ข้อพระคัมภีร์ยอดนิยมจาก Luqaasi 14

แบ่งปัน

“Nama anopa deeno piisa, oton a ana qaran qapto'e aappaaysho ka aayyaasso ka iskatteetaadi ka hellaadi ka hellaasso ka tuparraasso, taaki isi mikka jaalanniyyi, tamaarittiiyyo kodda in ettansho.

Nama masqalaadi haadanni in kinnin ka ana kamma deeni in kinnin tamaarittiyyo kodda in ettansho.

“Nama mattaadi opeela kuttinno, ijeera; a mattaadi xata shakkinno ka ulfeessama”

Akkimose mina'ew, ishin oppaayye nama wa a qapa piisa ana malla in diinnin, tamaarittiyyo kodda in ettansho.”

“Ishin oppaayye nama a tika qupatta heeno, a turan qattini in kinnin ka kaaja a isha qara pirta dikani in kinnin ayno? Oto kirittaaw kela' kato ka qupeeta a ata hasse dikkissa malaalooyye, orra tikase paayyatte ka in dikkannin akkino piisa, isha qara seesa. ka isha qara lelada ka kida, ‘Tin namoose tika qupatta paayye ka dikkisa malaale.’

Ma xoori oto damta harmisso ka orra haleenittooyye, teekolaya ka toobaya ka totoonnaya isho orra ilda in qapnin hale. “Oto asse kootooyye, ishootta qoota kapa ke we kodeeta in ettaninnin malla, a eepisame koddita, awta qulqullowwa tootoppa xaanaaneeyye Waaqa ka kapa ke oorsha.”

Kamma desaaw Yesuusi ikide, “Sookitta ipaxaari ma, kati marmaddaawni in kinniniiyi, maanaanne marmaddaawa? Sookitta asse paho, kuufa nefo in koddo; umma dula in palayshooy, eennow alle katan nama napahata a dakaynitto qapo a dakayo.”