WANGSHEMBU MWOT 1
1
Zange Otsao Chasa koxüile Tsaokya
1 #
Luk 1.1-4. Alixachong Theofila:
Pongwang angkya ku laiza ma, Jisu-e chix mwot owang wangkya tokhange chix zangkangting to madün tanto mokle hüikya hia anwot-anokya pangnu bama kue zadaopu. 2Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua. 3Chix ozün ma tüile le mongaokya chitüi tang chix zi füima nyix punyi bama obi thomthom ma hexle hwom hato ngai. Hwome chix ngün, ilaxle chixe hwom füi Zang Wangting bama zangwün. 4#Luk 24.49.Üntoxle otue hwom tomle ngokya hex, ipongma chixe hwom ang ija kax kox: “Jerusalem danle taxtox, ikoxle Apae koxüile tsaokya hingho oja bama kue hünzom hama wündaopuix, ija hingho tanlax. 5#Mat 3.11; Mrk 1.8; Luk 3.16; Jhn 1.33.Juhan-e ti ma baptipu, ikoxle aluile chingo homle hünzom Otsao Chasa ma baptiüi.”
Jisu a Zangkangting to Dün
6Otue wangshembu Jisu füi asoxpuix, hwome chix ma atüi: “Jowanpa, nange ipongkhae Israel ang chatle wangting tamkox angchami?”
7Jisu-e lan: “Hanpak zanghan hia otu owanbu a Apae chix tsakzong makhangetix textyaüi, ilaxle ibu chemtue changüihex le awan ngo angkya hünzom mwot münchang. 8#Mat 28.19; Mrk 16.15; Luk 24.47,48.Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”. 9#Mrk 16.19; Luk 24.50,51.Ija kax ashuk füima hwome hule ngongale chix a zangkangting to dong ang kox, üntoxle hwom miksho angkya chix zangfwome khungle kop.
10Hwome chix dongüi to mike ajing le hule ngo, ipongkhae mixsün anyi nyi tsekya awunlaxle hwom zuima allele ajong, 11üntoxle thüi: “Galili tokya khünakbu, hünzome dingchi to hulaxle büthüikoxle ajong ngopu? Ija Jisu owa hünzom kha angkya zangkangting to dünpuix, hünzome chix zangkangting to dongüi chemle ngünpuix ilailaile chix chat angkya changle.”
Juda Lüikya
12Ifüima wangshembu tingnu makhange mai tuita tukux atsaile tüikya olip pün füikya haxhua tokya Jerusalem to chat. 13#Mat 10.2-4; Mrk 3.16-19; Luk 6.14-16.Hwom tingnu to ngui ilaxle hwom ngohomkya kha nui to dong! Pitar, Juhan, Jakop hia Andriw, Filip hia Thoma, Bartholomew hia Mathi, Alfa hia Jakop, Simon (Patriot) üntoxle Jakop sasün Juda hwom tüikya. 14Shekobu hia Jisu honu Meri tamchu hotüi honaohom füi notom tuita zingle hwom onoxnox ma zangjop ang asox.
15Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong, 16“Kutüi kunaohom, Jisu kopkya lomwan-mix ang achangkya Juda owa chemle chang angkya hex, ija bama Otsao Chasa tokhange Dawid hama acha lüwüi akax thomdaokya ningle ija Otsao Laikax otok to ngaile hüi angkya oli changle. 17Juda chuwüi kem othom khama tuita changkya, chemthüikoxle chixchu wüi kem füi tomle Jowanpa mwot mok ang Jisu-e zünle kopkya mix tuita changkya.”
18 #
Mat 27.3-8. (Chixe ochax mwot moklaxle kopkya ngun füi shakkya haxwankho ma chix nguakle zi; chix fumle chao ilaxle mongkha tokya abakle alai. 19Jerusalem ma ngokya pangnue ija zing atat, idaile hwom kax ma ija haxtok ang “Akeldama” thüikoxle “aji ajenkya haxtok”, le nyak).
20 #
Mts 69.25; Mts 109.8. “Chemthüikoxle Münchuak Tsai ma ija zakya tüile:
“‘Chix homkha naxahua kox;
ikha ma owachu ngo ang taxkox.’
Ija chutix zakya tüile:
‘Chix mwot owawae, lüile mok ang laxkox.’
21-22 #
Mat 3.16; Mrk 1.9; Luk 3.21; Mrk 16.19; Luk 24.51. “Ijadaile, Jowanpa Jisu azangle zokya kaxkhi ang tututa kem khato hak angkya wüi changle. Chix a Juhan-e baptikya bama Kaxho Müikya apukkya makhange Jowanpa Jisu kem kha angkya dünkya nyix kople kem othom khama ngokya mix chang angkya oli changle.”
23Idaile hwome mixsün anyi kam: Okhi a Barnaba le nyakkya Jusep, (owa ang Jastas lüchu wüi nyakpuix), üntoxle Mathia nyi changkya. 24Ifüima hwome zangjop: “Jowanpa, nange pangnusa mongtex awan ngopu, idaile, Juda owae ma ngwotnui to paoüima oja mwottho danle toxlaxpuix, 25Ija mwot man ma lüile mok ang hia wangshem ang achang angkya hanpakma ija nyi khama nange opupu zünle koplaxpuix, kwom hato ahohüi.” 26Ifüima hwome mün tswon, ikoxle lai ma Mathia mün lai. Idaile chix a wangshembu bün büta tüikya khato e.
