SAN LUCAS 11
11
Jesús oporomboe yerure re
(Mt 6.9-15; 7.7-11)
1Jare metei ara Jesús oyerure oï. Jare opa ma yave, metei jemimboe jei chupe:
—CheYa, oremboe royerure vaerä, Juan omboe jemimboe reta rami.
2Jayave Jesús jei chupe reta:
—Peyerure Tumpa pe yave, pere körai:
“OreRu ara pe reï vae, toyemboeteuka nderee.
Tou ndeporookuaía.
Nderemimbota ara pe oyeapo oï rami,
toyeapo vi kuae ɨvɨ pe.
3Emee ara#Pr 30.8-9. ñavo orerembiurä.
4Neɨ̈ro oreve oreyoa reta re,
ore oreɨ̈ro iyoa orekotɨ vae reta pe rami.
Jare agüɨye emaeño roipota oreyoa vaerä.
Orereepɨ ikavimbae güi.”
5Jare jei vi chupe reta:
—Yambojaanga metei pegüi reta ojo yave pɨare mbɨte oyerure ivɨa-ïru pe mboapɨ mbɨyape re. 6Echa metei ivɨa-ïru ou oväe ípɨri, jare mbaetɨ mbae güɨnoi amee jou vaerä. 7Jare jókuae ivɨa-ïru ombouta chupe iñee japɨpe güi: Agüɨye chemoambeko. Echa oyeokenda ma oï cheröke, che jare opaete cheraɨ reta royapakua ma roï. Mbaetɨ ma chepuere apüa amee vaerä ndeve. 8Che jae peve, yepe tëi mbaetɨ oipota opüa, ërei opüa omee chupe opaete oeka vae, ikueraiä omoñera ramo, mbaetɨ ivɨa-ïru jeko pegua. 9Jare che jae peve: Peiporu mbae Tumpa pe, jare jae omeeta peve. Peeka, jare peväeta. Pembopu öke, jare öke oyepeata peve. 10Echa opaete oiporu vae pe, oñemee. Jare oeka vae, oväe. Jare ombopu öke vae pe, oyepea.
11¿Oime pa pegüi reta taɨ oyerure chupe mbɨyape re vae, omee chupe metei ita mbɨyape jekovia pe?, ani ¿oyerure chupe jevae re yave, omee chupe metei mboi jevae jekovia pe? 12Ani nderaɨ oyerure yave ndeve ururupía re, ngaraa remee chupe metei tumɨkarape ururupía ipoepɨka pe. 13Yepe tëi pe reta perekopochɨ, ërei pemee mbaembae ikavi vae pemichia reta pe. Vɨtei pa peRu ara pe oï vae omeeta Espíritu Santo, oyerure#Jn 14.13-14; 15.7,16; 16.23-24; 1 Jn 3.21-22; 5.14-15. chupe jese vae reta pe.
Jei reta ikavimbae vae Espíritu Santo kotɨ
(Mt 12.22-30; Mc 3.20-27)
14Metei ara Jesús ombosɨrɨ oï metei kuimbae güi aña oporomboupa vae. Jare aña osɨrɨ ma chugüi yave, jókuae kuimbae imiari. Jare jeta vae joko pe ñogüɨnoi vae ipɨakañɨ. 15Ërei amogüe vae jei: “Añaguasu Beelzebú imbaepuere rupi ko ombosɨrɨ#Mt 9.34; 10.25. aña reta oya jese vae reta güi.”
16Jare ïru vae reta oiporu reta chupe oechauka vaerä chupe reta mɨakañɨ ara güi,#Mt 12.38; 16.1; Mc 8.11. oyavɨuka vaerä chupe. 17Ërei Jesús oikuaa jae reta iyemongeta, jare jei chupe reta: “Metei mborookuaía pegua reta oyovaicho oyoupii yave, oyemboaita ko; jaeramiño vi metei o pegua reta oyovaicho oyoupii yave, opata ko oyomboai. 18Jaeramiño vi Satanás oyemboyao iyeugüi aeño yave, opata ko iporookuaía. Echa pe reta pere che ambosɨrɨ aña reta oya jese vae reta güi aña guasu Beelzebú imbaepuere rupi. 19Ërei che ambosɨrɨ yave aña reta oya jese vae reta güi Beelzebú imbaepuere rupi, jayave perëtara reta ¿kia imbaepuere rupi ra ombosɨrɨ aña reta oya jese vae reta güi? Pepuere peparandu chupe reta jese. 20Ërei che ambosɨrɨ aña reta oya jese vae reta güi Tumpa imbaepuere rupi. Jökorai pepuere peikuaa ou ma ko oväe peve Tumpa iporookuaía.
