ข้อพระคัมภีร์ยอดนิยมจาก JOHAN 6

แบ่งปัน

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta si a,” a ta, a dawn a

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

Isu chun an kuomah, “Pathien sin thaw chu hi hi a nih, a mi tir hi ring unla,” a ta, a dawn a.

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

Simon Peterin a kuomah, “Lalpa, tu kuom am fêng kan ta? Nangin chatuona hringna thu i nei annâwm

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

Pa a mi tirtuin a hîp naw chun tukhawm ka kuomah hung thei naw ni hai; chun, keiin ni kin nia chun a hung chu keitho ka tih.

Pathien bei chu vâna inthawka hung ṭuma, khawvêl kuoma hringna petu hi a nih,” a ta.

Kei hi hringna bei chu ka nih.

Chun, Isûn beiphêkhai chu a lâk a, lâwmthu a hril zoin a ṭhunghai lai chun a sem a, chuong ang bawkin ngahai khawm chu an dit tâwkin a sem bawk a. Chun, an khawp hnungin, a inchûktirhai kuoma chun, “Ieng khawm inhmang lo dingin a mahla nawihai kha rût ro,” a ta.

Chun, fîng sâwmhni panga amanih, fîng sâwmthum amanih an kar chun, Isu chu dîl chunga chun kea lâwna, lawng hung hnaiin an hmu a, an ṭi a. Nisienlakhawm, ama chun an kuomah, “Kei ka nih annâwm, ṭi naw ro,” a ta.