ข้อพระคัมภีร์ยอดนิยมจาก KUMA 7

แบ่งปัน

Na Yeova amwĩa Mose, Sisya, nĩkũtw’ĩkĩthĩtye ta Ngai kwa Valao; na Aluni, mwana‐a‐mwenyu, akeethĩwa mwathani waku.

Nakwa ngoomya ngoo ya Valao, na ngingĩvya syama syakwa na moseng’yo makwa nthĩ ya Misili. Ĩndĩ Valao ndakamwĩthukĩĩsya, nakwa ngailĩĩla kw’oko kwakwa Misili, na ngyumya nguthu syakwa, andũ makwa ana ma Isilaeli, kuma nthĩ ya Misili na mosilĩlo manene.

Na Amisili makamanya ninyie Yeova, yĩla nĩtambũũkya kw’oko kwakwa ĩũlũ wa Misili, na ngyumya ana ma Isilaeli katĩ woo.

Nĩvo ĩndĩ Valao nake wetie andũ oĩ na aoi: na asu nao, eki ma syama ma Misili, meeka o ta ũu na mowe moo. Nũndũ mekya kĩla mũndũ ndata yake nthĩ, nasyo syatw’ĩka nzoka: ĩndĩ ĩla ndata ya Aluni yamelya ndata syoo.

Ũũ nĩw’o Yeova ũnũkwasya, Ũndũnĩ ũũ ũkamanya ninyie Yeova: sisya, ngakũna manzĩ ala me ũsĩnĩ na ndata ĩla yĩ kw’okonĩ kwakwa, na makaalyũka nthakame.

Yĩla Valao wĩneena nenyu, akĩmwĩa, Onan’yai kyama kwondũ wenyu: nĩvo ĩndĩ wĩmwĩa Aluni, Osa ndata yaku, nokĩkya nthĩ mbee wa Valao ĩtw’ĩke nzoka. Na Mose na Aluni malika kwa Valao, na meeka ũu, o tondũ Yeova wameaĩe: na Aluni ekya ndata yake nthĩ mbee wa Valao na mbee wa athũkũmi make, na yatw’ĩka nzoka.