ข้อพระคัมภีร์ยอดนิยมจาก انجیلِ مرقس 6

แบ่งปัน

عیسی اجون بِوات: «چِمِن خمنا بایا خلوته یقایی و ایکه استراحت بکرا.» چون مردمه شیین و اومییَن هِمنه بِه که حتی فرصتشون نکَردَی ای چی بُخَرنده.

عیسی اَجون بِوات: «ای پیغمبر همَّه یقا حرمت داره، جز اِشتن شهر و اِشتن خویشان و اِشتن خونواده دلَ!»

وختی عیسی قایقَ دَ اشنیو بومه پِر جماعتیش بیوینت و دلش چون را بسوجس چون بی چوپون گوسپندون شارین بِنده. پس اَجونش تعلیم بدا و خیلی چیون اَجونش یاد بِدا.

عیسی نِتونسِشه بِر هیچ معجزه‌ای انجام بیدی، جز اَم که اِشتن دسش چند مریضِ سر اوناشه و اَجونش شفا بدا. عیسی چون بی ایمانی خونَین حیران ببه. و اطرافه دِهون گردِسَی، مردمش تعلیم دایَی.

عیسی اَ پنج نان و دِ ماییش اوگت و آسمونش ددِشت و خداش شکر بِکَه. اُخُری نانش پارِش بکه و آداشه اِشتن شاگرده تا مردمه پیش بنینده؛ اَ دِ ماییش همُّن میون بِبَخشِسِشه. همَّه بُخردشون و سیر آبنده، و شاگرده دونزده سبد مَشت اَز نان و تیکه خُردَه عونشون جمع آکه.