ข้อพระคัมภีร์ยอดนิยมจาก Matyáasa 5

แบ่งปัน

Ará vá néviyámó rámba, ó ta ámó anáá vá me vaá na cí ra oroŋgó, vá me táréenámó na máná ra dévere ukú ójó anáá ineŋgí yáa é bónena oŋgimaná ójó na yanje. Náná hónó ineŋgí rá vinó egeremenámó onanjá na aŋgísó rá vato, anáá wená vesí va ŋgeŋgena mamba ma vinó hɔrɔnɔ kówo vá né gúmíyámó Tetáŋgá wa vinó ójó na máná.»

Vinó kava no ámó ineŋgí éyé na cí ra ndono. Oŋgora ójó na máná rá oŋgene a ta hítí oríí wosemenéri.

Vitaka víríí na ava étéma mwáŋ mwáŋ esene éyé vá mo enámó Irɔŋgɔ.

Vitaka víríí na ava wámó na jeŋgé na níiti anáá vá eŋgá até éyé é ámó ndiŋgi rííŋ na aŋgísó rá Irɔŋgɔ esene éyé vá mó obéyámó.

Kó nóo, ŋgo no ojánámó anáá: Diŋgáno va mbeembéná vá vinó, ovásóóriyámánó na wusó wá vato ává vá no turyámó.

«Vitaka na ava vá ámó vawora na ireréŋgi, esene éyé edɔŋgɔ éyé na máná é ámó yáwó.

Vitaka viríí na ava vá váámó dɔ́ŋgɔrɔ́ɔ́ŋ na kɔ́ŋgɔ́ rawó, esene éyé vá mo wo béranámó anáá vaná vá Irɔŋgɔ.

Vitaka víríí na ava vá nyémámó etémá, cí e mó riyámó rawó.

Vitaka viríí na ava wa ámó naáté yá ituri esene éyé vá sɔ́sɔmó anáá vá eŋgá até éyé é ámó wusi na aŋgísó rá Irɔŋgɔ, Edɔŋgɔ yá Irɔŋgɔ é ámó yáwó.

Vitaka víríi na ava vá ovámó vasɔ́ɔ́ noóŋgɔ́, esene éyé Irɔŋgɔ a mó wó ovámó vá mwané hónó noóŋgó.

Vitaka víríí na vinó itinikáná iji vá nó séyámó, vá wúnde hónó o nó tuúriye, vá nó bátyáana enjárá kána iŋgímé na wusó wáme. Ríyánó naáté yá vitaka na visaŋgéná, esene éyé anáá ipéyi yá vinó yó aŋgámó na máná, jembáno anáá naná honó kówo vá ma turiyé va oja cómó vá Irɔŋgɔ ává ema jová wuré.»

Vitaka na ava vá váŋgámó, esene éyé Irɔŋgɔ a mó wó púmbyámó mesíne.

Yésusu a ma endá na wusó na enjárá ayáá: «Vinó ává vihoóhóná vyámé, no ámó ŋgono rá cí. Ŋgéŋgono yá deŋgyé wosema wáa, twiiŋí kówo vá hítyámó o ne me hwá wosema mwané? Yo éta ka na mpi kó e geremenámó bɛ́ŋ anáá vá umbé na naŋgáté índi vato vá náatana na eŋgoró.

Kaá vinó sɔɔ́ Ríyánó ka na viju ámó Tetáŋgá wa vinó ójó na máná ámó ka na viju.»

Eéŋ wa vinó a geremenamó orií anáá Ɛɛŋ kó áayé wa vinó a geremenamó orií bɛ́ŋ anáá áayé, owomó wó urámó na ombé wa moto.»

No ma yéeré na vakókó anáá: «wa boróná moto nisó, wo oborona mámó hónó nisó, Wa báŋgá moto niyó; wó obáŋgá mámó hónó niyó. Kó nóó ŋgo no jánámó anáá: Ŋge moto a neŋga wobé mámó ká wa suŋgé. Ma mó wijimé anáá: Moto a woba ombéré na itama na ombɔ́ɔ́ rá wanomoto, mó tandiyámó hée itama na ombɔ́ɔ́ rá wakótó.

Ŋgé nisó nɔɔ́ éné na ombɔɔ́ rá enémé no eŋgámó anáá woba nyéŋgé, pókétá wumbe orehí nɔɔ, wó ámó taátá na wusó wɔ́ɔ́ anáá o déŋgyé enama yɔɔ́ yá nótó emwéesií otómbá anáá vá wo nɔ mbímí naáté yá ihyáné. Ŋgé ombɔɔ́ rá enémé yó eŋgámó anáá woba naáté yá nyéŋgé, sómbá, onɔ́ oréhi. Wó ámó taátá na wusó wɔɔ́ anáá o déŋgyé enama yɔɔ́ yá nótó émwéesií otómbá anáá vá wo nɔ mbímí na ihyáné.»