21Metei kuimbae ipɨ̈rata vae mboka güɨnoi vae oyangareko jëta re yave, mbaetɨ ipuere kia opɨ̈ro chugüi imbaembae. 22Ërei ou yave ïru kuimbae ipɨ̈rata yae chugüi vae jare omoamɨri, jare opɨ̈ro chugüi imboka oyerovia tëi jese vae. Jare opa omboyao chugüi imbaembae.
23Kia mbaetɨ oñemoïru che ndive vae, oyovaicho ko che ndive.#Mc 9.40. Jökoraiño vi, mbaetɨ chemborɨ vae, oyapo ko ikavimbae chekotɨ.
Aña oyerova ye vae
(Mt 12.43-45)
24Aña ojo yave oya jese vae güi, oguata ñana rupi, oeka kia pe oiko vaerä. Ërei mbaetɨ oväe kia pe oiko vaerä yave, jei iyeupe: ‘Taja ye jókuae chero ayu chugüía pe.’ 25Jare aña ou ye oväe jókuae o pe yave, oecha oyetupei kavi jare oñemopöra kavi oï. 26Jayave jókuae aña ojo güeru, chiu aña ikavimbae yae chugüi vae reta jókuae o pe. Jare oike reta yogüɨreko pɨpe. Jare jókuae kuimbae ikaviä yae tenonde yave oiko vae güi.”
Yerovia añetete pegua
27Jare Jesús kuae mbaembae re imiari ramboeve, metei kuña jeta vae reta ipɨte kotɨ güi iñeeäta reve jei:
—Oyerovia ko jókuae kuña rea chugüi jare ndembokambu vae.
28Ërei Jesús jei:
—Oyerovia ko opaete oyeapɨsaka Tumpa iñee re vae reta, jare oyapo jae jei vae reta.
Mɨakañɨ oipota oecha vae reta regua
(Mt 12.38-42; Mc 8.12)
29Jare jeta yae vae oyemboatɨ Jesús re yave, jae jei chupe reta: “Ikavimbae iyapoa reta oiporu mɨakañɨ.#Mt 16.4; Mc 8.12. Ërei mbaetɨta oyeapo chupe reta, jaeño Jonás ndive oasa vae. 30Echa Jonás pe oyeapo vae oikuaauka Níniveɨgua#Jon 3.4. reta pe, jökoraita vi che Kuimbaerä ayeapo vae, oasa che ndive vae oikuaaukata añave yogüɨreko vae reta pe. 31Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave kuimbae reta yogüɨreko vae. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón#1 R 10.1-10; 2 Cr 9.1-12. güi vae. 32Tumpa oporojäa yave, Nínive pegua reta opüata omboeko vaerä añave yogüɨreko vae reta. Echa jae reta oeya iyemongeta ikavimbae vae ipɨa pe güɨnoi vae, Jonás omoërakua Tumpa iñee chupe reta yave. Ërei, ko oï tuichagüe yae Jonás#Jon 3.5. güi vae.
Tembipe yanderete pegua
(Mt 5.14-16; 6.22-23)
33Mechero yamboendɨ yave, ngaraa ñañomi. Ngaraa ñañono mbae igüɨ pe. Ñañono ko mechero jenda re#Mt 5.15; Mc 4.21; Lc 8.16. o pe oike vae reta pe jembipe vaerä. 34Yanderesa ko tembipe rami yanderete peguarä. Jayave, nderesa ikavi yave nderete tɨnɨe ko tembipe pe. Ërei nderesa ikaviä yave, nderete tɨnɨe ko pɨtumimbi pe. 35Jáeramo eyeandu agüɨye vaerä nderete tembipe pegua tɨnɨe pɨtumimbi pe. 36Jayave, nderete tɨnɨe tembipe pe jare mbaetɨ etei kërai yepe pɨtumimbi oï jese yave. Opaeteita ko jembipeasɨ, metei tembipe tuicha vae omboesape nderé rami.”
