ข้อพระคัมภีร์ยอดนิยมจาก Апостолхэм ашӀэгъэ Ӏофхэр 2

แบ่งปัน

– ШъуипсэкӀодшӀагъэхэм шъуафыкӀэгъожьи, Исус Христос ыцӀэкӀэ шъо пстэуми зытэжъугъэумэхъ, Тхьэм шъуипсэкӀодшӀагъэхэр къышъуфигъэгъунхэм пае, – ариӀожьыгъ Петрэ. – Ащыгъум Тхьэм итынэу ежь ы Псэ ЛъапӀэ шъугухэм къарилъхьащт.

Апостолхэм арагъашӀэрэ Тхьэм игущыӀэхэм агу етыгъэу шӀошъхъуныгъэ зиӀэ хъугъэ цӀыфхэр ядэӀущтыгъэх, зэкъошхэм фэдэуи зэхэтыгъэх, хьалыгъур зэгуач зэпытыщтыгъ, Тхьэми елъэӀу зэпытыщтыгъэх.

Тхьэм ы Псэ ЛъапӀэ зэкӀэми агухэм инэу арылъ хъуи, хымабзэхэмкӀэ къэгущыӀэхэу аублагъ, Тхьэм ы Псэ ЛъапӀэ къызэригъэгущыӀагъэхэм фэдэу.

ОшӀэ-дэмышӀэу жьыбгъэшхоу къепщэрэм ибырсыр мэкъэшхо фэдэ макъэ уашъом къехи, унэу зэрысхэм зэкӀэ мэкъэшхор из хъугъэ. МашӀом фэдэу бзэгухэр къафэлъэгъуагъэх. А бзэгухэм загощи, ахэмэ ащыщэу хэтрэ цӀыфи зы бзэгу къытенагъэу хъугъэ. Тхьэм ы Псэ ЛъапӀэ зэкӀэми агухэм инэу арылъ хъуи, хымабзэхэмкӀэ къэгущыӀэхэу аублагъ, Тхьэм ы Псэ ЛъапӀэ къызэригъэгущыӀагъэхэм фэдэу.

Зыгу-зыпсэу мафэ къэси Тхьэм иунэшхо щызэӀукӀэ зэпытыщтыгъэх. Яунэхэми хьалыгъур ащызэгуачыщтыгъ, гушӀохэу, агу шъыпкъагъэ зэфилъэу зэдашхэщтыгъэх. Тхьэм ищытхъу аӀощтыгъ, цӀыф пстэуми агуи яӀущтыгъ. ЦӀыфхэу мыкӀодхэу къыгъэнэжьхэрэмкӀэ шӀошъхъуныгъэ зиӀэхэм япчъагъэ мафэ къэс Зиусхьаным хигъахъощтыгъ.

«Тхьэм моущтэу еӀо: дунаим иаужырэ мафэхэм сэ с Псэ ЛъапӀэ цӀыф пстэуми къафезгъэхыщт. СигущыӀэхэр шъо шъукъохэмрэ шъупхъухэмрэ агухэм къарыслъхьанхэшъ, къязгъэӀощт. ШъуикӀалэхэми Ӏофхэр къафэзгъэлъэгъощтых, шъуинахьыжъхэми пкӀыхьапӀэхэр язгъэлъэгъущтых.

ШӀошъхъуныгъэ зиӀэхэр зэкӀэ зэгъусагъэх, яӀэри зэкӀэ язэфэдагъ. Ямылъкухэмрэ яхьапщыпхэмрэ ащэхи, къыкӀэкӀыгъэм щыщ хэти ищыкӀагъэм фэдиз ратыгъ.

Хэт щыщи Зиусхьаныр къыдэӀэпыӀэнэу елъэӀурэр мыкӀодэу къэнэжьыщт».

Зиусхьаным имэфэшхоу щытхъушхо зиӀэр къэкӀоным ыпэкӀэ, тыгъэри шӀункӀ къэхъущт, мазэри лъым фэдэ хъущт.