WANGSHEMBU MWOT 2
2
Otsao Chasa Nguikya
1 #
Liw 23.15-21; Tsk 16.9-11. Pentekos nyix nguikya zuma Jisu to mongongkyabu pangnusa wüi jongta khama afoxle nui. 2Zangwin zongle jep ponge azingkya ningle allele ozing tuita atat, ilaxle ijae hwom ngokya kha hom awang. 3Ifüima wün füikyabu le ningle lai ilaxle chiakle ikhama atüitüi pangnu towüi lyetkya hwome ngün. 4Hwom pangnu Otsao Chasae awang, ilaxle Chasae akax ang tomkya ningle mixnok kax ma akax ang süt.
5Zanglom to khünkhikyabu, chaxwannu pangnu haxtok tokya nguikya Jehudi khünakbu Jerusalem ma athongle tüikya. 6Otue ija kaxzing atat, khünaknu huanuma asox. Hwom pangnusa wüi khosamle abüt, chemthüikoxle hwom pangnusae wüi ibue wünkya zangwün makaxkax ma atat ang kop. 7Khosam hia abütkya füi hwome thüi: “Ibu ile akaxkyabu Galili nok münchangkox hia? 8Jangchangba kem pangnue wüi hwome wünkya zangwün kem kax ma atat ang kopkya a chemli? 9Kwom a Parthia tokya, Medi nok hia Elam tokya; üntoxle Jehudi hia Kapadosia tokya; üntoxle Pontas hia Asia tokya; 10Frigia, Pamfilia, Ijip hia Kurini, ibu akhople tüikya Libia haxtok chikao to ngokyabu; üntoxle Jehudi nok hia Jehudi nok ang achangle hüikya mixnok Rom chaxwan to ngokya nguikyabu; 11üntoxle züizüi kem Kret hia Arabia tokyabu; ikoxlechu Jowanpa-e mokkya ohünotün mwot bama hwome akaxkya keme makax kax ma atat ang kople!.” 12Abüt üntoxle khosam laxle, hwome tata ma: “Ija chem hanpak hex”, le atüile ngo.
13Ikoxlechu mama mixbue mongong mixbu wanjaile thüi: “Hwom a jue toküna!.”
Pitar Kaxho
14Ifüima wangshembu mama bün anyi füi tomle Pitar ajong, ilaxle khünaknu füi azaxle akax ang süt: “Kem Jehudi khünakbu, ilaxle Jerusalem ma ngokya hünzom pangnu, ija büthüipuix kue hünzom hama apua fang, ku kax apahüi. 15Hünzome thütkya ningle ibu a jutokkya münchang; athax a swom fongsüt tukha changle. 16Itülüi, hünzome ngünkya hia atatkya a, ajepa Joel-e akax ngokya kax ngaikya changle:
17 #
Jol 2.28-32. “Zange thüile:
‘Hanpak ashukle hüikya zuma khünaknu ang kue Chasa thokle koxüi.
Hünzom susabue Haxzang Kaxho khünaknu hato apuküi;
hünzom naosünbue mikngün ohün ngünüi,
hünzom azupabue wünmang amangüi,
18lüka wüi changlax,
sheko wüi changlax;
ku dabu ang to apüile iponge ku Chasa ahanle koxüi;
hwome ku kaxho apuküi.
19Zangkho chito ohünotünbu,
amachi ma kue münwanbu ahoüi.
Ikhama aji, wün tamchu
shixle nakkya wünkhut tüiüi;
20ija chongkya hia fuazangkya Jowanpa hanpak nguiüi thoma;
zanghan a naktukle changüi,
lyetnu a aji ningle khiüi.
21Üntoxle ile changüi,
owae Jowanpa nyaküihex,
chixe chix khosünüi.’
22“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle. 23#Mat 27.35; Mrk 15.24; Luk 23.33; Jhn 19.18.Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu. 24#Mat 28.5,6; Mrk 16.6; Luk 24.5.Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang. 25#Mts 16.8-11.Chemthüikoxle Dawid-e chix bama akax:
‘Kue Jowanpa ku thüntho ma jento ngün;
khünakbue kusik chiangün angkya kuxma,
chix a ku tsaxchi ma ngole.
26Ija khoma ku mongkha mongmüile,
ilaxle zangwün pongma ku ang mong müihule;
üntoxle ku,
ziün angkya mix changkoxlechu;
Zang kaxtsao to onglaxle shui ngole,
27nange ku chasa zik chaxwan to chitox koxle;
chialekya nang da ku,
shanle sikngün ang nange münfaüi.
