ข้อพระคัมภีร์ยอดนิยมจาก 1. Korinta 13

แบ่งปัน

Leew es jeduldich, Leew es frintlich, Leew woat nich iewrich, Leew es nich ieejenkoppich un pucht sikj nich. Leew es nich ojjeschekjt, es nich nosikj, see lat sikj nich vebetren, un es nich nodroagent.

Leew vedrajcht aules, see jleeft aules, see hopt aules, jeduldich drajcht see aules.

Leew freit sikj nich to daut waut orrajcht es, see freit sikj oba to daut waut woa es.

Nu bliewen ons Gloowen, Hopninj un Leew, dise dree, oba daut jratste von dise es de Leew.

Leew haft kjeen Enj. De Gow, profeetisch to räden, woat opphieren, daut räden en Tungen woat opphieren, un besondre Erkjantnis kjrieen woat opphieren.

Wan ekj met Menschen un Enjel Sproaken räden kunn un oba nich Leew haud, wia ekj nuscht mea aus een Bimmel ooda eene Kjlinjaschal.

Un wan ekj eene Profeetengow haud un wist aule Jeheemnisen un haud aule Erkjantnis un haud eenen Gloowen, Boaj to vesaten, un oba nich leeftolich wia, dan wia daut met mie noch nuscht.

Wan ekj aules waut ekj hab de oame jeef un mienen Kjarpa hanjeef to vebrennen, un dee Menschen nich goot wia, dan holp mie daut nuscht.

Aus ekj een Kjint wia, don räd ekj aus een Kjint, un docht aus een Kjint, un äwaläd aus een Kjint. Aus ekj oba een Maun wort, läd ekj auf, waut kjinjrich wia.