajai. 11-12Tura nu karanam nayaimpinmaya shuar wina chichartak: Oveja yantsatin aina, tura painch aina nuwan entsamruina nu shir enentaimtusam iista. Junaka Labán shir akirmatsu nuna nekau asan aitkajai. 13Yaakat Betelnum kanamin karanam wantintukmiajam nuu Yuusaitjai. Nui wantintukam kaya jukim awajsam aceitejai ukatkum ame umiktincha, nuna umiktajai tusam turutmiame. Yamaika ju nugkaka ikuakum ame akinamurminig waketkita turutmayi, tusa tinaiti.
14Takai Raquel Leajai chichainak: Ina aparinu aina nuka ika pegkesha jumaitsuji. 15Antsu inka chikich nugkanmaya numamtin anentramin asa, ina aparigka surutmaksha warí akik surutia numamtuk surutmaku asa, ina juramkimunam nigka akiam nuiyan yusa pujusuiti. 16Ina aparinun Yuus ashi suramsamaj nuka, inu tura ina uchirinu ainawai. Tuma asamtai Yuus turamna nuka imatiksamek umikta, tusar tiaruiti.
Jacob nina apari pujujakmaunam waketkimu
17Tura Jacob nina apari pujujakmaunam Canaánnum weak, nina waríri ainan, tura ni Padán-aramnum pujusa takáku tagku jukimu ainan yaruak jintanam amamtikar, 18nina nuwe ainan, tura uchiri ainancha camello ainanam ekentrauwaiti. 19Labánka ovejan uren tsupirattsa werin ai, Raquel itarak nina apari yuusrimtairin kasarak jukinaiti. 20Jacob ni wetintrin pachiska Labánnaka ujakchauwaiti. 21Tuma weak ninu ainanka ashi juki, entsa Éufrates tutainam katigkar Galaad nugkanmani wuwaiti.
Labán Jacobon patatukmau
22Tura Jacob wemau tres tsawan tsawara ai, Jacobka wemayi tusar Labánkan ujakaruiti. 23Turam nina patai ainajai Jacobon patatuk siete tsawan tsawara ai, Galaad nugkanam matsatun amaigkauwaiti. 24Turasha karanam Labánkan Yuus wantintuk chicharuk: Jacob pegkerchau amajkaipa, tusa tinaiti.
25Labán Jacobon amaigkinaiti, tuma nina patai ainajai Galaad nugkanam aakmarar matsamsaruiti. 26Tura Jacobon chicharuk: ¿Urukamtai wina ujattsuk weakmesha, nawantur ainasha shuar aina maaninak nuwan achir yarumna numamtuksha amajturainame? 27¿Urukamtai weajai turuttsuksha uumrutkamsha weame? Ame wetajai tusam ujatkakminka, jiistamruan akupmain amajkaujme. 28Nawantri ainan, tura tiragke ainan kugkuasti tusamkesha turuttsuk, shuar waurin urukmainaita numamtuk jakume. 29Atum ainatirmin pegkerchau amajmain amajkaujrume. Turasha amina apa Yuusri karanam chichartak: Jacob pegkerchau amajkaipa, tusa turutmayi.
30Amina apa jeen waketkittsam wakerayatmesha ¿urukamtai wina yuusrusha kasartukmame? 31Tama Jacob Labánkan ayak: Wika ujamain ayatan nawantrin emetawai tau asan ujatsuk ikukmajme. 32Ame yuusrimtaisha yainig egketu wainkatam, ¡nuka mantamnati! Jui ina patai ainasha antuinai tajame. Aminu wini au wainkamka jukita, tusa tinaiti.
Turasha Jacobka Raquel nina apari yuusrin kasamkamunka nekachu asa tinaiti. 33Tama Labán Jacobon aakrin wayaawaiti, tura Jacobo nuwe inatairi aina matsatmaunmasha wayaawaiti. Turasha wainkachuiti. Tuma Raquela aakrin wayaattsa wuwaiti. 34Tumakai Raquel apari yuusrimtairin jukimun camello tuntupeen ekeemtai amaunam uuk ekeemsauwaiti. Tura asamtai Raquelan aakrin utua eaksha wainkachuiti. 35Tumamtai Raquel aparin chicharuk: Apaachia kajertukaipa nantu wainu asan, ame waitminkika wajamaitsujai, tusa tinaiti.