Jesús omboeko fariseo reta jare mborookuai re oporomboe vae reta
(Mt 23.1-36; Mc 12.28-40; Lc 20.45-47)
37Jesús opa güire imiari, metei fariseo oparea chupe okaru vaerä jae ndive. Jayave Jesús ojo fariseo jëta pe jare oguapɨ okaru vaerä. 38Jare jókuae fariseo kuae oecha yave, ipɨakañɨ jese. Echa Jesús mbaetɨ oyepoe ndei okaru mbove. 39Jayave yandeYa jei chupe:
—Pe fariseo reta, pe reta ko jae tasa jare ñae ikupe rupiño oyoe vae rami. Ërei pepɨa tɨnɨe ko oï monda pe jare ikavimbae vae pe. 40Yarakuaambae reta. Echa Tumpa oyapo opaete yandepuere yaecha vae jare yaechambae vae. 41Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.
42“¡Paravete, pe fariseo reta! Echa pemee pediezmo temitɨ reta penoi vae güi.#Lv 27.30. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.
43¡Paravete, pe fariseo reta! Echa pemomora peguapɨ tenda tenondegua pe judío reta itupao pe, jare pemomora ïru vae reta oyapo vaerä maraetei peve oka guasu rupi.
44¡Paravete pe jova mókoi vae reta! Mborookuai re oporomboe vae reta jare fariseo reta. Pe reta ko jae tɨvɨa reta oyekuaambae vae rami, oguata iárambo vae reta mbaetɨ oikuaa.”
45Jayave metei mborookuai re oporomboe vae jei Jesús pe:
—Oporomboe vae, kuae añave rere vae rupi, oreñono pɨ̈chɨi vi ko.
46Jayave Jesús jei:
—¡Paravete, pe mborookuai re oporomboe vae reta! Echa pe reta peñono ïru vae reta re mbae yavaigüe, ipuere rapeä oyapo vaerä vae. Ërei pe reta etei mbaetɨ peyavɨkɨ kërai ave yepe.
47“¡Paravete, pe pemopüa ñeemombeúa reta jɨvɨa reta vae reta; jókuae peñemuñagüe reta oyukagüe! 48Jókuae rupi pemborɨ katu ko peñemuñagüe reta oyapogüe. Echa jae reta oyuka, jare pe reta peyapo jɨvɨa retarä.
49Jáeramo, Tumpa iyarakuaa katu rupi jei: ‘Amondota peve cheñeemombeúa reta jare cheremimondo reta; jare chugüi reta amogüe oyukata jare ïru vae pe oyapota ikavimbae vae.’ 50Jare pe reta añave peiko vae penoita teko opaete ñeemombeúa reta ɨvɨ oyeapo güive oyeyukauka vae imano re. 51Abel#Gn 4.8. oyeyukauka güive Zacarías#2 Cr 24.20-21. oyeyukauka vae pe. Jókuae Zacarías omano mɨmba oyeyukagüe oyeapɨ jese vae jare tupao ipäu pe vae. Añete che jae peve, kuae reta imano re pe reta peiporarata.
52¡Paravete, pe mborookuai re oporomboe vae reta! Echa mbaetɨ pemboe ïru vae reta oikuaa vaerä Tumpa. Pe reta etei mbaetɨ peike, jare oike tëi vae peyopia.”
53Kuae jaɨkue rupi mborookuai re oporomboe vae reta jare fariseo reta pochɨ yae chupe, jare omboɨpɨ oparandu chupe jeta mbaembae re. 54Oyeapɨsaka kavi reta jese oipïaro reve, omboeko vaerä iñee rupi.
ప్రస్తుతం ఎంపిక చేయబడింది:
SAN LUCAS 11: GUABD
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia DC Guaraní Bolivia © Bolivian Bible Society, 2001.
