ข้อพระคัมภีร์ยอดนิยมจาก MWAMBĨLĨLYO 50

แบ่งปัน

Nenyu nĩmwanzũanĩĩe ũthũku; ĩndĩ Ngai asũanĩa wĩthĩwe ũseo, kwĩkĩke, o tondũ kũilyĩ mũnthĩ ũũ, nĩtangĩĩe andũ aingĩ mekale thayũ.

Na Yosevu amea, Mũikakĩe: nũndũ nyie nĩ vandũ va Ngai?

Kwondũ wa ũu mũikakĩe: ngamũĩthya inyw’ĩ, na syana syenyu nini. Na amakiakisya, na aneena nesa nao.

Neenai ũũ na Yosevu, Nĩngũkwĩsũva yu, ekea ana‐a‐au ĩvĩtyo na naĩ yoo, nĩkwĩthĩwa nĩmakwĩkie ũthũku. Na yu ĩndĩ, nĩtũũkwĩsũva, ekea athũkũmi ma Ngai wa au ĩvĩtyo yoo. Na Yosevu aĩa yĩla maneenie nake.

Na Yosevu amea ana‐a‐ĩthe, Nyie nĩngũkw’a; ĩndĩ nĩ w’o Ngai akamũkĩa inyw’ĩ, na kũmwambatya kuma nthĩ ĩno kũvika nthĩ ĩla wevĩtĩe Avalaamũ, na Isaka, na Yakovo.

Na Yosevu eeavĩthya ana ma Isilaeli, akĩmea, Nĩ w’o Ngai akamũkĩa na mũkakua mavĩndĩ makwa mwambatye kuma kũũ.

Na ĩndĩ Yosevu akw’a, e wa myaka ĩana na ĩkũmi ũkũũ wake: na meekĩa kimba kyake mũtĩ, na eekĩĩwa ĩsandũkũnĩ Misili.