28Ozün ma ngo angkya lom nange ku ang aho,
ilaxle nang ku füi ngokyae,
nange ku ang mong bakle amüi.’
29“Achong alihom, kue hünzom hama kem putong Dawid bama angai le wüi akax angkya changle. Chix zi üntoxle akhün, ilaxle chix zukting a anyix kople kem füi tüile. 30#Mts 132.11; 2 Sa 7.12,13.Chix a ajepa changkya, ilaxle Zange chix füi tsaosaxkya kax chixe awanle ngo: Dawid lailaile, Dawid sixli kha angkya wanghom ang mixhuak tuita zingle alai angkya Zange tsao. 31Zange chem mok angkya hex ija Dawid-e ngün, idaile chixe Messaiah chatle azangle zo angkya bama akax üntoxle thüi:
‘Chix zik chaxwan to danle chitox;
chix tsangtsa shanle pao ang chikox.’
32Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu. 33Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle. 34#Mts 110.1.Chemthüikoxle Dawid chix tomtata a Jisu ningle zangkangting to chidong; itülüi, chixe thüi:
‘Jowanpa-e ku Jowanpa ang thüi:
35Nange nang zanbu to lütlaxle,
china ang malax tanto,
Ija ku tsaxchi ma thungdao!’
36“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.” 37Otue hwome ija kax atat, hwom mongto po, ilaxle Pitar hia wangshem mamabu hama atüi: “Tüinaohom, kwome chem moküi?”
38Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi. 39Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”
40Chixe hwom füi akaxkya isasa chichang; chixe hwom zongsai le chatlechu mamabu huanuma akaxle thüi: “Ma khosün koplax; ikoxletix ibu chichang-chizangkyabu sikngünkya ningle hünzom ang sik münngünüi!” 41Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt. 42Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.
Ongkyabu Othom ma Twonkya Zanglom-Saikha
43Khünak nok wüi abütle wangshembu makhange khomtsikya hia ohünotün mwotbu mok. 44#Mwt 4.32-35.Mongong mixbu notom tuita ma asüile ngo ilaxle mixhuak bwotba tomkux ang achangle ahanle lax. 45Hwome ma tuina hia ma ma atüitüi hang ilaxle ngun nok ang wüi mathüt mapanpan le ahanle kox. 46Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax. 47Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.
ที่ได้เลือกล่าสุด:
WANGSHEMBU MWOT 2: WANCBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
WANGSHEMBU MWOT 2
2
Otsao Chasa Nguikya
1 #
Liw 23.15-21; Tsk 16.9-11. Pentekos nyix nguikya zuma Jisu to mongongkyabu pangnusa wüi jongta khama afoxle nui. 2Zangwin zongle jep ponge azingkya ningle allele ozing tuita atat, ilaxle ijae hwom ngokya kha hom awang. 3Ifüima wün füikyabu le ningle lai ilaxle chiakle ikhama atüitüi pangnu towüi lyetkya hwome ngün. 4Hwom pangnu Otsao Chasae awang, ilaxle Chasae akax ang tomkya ningle mixnok kax ma akax ang süt.
5Zanglom to khünkhikyabu, chaxwannu pangnu haxtok tokya nguikya Jehudi khünakbu Jerusalem ma athongle tüikya. 6Otue ija kaxzing atat, khünaknu huanuma asox. Hwom pangnusa wüi khosamle abüt, chemthüikoxle hwom pangnusae wüi ibue wünkya zangwün makaxkax ma atat ang kop. 7Khosam hia abütkya füi hwome thüi: “Ibu ile akaxkyabu Galili nok münchangkox hia? 8Jangchangba kem pangnue wüi hwome wünkya zangwün kem kax ma atat ang kopkya a chemli? 9Kwom a Parthia tokya, Medi nok hia Elam tokya; üntoxle Jehudi hia Kapadosia tokya; üntoxle Pontas hia Asia tokya; 10Frigia, Pamfilia, Ijip hia Kurini, ibu akhople tüikya Libia haxtok chikao to ngokyabu; üntoxle Jehudi nok hia Jehudi nok ang achangle hüikya mixnok Rom chaxwan to ngokya nguikyabu; 11üntoxle züizüi kem Kret hia Arabia tokyabu; ikoxlechu Jowanpa-e mokkya ohünotün mwot bama hwome akaxkya keme makax kax ma atat ang kople!.” 12Abüt üntoxle khosam laxle, hwome tata ma: “Ija chem hanpak hex”, le atüile ngo.
13Ikoxlechu mama mixbue mongong mixbu wanjaile thüi: “Hwom a jue toküna!.”