SAN LUCAS 11
11
Jesús oporomboe yerure re
(Mt 6.9-15; 7.7-11)
1Jare metei ara Jesús oyerure oï. Jare opa ma yave, metei jemimboe jei chupe:
—CheYa, oremboe royerure vaerä, Juan omboe jemimboe reta rami.
2Jayave Jesús jei chupe reta:
—Peyerure Tumpa pe yave, pere körai:
“OreRu ara pe reï vae, toyemboeteuka nderee.
Tou ndeporookuaía.
Nderemimbota ara pe oyeapo oï rami,
toyeapo vi kuae ɨvɨ pe.
3Emee ara#Pr 30.8-9. ñavo orerembiurä.
4Neɨ̈ro oreve oreyoa reta re,
ore oreɨ̈ro iyoa orekotɨ vae reta pe rami.
Jare agüɨye emaeño roipota oreyoa vaerä.
Orereepɨ ikavimbae güi.”
5Jare jei vi chupe reta:
—Yambojaanga metei pegüi reta ojo yave pɨare mbɨte oyerure ivɨa-ïru pe mboapɨ mbɨyape re. 6Echa metei ivɨa-ïru ou oväe ípɨri, jare mbaetɨ mbae güɨnoi amee jou vaerä. 7Jare jókuae ivɨa-ïru ombouta chupe iñee japɨpe güi: Agüɨye chemoambeko. Echa oyeokenda ma oï cheröke, che jare opaete cheraɨ reta royapakua ma roï. Mbaetɨ ma chepuere apüa amee vaerä ndeve. 8Che jae peve, yepe tëi mbaetɨ oipota opüa, ërei opüa omee chupe opaete oeka vae, ikueraiä omoñera ramo, mbaetɨ ivɨa-ïru jeko pegua. 9Jare che jae peve: Peiporu mbae Tumpa pe, jare jae omeeta peve. Peeka, jare peväeta. Pembopu öke, jare öke oyepeata peve. 10Echa opaete oiporu vae pe, oñemee. Jare oeka vae, oväe. Jare ombopu öke vae pe, oyepea.
11¿Oime pa pegüi reta taɨ oyerure chupe mbɨyape re vae, omee chupe metei ita mbɨyape jekovia pe?, ani ¿oyerure chupe jevae re yave, omee chupe metei mboi jevae jekovia pe? 12Ani nderaɨ oyerure yave ndeve ururupía re, ngaraa remee chupe metei tumɨkarape ururupía ipoepɨka pe. 13Yepe tëi pe reta perekopochɨ, ërei pemee mbaembae ikavi vae pemichia reta pe. Vɨtei pa peRu ara pe oï vae omeeta Espíritu Santo, oyerure#Jn 14.13-14; 15.7,16; 16.23-24; 1 Jn 3.21-22; 5.14-15. chupe jese vae reta pe.
Jei reta ikavimbae vae Espíritu Santo kotɨ
(Mt 12.22-30; Mc 3.20-27)
14Metei ara Jesús ombosɨrɨ oï metei kuimbae güi aña oporomboupa vae. Jare aña osɨrɨ ma chugüi yave, jókuae kuimbae imiari. Jare jeta vae joko pe ñogüɨnoi vae ipɨakañɨ. 15Ërei amogüe vae jei: “Añaguasu Beelzebú imbaepuere rupi ko ombosɨrɨ#Mt 9.34; 10.25. aña reta oya jese vae reta güi.”
16Jare ïru vae reta oiporu reta chupe oechauka vaerä chupe reta mɨakañɨ ara güi,#Mt 12.38; 16.1; Mc 8.11. oyavɨuka vaerä chupe. 17Ërei Jesús oikuaa jae reta iyemongeta, jare jei chupe reta: “Metei mborookuaía pegua reta oyovaicho oyoupii yave, oyemboaita ko; jaeramiño vi metei o pegua reta oyovaicho oyoupii yave, opata ko oyomboai. 18Jaeramiño vi Satanás oyemboyao iyeugüi aeño yave, opata ko iporookuaía. Echa pe reta pere che ambosɨrɨ aña reta oya jese vae reta güi aña guasu Beelzebú imbaepuere rupi. 19Ërei che ambosɨrɨ yave aña reta oya jese vae reta güi Beelzebú imbaepuere rupi, jayave perëtara reta ¿kia imbaepuere rupi ra ombosɨrɨ aña reta oya jese vae reta güi? Pepuere peparandu chupe reta jese. 20Ërei che ambosɨrɨ aña reta oya jese vae reta güi Tumpa imbaepuere rupi. Jökorai pepuere peikuaa ou ma ko oväe peve Tumpa iporookuaía.
