ข้อพระคัมภีร์ยอดนิยมจาก Macoo 5

แบ่งปัน

Wa shishiin ya sokinna leni mʼa yaaga shigile wu ɲuŋɔ ni wɛ. Ga yaaga ka ɲuŋɔ ni ma ma wu taha, kɔnhɔ wu da kpɛɛngɛ yeege puga ki jevɛɛ pu bɛɛri mu. Mu yee bɛ wo kpɛɛngɛ kʼa yaa na fòro lee forogana li na sipyii pu mu, kɔnhɔ pu da yi wo kapyegee nizaaŋaa ki ɲaa, pu da baraga tɛri yi fugba To Kilɛ wu na.

Yee pu ɲɛ ke koŋɔ ke wo kpɛɛngɛ. Kulo lemu lʼa teŋɛ faaboboŋɔ ɲuŋɔ ni ge, lee ya já ŋmɔhɔ wɛ.

Piimu wo zɔlɔɔ pu ɲɛ fɛɛfɛɛ ge, pee ɲɛ duba nagoo. Bani pee na ba Kilɛ ɲa.

Piimu pʼa tiimɛ la pyi ba yalige ni logbaga ɲɛ-ɛ ge, pee ɲɛ duba nagoo. Bani pee funyɔ na ba ɲiŋɛ.

Ga nɛ kunni wʼa da yi jo yi mu, yi pɛɛn pu taan yi mu! Piimu pʼa taha yaha yi na na gana ge, yʼa Kilɛ ɲɛɛri pee mu.

«Piimu pʼa li cɛ na funmɔ fɛɛ pee ɲɛ Kilɛ shizhaa na ge, pee ɲɛ duba nagoo, bani pee wuuro ti ɲɛ fugba saanra te.

Piimu pʼa ɲaɲiŋɛ shaa kʼi bye pu ni pu sipyiɲii tɛ ni ge, pee ɲɛ duba nagoo. Bani pee na ba yiri Kilɛ nagoo.

Piimu wo zɔlɔɔ pʼa mɛhɛɛ suu ge, pee ɲɛ duba nagoo. Bani pee logoo na ba ɲiŋɛ.

Kanhama ya nɔni piimu na Kilɛ wo ɲidaan bye funŋɔ ni ge, pee ɲɛ duba nagoo. Bani pee wuuro ti ɲɛ fugba saanra te.

Piimu pʼa ɲuŋɔ ɲaari pusamaa na ge, pee ɲɛ duba nagoo. Bani Kilɛ na ba ɲuŋɔ ɲaari pee na.

«Sipyii ba yi shɛhɛlɛ, na yi kana, na kakuuŋɔɔ tuuyo bɛɛri wo kafinɛyɛ tɛri yi na nɛ mɛgɛ wuu na, wee tuun wu ni yi ɲɛ duba nagoo. Yi funyɔ yi taan fo xuuni, bani yi saraa wʼa pɛlɛ fugba wu ni. Kilɛ tudunmɔɔ piimu pʼa toro yee ɲaha na ge, mu pʼa pee bɛ kanha lee kanhagana li na.

Piimu pu ɲɛ ni lotangaa ni ge, pee ɲɛ duba nagoo. Bani pee na ba ɲiŋɛ ki ta na pye cɛn.

«Yee pu ɲɛ ke koŋɔ ke wo suumɔ. Ga suumɔ tipoomɔ bu foro pu ni, ɲaha na pu taan sanha wɛ? Pee suumɔ pe da já yaaga bɛ ɲɔ nige wɛ, fo na pu wá kpɛɛngɛ na sipyii tɔɔyɔ ni pʼa danhana.

Yee kunni pu pye sipyii piimu ɲɔ ya fa ge, ma na jo ba yi fugba To Kilɛ wu ɲɔ ya fa fagana lemu na wɛ.

Yi sii jo yɛ ‹Uun› kelee ‹Ahayi›. Ya bu fara yee na, Shitaanni ni yee ya foro.

«Yee ya yi logo na lʼa shɛ na: ‹Ɲii li ɲɛ ɲii wo tɛgɛ, gaan di ɲɛ gaan wo tɛgɛ.› Ga nɛ kunni wa da yi jo yi mu jo wa shishiin ganha ga kakuunɔ taga kakuunɔ la foo tɔ wɛ. Sipya wa bu kadaa ja ma kanige ɲibɛgɛ ni, ke ki bɛ tagi wu mu.

Ayiwa wee tuun wu ni, ma kanige ɲii le bu da lee na ɲɛ kaɲuŋɔ di ma le jurumu ni, li wɛhɛlɛ wolo, mʼa li wá taliige ni. Mʼa buun ma ceepuuro ti yatɛngɛ nigin yɛ ni, lee ya pɔrɔ ma mu ma ceepuuro ti bɛɛri ti jé Jahanɛmɛ ni. Ma kanige keŋɛ ke shiin bi ɲɛ kaɲuŋɔ di ma le jurumu ni, ki kɔn wá taliige ni. Mʼa buun ma ceepuuro ti yatɛngɛ nigin yɛ ni, lee ya pɔrɔ ma mu ma ceepuuro ti bɛɛri ti jé Jahanɛmɛ ni.