ข้อพระคัมภีร์ยอดนิยมจาก Joanes 6

แบ่งปัน

Is um ika ehele ra a Iesu, Ek itai caig umoh ainyak: aien et ham ehelek aien, inyi ti lep ehtele yin aien; aien et asgeig irak aien, inyi ti lep ahvig tah nitai aien

Et imyiatamumoh nohu atimi nesgan; et auatialidi nohu atimi: et esgan intas ineig ek asaig ehelemia ainyak, um itai imyiatamumoh caua.

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

intas alep o un ineigki is abrai nyak aien, mika eri leh nitai umoh iran ineig inyi ti lep ti ara asega, era alum Inhal o Atua ara, um asgeig iran: ekpu imyiatidai ra ainyak an nadiat apitac.

Is tas a Iesu, um ika ehele ra, Nauritai o Atua ineigki, mika aki asgeig iran aijaua is abrai yin aien.

erupu ahtag pam ehelek ara asega is alupai nyak ra a Etmak; aien et ham ehelek aien, inki idim eti acaiji yin ainyak

Is um ika ehelen a Saimona Pitrus, Ak Natimarid, ecrupu apan ehele di aijama? et amen ehelum intas va nitai umoh iran ineig inyi ti lep ti

Ek itai caig umoh ainyak, is ahes an nohatag um asuol: aien et caig nitai caig ineigki aien, inyi umoh aien irai iji mesese: nitai caig ineigki ekpu alaa atimi ainyak nohuk, ekpu ahtai nohuk ainyak mika eri umumoh natimi an nobohtan.

Et ehka vaig tah natimi intup hamvaig ehelek, el et eti ahiaig pam yin a Etmak is abrai nyak aien: ja ekpu imyiatidai yin ainyak an nadiat apitac.

Nitai caig ineig et ahes ehele Atua, aien aigki is ahes an nohatag aien um asuol, um alupa atimi an nobohtan nitai umoh iran.

Ek itai caig umoh ineigki ainyak.

Is leh nareto a Iesu, um naaurineig iran, ja par alupai ilpu atimi atahaijeg yin, eris alaa atimi ateucse ilpu atimi atahaijeg yin; is lep ucce a numu; eris hegaig ara, um eti ahtahni. Eris wat gaije ara, is ika ehele ilpu atimi atahaijeg yin aien, Asjapicnaig nuari itai hegaig aijaua, va yi jim has tah.

Eris wat aheled pan ara is dri ka for mail, ja par ecet Iesu natgavaig an jop, um ubutpotet pan u nelcau: eris um imtitaig ara. Is um ika ehele ra aien, Ainyak aigki; jim imtitaig aijaua.