Raquel tura asamtai, Labán nina yuusrimtairin eaksha wainkachuiti. 36Tumamtai Jacob kajek Labánkan chicharuk: ¿Wari pegkerchauna takasu asamtaiya imanikmesha winasha pataturkaumea? 37Wina warír ainaka ashi iisume. ¿Turamsha aminun wii juki weamusha tuwa waitrukume? Nu yaruakam amina pataim aina, tura wina pataar aina irunaina jui ikaankata, turam ju jurutkinme tusam turutta. 38Wii veinte uwí amina takarsajam nuigka oveja aina, tura chikichik cabraksha pegke ashimkicharuiti. Tura oveja uchirinkisha pegke yuachuitjai. 39Uun yawa aina maamunkesha jukinka itarchauwaitjame. Tagku megkaaturkaigka akirkattame tusam turutin asaakmin, tsawai tura káshisha kasamkarmataigka akimiajme. 40Tsawaika seemakun waitmiajai. Tura káshika tsetsemakun, tura karaisha waitmiajai. 41Nuni takakun amina jeemin veinte uwí pujusuitjai.
Antsu amina nawantrum ainan nuatkattsanka catorce uwí takarsauwaitjame, tura amina tagkuram ainan kuitamkun jukittsan seis uwí takarsauwaitjame. Tura tu akiktajme tusam turutmesha tuke tsanurmiame. 42Wina apachur Abraham, tura wina apar Isaac ajakua nuna Yuusriya nu wijai pujachkaigka ishichkisha surutsuk akuptumain amajtukume. Turasha wii takakun waittsamun Yuus nekau asa, karanam chichartamkayi, tusa tinaiti.
Jacob Labánjai chichasmau
43Tama Labán Jacobon ayak: Nuwa aina juka wina nawantur ainawai. Uchi aina juka wina tiragkur ainawai, oveja aina jusha winauk ainawai, tura aminu aina nuka ashi winauk ainawai. Tumau asamtai yamaika jutikashtatjarme. 44Tuma asamtai ijai pegker pujusmi tusar chicham umikmi jui taata, tusa tinaiti.
45Jacobsha kayan juki awajas, 46nina patai ainan chicharuk: ¡Kaya irumratarma! Tama kayan irumraru ainawai. Tura kaya irumramunam pujusar yuawaru ainawai. 47Tura kaya irumramun Labán nina chichamejai Jegar Sahaduta anaikauwaiti. Jacobsha nina chichamejai Galaad anaikauwaiti. 48Tura nuiyasha Labán chichaak: Kaya irumramua juka ii pegker pujusmi tusar chicham umikaj nuna iwainturmaji, tusa Galaad anaikauwaiti. 49Tura nuiya Labán chichaak: Wii amijai kanakmataisha Yuusa nuke inka iirmaku atii, tusa Mizpá anaikauwaiti. 50Wina nawantur aina pegkerchau amajeakmincha, tura chikich nuwa aina nuatkumnasha wika amijai irutkau pujachu asan wainchattajai. Turasha Yuuska nekarmattawai, tusa tinaiti.
51Nuiyasha Labán Jacobon chicharuk: “Kaya irumramua juka, tura kaya awajsaj jusha, 52amijai pegkerchau amajnaikattsarka nagkatunaikchattaji. 53Ame apachrum Abraham tura wina apachur Nacor nu ajakarua nuna Yuusri wakeramu atii, tusa tinaiti. Takai Jacobsha chichaak: Wina apar Isaac umiru jakmauwa nu, ii chicham metek umiaj nunaka nekawai”, tusa tinaiti. 54Tura Jacob tagku ainan maa epeawaiti. Tura patai ainan untsuk ashi ayurkauwaiti. Turawar nuig kajigkaru ainawai.
55Tuma tsawaar káshikmas Labán nantaki tiragke ainan, tura nawantri ainancha kugkuas pegkernum chicharak ikuak nugkeen waketkinaiti.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2010, Wycliffe Bible Translators, Inc. All rights reserved.