ข้อพระคัมภีร์ยอดนิยมจาก Matiw 5

แบ่งปัน

Yakhal baah mwopp kihh byill dlengwus mwopp kurum kong dyikihh mou; mwopp kihh dhen nyi a kih pee'dhen keera, a kihhsheh bhi kihh bhanggpee koohweeh w'u dhighin luh ni. A kihhsheh zag, yet tihh peebhangg keewu bhanggpee kihkyeen gurum mwopp, tihh mwopp naah dhakk'shin wu'rett keewu diy, bhi mwopp p'ee kwoob Puup wu w'u kih dhengNaan.

“A wunn a peebhangg khi yill ni. Tughuzyill w'u mwopp dyik kihdab bwum kihh mak zok sat mou.

Rettyit a mhi mwooh en mwopp noott l'uk, p'ee mwopp p'ee naah Naan.

Rettyit a mhi mwooh kihh chakhar a shigrett, p'ee Naan p'ee pihh nyi mwopp dhess.

Weett kihhsheh bhi wu'an ih kihh satt wunn ih le wu wall wu'kob wuh mwopp, yakhal wu kihh dhangNaan p'ee mwooh kihh le'zheell wunn.

“Rettyit a mhi mwooh mwopp man pyaah keeru w'u dhighin riin, p'ee dhengNaan a mhimwopp.

Rettyit a mhi mhi-bheettnaar, p'ee mwopp p'ee peet mwopp a zhepp khi Naan.

Rettyit a mhi mwooh kaah maab mwasseh, p'ee Naan p'ee p'ar ten'kihr mwopp.

Rettyit a mhi mwooh mwopp kihh le'zheell mwopp p'ee shigrett, p'ee dhenglong khi Naan a mhimwopp.

Rettyit a mhi mhi-kaahdhoonn, p'ee Naan p'ee sh'in kaahdhoonn mwopp.

“Rettyit a mug'wuh kadmihh gurum mwopp kihh fullup wunn, mwopp kihh le'zheell wunn, yakhal mwopp kihh satt v'ur bii wu'bis w'u a dwungg kaah wuh lhiwaa a'n. Wu klihngshangg, w'u sh'in rettyit, p'ee lebhed keewu dhess pwetd kih dhengNaan, p'ee gyet mwopp le'zheell mhi-wanggshiiy w'u gyet mwopp ky'een wunn a kihhsheh zag.

Rettyit a mhi mhi-kaahlokhomm, p'ee a mwopp p'ee dheeh kaah yill ni.

“A wunn a kiihn khi yill ni. Dhangg mhi kiihn shaall nook shangg, bhi mwopp p'ee sh'in a rangg kihh nyi tihh waa shangg dyi kop sat? Baah nyi kihh m'ee kyeenn dyi mou, dheeh mwopp p'ee kihkor nyi kihtekhell gurum mwopp lass kihh shiiy ruh.

Pee'mhinyi bhi yet tihh wu dhen a mhi-shin'dihhreh kaa Puup wu Naan w'u tihngg kih dhengg a gu-shin'dihreh se.”

Yet tihh ‘Ee'h’ keewu dharr a kaah ‘Ee'h,’ yakhal ‘Haiyou’ keewu dharr a kaah ‘Haiyou.’ Kapp bii w'u mett mihhseh, bhi put a kihpee Gwoohbis diy.

“Wu klihng mwopp kihh satt le, ‘Yit kop yit, yakhal aghaz kop aghaz.’ Weett kihhsheh bhi wu'an ih kihh satt wunn, tapp wu dharr g'u sh'in wu'bis wunn mou. Mihh menguh shud gha gihnn gha w'u sarrsoh, bhi ghi shikhir wu'zeh nyi zag.

Mihh yit gha w'u sarrsoh kihh l'e gha shigbis, bhi ghi pun ghi meng kyekk. Ai gyall ghi bhalang m'ee bheep shoopsak kihmeh, kad mihh'pee Naan kihh meng gha a kihhdihng dhighin blengwus. Yakhal mihh sarr gha w'u dihsoh kihh l'e gha shigbis, bhi ghi gab ghi meng kyekk. Ai gyall ghi bhalang m'ee bheep shoopsak kihmeh, kad mihh'pee Naan kihh meng gha a kihhdihng dhighin blengwus.