21Metei kuimbae ipɨ̈rata vae mboka güɨnoi vae oyangareko jëta re yave, mbaetɨ ipuere kia opɨ̈ro chugüi imbaembae. 22Ërei ou yave ïru kuimbae ipɨ̈rata yae chugüi vae jare omoamɨri, jare opɨ̈ro chugüi imboka oyerovia tëi jese vae. Jare opa omboyao chugüi imbaembae.
23Kia mbaetɨ oñemoïru che ndive vae, oyovaicho ko che ndive.#Mc 9.40. Jökoraiño vi, mbaetɨ chemborɨ vae, oyapo ko ikavimbae chekotɨ.
Aña oyerova ye vae
(Mt 12.43-45)
24Aña ojo yave oya jese vae güi, oguata ñana rupi, oeka kia pe oiko vaerä. Ërei mbaetɨ oväe kia pe oiko vaerä yave, jei iyeupe: ‘Taja ye jókuae chero ayu chugüía pe.’ 25Jare aña ou ye oväe jókuae o pe yave, oecha oyetupei kavi jare oñemopöra kavi oï. 26Jayave jókuae aña ojo güeru, chiu aña ikavimbae yae chugüi vae reta jókuae o pe. Jare oike reta yogüɨreko pɨpe. Jare jókuae kuimbae ikaviä yae tenonde yave oiko vae güi.”
Yerovia añetete pegua
27Jare Jesús kuae mbaembae re imiari ramboeve, metei kuña jeta vae reta ipɨte kotɨ güi iñeeäta reve jei:
—Oyerovia ko jókuae kuña rea chugüi jare ndembokambu vae.
28Ërei Jesús jei:
—Oyerovia ko opaete oyeapɨsaka Tumpa iñee re vae reta, jare oyapo jae jei vae reta.
Mɨakañɨ oipota oecha vae reta regua
(Mt 12.38-42; Mc 8.12)
29Jare jeta yae vae oyemboatɨ Jesús re yave, jae jei chupe reta: “Ikavimbae iyapoa reta oiporu mɨakañɨ.#Mt 16.4; Mc 8.12. Ërei mbaetɨta oyeapo chupe reta, jaeño Jonás ndive oasa vae. 30Echa Jonás pe oyeapo vae oikuaauka Níniveɨgua#Jon 3.4. reta pe, jökoraita vi che Kuimbaerä ayeapo vae, oasa che ndive vae oikuaaukata añave yogüɨreko vae reta pe. 31Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave kuimbae reta yogüɨreko vae. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón#1 R 10.1-10; 2 Cr 9.1-12. güi vae. 32Tumpa oporojäa yave, Nínive pegua reta opüata omboeko vaerä añave yogüɨreko vae reta. Echa jae reta oeya iyemongeta ikavimbae vae ipɨa pe güɨnoi vae, Jonás omoërakua Tumpa iñee chupe reta yave. Ërei, ko oï tuichagüe yae Jonás#Jon 3.5. güi vae.
Tembipe yanderete pegua
(Mt 5.14-16; 6.22-23)
33Mechero yamboendɨ yave, ngaraa ñañomi. Ngaraa ñañono mbae igüɨ pe. Ñañono ko mechero jenda re#Mt 5.15; Mc 4.21; Lc 8.16. o pe oike vae reta pe jembipe vaerä. 34Yanderesa ko tembipe rami yanderete peguarä. Jayave, nderesa ikavi yave nderete tɨnɨe ko tembipe pe. Ërei nderesa ikaviä yave, nderete tɨnɨe ko pɨtumimbi pe. 35Jáeramo eyeandu agüɨye vaerä nderete tembipe pegua tɨnɨe pɨtumimbi pe. 36Jayave, nderete tɨnɨe tembipe pe jare mbaetɨ etei kërai yepe pɨtumimbi oï jese yave. Opaeteita ko jembipeasɨ, metei tembipe tuicha vae omboesape nderé rami.”
