ข้อพระคัมภีร์ยอดนิยมจาก San Mateo 2

แบ่งปัน

Tá na̱ndihi já na̱qui̱hvi na ini vehe já na̱xini na mé a̱ loho cán xi̱hín María, náná a̱. Ta já na̱caxítí na̱ nu̱ á ta já na̱caja cáhnu na ña̱. Ta tá na̱ndihi já na̱suná na̱ yuhú sa̱to̱ ñéhe na ta já na̱jo̱co̱ na̱ jiu̱hu̱n cuáán nu̱ú a̱ xi̱hín ju̱sa va̱ha xi̱hín in ña̱ támi sáhan naní mirra nu̱ mé a̱ loho cán.

Ta na̱cacu Jesús in ñuu naní Belén ña̱ ndáca̱a̱n estado Judea. Ta mé tiempo cán na̱sacomí rey Herodes cuéntá sa̱há nación Israel. Ta mé tañu já na̱xi̱nu̱ co̱o java na̱ ndi̱chí ñuu Jerusalén. Mé na̱ ndi̱chí yóho cúú ná na̱ jácuaha xi̱hín qui̱mi ta na̱quixi na chí nu̱ cána ca̱ndii. Ta tá na̱xi̱nu̱ co̱o na ñuu Jerusalén já na̱nda̱ca̱ tu̱hún na̱ ña̱yivi já na̱cachi na já: —Ndájá íin da̱ loho na̱cacu viti ja̱n, da̱ cacuu rey nu̱ú na̱ Israel. Jáchi̱ na̱xini nde̱ na̱queta qui̱mi nu̱ú nde̱ ta xi̱hi̱n rí yóho sa̱ na̱canda̱a̱ ini nde̱ ña̱ sa̱ na̱cacu da. Ta viti va̱xi nde̱ yóho caja cáhnu nde̱ da̱ —na̱cachi na̱ ndi̱chí cán ndáca̱ tu̱hún na̱.

Ta cáji̱i̱ ndiva̱ha ini na tá xíni̱ na̱ mé qui̱mi cán.

Tá na̱ndihi já na̱quixi in sa̱ni nu̱ ná ta xi̱hi̱n mé sa̱ni cán na̱cachi Ndióxi̱ xi̱hi̱n ná ña̱ ná a̱ ndícó co̱o na chí nu̱ íin rey Herodes. Sa̱há ña̱ cán quéa̱ na̱ndijama na íchi̱ cuánúhu̱ ná ñuu na. Ta tá sa̱ na̱quee na̱ ndi̱chí cán cua̱ha̱n na̱ já na̱quixi in sa̱ni nu̱ú José ta na̱nda̱ca̱ náha̱ in táto̱ Ndióxi̱ nu̱ dá. Já cáchí a̱ já xi̱hi̱n dá: —Cuándaco̱ún ndiquehe ña̱ loho ja̱n xi̱hín María, náná a̱ ta cunún cu̱hu̱n xi̱hi̱n ná chí ñundáhyi̱ nación Egipto. Ta cán coún xi̱hi̱n ná ja̱nda̱ quia̱hva ná ca̱xi tu̱hun i̱ xu̱hu̱n. Jáchi̱ caca nuu Herodes ndinducú da̱ ña̱ loho ja̱n ña̱ cahní ñahá da̱ —na̱cachi táto̱ Ndióxi̱ cán xi̱hín José.