ที่ได้เลือกล่าสุด:
WANGSHEMBU MWOT 1: WANCBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
WANGSHEMBU MWOT 1
1
Zange Otsao Chasa koxüile Tsaokya
1 #
Luk 1.1-4. Alixachong Theofila:
Pongwang angkya ku laiza ma, Jisu-e chix mwot owang wangkya tokhange chix zangkangting to madün tanto mokle hüikya hia anwot-anokya pangnu bama kue zadaopu. 2Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua. 3Chix ozün ma tüile le mongaokya chitüi tang chix zi füima nyix punyi bama obi thomthom ma hexle hwom hato ngai. Hwome chix ngün, ilaxle chixe hwom füi Zang Wangting bama zangwün. 4#Luk 24.49.Üntoxle otue hwom tomle ngokya hex, ipongma chixe hwom ang ija kax kox: “Jerusalem danle taxtox, ikoxle Apae koxüile tsaokya hingho oja bama kue hünzom hama wündaopuix, ija hingho tanlax. 5#Mat 3.11; Mrk 1.8; Luk 3.16; Jhn 1.33.Juhan-e ti ma baptipu, ikoxle aluile chingo homle hünzom Otsao Chasa ma baptiüi.”
Jisu a Zangkangting to Dün
6Otue wangshembu Jisu füi asoxpuix, hwome chix ma atüi: “Jowanpa, nange ipongkhae Israel ang chatle wangting tamkox angchami?”
7Jisu-e lan: “Hanpak zanghan hia otu owanbu a Apae chix tsakzong makhangetix textyaüi, ilaxle ibu chemtue changüihex le awan ngo angkya hünzom mwot münchang. 8#Mat 28.19; Mrk 16.15; Luk 24.47,48.Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”. 9#Mrk 16.19; Luk 24.50,51.Ija kax ashuk füima hwome hule ngongale chix a zangkangting to dong ang kox, üntoxle hwom miksho angkya chix zangfwome khungle kop.
10Hwome chix dongüi to mike ajing le hule ngo, ipongkhae mixsün anyi nyi tsekya awunlaxle hwom zuima allele ajong, 11üntoxle thüi: “Galili tokya khünakbu, hünzome dingchi to hulaxle büthüikoxle ajong ngopu? Ija Jisu owa hünzom kha angkya zangkangting to dünpuix, hünzome chix zangkangting to dongüi chemle ngünpuix ilailaile chix chat angkya changle.”
Juda Lüikya
12Ifüima wangshembu tingnu makhange mai tuita tukux atsaile tüikya olip pün füikya haxhua tokya Jerusalem to chat. 13#Mat 10.2-4; Mrk 3.16-19; Luk 6.14-16.Hwom tingnu to ngui ilaxle hwom ngohomkya kha nui to dong! Pitar, Juhan, Jakop hia Andriw, Filip hia Thoma, Bartholomew hia Mathi, Alfa hia Jakop, Simon (Patriot) üntoxle Jakop sasün Juda hwom tüikya. 14Shekobu hia Jisu honu Meri tamchu hotüi honaohom füi notom tuita zingle hwom onoxnox ma zangjop ang asox.
15Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong, 16“Kutüi kunaohom, Jisu kopkya lomwan-mix ang achangkya Juda owa chemle chang angkya hex, ija bama Otsao Chasa tokhange Dawid hama acha lüwüi akax thomdaokya ningle ija Otsao Laikax otok to ngaile hüi angkya oli changle. 17Juda chuwüi kem othom khama tuita changkya, chemthüikoxle chixchu wüi kem füi tomle Jowanpa mwot mok ang Jisu-e zünle kopkya mix tuita changkya.”
18 #
Mat 27.3-8. (Chixe ochax mwot moklaxle kopkya ngun füi shakkya haxwankho ma chix nguakle zi; chix fumle chao ilaxle mongkha tokya abakle alai. 19Jerusalem ma ngokya pangnue ija zing atat, idaile hwom kax ma ija haxtok ang “Akeldama” thüikoxle “aji ajenkya haxtok”, le nyak).
20 #
Mts 69.25; Mts 109.8. “Chemthüikoxle Münchuak Tsai ma ija zakya tüile:
“‘Chix homkha naxahua kox;
ikha ma owachu ngo ang taxkox.’
Ija chutix zakya tüile:
‘Chix mwot owawae, lüile mok ang laxkox.’
21-22 #
Mat 3.16; Mrk 1.9; Luk 3.21; Mrk 16.19; Luk 24.51. “Ijadaile, Jowanpa Jisu azangle zokya kaxkhi ang tututa kem khato hak angkya wüi changle. Chix a Juhan-e baptikya bama Kaxho Müikya apukkya makhange Jowanpa Jisu kem kha angkya dünkya nyix kople kem othom khama ngokya mix chang angkya oli changle.”
23Idaile hwome mixsün anyi kam: Okhi a Barnaba le nyakkya Jusep, (owa ang Jastas lüchu wüi nyakpuix), üntoxle Mathia nyi changkya. 24Ifüima hwome zangjop: “Jowanpa, nange pangnusa mongtex awan ngopu, idaile, Juda owae ma ngwotnui to paoüima oja mwottho danle toxlaxpuix, 25Ija mwot man ma lüile mok ang hia wangshem ang achang angkya hanpakma ija nyi khama nange opupu zünle koplaxpuix, kwom hato ahohüi.” 26Ifüima hwome mün tswon, ikoxle lai ma Mathia mün lai. Idaile chix a wangshembu bün büta tüikya khato e.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.