Jesús omboeko fariseo reta jare mborookuai re oporomboe vae reta
(Mt 23.1-36; Mc 12.28-40; Lc 20.45-47)
37Jesús opa güire imiari, metei fariseo oparea chupe okaru vaerä jae ndive. Jayave Jesús ojo fariseo jëta pe jare oguapɨ okaru vaerä. 38Jare jókuae fariseo kuae oecha yave, ipɨakañɨ jese. Echa Jesús mbaetɨ oyepoe ndei okaru mbove. 39Jayave yandeYa jei chupe:
—Pe fariseo reta, pe reta ko jae tasa jare ñae ikupe rupiño oyoe vae rami. Ërei pepɨa tɨnɨe ko oï monda pe jare ikavimbae vae pe. 40Yarakuaambae reta. Echa Tumpa oyapo opaete yandepuere yaecha vae jare yaechambae vae. 41Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.
42“¡Paravete, pe fariseo reta! Echa pemee pediezmo temitɨ reta penoi vae güi.#Lv 27.30. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.
43¡Paravete, pe fariseo reta! Echa pemomora peguapɨ tenda tenondegua pe judío reta itupao pe, jare pemomora ïru vae reta oyapo vaerä maraetei peve oka guasu rupi.
44¡Paravete pe jova mókoi vae reta! Mborookuai re oporomboe vae reta jare fariseo reta. Pe reta ko jae tɨvɨa reta oyekuaambae vae rami, oguata iárambo vae reta mbaetɨ oikuaa.”
45Jayave metei mborookuai re oporomboe vae jei Jesús pe:
—Oporomboe vae, kuae añave rere vae rupi, oreñono pɨ̈chɨi vi ko.
46Jayave Jesús jei:
—¡Paravete, pe mborookuai re oporomboe vae reta! Echa pe reta peñono ïru vae reta re mbae yavaigüe, ipuere rapeä oyapo vaerä vae. Ërei pe reta etei mbaetɨ peyavɨkɨ kërai ave yepe.
47“¡Paravete, pe pemopüa ñeemombeúa reta jɨvɨa reta vae reta; jókuae peñemuñagüe reta oyukagüe! 48Jókuae rupi pemborɨ katu ko peñemuñagüe reta oyapogüe. Echa jae reta oyuka, jare pe reta peyapo jɨvɨa retarä.
49Jáeramo, Tumpa iyarakuaa katu rupi jei: ‘Amondota peve cheñeemombeúa reta jare cheremimondo reta; jare chugüi reta amogüe oyukata jare ïru vae pe oyapota ikavimbae vae.’ 50Jare pe reta añave peiko vae penoita teko opaete ñeemombeúa reta ɨvɨ oyeapo güive oyeyukauka vae imano re. 51Abel#Gn 4.8. oyeyukauka güive Zacarías#2 Cr 24.20-21. oyeyukauka vae pe. Jókuae Zacarías omano mɨmba oyeyukagüe oyeapɨ jese vae jare tupao ipäu pe vae. Añete che jae peve, kuae reta imano re pe reta peiporarata.
52¡Paravete, pe mborookuai re oporomboe vae reta! Echa mbaetɨ pemboe ïru vae reta oikuaa vaerä Tumpa. Pe reta etei mbaetɨ peike, jare oike tëi vae peyopia.”
53Kuae jaɨkue rupi mborookuai re oporomboe vae reta jare fariseo reta pochɨ yae chupe, jare omboɨpɨ oparandu chupe jeta mbaembae re. 54Oyeapɨsaka kavi reta jese oipïaro reve, omboeko vaerä iñee rupi.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia DC Guaraní Bolivia © Bolivian Bible Society, 2001.