Pan we Iesu'n gwbod bo'r Ffariseied wedi cliwed i fod e'n neud a'n bididdio fwy o ddisgiblion na Ioan gadodd e Jiwdea a mynd nôl i Galilea. I weud i gwir, disgiblion Iesu we'n bididdo, a ddim Iesu i unan. Nawr, we rhaid iddo fynd trw Samaria; a ddâth e i dre in Samaria sy'n câl i galw in Sichar. Ma'r dre ar bwys i patshyn tir roiodd Jacob i Joseff i crwt. We ffinnon Jacob fan 'ny. Achos bo fe wedi bleino 'da'r trafeilu i gyd, ishteddodd Iesu ar bwys i ffinnon fel wedd e. Rhyw ddouddeg ar golch wedd i.
Dâth menyw o Samaria at i ffinnon i nôl dýr. Gwedo Iesu wrthi, 'Dere â rwbeth i fi hifed.’ (We'i ddisgiblion wedi mind miwn i'r dre i bernu bwyd.) Gwedodd i fenyw o Samaria wrtho fe, 'Shwt in i byd mowr wit ti, Iddew fel wit ti, in gofyn i fi, menyw o Samaria, am rwbeth i hifed?' (Wedodd i 'na achos so Iddewon na pobol Samarai in neud dim byd o gwbl 'da'i gily.) Atebo Iesu 'ddi, 'Os byset ti'n nabod beth sy 'da Duw i roi i ti, a'r un sy'n gweu 'tho ti, 'Dere â rhwbeth i fi hifed”, byset ti wedi gofyn iddo fe, byse fe wedi roi dýr byw iti.’ Gwedo'r fenyw wrtho, 'Mishtir, sdim pail 'da ti, a ma'r ffinon in un ddwfwn; o ble wit ti'n mynd i gâl i dýr byw 'ma? Wit ti'n bwysicach na'n tad ni, Jacob, a roiodd i ffinnon 'ma i ni, a hifed o'ni i unan, a hifodd i grwts, a'i dda?' Atebo Iesu 'ddi, 'Bydd bob un sy'n hifed i dýr 'ma in sichedu 'to, ond bydd bob un sy'n hifed i dýr roia i iddon nhwy byth in sichedu 'to; in lle ni bydd i dýr roia i iddon nhwy in troi in ffinnon o ddýr indyn nhwy, a bydd i dýr in tarddu mas o'nyn nhwy in fowid am byth.’ Gweod'r fenyw wrtho, 'Mishtir, rho'r dýr 'na i fi, fel bo ddim siched arna i byth 'to, a fel bo ddim rhaid ifi ddwâd mas ir holl fordd i fan 'yn i dinnu dýr.’ Gwedodd e wrthi hi, 'Cer, a gweu 'th di ýr i ddwâd 'ma.’ Atebo'r fenyw, 'Sdim gýr i gâl 'da fi.’ Wedo Iesu wrthi, 'Ti'n lligad di in gweud, 'Sdim gýr i gâl da fi”; ac ti 'di câl pump o wÿr i gyd, a seno'r dyn wyt ti'n byw 'dag e nawr in ýr i ti. Do, wedes di'r gwir fan 'na.’ Gwedo'r fenyw wrtho, 'Mishtir, dwi'n gweld bo ti'n broffwd. We'n cyn dade ni in addoli ar i mini 'ma, ond ÿch chi'r Iddewon in gweud taw in Jerwisalem ddile dinion addoli. Gwedo Iesu wrthi, 'Cred ti fi, ma amser in dwâd pan fiddwch chi ddim in addoli'r Tad ar i mini 'ma na in Jeriwsalem whaith. Õch chi'n addoli peth senoch chi'n i nabod; ÿn ni'n addoli i peth ÿn ni in i nabod e, achos wrth ir Iddewon ma iachadwrieth in dwâd. Ond ma amser in dwâd, i weud i gwir mae e 'ma nawr, pan fydd i rhei sy'n addoli in iawn in addoli'r Tad miwn isbryd a gwirionedd; achos pobol fel 'na ma'r Tad ishe u gweld nhwy in i addoli e. Ma Duw in Isbryd, a ma'n rhaid i'r rhei sy'n i addoli e neud 'ny miwn isbryd a'n iawn.’ Gwedo'r fenyw, 'Dwi'n gwbod fod i Meseia' (sy'n câl i alw ir Un gas i Ddewish) 'in dod. Pan ddeith e, gwedith e bobpeth wrthon ni.’ Gwedo Iesu wrthi, 'Fi yw e, fi sy'n sharad 'da ti.’