KUMA 7
7
1Na Yeova amwĩa Mose, Sisya, nĩkũtw’ĩkĩthĩtye ta Ngai kwa Valao; na Aluni, mwana‐a‐mwenyu, akeethĩwa mwathani waku. #Kuma 4.16. 2Ũkaneene onthe ala ngũkwĩaĩa; na Aluni, mwana‐a‐mwenyu, akaneena na Valao, nĩ kana alekye ana ma Isilaeli maume nthĩ yake. #Kuma 4.15; 6.29. 3Nakwa ngoomya ngoo ya Valao, na ngingĩvya syama syakwa na moseng’yo makwa nthĩ ya Misili. #Kuma 4.21; 11.9. 4Ĩndĩ Valao ndakamwĩthukĩĩsya, nakwa ngailĩĩla kw’oko kwakwa Misili, na ngyumya nguthu syakwa, andũ makwa ana ma Isilaeli, kuma nthĩ ya Misili na mosilĩlo manene. #Kuma 6.6. 5Na Amisili makamanya ninyie Yeova, yĩla nĩtambũũkya kw’oko kwakwa ĩũlũ wa Misili, na ngyumya ana ma Isilaeli katĩ woo. #Kuma 3.20; 14.4. 6Na Mose na Aluni meeka ũu; o tondũ Yeova wameaĩe, now’o meekie. 7Na Mose aĩ wa myaka mĩongo nyanya, na Aluni wa myaka mĩongo nyanya na ĩtatũ, yĩla maneenie na Valao. #Meko 7.23,30.
Ndata ya Aluni
8Na Yeova aneena na Mose na Aluni, akyasya, 9Yĩla Valao wĩneena nenyu, akĩmwĩa, Onan’yai kyama kwondũ wenyu: nĩvo ĩndĩ wĩmwĩa Aluni, Osa ndata yaku, nokĩkya nthĩ mbee wa Valao ĩtw’ĩke nzoka. #Kuma 4.2,3,17; Yoa 2.18; 6.30. 10Na Mose na Aluni malika kwa Valao, na meeka ũu, o tondũ Yeova wameaĩe: na Aluni ekya ndata yake nthĩ mbee wa Valao na mbee wa athũkũmi make, na yatw’ĩka nzoka. 11Nĩvo ĩndĩ Valao nake wetie andũ oĩ na aoi: na asu nao, eki ma syama ma Misili, meeka o ta ũu na mowe moo. #Mwa 41.8; Kuma 7.22; 8.7; 2 Tim 3.8. 12Nũndũ mekya kĩla mũndũ ndata yake nthĩ, nasyo syatw’ĩka nzoka: ĩndĩ ĩla ndata ya Aluni yamelya ndata syoo. 13Na ngoo ya Valao yoomwa, na ndaamethukĩĩsya; o tondũ Yeova ũneenete. #Kuma 7.14,22; 8.19; 9.7,35.
Ũthĩn’yo wa nthakame
14Na Yeova amwĩa Mose, Ngoo ya Valao nĩ nyũmũ, nũleete kũlekya andũ mathi. 15Enda kwa Valao kwakya; sisya, ũkeethĩa aienda manzĩnĩ; naku ũkaũngame ũtee wa ũsĩ ũkomane nake; na ĩla ndata yalyũlilwe nzoka ũkethĩwe nayo kw’okonĩ kwaku. #Kuma 4.2; 3.17. 16Noimwĩa, Yeova, Ngai wa Aevelania, nũndũmĩte kũla ũĩ, akĩkwĩa, Lekya andũ makwa mathi, manthũkũme weũnĩ: na sisya, kũvika o na yu ndwaaĩthukĩĩsya. #Kuma 3.18; 5.3. 17Ũũ nĩw’o Yeova ũnũkwasya, Ũndũnĩ ũũ ũkamanya ninyie Yeova: sisya, ngakũna manzĩ ala me ũsĩnĩ na ndata ĩla yĩ kw’okonĩ kwakwa, na makaalyũka nthakame. #Kuma 4.9; 7.5; Ũvu 16.4. 18Na makũyũ ala me ũsĩnĩ makakw’a, na ũsĩ ũkanyunga naĩ; na Amisili makamena mũno kũnyw’a manzĩ ma ũsĩnĩ. #Kuma 7.21,24. 19Na Yeova amwĩa Mose, Mwĩe Alunĩ, Osa ndata yaku, noitambũũkya kw’oko kwaku ĩũlũ wa manzĩ ma Misili, ĩũlũ wa mbũsĩ syoo, na ĩũlũ wa tũlũsĩ twoo, na ĩũlũ wa ndia syoo, na ĩũlũ wa maia moo onthe ma manzĩ, matw’ĩke nthakame; na kũkeethĩwa nthakame nthĩ yonthe ya Misili, syĩndũnĩ sya mĩtĩ o na syĩndũnĩ sya mavia. #Kuma 8.5,16; 9.23; 10.13; 14.16.
20Na Mose na Aluni meeka ũu, o tondũ Yeova weaie; na ookĩlya ndata, na akũna manzĩ ala maĩ ũsĩnĩ, Valao ene, o na athũkũmi make mene; na manzĩ onthe ala maĩ ũsĩnĩ maalyũka nthakame. #Sav 78.44; 105.29. 21Na makũyũ ala maĩ ũsĩnĩ makw’a; na ũsĩ wanyunga naĩ, na Amisili matyaatonya kũnyw’a manzĩ ma ũsĩnĩ; nayo nthakame yakomana nthĩ yonthe ya Misili. 22Na eki ma syama ma Misili meeka o ta ũu na mowe moo: na ngoo ya Valao yoomwa, na ndaamethukĩĩsya; o tondũ Yeova ũneenete. #Kuma 7.11,13. 23Na Valao eethyũũa alika nyũmba kwake, o na ndaaona ũu ta ũndũ ngoonĩ yake. 24Na Amisili onthe menzanga kũndũ kw’onthe ũtee wa ũsĩ mone manzĩ ma ũnyw’a; nũndũ matyaatonya kũnyw’a ala manzĩ ma ũsĩnĩ.
Ũthĩn’yo wa syoa
25Na mĩthenya mũonza yathela, ĩtina wa Yeova akũna ũla ũsĩ.
ที่ได้เลือกล่าสุด:
KUMA 7: Mbivlia
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956