Pitar Kaxho
14Ifüima wangshembu mama bün anyi füi tomle Pitar ajong, ilaxle khünaknu füi azaxle akax ang süt: “Kem Jehudi khünakbu, ilaxle Jerusalem ma ngokya hünzom pangnu, ija büthüipuix kue hünzom hama apua fang, ku kax apahüi. 15Hünzome thütkya ningle ibu a jutokkya münchang; athax a swom fongsüt tukha changle. 16Itülüi, hünzome ngünkya hia atatkya a, ajepa Joel-e akax ngokya kax ngaikya changle:
17 #
Jol 2.28-32. “Zange thüile:
‘Hanpak ashukle hüikya zuma khünaknu ang kue Chasa thokle koxüi.
Hünzom susabue Haxzang Kaxho khünaknu hato apuküi;
hünzom naosünbue mikngün ohün ngünüi,
hünzom azupabue wünmang amangüi,
18lüka wüi changlax,
sheko wüi changlax;
ku dabu ang to apüile iponge ku Chasa ahanle koxüi;
hwome ku kaxho apuküi.
19Zangkho chito ohünotünbu,
amachi ma kue münwanbu ahoüi.
Ikhama aji, wün tamchu
shixle nakkya wünkhut tüiüi;
20ija chongkya hia fuazangkya Jowanpa hanpak nguiüi thoma;
zanghan a naktukle changüi,
lyetnu a aji ningle khiüi.
21Üntoxle ile changüi,
owae Jowanpa nyaküihex,
chixe chix khosünüi.’
22“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle. 23#Mat 27.35; Mrk 15.24; Luk 23.33; Jhn 19.18.Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu. 24#Mat 28.5,6; Mrk 16.6; Luk 24.5.Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang. 25#Mts 16.8-11.Chemthüikoxle Dawid-e chix bama akax:
‘Kue Jowanpa ku thüntho ma jento ngün;
khünakbue kusik chiangün angkya kuxma,
chix a ku tsaxchi ma ngole.
26Ija khoma ku mongkha mongmüile,
ilaxle zangwün pongma ku ang mong müihule;
üntoxle ku,
ziün angkya mix changkoxlechu;
Zang kaxtsao to onglaxle shui ngole,
27nange ku chasa zik chaxwan to chitox koxle;
chialekya nang da ku,
shanle sikngün ang nange münfaüi.
28Ozün ma ngo angkya lom nange ku ang aho,
ilaxle nang ku füi ngokyae,
nange ku ang mong bakle amüi.’
29“Achong alihom, kue hünzom hama kem putong Dawid bama angai le wüi akax angkya changle. Chix zi üntoxle akhün, ilaxle chix zukting a anyix kople kem füi tüile. 30#Mts 132.11; 2 Sa 7.12,13.Chix a ajepa changkya, ilaxle Zange chix füi tsaosaxkya kax chixe awanle ngo: Dawid lailaile, Dawid sixli kha angkya wanghom ang mixhuak tuita zingle alai angkya Zange tsao. 31Zange chem mok angkya hex ija Dawid-e ngün, idaile chixe Messaiah chatle azangle zo angkya bama akax üntoxle thüi:
‘Chix zik chaxwan to danle chitox;
chix tsangtsa shanle pao ang chikox.’
32Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu. 33Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle. 34#Mts 110.1.Chemthüikoxle Dawid chix tomtata a Jisu ningle zangkangting to chidong; itülüi, chixe thüi:
‘Jowanpa-e ku Jowanpa ang thüi:
35Nange nang zanbu to lütlaxle,
china ang malax tanto,
Ija ku tsaxchi ma thungdao!’
36“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.” 37Otue hwome ija kax atat, hwom mongto po, ilaxle Pitar hia wangshem mamabu hama atüi: “Tüinaohom, kwome chem moküi?”
38Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi. 39Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”
40Chixe hwom füi akaxkya isasa chichang; chixe hwom zongsai le chatlechu mamabu huanuma akaxle thüi: “Ma khosün koplax; ikoxletix ibu chichang-chizangkyabu sikngünkya ningle hünzom ang sik münngünüi!” 41Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt. 42Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.
Ongkyabu Othom ma Twonkya Zanglom-Saikha
43Khünak nok wüi abütle wangshembu makhange khomtsikya hia ohünotün mwotbu mok. 44#Mwt 4.32-35.Mongong mixbu notom tuita ma asüile ngo ilaxle mixhuak bwotba tomkux ang achangle ahanle lax. 45Hwome ma tuina hia ma ma atüitüi hang ilaxle ngun nok ang wüi mathüt mapanpan le ahanle kox. 46Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax. 47Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.